Repeleisen 15

1 Wote, na kÊndÊr mel, wi muⱡ ila uⱡ min ngÊn pi mam ti, ekit oⱡnga, na kandÊp rut nit. Ni kÊn, anggelo 7 kat ndi, wamp etÊk kit munding ei nga mbun, 7 kit kat ambulk morung. Mbun kit kÊⱡ, Got nga popÊⱡ kÊⱡ, ambulk morung. Got nga popÊⱡ 7 kÊⱡ, pora nim kÊn, wote uⱡ ti iti natÊmba. 2 Wote na ndi, kundÊr mel, num kuta mam ei mel ti, kiraipa kÊn, ndip kÊn tÊk rakÊndÊk mim etÊng. Wamp mat, el etÊk kai mondÊk, mel rakra ei nga mim etÊng. Ei nga, mbi ila tip timal mat etÊng. Wamp mbÊ, num kuta kiraipa mel, ei nga ÊldÊ ila anggilik morung. Got ndi, wamp mbÊ, gita mat ngurum mbÊ, ambulk morung. 3 Got nga kongun wu Moses kÊn, Sipsip Waⱡ raⱡ nga kinan mat rom rondÊk, nÊk mel, “Nim Nuim Got Ronduⱡ Purum Wu ei ka! Nim nga kongun etÊn mbÊ pora, mam itim ila tÊn kandpÊn rÊt nÊtmÊn ei ka! Nim ndi, wamp mbÊ nga pora Wu Nuim Mumuk ei molkÊn, nim nga uⱡ etÊn mbÊ pora, kun mba kupa mint etÊn. 4 Wu Nuim ye! Nim Wu Wingti tenda ei mint morÊn. Wamp nam ti ndi, nim nga mundmong indi nandÊpa, mbi paka rundi nandÊmba? Ei mon! Wamp mbÊ pora, nim nga mbi paka ronding. Uⱡ ei, nambuⱡ emel, nim nga uⱡ kun kai mbÊ, pena ila ekit omba pora ndurum,” nÊtÊng. 5 Wote, ui ei kÊn, na moⱡÊp kundÊr mel, muⱡ ila Got nga manga wingti ou ei, kumba tilinga, Got elim manga wingti ila murum. 6 Anggelo 7 kat ndi, wamp etÊk kit munding, mbun kit 7 kat ambulk mek, muⱡ mbal eng nui rÊⱡang pi, kai mat ralk, kan gol mat pepil ombil mbila, kan rok pendÊk, Got nga manga wingti wak rok pena orung. 7 Wote, mel tÊmbÊkak kat kont mormin ni kÊⱡ nga ti ndi, ming gol 7 kÊⱡ tÊpa kÊn, anggelo 7 kÊⱡ ngurum. Ming 7 kÊⱡ ila, Got rÊk rÊk kont morum ei nga popÊⱡ mbÊ, peka ropa murum. 8 Got nga ronduⱡ mbÊ kÊn, rÊⱡang eng nui mbÊ kÊn, tetÊm ila ndip ikil mel, Got nga manga wingti ila peka ropa murum. Ei nga, wamp ti ndi kapⱡa, Got nga manga wingti ila mukÊr pi napÊmba mon! Anggelo 7 kÊⱡ nga mbun kit kat, mek orung ni kÊⱡ, kongun etÊk pora ndangina kÊn, wote wamp mbÊ, kapⱡa mukÊr ping.