Repeleisen 1

1 Ya buk kÊⱡ ila, Got ndi, uⱡ wote pemba mbÊ, Jisas Kraist kÊn tÊpa ora ndurum. Ei elim nga kongun wamp mbÊ, kondpa nangga, nimba itim. Wote Jisas ndi, elim nga anggelo ei, tÊpa munduⱡnga, omba uⱡ nondpa pemba mbÊ, kongun wu Jon kundpa nitim. 2 Wote, Jon ndi, uⱡ kandpa pitim mbÊ mel pora, mbi ropa mana ndurum. Wote ronduⱡ mundpa, nimba mel, Got nga ik ei kupa mint petÊm ei, Jisas Kraist ndi, etpa mot ndurum. 3 Ei kÊn, pai nomba nitim ik mong kÊⱡ, kÊmp rom wamp ti ndi, numan kai pilangga! Wote ik kÊⱡ, kum tepa pilpa pep rom wamp ei, numan kai pilangga! Ei nambuⱡ emel, uⱡ kÊⱡ ui nondpa tila, omba pemba. 4 Na Jon ndi, enim Got nga rapa tenda wamp ei nga kona 7 wÊl Eisiya kona ou ila mormin kÊⱡ kÊn, rawe ik mbÊ nÊmp, mon rop ngunt. Got ei, unt murum, akup morum, wote yant omba ei kÊn, wote Muⱡnga 7 kat, elim nga rÊpÊndi pol ila mormin kÊⱡ nga, wamp poⱡ ti uⱡ wamp moⱡpa kundi uⱡ tetmin kÊⱡ, enim kÊn omba piyangga! Wote, Got kangÊm wu kumina, elim kuimp tepa, wamp kui kona ila ⱡoporpa kont murum, rÊk rÊk ik kupa nimba, wote mÊi kona nuim mumuk mbÊ nga rÊp wu moⱡpa etÊm wu Jisas Kraist nga wamp poⱡ ti uⱡ, moⱡpa kundi uⱡ tetÊm mbÊ, enim kÊn kan piyangga ku! Jisas Kraist ndi, tÊn numan ngumba, elim kaⱡpa mema oi ndurum ei ndi, tÊn uⱡ kit ila tinga ndupa titim. Wote, tÊn elim nga tÊpa mumuk rurum wamp kÊⱡ tÊpa, elim nga Tipam Got nga pris kÊⱡ moⱡpÊn, elim nga kongun wamp muⱡÊmin nimba itim. Uⱡ rÊpÊndi eng nui mbÊ kÊn, uⱡ ronduⱡ pi mbÊ pora, Nuim Jisas Kraist elim kÊn, uⱡ nga kÊnt nga pepa mint pangga! Ei kupa! 7 Wu ei, kopa pol ila onum ei, kanmin muna mon? Elim kupanda ei ndi, porung wamp mbÊ ndi kep, wamp elpa elpa mbÊ ndi pikÊ kÊning. Ya mÊi kona wamp mbÊ ndi pora, wu ei om kÊn, ka mam ti iting. Ei kapⱡa piyangga mint, ei kupa. 8 Ronduⱡ pi Wu Nuim Got unt murum, wote akup morum, wote omba wu ei ndi, nimba mel, “Kokila puⱡ mundi uⱡ mbÊ kep, wote etpa pora ndui uⱡ mbÊ kep, na mint mor,” nÊtÊm. 9 Na Jon ei, enim nga ÊngÊn ei, wote Jisas pep ror uⱡ ei ndi, enim kÊn na kÊn, rÊmp nilinga mormin. Ei kÊn, elim nga tÊpa mumuk rorum wamp mbÊ kÊn, uⱡ mindil nui mbÊ, kapⱡa etpÊn ronduⱡ mbun tÊtmÊn. Na nu muⱡ kuimp mÊi Patmos ila mek puk mondrung. Ei nambuⱡ emel, na Got nga ik mong kÊⱡ para ndup nÊmp, wote Jisas nga ik kupa nitim kÊⱡ, nÊmp mot ndur ei nga, ya ila mor. 10 Na Nuim ei nga mbi paka rormin ui ei kÊn, na nga rukÊr orunga, Muⱡnga Wingti ei ndi omba, na tÊpa kanggÊⱡnga kÊn, na nga mbuldung orung pit ei, pikul ik nÊtÊm ni mel, wi mam ti urum ei ndi omba, nimba mel, “Uⱡ enim kan ei mel, buk ila rokÊn mana ndukÊn, Got nga rapa tenda wamp mormin kona 7 kÊⱡ ila ngukÊn mundi! Ei kona peng Episis, Smerna, Pergamam kÊn, Taiyataira, Sartis, Pilatelpiya kÊn Leyorasiya kÊn,” nitim. 12 Ni kÊn, ik ninim wamp ei, kÊnimp nÊmp tÊp ropÊl rop kÊndÊr mel, gol lam eng nui 7 kÊⱡ, kiya nok molk pok etÊng. Ei nga, ruk ting ila wamp mel ti, anggilpa murum. Ni ndi, wal pÊki ruⱡ kat pÊkrÊm kÊⱡ mba mel, kÊmp puⱡ ila puⱡnga, pepil ombil ila kan ti rÊrÊm ei, gol ila mim etÊng ei nga, eng nurum. 14 Wote, elim nga peng ndi kÊⱡ, kona kopa kurmuⱡa etÊm ei mel itim. Wote, elim nga mong waⱡ raⱡ, ndip anmbil mel kiya nurum. 15 Wote, elim nga kÊmp raⱡ ain bras na, ndip ila kaⱡina, eng norum ni mel, eng nurum. Wote, elim nga ik ei, nu kuⱡÊp ropa tÊmÊm tÊpa petÊm ni mel itim. 16 Wu ni mipil 7 kat, elim nga ki mbo orunga ambuⱡpa, wote koiya ti mbuldung oldung raⱡ nengina, mul ti keta ila ekit urum. Elim nga kuimp keta ei, ant ropa rÊⱡang ronduⱡ purum ni mel purum. 17 Elim ni kandÊp kÊn, anggilip mur ni, mboi nÊmp mana mbo wamp kuⱡi mel, wu ei nga kÊmp puⱡ ila koⱡÊp tit. Wote, elim nga ki mbo orunga ndi mana ndupa, na ambuⱡpa, nimba mel, “Mundmong iti nÊti! Puⱡ mundi uⱡ mbÊ kep, wote etpa pora ndui uⱡ mbÊ kep, na mint mor. Akup na rÊk rÊk kont mor. Na kur ni, wote akup kÊni, na rÊk rÊk kont muⱡimp ei nga mor. Wamp kormin uⱡ ei kÊn, wote wamp kui nga mormin kona ei nga ronduⱡ ei, nanim tep mor. 19 Uⱡ ei nga, akup penim uⱡ mbÊ kep, wote pemba uⱡ mbÊ kÊn pora, nim kan ei mel, mon rokÊn mana ndui! 20 Na nga ki mbo ei ndi, mipil 7 ambÊⱡÊp mor kan kÊⱡ kÊn, wote gol ila mim etÊng lam 7 kiya nomba morum kÊⱡ nga puⱡ ei, ei mel. Mipil 7 ambÊⱡÊp mor kÊⱡ, Got nga manga rapa 7 kÊⱡ ila wamp mormin kÊⱡ nga anggelo kÊⱡ. Wote, gol ila mim etÊng lam 7 kiya mel,” nitim.