Pilipai 1

1 Pol kÊn Timoti raⱡ, tÊl Kraist Jisas nga kongun wu raⱡ ndi, mon ei ropÊⱡ, enim Got nga wamp Pilipai kona ila Kraist Jisas nga mondpa pili wamp kÊⱡ kÊn, rÊp wamp na, kongun wamp mbÊ pora rop ngunmbÊⱡ. 2 TÊn nga, Wuta Got kÊn, Nuim Jisas Kraist raⱡ nga wamp poⱡ ti uⱡ ei kÊn, numan wang ndui uⱡ raⱡ, enim kÊn kan piyangga! 3 Ui mbila rÊk na enim nga nimp pilip, na nga Got kÊn angge nimp, rÊk rÊk numan kai pilip, enim nga nimp atinga rop mint mor. Nambuⱡ emel, na RÊnang Ik Kai ei nga, unt kongun puⱡ mondÊp it ei kÊn, omba akup ui ila, na tÊk rapÊndÊrmÊn. Na kupa punt ei, Got ndi, kongun kai ei, enim kÊn puⱡ mundrum ei, etpa mepa mba, Kraist Jisas nga ui ou ila, etpa pora ndumba. 7 Na nga numan ei, enim kÊn tetÊm ei nga, wote na enim nga nÊmp pilip mor. Enim kep, na kep, Got nga poⱡ ti uⱡ ei tÊtmÊn. Ei nga, na kan manga ila pep, wote RÊnang Ik Kai ei nÊmp kep, enim tÊp, na nga numan ila ambÊⱡÊp gi ndup mor. 8 Na Got nga kuimp keta ila ik kupa ei nÊnt. Kraist Jisas nga kont kaimp kul uⱡ ei ndi, na nga numan orunga ropa rut nduⱡnga, wote na enim omp kÊnimp ei nga kundÊⱡnga mor. 9 Na enim nga atinga rondÊp kÊn, enim nga wamp numan ngui uⱡ ei, tepa mba ou ndangga kÊn, wote pilpa kungÊndi tÊk, numan ila kÊmp tÊk kandÊk, uⱡ kun kai mbÊ pilik mbi nduk, wote Kraist nga ui ei om ei kÊn, enim wamp kun kai mbÊ muⱡeing. 11 Enim nga numan ila, Jisas Kraist nga uⱡ kun kai mbÊ, tepa peka rangga. Uⱡ ei ndi, Got mbi ou tangga kÊn, wote tÊn ndi, Got nga mbi ei, paka rundÊmin. 12 Wote angmÊn, enim pilÊi! Uⱡ na kÊn enim mbÊ ndi, RÊnang Ik Kai ei, ropa mana ndui nandÊrÊm mon. Uⱡ ei ndi, RÊnang Ik Kai ei, etpa mepa int int purum. 13 Ei kÊn, Rom gapman nga manga ila, el wu mbÊ pora, wote wu mat kunda, na Kraist nga mbi ila kan manga ila pet. Ei nambuⱡ emel, na Kraist nga kindmant wu ei nÊk pÊtmin. 14 Wamp ou nduk, Wu Nuim ei mondÊk pÊtÊng. Ei kÊn, na kan manga ila pit ui ei kÊn, wamp kÊⱡ nga mondpa pili orunga ronduⱡ tÊtÊng. Wote, mundmong etÊng uⱡ ei, wak rok, ronduⱡ mondÊk, Got nga RÊnang Ik Kai ei nÊndÊtÊng. 15 Kupa, wamp mat ndi, Kraist nga RÊnang Ik Kai ninmin ei nga pilik, kit pilik, wÊlÊk rok etmin. Wamp mat ndi, pilpa kungÊndi kai mbÊ, tÊk Kraist nga RÊnang Ik Kai ei ninditmÊn. 16 Wu kÊⱡ pÊtmin ei, na wamp nga kuimp keta ila moⱡÊp, Got nga ik ei nÊmp ronduⱡ mundÊr ei nga, wamp mbÊ ndi, na numan nguk, Got nga ik ei nitmin. 17 Wote wu mat, en enim mbi ou ting pilik, Kraist nga ik ei nitmin. Wu mbÊ, numan kun mat kandÊk tÊk, ni nanÊnmÊn mon. Na kan manga ila pÊnt ei kÊn, na mbun ou ndupa nguing pilik ninmin. 18 Wote kep, nui uⱡ ei kep, kupa ni uⱡ mbÊ kep, uⱡ mbÊ pora, Kraist nga mbi paka rundÊnmÊn ei, na rÊk rÊk, numan mint etmba. 19 Wote, na pÊnt ei, enim na tÊk rapÊndÊk, atinga rormin ei ndi, Jisas Kraist nga Muⱡnga Wingti na ronduⱡ ngangga! Ya uⱡ pÊnmÊn mbÊ ndi, na tÊpa rÊpÊndangga moⱡÊp, kai mundimp. 20 Na numan mam ti enim uⱡ, wote orunga pemba mbÊ, nokundÊp mor. Na ronduⱡ mbo uⱡ etÊp mor ei mel itimp ku, pipil kuⱡi nÊⱡimp. Wote, na kunt ndam kep, kont munt ndam kep, na uⱡ int ei ndi, Kraist nga mbi paka rundimp. 21 Na pÊnt ei, na kont munt ndam, Kraist nga kongun ei, indimp muna kunt ndam, mel muⱡ ti timp. 22 Wote, na kont munt ndam, na kapⱡa wamp ou ndupa tÊp rÊpÊndimp. Uⱡ raⱡ nga na itimp ei, na pili napÊnt. 23 Na ila numan raⱡ etÊp pÊnt ei. Na Kraist kÊn mbo munt ndam, ei ama uⱡ kai mel ti pÊnt! 24 Ei ama uⱡ kai ti pÊnt. Wote na kont munt ndam, enim kapⱡa tÊp rÊpÊndimp. 25 Na numan ronduⱡ ti pÊnt ei, enim kÊn moⱡÊp mint mbo enim tÊp rÊpÊndamba kÊn, enim nga mondpa pili ronduⱡ pangga, ambulk palk muⱡeing. 26 Wote, na enim kÊn unt ei kÊn, enim na kÊn ambulk palk, Kraist Jisas nga mbi paka runding. 27 Namba uⱡ mat em ndam, Kraist nga RÊnang Ik Kai ei, nÊtÊm ei mel pep rui! Na enim omp kÊnt ndam kep, wote enim mormun ei nga timan ik ei, pint ndam kep, na ti pÊnt ei, enim numan tenda pangga, numan tenda ei mint ambulk molk, RÊnang Ik Kai ila mondpa pili uⱡ ei, etÊk ronduⱡ mundÊi. 28 Enim nga el rui wamp mbÊ nga mundmong iti nÊtÊi! RÊk rÊk ronduⱡ mundÊk molk, wamp mbÊ uⱡ kupa mbÊ tÊk ora ndÊi. Wamp mbÊ nila muⱡing, wote enim muⱡ ping. Nambuⱡ emel, Got ndi, enim itÊi nÊtÊm uⱡ ei mel etÊm. 29 Got ei ndi, enim Kraist nga kongun indeing nimba uⱡ kai mbÊ ngurum. Enim Kraist kÊn mondpa pili uⱡ ila mint ngui ngÊnggÊrÊm mon. Wote, elim nga mbi ila molk, mbun koma ruing uⱡ ei kunda ngurum. 30 Unt enim na kandrÊng ni, na el rur. Akup ei kÊn, na el rop mint mor timan ik ei pÊnmin. Enim na kÊn rup rop moⱡpÊn el rÊmin.