Rom 11

1 Na ndi, waldÊp nÊmp mel, Got ndi, elim nga wamp mbÊ, mbuⱡ ngurum nda? Ei mon! Na nanim Isrel wu ei, Aparam nga pundun ei, Benjamin nga rÊⱡaip ila mor. 2 Unt puⱡ mondpa, Got ndi, elim nga wamp kÊmp ropa titim mbÊ, wak rui narÊrÊm. Ilaija nga timan ti, Isrel wamp mbÊ kÊn popuⱡ kuⱡpa, Got kÊn atinga rurum ik ei, Buk Wingti ila petÊm ni, enim pili napÊtmÊn ei? Ik ei nimba mel, 3 “Nuim ye! Isrel wamp mbÊ ndi, nim nga ik painui wu mbÊ, rok kondrung. Wote, nim nga rat pol wingti mbÊ, rok kongundÊk enmin. Akup, na painui wu tenda mor ei, rok kunding ku enmin,” nitim. 4 Wote Got ndi, punt ropa, namba ik ti, elim kundpa, nimba mel, “Ei wu 7tausan mel, got kep nomba murum Bal ei nga mbi paka rundi nandrÊng kÊⱡ, nanim tep mor,” nitim. 5 Ei mel ku, akup ui ei kÊn, wamp rÊⱡaip onunga kÊmp ropa titim. Ei nambuⱡ emel, Got elim nga wamp pol ti ei ndi, ila itim. 6 Wote, elim nga wamp kÊmp ropa ti uⱡ ei, wamp poⱡ ti uⱡ ila tetÊm. Wote, wamp mbÊ nga kongun etmin mbila mon! Got nga wamp kÊmp ropa ti uⱡ ei, wamp uⱡ etmin mbÊ kÊn tetÊm ndam, elim nga wamp poⱡ ti uⱡ ei, uⱡ kupa ti mon. 7 Ei nga, wote tÊn namba nimin? Isrel wamp nimbÊ ndi, kuruk andrÊng mel ni, kandÊk ti natÊtÊng. Got ndi, wamp onunga kÊralt kÊmp ropa titim ni kÊⱡ ndi, kandÊk tÊtÊng. Wamp wei nimbÊ, ropa kum nguⱡnga, Got nga wi rurum ik ni, pili napÊtÊng. 8 Ei nga, Buk Wingti ila, nimba mel, “Got ndi, wamp mbÊ nga numan rukrÊng orunga, etpa piral ndui nÊndrÊm. I elinga omba, akup ui ila, wamp mbÊ nga mong mbÊ, etpa piral ndui nandÊpa, kum nguⱡnga ik mbÊ, pili napÊtmÊn,” nitim. 9 Wote Depit ndi, nimba mel, “Wamp mat, rÊng ou nduk nok, kai kandÊk mormin wamp mbÊ, en enim nga etmin uⱡ mbÊ ndi, en enim imp moⱡpa, kan ngumba pindangga. 10 Wamp mbÊ nga mong mbÊ, etkÊn rumbuⱡ mundana, kona kÊni nÊkÊneing. Wote nim ndi, wamp mbÊ kandÊk, kont tana wamp mbÊ, en enim nga mbun mbÊ ndi, en enim ropa ek ndangga molk mint peing,” nitim. Got Ndi, Wamp RÊⱡaip Elpa MbÊ Etpa Titim 11 Wote, na ndi waldÊp kÊn, Jura wamp kÊⱡ mondÊk pili napÊtÊng uⱡ ila, tÊnga roⱡnga mana purung uⱡ ei, mana puk pora ndurung ei? Ei mon! Nambuⱡ emel, wamp mbÊ pora, uⱡ ⱡawa ei elingina, wamp etpa ti uⱡ ei, wamp rÊⱡaip elpa mbÊ kÊn urum. Uⱡ ila, Jura wamp kÊⱡ wÊlÊk rok, popuⱡ kuⱡeing nimba itim. 12 Jura wamp mbÊ nga uⱡ kit etmin mbÊ ndi, mÊi kona ila wamp mbÊ kÊn, memp kai minal urum. Wote, Jura wamp mbÊ ndi, Got mondÊk pili napilingina kÊn, memp kai mbÊ omba, wamp rÊⱡaip elpa mbÊ kÊn purum. Wote, Isrel wamp mbÊ ndi pora, aldpa Got nga uⱡ mbila rukÊr puⱡÊngina ndam, memp kai minal oⱡnga. 