Mak 6

1 Jisas murum kona ni wak ropa, elim nga mÊi mang kona ila purum. Wote, elim nga kitip kÊni wu ni kÊⱡ, pep rok purung. 2 Mowi kor ni kÊn, Jisas ndi, wamp mbÊ manga wingti kel ila, puⱡ mondpa, Got nga ik mbo inditim. Wamp puⱡi ila molk, Jisas nitim ik mbÊ pilik, min ngÊn mundÊk, waldÊk nÊk mel, “Wu ei, ik mbÊ nÊl mba titim? Wu ei nga pilpa kungÊndi kai ei, wamp nam ndi, mbo rundrum? Wote, uⱡ rÊpndi mbÊ, wu ei nambuⱡ etpa enim? 3 Wu ei kamnda ni, amp Mariya kangÊm ei ni wote, wu Jeims, Josep, Juras kÊn Saimon wu kÊⱡ nga ÊngÊn ei. Wote, elim nga kimÊnÊl amp kÊⱡ, ya kona ila mormun ei ka!” Ei nÊk, wamp nimbÊ ndi, Jisas nga ik nitim nimbÊ, tÊk mbuⱡ ngurung. 4 Jisas ndi, wamp nimbÊ, kundpa nimba mel, “Painui wu ei, kona elpa mbila wamp mbÊ ndi pora, tÊk ou ndurmin. Wote, elim nga mÊi mang kona ila wamp mbo mbÊ kÊn, elim nga tipam mamÊl mbÊ kÊn, ÊngÊnÊl kimÊnÊl na mbÊ ndi, tÊk ou ndui nandÊrmin mon!” nitim. 5 Jisas ni, uⱡ rÊpndi mat ila, iti natÊpa kÊn, kui rurum wamp mat, elim nga ki ei ndi, wamp nimbÊ ambuⱡnga kui nimbÊ pora nitim. 6 Wamp mbÊ mondÊk pili napilingina, Jisas ni kandpa, min ngÊn mundrum. Jisas Ndi, Elim Nga Kitip KÊni Wu 12 Ni KÊⱡ Kongun Numba TÊpa Mundrum Wote, Jisas kona nimbila andpa, wamp nimbÊ ik mbo inditim. 7 Jisas ndi, elim nga kitip kÊni wu 12 ni kÊⱡ, wi ropa rukÊr tÊpa, wu nimbÊ, raⱡ raⱡ nimba kÊmp tÊpa mundrum. Jisas ndi, wu ni kÊⱡ, ronduⱡ ti ngurum ei, kur kit mbÊ, tÊk munding ei nga ronduⱡ ngumba nimba mel, “Enim ping ila, enim nga mel ti, tÊk mek pi mon. Nombuⱡa mam puk ÊmbÊⱡing tÊmbÊⱡ ei mint. RÊng nuing ti mek pi mon ku. Wal kumbana kep mon ku. Wote, ku moni na ti, mek pi nÊpÊi mon ku! 9 KÊmp rÊk kÊⱡ mondÊk kÊn, wote wal pÊki elpa kat pendÊk, mek pi nÊpÊi mon ku!” nitim. 10 Wote, ik ti kundpa nimba mel, “Wamp nam ti ndi, enim rawe etpa tÊm wamp ei nga manga ila mint pek molk kÊn, wote kona ei wak rÊi! 11 Wote, enim kona peng mat ila wangina, wamp mat ndi, enim numan nganggÊk, rawe etÊk rÊk ti natÊk, enim nga ik kai ei, kum ti natÊng ndam, kona ei wak rok, enim nga kÊmp kÊnggÊpÊn mbÊ, ndanda nduk, tek kelik pÊi! Uⱡ ei ndi wamp mbÊ ora nduk, enim nga uⱡ kit mbÊ, en enim kÊn petÊm,” nitim. 12 Kitip kÊni wu ni kÊⱡ ekit puk, wamp mbÊ, ik mbo endÊk, enim nga uⱡ kit mbÊ, wak rÊi! nÊtÊng. 13 Wu kÊⱡ ndi, kur kit murum wamp puⱡi nga kor kit murum mbÊ, nÊk tÊk mundÊk, kui rurum wamp puⱡi kopung ndi kandÊⱡngina, wamp mbÊ nga kui mbÊ, wang nitim. 14 Wu nuim mumuk Erot ni, uⱡ nimbÊ pora pitim. Ei Jisas nga mbi ni, ya uⱡ itim mbÊ nga kona nimbÊ ila, pora pilik kapⱡa endÊtÊng. Wote, wamp mat ndi, nÊk mel, “Jon wamp nu tindi wu ni koⱡpa, rut nim nÊtÊng. Ei nambuⱡ emel, wu ei ronduⱡ tÊpa kÊn, uⱡ min ngÊn pi mbÊ enim,” nÊtÊng. 