Mak 8

1 RumbÊⱡ mat omba puⱡnga, aldpa wamp minal orung. Wote wamp nimbÊ, rÊng nuing mat mon elinga, Jisas ndi, elim nga kitip kÊni wu ni kÊⱡ, wi ropa rukÊr tÊpa kundpa nimba mel, “Na wamp kÊⱡ nga kont enim. Ei nambuⱡ emel, wamp kÊⱡ na kÊn rumbÊⱡ raldika muⱡmÊn ni nga, wote rÊng nuing mat ti natÊtÊm. 3 Wote na ndi, rÊng ngui nganggÊp, wamp kÊⱡ wak rop mundunt ndam, wamp mat kona ruⱡ mbila ong mbÊ, nombuⱡa rÊk ting ila pangina, kump kun ndi, kump ambuⱡpa ropa mundÊmba,” nitim. 4 Elim nga kitip kÊni wu ni kÊⱡ ndi, elim waldÊk nÊk mel, “Kona waka wei ila, wamp nam ti ndi, rÊng kandpa tÊpa, wamp mbÊ ngumba kapⱡa endÊmba nda?” nÊtÊng. 5 Jisas ndi, waldpa nimba mel, “Enim bret namba iti tek mormun?” nitim. Wu ni kÊⱡ ndi, punt rok nÊk mel, “Bret 7 tep mormun,” nÊtÊng. 6 Jisas ndi, wamp minal morung nimbÊ, nimba mel, “Mana muⱡÊi!” nitim. Wote, bret 7 ni kÊⱡ tÊpa, Got kÊn angge nimba, ambuⱡpa pok ropa, elim nga kitip kÊni wu nimbÊ ngumba. “Wamp mbÊ tÊk ngÊi!” nitim. Wote, kitip kÊni wu ni kÊⱡ ndi, wamp nimbÊ mok rok ngurung. 7 Wote, wu ni kÊⱡ, oma onunga kÊralt kunda ku tek morung. Ni kÊn, Jisas ndi tÊpa, Got kÊn oma kÊⱡ nga angge nimba, elim nga kitip kÊni wu ni kÊⱡ kundpa nimba mel, “Oma kÊn, kunda ngÊi!” nitim. 8 Wamp 4000 mel morung nimbÊ pÊkÊ, rÊng nok kapⱡa endÊtÊng. Wote, kitip kÊni wu ni kÊⱡ ndi, wamp rÊng noⱡina, mana titim nimba, tÊk kowÊ wal 7 mel rok peka rondrung. Jisas ndi, wamp minal nimbÊ pÊi nimba mundpa, elim nu kanu nila omba oⱡa mba, elim nga kitip kÊni wu ni kÊⱡ kÊn, Dalmanuta kona ila purung. 11 Perisi wu mat ndi, Jisas kÊn ok, puⱡ mondÊk, ik ou nduk nÊtÊng. Wu kÊⱡ ndi, Jisas oⱡa tÊp kÊnmin nÊk pilik, Jisas waldÊk uⱡ rÊpndi mat itangga kandpÊn kÊn, Got elim ndi, tÊpa mundrum wu ti, nimp pilmin nÊtÊng. 12 Wote Jisas ndi, elim nga numan orunga, mbun tÊpa nimba mel, “Nambuⱡ emel, wamp kÊⱡ ndi, akup ant ila, uⱡ rÊpndi mat nga waldÊnmÊn? Mon! Na enim ik kupa ei kundÊp nÊnt, ‘Na ndi uⱡ rÊpndi ti akup ant ila tÊp ora ndui nÊndimp mon!’” nitim. 13 Wote Jisas ndi, wamp nimbÊ, wak ropa kelpa mba, nu kanu nila oⱡa mba, num ni puⱡa ropa mba, nu ÊldÊ noi orunga purum. 14 Kitip kÊni wu ni kÊⱡ ndi, tÊk apra nduk, bret mat wote, nuing ei nga pendÊk, mek ui nawÊrÊng. Bret tenda ti mint, nu kanu nila titim. 