13 Wote, enim wamp rÊⱡaip elpa kÊⱡ kÊn, na ndi, enim ik mat kundÊp namp, enim wamp rÊⱡaip elpa kÊⱡ nga nombuⱡa rung wu mor ei, numan ngump kongun endÊt. 14 Uⱡ ei etÊp kÊn, na nga Jura wamp mbÊ nga mat etÊp timp. Ei nga, wamp mat etÊp wÊlÊk rok kundÊr. 15 Wote, Jura wamp mat, Got ndi, tÊpa mbuⱡ ngurum ei kÊn, ya mÊi kona wamp mbÊ, Got ndi, etpa men mondpa rukrÊng titim. Wote Got ndi, Isrel wamp mbÊ, etpa rukrÊng tÊm ei kÊn, korung wamp mbÊ, kont puk mormun ni mel iting. 16 Bret tenda ti, puk rormun ei nga pÊl kuimp tep ei, Got ngÊng ndam, orunga tem ei, Got nga ku. Wote, nde pilkan kÊⱡ, Got ngÊng ndam, nde puⱡa kÊⱡ Got nga ku. 17 Wote, nde olip etÊk kai etÊng kat nga puⱡa mat, Got ndi, puk ropa tÊpa mundrum Jura wamp mbÊ, ei mel kapⱡa. Wote, koⱡ ila nde olip rakra puⱡa ti, tÊpa opÊm rurum ei, enim wamp rÊⱡaip elpa mbÊ nde olip rakra ei mel kapⱡa. Akup enim Got ndi, tÊpa Jura wamp kÊⱡ kÊn opÊm roⱡnga, memp kai Jura wamp tÊtmin kÊⱡ, enim ruk ila molk tÊtmin ku. 18 Ei nga, nde olip kai kÊⱡ nga puⱡa kat, Got ndi, puk ropa tÊpa mundrum kÊⱡ, enim ndi, tÊk pei mundÊk kara pi nÊpÊi. Enim nde olip rakra ei nga puⱡa mendpÊⱡ ei ka! EtÊk kara ping mel nant? Nde olip kai kÊⱡ nga pilkan kÊⱡ ndi, enim ambrÊm. Enim ndi, nde pilkan kÊⱡ, ÊmbÊⱡi nambÊrmÊn ei ka! 19 Wote enim ndi, molk kÊn, ei mel ning, “Kupa nde puⱡa puk ropa, tÊpa mundrum uⱡ ei ndi, tÊn nga muⱡmin kona ei tÊpa ngurum,” ning. 20 Nde puⱡa mat, puk ropa tÊpa mundrum uⱡ ei kupa. Nambuⱡ emel, Jura wamp kÊⱡ mondÊk pili napÊtÊng. Wote enim wamp rÊⱡaip elpa mbÊ, rok gi nduk kona ila muⱡing. Ei nambuⱡ emel, enim mondÊk pÊtmÊn uⱡ ei ndi, etangga muⱡin. Wote, enim nga orunga mepa oⱡa pi numan mbo mat, kandÊk ti natÊk, mundmong etÊk muⱡÊi! 21 Jura wamp mbÊ, nde olip puⱡa kupa ingk kÊⱡ morung. Wote Got ndi, nde puⱡa nimbÊ nga mat, puk ropa tÊpa mundrum. Ei nga, enim wamp rÊⱡaip elpa mbÊ, wak ropa mundÊmba ei? 22 Ei kÊn, Got ndi, wamp kont kuⱡpa, wote mbun ngumba etÊm uⱡ mbÊ tÊk mindÊi! Elim nga ik teng ndurmin wamp mbÊ kÊn, uⱡ kai etpa, ik teng ndui nandÊrmÊn wamp mbÊ, mbun ngurum. Wote, enim uⱡ ei mel iti nÊtÊng ndam, enim koⱡmung etpa mundÊmba. 