Repeleisen 8

1 Wote, Sipsip Waⱡ ni ndi, kan 7 ti buk ei, imp moⱡpa pitim ni, koⱡmung elinga mel, muⱡ kona ni tiyu nimba telinga, ant mong tenda ei mel itim. 2 Wote, na ndi kÊndÊr mel, anggelo 7 kat, Got nga kuimp keta ila anggilik mormin ni kÊⱡ, pikul 7 kat nguⱡungina tÊk ambrung. 3 Ei kÊn, anggelo ti ndi omba, rat pol wingti ila nondpa anggilpa kÊn, ming gol ndip ikil mura rui ei, ambuⱡpa moⱡnga kÊn, ikil mel mura rui na mbÊ nga mat, puⱡi nguⱡina kÊn, Got nga wamp atinga rormÊn mbÊ kÊn, tÊpa rak ndupa, Got nga rat pol gol ila rÊpÊndi pol ei nga kuimbal tetÊm nila, angge nimba ngurum. 4 Ni kÊn, ndip ikil mura rui na, atinga na mbÊ ndi, anggelo nga ki raⱡ ndi, wak rok kÊn, Got nga kuimp keta ila oⱡa purum. 5 Wote, anggelo ei ndi, ndip ikil mura rui ming ei tÊpa kÊn, rat pol wingti ila ndip ei, tÊpa ming ila ruk ndupa kÊn, mÊi kona ila ropa, mana ndurÊng. Ni kÊn, kona guⱡ gaⱡa nimba, kump kiraipa elinga mel, kona kilimbÊmp itim. 6 Wote anggelo 7 kat ndi, pikul 7 kat ambulk mormin kÊⱡ, ik nduing pilik tÊk kun etÊng. 7 Ni kÊn, anggelo kuimbal ni ndi, elim nga pikul ni, ik nduⱡnga kÊn, kona kup mong ropa, ndip na, mema na mbÊ, rukÊrÊⱡa etÊk, mÊi kona ila mana orung. MÊi kona na, nde na mel mbÊ, oi nduk raldika endÊk kÊn, mÊi oi ti kÊn, nde nga oi ti kÊn, Êi ongum na mel mbÊ, ndip ndi nomba pora ndurum. 8 Wote, anggelo 2 ni ndi, elim nga pikul ni, ik nduⱡnga kÊn mel ti, kÊndÊr ei, komnga mong mam ti, ndip norum ni mel itim. Wote mel ei, num kuta ila rok mana nduⱡmina kÊn, ÊldÊ ronggÊt mema rÊrÊm. 9 Num kuta ila nga oma na mel mormin mbÊ nga rÊⱡaip tenda ti, kolk pora ndurÊng. Ei kÊn, nu sip minal tetmÊn mbÊ nga, i ku etÊk, rÊⱡaip tenda ti etÊk kit mondrÊng. 10 Wote, anggelo 3 ni ndi, elim nga pikul ei, ik nduⱡnga kÊn, muⱡ ila mipil ou ti, ndip anmbil mel kiya nomba, mana omba kÊn, mÊi ila nu mam mbÊ nga rÊⱡaip tenda tila mana orum. Wote nu pukpa ui mbÊ nga rÊⱡaip tenda tila i ku, etpa mana urum. 11 Mipil ni, mbi tek, Kombila iti ti, nÊtÊng. Nu nimbÊ nga rÊⱡaip tenda ti, mipil Kombila iti ei ndi ambuⱡnga, wamp puⱡi ndi, nu ei kolk norung ila kolk pora ndurÊng. Nambuⱡ emel, nu ei, kombila itim. 12 Wote, anggelo 4 ni ndi, elim nga pikul ni, ik nduⱡnga kÊn, ant ei nga punt ronggÊt kÊn, kalimp ei nga punt ronggÊt kÊn, mipil na kÊⱡ nga punt ronggÊt kÊn, etÊk kit mondrÊng. Mel kÊⱡ nga ti, ti nÊk, rÊⱡang ngormÊn uⱡ ei nga, punt ronggÊt elpa elpa rumbÊⱡ murum. Ni kÊn, ant ei nga rÊⱡang ngorum uⱡ ei nga, punt ronggÊt rumbÊⱡ murum. Wote rumbuldi uⱡ ei, mel kit pitim. 13 Wote na ndi, kÊndÊr mel, wi muⱡ ila kÊi ndowa ti, mbur nimba mba kÊn, ke ronduⱡ nimba mel, “Anggelo raldika mormin kÊⱡ ndi, pikul ik nduing enmin. Ei nga, mÊi kona wamp mbÊ kÊn, kont ama minal enim ei ka!” nitim.