15 Wote, wamp mat ndi, ko tÊk nÊk mel, “Wu ei Ilaija,” nÊtÊng. Wamp we mbÊ ndi, nÊk mel, “Wu ei painui wu, ya unt painui wu mat morung mbÊ nga ti,” nÊtÊng. 16 Wote, king Erot ni, ik nÊtÊng nimbÊ, pilpa nimba mel, “Wu ei Jon wamp nu tindi wu ni, nÊmp pÊnt ei ka! Ya na ndi rop peng ei puⱡa rur wu ni, aldpa koⱡpa yant omba kont morum,” nitim. Erot elim ndi nilinga, Jon imp morung. Wote Erot ndi, Jon kan ropa tÊpa kan manga ila kan ngurum. Erot uⱡ kÊⱡ itim, ei nambuⱡ emel, amp Erotiyas ei elim nga ÊngÊn wu Pilip nga ambÊm ei manggÊpa titim. Wote, amp ei ndi, Jon numan ngui ngÊnggÊrÊm. 18 Uⱡ ila, Jon ndi rÊk rÊk Erot kundpa nimba mel, “Nim ndi, nim nga ÊngÊn nga amp ei tÊk, ropÊl rokÊn tin uⱡ ei nga, kapⱡa mon!” nitim. 19 Wote, Erotiyas nga numan orunga, Jon ei numan ngui nganggÊpa, rop kundimp nimba pitim. Ei nga wote, rui narÊrÊm uⱡ ei, nambuⱡ emel, king Erot ndi, wu ei numan minal ngurum ei nga kandpa itim. 20 Erot ni, Jon nga mundmong inditim. Ei nambuⱡ emel, Erot elim pitim ei, Jon ei wu kai, uⱡ kun kai mbÊ mint itim ila, elim ndi, Jon tÊpa rÊpÊndrÊm. Erot ndi, Jon nga ik ei, kum timp mint nimba pitim. Ik kÊⱡ ndi, Erot etpa numan minal nguⱡnga, wote pilpa kelpa, numan kai pilpa, rÊk rÊk Jon nga ik ei, kum mint titim. 21 Wote, amp Erotiyas ni, Jon romba pilpa nombuⱡa mam ti kandpa titim. Ei king Erot nga metÊng ui ei, ekit urum ei kÊn, Erot ndi, rÊng mam ti kaⱡpa, elim nga gapman wu ou mbÊ kÊn, elim nga el wu mbÊ kÊn, wote Galili kona ila nga wu ou mbÊ, rÊng mundpa, “WÊi!” nitim. 22 Wote, amp Erotiyas nga mbuⱡam omba wÊlt ropa itim ila, Erot nga wamp orung nimbÊ pÊkÊ kandÊk, numan ndi korung. Wote, wu nuim Erot ni ndi, ambuⱡa ni kundpa nimba mel, “Nim namba mel ti numan mondÊp timp nÊkÊn pÊn? Na ndi, nim numan mondkÊn nin mel ei, nim nguimp mint,” nitim. 23 Ik mong ronduⱡ mbÊ nga ou ndupa, Erot ndi, mi tepa ambuⱡa ei, kundpa nitim, “Na mi tent ei, nim namba mel ti, nim numan mondkÊn wuldÊn ei nguimp mint. Wote, ya na nga tÊpa mumuk rui kona ei, rÊk ila oi ndup orunga nim nguimp ku!” nitim. 24 Wote, ambuⱡa ni pena mba, elim nga mam ni, waldpa kÊn, “Na namba mel ti ngangga namp?” nitim. Mam ndi, kundpa nimba mel, “Jon wamp nu tindi wu ei nga peng,” ei nitim. 25 Ambuⱡa ni, tÊkrÊpa yant omba kÊn, king ni, waldpa nimba mel, “Na Jon wamp nu tindi wu ei nga peng ei, numan mondunt. Nim ndi, akup ant ila mendpÊⱡ, plet tila rÊk ndukÊn, mek okÊn ngui!” nitim. 