15 Wote Jisas ndi, elim nga wu ni kÊⱡ, ronduⱡ mundpa, kundpa nimba mel, “KandÊk kun etÊk muⱡÊi! Enim ya Perisi wu kÊⱡ nga yis mel, uⱡ etmin kÊⱡ kÊn, wote Erot nga yis mel, enim kÊⱡ kÊn, enim kÊn rukÊr omba ei nga tÊk mendÊk muⱡÊi!” nitim. 16 Wu ni kÊⱡ en enim ndi, ik palk, int yant etÊk nÊk mel, “Jisas ndi, ik i etpa ninim ei, nambuⱡ emel, tÊn bret mat mon. Ei nga ninim nda?” nÊtÊng. 17 Jisas ndi wu kÊⱡ nga ik nÊtÊng ni pilpa kÊn, wu kÊⱡ waldpa nimba mel, “Nambuⱡ emel, enim na palk nimin. Enim bret mon ei nga nimin nda? Enim pilik kun iti natÊk, kandÊk kai iti natÊnmÊn ei? Enim numan ti kep, mon ei ka!” nitim. 18 Enim mong anggÊtÊm ant ko, wote enim kÊni nakÊnmin ei? Wote, enim kum anggÊtÊm ant ko, wote enim pili napÊnmÊn ei? Enim na ndi, bret 5 pok rop tÊp wamp 5000 ngur ni, tÊk mindi namÊndÊnmÊn ei? Wote, rÊng mana titim mbÊ nga kowÊ wal, namba iti enim rakÊlÊngina peka rurum?" nitim. Wote, wu ni kÊⱡ ndi, punt rok nÊk mel, “Kona wal 12,” nÊtÊng. 20 Wote Jisas ndi, nimba mel, “Na ndi bret 7 pok rop tÊp, wamp 4000 ngur ei kÊn, rÊng mana titim mbÊ nga kowÊ wal, namba iti tÊk rakÊtÊng?” nitim. Wu ni kÊⱡ ndi, punt rok nÊk mel, “Wal 7,” nÊtÊng. 21 Wote Jisas ndi, waldpa nimba mel, “Akup ei kÊn, enim pilik kai iti natÊnmÊn ei?” nitim. 22 Wu ni kÊⱡ, Betseita kona nila oⱡungina, wamp mat ndi, wu mong titim ti mek, Jisas kÊn orung. Jisas ndi, wu ei ki ei ndi, minda ndangga nÊk, kont it ik ranggÊk waldÊtÊng. 23 Jisas ndi, mong ti wu ni, manga rÊⱡaip ei, wak ropa, ki ambuⱡpa mepa ekit purum. Wote, ol ropa tÊpa, wu ni nga mong nila mondpa, elim nga ki ni raⱡ tÊpa, wu ni nga mong raⱡ ila ambuⱡpa, wu ni waldpa nimba mel, “Nim mel mat kan ei?” nitim. 24 Wote wu ni, tÊpa oⱡa ndupa kandpa kÊn nimba mel, “Wote, na wamp mbÊ kant ei, nde mel nombuⱡa andÊk, pok pok enmin ei ka!” nitim. 25 Jisas aldpa elim nga ki ni raⱡ tÊpa, wu ei nga mong pol ila oⱡa titim. Wote ei kÊn, wu ni ronduⱡ mondpa, kÊndrÊm ei kÊn, mong ni raⱡ omba kapⱡa elinga, mel nimbÊ, kandpa mbi ndurum. 26 Wote Jisas ndi, wu ni ronduⱡ mundpa, kundpa nimba mel, “Nim mang kona int pi! Wote, manga rÊⱡaip moⱡÊp, onmbÊⱡ kona nila, pi nÊpi mon!” nitim. 27 Wote, Jisas kÊn elim nga kitip kÊni wu kÊⱡ kÊn puk, Sesariya Pilipai manga rÊⱡaip ila nondpa purung. Nombuⱡa mam rÊk ting ila puⱡÊngina, Jisas ndi, wu ni kÊⱡ waldpa nimba mel, “Wamp mbÊ ndi, na kundÊk, wu nam ei nÊtmÊn?” nitim. 