Pilipai 3

1 Wamp angmÊn, na ik ei nÊmp pora nduimp etÊp, enim Nuim ei kÊn numan kai pilÊi! Enim mon rop ngur ik kÊⱡ, nga aldpa rop nguimp, ei nga mbun ti mon. Mon ei ndi, enim tÊpa rapÊndÊmba. 2 Wu kit mat ndi, owa rakra mel ok, tÊn kÊng kupti uⱡ ila nga, ronduⱡ mundÊk nÊk, enim kÊng kupti ei nga tÊk mendÊk muⱡÊi! 3 TÊn kupti uⱡ ila, tÊn Got nga kangambuⱡa muⱡi namburmin mon. TÊn Got nga Muⱡnga mondpÊn, Got nga mbi paka rondÊrmin uⱡ ei, kÊng kÊpti uⱡ kupa ei. TÊn rapa tenda wamp mbÊ, Kraist Jisas kÊn kai pÊtmÊn. Ei nambuⱡ emel, tÊn tÊn etÊp peng kont ti natÊlmina uⱡ mbila, Kraist ndi, tÊn etpa titim ei nga. 4 Wote, kÊng orunga uⱡ mat etpÊn, tÊndÊn etÊp peng kont timÊn nilimina ndam, na kuimp tep elimba. Jura wamp uⱡ mbÊ nga nam pilpa pora ndurum. Nilingina ndam, na kapⱡa. 5 Ei nambuⱡ emel, na ndi, na melinga rumbÊⱡ 8 omba puⱡnga, na Jura wu mema ei nga, Jura wamp nga etmin ei mel, na nga kÊng kopÊtÊtÊng. Na Isrel wu, Benjamin nga rÊⱡaip ila, wote Ipru wamp kupa. Ei wote, na Perisi wu kupa, ei nambuⱡ emel, na Moses nga mi ik mbÊ ronduⱡ mundÊp pep ruimp nÊmp it. 6 Wote, na mi ik kÊⱡ pep rop, Got nga kongun ei ronduⱡ mundÊp itimp nÊmp, Got nga rapa tenda wamp mbÊ rop kundimp nÊmp it. Ei kÊn, Moses nga mi ik kÊⱡ ila wamp ti ndi, kandpa tepa nakÊn, nim ndam, na nga ⱡawa ti mon. 7 Wote, na akup Kraist kÊn moⱡÊp kÊn, uⱡ unt nga etÊp undÊr mbÊ, uⱡ roldÊnga mat nÊmp pÊnt. 8 Wote, uⱡ mbÊ mint mon! Wote na ndi, namba mel mbÊ pora, tÊp pei mundunt. Ei mel, ronduⱡ ingk it nga nÊmp ent. Ei kÊn, Kraist Jisas na nga Nuim, ei nga numan ei pilip timp. Uⱡ ei nga, nÊmp kÊn uⱡ wei mbÊ wak rop mundÊr. Na Kraist rukÊr timp ei nga, mondpa pili uⱡ ei, mel ronduⱡ ti nÊmp pÊnt. 10 Na uⱡ ti pilamp, ka nÊmp pÊnt ei, Kraist koⱡpa kont purum uⱡ ei nga ronduⱡ ei kÊn, wote mindil nurum ei mel nomp, kurum ei mel koⱡÊp, wote ⱡoporpa omba purum ei mel pamp, ka nÊmp punt. 12 Na ndi nÊmp kÊn, na timp nÊt mel ei, tit ni nanÊnt mon. Wote, kun kai mor ni nanÊnt mon ku. Ei nga, na mel kai ti timp ei nga, kokila kongun ronduⱡ mundÊp etÊp mint mor. Ei kÊn, Kraist Jisas elim ndi, na teimp nitim mel kai ei timp. 13 AngmÊn, na kai muⱡ ei tit nÊmp pi napÊnt. Wote, mel tenda ti pÊnt ei, mel mbuldung orunga tetÊm mbÊ wak rop, mel kai ei ronduⱡ mundÊp timp ei nga pilip kÊn, tÊkrÊp mbo mel muⱡ ei, Got ndi, wi ropa nguⱡnga ila omp kÊn, mel ingk kai ei tit. Mel kai ei, Kraist Jisas tepa morum. Ei, uⱡ nga kÊnt nga kont mul uⱡ ei mbo timp. 15 Wote, tÊn uⱡ kun kai mbÊ, etÊp moⱡmina ndam, tÊn nga numan ei wamp kun kai mbÊ mel kapⱡa moⱡmina. Wote, enim numan elpa ti piling ndam, Got ndi, enim nga numan ei etpa mot ndumba. 16 Wote, tÊn uⱡ kun kai titmÊn mbÊ, ambuⱡpÊn gi ndÊmin. 17 Wamp angmÊn, enim ndi, na nga uⱡ ent mbÊ pep rÊi! Wote enim ndi, unt na uⱡ kun kai et mbÊ mel, pep rok etmin wamp mbÊ mel kandÊk itÊi! 18 Ui ou ndupa, enim kundÊp nit. Ei mel ku, wote akup enim kundÊp nilmba, na nga mong ila ka onum. Ei kÊn, wamp minal Kraist nga, nde peta ila el rui wamp mel mormin. 19 Wote, enim nga kÊng orunga numan pÊtmÊn ei, en enim nga got mel etÊm. Wote, wamp mbÊ ndi, en enim nga kÊng orunga ambulk parmin ei pipil kul uⱡ mbÊ, wote wamp mbÊ ndi, mÊi kona uⱡ mbÊ nga mint pÊtmin. Wamp mbÊ kit muⱡing. 20 Wote, tÊn mondpa pili wamp mbÊ, muⱡ kona ila wamp mendpÊⱡ kÊⱡ mormun. TÊn wamp kÊⱡ ndi, Jisas Kraist ei muⱡ kona wak ropa mana omba, tÊn rukrÊng tÊmba ei nga nokundpÊn mormun. 21 Wote Kraist ndi, tÊn nga mbo kÊng kÊⱡ etpa, elim nga kÊng wingti kÊⱡ mel randpa, etpa mon mundÊmba. Ei mel etpa kÊn, wote uⱡ ronduⱡ em mbÊ ndi, mel tetÊm mbÊ kÊmp kÊm, elim nga mana orunga mint temba.