26 Ik ei ndi, etpa wu mumuk ni, ama mbun ngurum. Ei wote, elim ndi, wamp rÊng ruing ok, morung wamp mbÊ, mi tepa nitim uⱡ ei ndi, ambuⱡa ei, kundpa mon nimba ei nga, nombuⱡa mam ti, ti nÊtÊtÊm. 27 Wote, king ni ndi, elim nga el wu ti tÊpa mundpa, nimba mel, Jon nga peng ei, mekÊn ui nitim. El wu ni, kan manga nila mba kÊn, Jon nga peng ni, ropa koⱡmung itim. 28 Wote, el wu ni ndi, Jon nga peng ni, plet ila mepa omba ambuⱡa ni nguⱡnga. Wote, ambuⱡa ni ndi, tÊpa mam ni ngurum. 29 Wote, Jon nga kitip kÊni wu ni kÊⱡ ndi, Jon rorung ik ei pilik kÊn, wu kÊⱡ ok, Jon nga on ei, tÊk mek puk, wamp on kona tila on etÊng. 30 Jisas elim nga kitip kÊni wu ni kÊⱡ, andÊk yant ok, en enim uⱡ etÊng mbÊ kÊn, wamp ik mbo rondÊk etÊng nimbÊ mel, Jisas kondÊk nÊtÊng. 31 Kona ila wamp ama puⱡi ok, puk mint etÊng ila, Jisas kÊn elim nga kitip kÊni wu kÊⱡ kÊn, muⱡ tÊk rÊng nok i iti natÊtÊng. Wote Jisas ndi, elim nga kitip kÊni wu ni kÊⱡ, kundpa nimba mel, “TÊn akup kona waka tila, tÊn tÊn mbun kÊn, en enim muⱡ teing,” nitim. 32 Wote, wu ni kÊⱡ, nu kanu ni kÊⱡ ila, en enim mint kona waka nila purung. 33 Wamp minal ndi, wu purung kÊⱡ, wu namin nÊk, kandÊk poⱡ ndÊmin nÊk, kona peng elpa elpa mbila wamp ok. Jisas kÊn elim nga kitip kÊni wu kÊⱡ kÊn, uing kona ila elpa elpa kuimp tek puk, nokundÊk morung. 34 Wote Jisas ni, nu kanu ila ekit omba kÊndrÊm mel, wamp minal ok morung. Wamp nimbÊ kanduⱡnga mel, elim nga mundmong orunga kont minal itim. Nambuⱡ emel, wamp kÊⱡ ya kng sipsip na ti, rÊp wu mon etÊm ni mel, etÊk mormin kant ei ka, nimba pitim. Wote, ila moⱡpa kÊn, wamp mbÊ ik puⱡi mbo inditim. 35 Wote, kona ant ei mana puⱡnga, elim nga kitip kÊni wu ni kÊⱡ ndi ok, Jisas kundÊk nÊk mel, “Kona ant ei mana pum ei ka. Wote kona ila, wamp kat kep, pi napÊtmin kona kui waka ei nga, wamp mbÊ pÊi nÊkÊn mundi. Wamp mbÊ pÊi nana puk, kongun kona na, wamp pek eng kona nondpa tem mat ila, puk rÊng na mat, rarÊp rok kandÊk tÊk neing,” nÊtÊng. 37 Jisas ndi, punt ropa nimba mel, “En enim ndi, wamp mbÊ rÊng mat ngÊi!” nitim. Wote, wu nimbÊ ndi, int nduk waldÊk nÊk mel, “Nim ndi, tÊn kapⱡa ku moni 200 kina mel wak ropÊn, bret tÊpÊn, wamp mbÊ ngamina, nuing nÊkÊn pilkÊn nÊn ei?” nÊtÊng. 38 Wote Jisas ndi, wu kÊⱡ waldpa nimba mel, “Enim bret namba iti tek mormun? Puk kÊnÊi!” Wote, wu ni kÊⱡ ndi, kandÊk kÊn, Jisas kundÊk nÊk mel, “Bret tÊmbÊkak pÊmp ti pip, omba oma raⱡ tetÊm ei ka!” nÊtÊng. 39 Wote Jisas ndi, elim nga kitip kÊni wu ni kÊⱡ kundpa nimba mel, “Wamp mbÊ tÊk mou elpa elpa rondÊk, mana numa pana ila mana muⱡÊi nÊi!” nitim. 40 Wote, wamp nimbÊ 100 nÊk, 50 nÊk, mou rok elpa elpa morung. 