23 Wote, Jura wamp mbÊ ndi, en enim nga ik tÊpa roi ndui uⱡ mbÊ, wak rok, aldpa mondÊk piling ndam, Got ndi, unt morung kona ila, aldpa tÊpa mondÊmba. Ei nambuⱡ emel, Got ndi, uⱡ mbÊ mel kapⱡa etmba mint. 24 Ei kÊn, enim mbo wamp rÊⱡaip mbÊ, nde olip rakra puⱡa na ti, eptÊk tÊk mundurmÊn ni mel kapⱡa morung. Wote Got ndi, enim tÊpa nde olip kai ingk elpa tila ku tÊpa rÊmp ndurum. Jura wamp mbÊ, nde olip kai ingk ni mel kapⱡa mormin. Wote Got ndi, kapⱡa nde olip kai kÊⱡ nga puⱡa unt rÊnggÊrÊm mbÊ, oⱡa tÊpa int ndupa, pendÊmba uⱡ ei, wei wei etpa pendÊmba. 25 AngmÊn, enim numan kai mat, pili kump ralk, enim nga orunga mek oⱡa pi nÊpeing nÊmp kÊn, ik kupa mo ropa tetÊm ei, enim kundÊp nimp ent. Isrel wamp mbÊ nga ik tÊpa roi ndui uⱡ etmin ei, pepa pangga mba, wakÊt wamp rÊⱡaip ekit orunga, kÊmp ropa titim mbÊ, Got kÊn rukÊr ok, kapⱡa inding. 26 Wote, etpa tÊmba uⱡ ei, Buk Wingti ila, nimba mel, “Saiyon kona ila Etpa Ti Wu ti omba. Wote, Jekop nga wamp pundun mbÊ nga uⱡ kit etmin mbÊ tÊpa mundÊmba. 27 Wamp kÊⱡ nga uⱡ kit mbÊ, wak runt ei kÊn, ya na ndi, nÊnt uⱡ ei, nÊmp mÊi ruimp,” nÊtÊm. 28 Wote, Jura wamp kÊⱡ ndi, RÊnang Ik Kai kÊⱡ, tÊk mbuⱡ ngurmin. I etÊk kÊn, Got kÊn el rui wamp ralk mormin uⱡ ei, enim wamp ekit orunga, rÊⱡaip kÊⱡ tÊpa rapÊndrÊm. Got ndi, elim nga numan ila unt Isrel wamp mbÊ nga anda kouwÊmÊn mbÊ, elim kÊn puⱡ piyangga nitim. Uⱡ ei ndi, ora ndupa, akup Isrel wamp kÊⱡ, Got kÊn min mondurmÊn mint. 29 Got elim nga numan ila wamp nam ti, mbi ropa tÊpa, memp penditim uⱡ ei, aldpa peling maling iti natÊtÊm. 30 Wote, enim wamp rÊⱡaip elpa mbÊ ndi, unt Got tÊk mbuⱡ ngorung. Wote akup, Isrel wamp mbÊ ndi, Got tÊk mbuⱡ nguⱡina, enim wamp rÊⱡaip elpa mbÊ, Got nga kont kaimp kul uⱡ ei, enim tÊnmin. 31 Ei nga, akup Jura wamp mbÊ, Got tÊk mbuⱡ ngorung. Wote, enim wamp rÊⱡaip elpa, Got nga kont kaimp kul uⱡ ei, tÊnmÊn ei mel ku, Jura wamp kÊⱡ, Got nga kont kaimp kul uⱡ ei ting. 32 Wote Got ndi, wamp mbÊ pora, ik tÊpa roi ndui uⱡ ila tÊpa kan ngurum. Ei nambuⱡ emel, elim ndi wamp mbÊ pora, kont kaimp kul uⱡ ei, tÊpa waka ndumba itim. 33 Got elim nga numan kai na, pilpa kungÊndi na, uⱡ mbÊ nga ama minal mandpa elim kÊn tetÊm! Ik nÊtÊm mbÊ, wamp nam ndi, kapⱡa ik puⱡ ei pilpa nimba mot ndumba? Uⱡ etÊm mbÊ, wamp nam ti ndi, pilpa mbi ndurum? 34 Buk Wingti ei ndi, nimba mel, “Wamp nam ti ndi, Nuim ei nga numan ei pÊtÊm? Wamp nam ti ndi, elim ik man ngumba? 35 Wamp nam ti ndi, mel ti kuimp tepa Got ngurum ei nga, wote akil tepa, Got ndi, punt ropa ngumba?" 36 Mel mbÊ pora kÊmp kÊm Got elim ndi, mim itim. Wote, elim moⱡpa kÊn, mel mbÊ pora, elim ndi rÊp etÊm. Wote, Got nga mbi ou ei, paka rundmin mint mba! Ei kupa.