28 Elim nga kitip kÊni wu ni kÊⱡ ndi, punt rok nÊk mel, “Wamp mat ndi, nimba nÊk mel, ‘Nim wamp nu tindi wu Jon ei,’ nÊtmÊn. Wamp mat ndi, ‘Nim wu Elaija,’ nÊtmÊn. Wamp mat ndi, ‘Nim painui wu mbÊ nga ti,’ nÊtmÊn,” nÊtÊng. 29 “Wote, enim wu kÊⱡ ndi, na nam nÊk pÊnmÊn?” Jisas ndi, wu nimbÊ waldpa. Ni kÊn, Pita ndi, punt ropa nimba mel, “Nim Got nga ngurum wu Kraist ei ka!” nitim. 30 Wote Jisas ndi, wu ni kÊⱡ kundpa nimba mel, “Wamp ti, na Kraist nÊk kundÊk ni nÊnÊi mon!” nitim. 31 Wote Jisas ndi, puⱡ mondpa, elim nga kitip kÊni wu kÊⱡ ik mbo endpa, nimba mel, “MuⱡÊⱡ Wu Kupa oⱡa mana urum ei, mindil ou ndupa nomba. Wote, manga wingti rÊp wu kÊn, Pris kÊⱡ nga wu kuimbal mbÊ kÊn, mi ik mbo wu mbÊ kÊn, wu ei tÊk mbuⱡ ngangina, rok kundangina koⱡmba. Wote, rumbÊⱡ raldika omba pangga, wu ei, ⱡoporpa kont moⱡmba,” nitim. 32 Jisas ndi, ik kÊⱡ nimba piral ndupa, wu kÊⱡ ngurum. Wote Pita ndi, Jisas tÊpa mepa kona ÊldÊ tila mba, ik ronduⱡ mundpa nitim. 33 Wote Jisas ndi, tÊpa ropÊl ropa, elim nga kitip kÊni wu ni kÊⱡ kandpa kÊn, Pita ik ronduⱡ mundpa nimba mel, “Na pa, kur Seitan ye!” nitim. Jisas ndi, nimba mel, “Nim nga numan ei, Got kÊn ui nawÊnÊm mon! Ya mÊi ila wamp mbÊ nga numan ila pilkÊn nÊn!” nitim. 34 Wote Jisas ndi, wi ropa wamp nimbÊ kÊn, elim nga kitip kÊni wu ni kÊⱡ kÊn, kundpa nimba mel, “Wamp nam ti, na kÊn uimp nimba pilim ndam, elim nga nimba pili napilpa, elim nga nde peta ei, koma ropa mepa, na kÊn pep ropa wangga! 35 Wote, wamp nam ti, elim nga kÊng ei nga mint nimba pilim ndam, wamp ei kont mba muⱡ uⱡ ei, wak romba. Wote, wamp nam ti, elim nga kÊng ei kÊn, na nga rÊnang ik kai kÊⱡ kÊn, na nga nimba wak rom ndam, elim nga kont mba mul uⱡ ei, wak rui narÊmba mon. 36 Wamp nam ti ndi, mÊi kona ila mel mbÊ numan ngumba. Elim nga kont mba mul uⱡ ei, wak rom ndam, mÊi kona mel mbÊ ndi, elim tÊpa rapÊndÊmba mel nant? 37 Wote, namba mel ti ndi, ya wu ei nga kont mba mul uⱡ ei, rop ropa yant tÊmba nda? 38 Wote, wamp nam ti ndi, uⱡ kit mbÊ eng kona mbila kep, Got numan ngui nganggÊrmÊn kona mbila kep, na nga ik mong ei, nimba ngumba ei nga pipil kuⱡum ndam, MuⱡÊⱡ Wu Kupa oⱡa mana urum wu ei, Got nga uⱡ eng nui mbila moⱡpa, anggelo wingti mbÊ kÊn, yant om ei kÊn, wamp ei pipil kuⱡmba,” nitim.