41 Wote Jisas ndi, bret ni kÊⱡ kÊn, oma ni raⱡ kÊn, ambuⱡpa moⱡpa tÊpa oⱡa ndupa, muⱡ ei kandpa, Got kÊn angge nimba atinga rurum. Wote elim ndi, bret nimbÊ, puk ropa tÊpa, elim nga kitip kÊni wu ni kÊⱡ ngurum. Wu ni kÊⱡ ndi, mek andÊk, wamp mbÊ ngurung. Wote Jisas ndi, oma ni raⱡ i ku etpa, puk ropa pendpa, wamp nimbÊ ngurum. 42 Wamp nimbÊ pora, rÊng nok kapⱡa endilingina, pÊlÊng uⱡ itim. 43 Wote, kitip kÊni wu ni kÊⱡ ndi, bret na, oma na noⱡina, mana titim nimbÊ, tÊk kowÊ wal 12 mel rok peka rondrung. 44 RÊng ila molk norung ei, wu 5000 ei mel molk norung. 45 Wote, rÊng nok pora nduⱡungina, Jisas ndi, elim nga kitip kÊni wu ni kÊⱡ, tÊpa nu kanu ni kÊⱡ ila, rukÊr ndupa kuimp tek Betseita kona num noi orunga ila, pÊi nimba mundrum. Wote, elim moⱡpa, wamp nimbÊ ndi, pÊi nimba mundrum. 46 Wu nimbÊ pÊi nimba mundpa kÊn, Jisas ni, komnga tila oⱡa mba atinga rurum. 47 Wote kona ni, epindama elinga, nu kanu ni kÊⱡ, num rÊk mil ila, kun purum ni kÊn, Jisas ni, elim mendpÊⱡ ya orunga mÊi nila murum. 48 Jisas ni, kÊndrÊm mel, elim nga kitip kÊni wu ni kÊⱡ morung. Nu kanu ni kÊⱡ kÊpkÊ ndi, ropa noi ya elinga, tÊp kun mundmin nÊk etÊng. Wote, kona rangimba pilpa, min titim ei kÊn, Jisas ni, wu ni kÊⱡ morung nila, nu ndi, pol ila oⱡa urum. Jisas ni nondpa omba, wuldÊng mba elinga, wu ni kÊⱡ ndi, kandÊk nÊk mel, “Kur ti!” nÊtÊng. NÊk pilik, kei nÊtÊng. 50 Wote, wu nimbÊ pora, Jisas kandÊk mundmong etÊng. Ni kÊn, Jisas ndi, kundpa nimba mel, “Mundmong iti nÊtÊi! Na ont ei ka!” nitim. 51 I nimba kÊn, Jisas ni, elim nga kitip kÊni wu kÊⱡ, nu kanu morung ni kÊⱡ ila, omba oⱡa puⱡnga, kÊpkÊ ni, tÊngÊnda mint kÊr nitim. Ni kÊn, kitip kÊni wu ni kÊⱡ ndi, Jisas kandÊk kÊn, rut nÊtÊng. 52 Nambuⱡ emel, wu kÊⱡ ndi, Jisas ukÊ orunga, bret kÊmp tÊpa ngurum uⱡ ni, tÊk mindi namindÊtÊng. Ei nambuⱡ emel, wu kÊⱡ nga en enim nga numan orunga piral ni nÊndÊtÊm. 53 Wu ni kÊⱡ num ni puⱡa rok, ya Genesaret kona orunga ok, nu kanu ni kÊⱡ nu ila, kan kolk pendÊtÊng. 54 Wote, wu ni kÊⱡ, nu kanu ni kÊⱡ, wak rok ekit orung ni kÊn, wamp nimbÊ ndi, Jisas ni unt kandÊk poⱡ ndurÊng. 55 Wote wamp nimbÊ, tÊkrÊk kona nimbila pora puk, en enim nga rupⱡaima ila, kui wamp nimbÊ mek, Jisas kona nant ila murum pÊtÊng kona nila orung. 56 Jisas wamp manga rÊⱡaip anggÊtÊm kona mbila muna, kona peng kel mbila muna, pana kongun kona mbila muna, en enim nga kui wamp mbÊ mek, mel rarÊp kona mbila elpa elpa tek molk, Jisas waldÊk, kui wamp kÊⱡ ndi, Jisas elim nga muⱡ punt kÊⱡ minda angina, ndÊng ndam, wamp mbÊ, nga kui mbÊ wang nimba nÊk pÊtÊng.