Mak 15

1 Ipri unt, wu pris kÊⱡ nga wu kuimbal kÊⱡ kÊn, manga wingti rÊp wu mbÊ kÊn, mi ik mbo wu na, wote kaunsil wu ou mat, kona ila mormÊn nimbÊ pora, ik tenda ti nÊk pendÊk ok, Jisas ni kan ngÊk mek puk, Pailot nga ki ila ngorung. 2 Wote, Pailot ni ndi, Jisas waldpa nimba mel, “Nim Jura wamp mbÊ nga wu nuim mumuk ei?” nitim. Wote Jisas ndi, punt ropa nimba mel, “Int nim nÊn ei ka!” nitim. 3 Ei kÊn, wu pris kuimbal mormÊn nimbÊ ndi, Jisas uⱡ ⱡawa mat ou ndupa etÊm nÊtÊng. 4 Ni kÊn, Pailot ndi, Jisas aldpa waldpa nimba mel, “Nim ik ti punt ruin muna mon? Nim uⱡ ⱡawa mat ou ndupa in nÊk, ik mura ngonmin ei, pÊn muna mon!” nitim. 5 Aldpa, Jisas ik ti punt rui nÊrÊrÊm ila, wu Pailot ni, ama min ngÊn mundrum. 6 Pana ui mbila rÊk rÊk Jura wamp mbÊ nga etpa ti rÊng normÊn ui ei, ekit orum ei kÊn, Pailot ndi, kan manga ila wu tenda ti, wamp mbÊ ndi, en enim numan ngormÊn wu ei tÊpa, ekit ndupa ku etÊm. 7 Ui ei kÊn, kan manga ila wu ti mbi tek, Barapas nÊtmÊn wu ei kÊn, wote wu mat, el etÊk wamp rok kondÊk etÊng wu nimbÊ kÊn, kunda petÊng. 8 Wote, wamp minal ok, mou rok molk, Pailot waldÊk en enim ui ei kÊn, etÊm uⱡ ni mel itangga nÊk morung. 9 Wote Pailot ndi, wamp nimbÊ, waldpa nimba mel, “Na ndi, ya Jura wamp mbÊ nga wu nuim mumuk ei, wak rop mundamp ninmin ei?” nitim. 10 Pailot ik ei mel nitim ei, nambuⱡ emel, wu pris kuimbal kÊⱡ ndi, Jisas kÊn wÊlÊk rok, Jisas mek ok, elim nga ki ila tÊndÊtÊng uⱡ ei, pilpa pora ndupa nitim. 11 Wote, wu pris kuimbal kÊⱡ ndi, wamp minal morung nimbÊ kÊn, ronduⱡ mondÊk nÊk, Pailot ndi, nimba mel, “Barapas mint wak rangga nÊi!” nÊtÊng. 12 Wote, aldpa Pailot ndi, wamp minal morung nimbÊ, kundpa nimba mel, “Jura wamp nga wu nuim mumuk, ninmin ei, na ndi, namba uⱡ ti, tamp nÊk pÊnmin?” nitim. 13 Wamp pora, ke nÊk int nduk nÊk mel, “Nde peta ila nil rui!” nÊtÊng. 14 Pailot ndi, waldpa nimba mel, “Wu ei, namba ⱡawa ti em?” nitim. Pailot ndi wuldÊtÊm. Ni kÊn, wamp pora, ronduⱡ ke nÊk mel, “Nde peta ila nil rui!” nÊtÊng. 15 Wote Pailot ndi, wamp pora ronduⱡ mundÊk, Jisas ruimin nÊtÊng ni, kandpa wamp kÊⱡ nga numan orunga, etÊp wang nduimp nimba, Barapas kan ngÊk pendÊtÊng ni, wak ropa mundrum. Jisas ni, kan pilda rok, wote nde peta ila nil rok etÊng nimba, Rom el wu nimbÊ nga ki ila ngumba, rukrung ndurum. 16 Wote Jisas ni, el wu kÊⱡ ndi, mek gapman wu ou ei nga manga kukaⱡ ila mek mukÊr puk, el wu morung nimbÊ pora ok mou rÊi nÊtÊng. 17 Wote, el wu nimbÊ ndi, Jisas mul kunt na ti mel pakundÊk, kan goimbun rong mul ti tÊk, mÊkÊp etÊk tÊk wÊna mel pakÊndrÊng. 18 Uⱡ kÊⱡ etÊk pora nduk, kei nÊk, Jisas kÊn mura rok mondÊk nÊk mel, “Jura wamp nga wu mumuk ei muⱡangga!” nÊtÊng. 19 Wote, nde puⱡa mat tÊk, Jisas nga peng ila tÊmbÊⱡ rok, rÊk rÊk etÊk, ol rok kandÊk, mura rok mondÊk, wote mbi paka rondÊk etÊng. 20 Wote, Jisas tÊk wÊlÊ mundrÊng uⱡ nimbÊ, etÊk pora nduk, muⱡ mbal kunt ti, pakÊndrÊng ni tÊk mundÊk, Jisas elim nga muⱡ, unt nga ni kÊⱡ tÊk randrÊng. RandÊk kÊn, Jisas nde peta ila nil ruing pilik mek purung. 21 Jerusalem kona peng ni, wak rok ekit puⱡÊngina, Saimon, ya Sairin kona ila wu Aleksanda kÊn, Rupas raⱡ nga tipam ei, kona ekit orunga tila moⱡpa, kona peng ila uimp nimba urum. Wu ni, el wu nimbÊ ndi, ronduⱡ mundÊk nÊk mel, “Jisas nga nde peta ni, tÊpa miyangga!” nÊtÊng. 22 I etÊk mek ok, Jisas ya kona ti mbi tek, “Golgata,” nÊtmÊn kona nila mek rÊk orunga, Golgata mbi ei nga puⱡ ei, “Wamp peng ombÊl kona,” nÊtmÊn. 23 Kona ila Jisas nu wain kÊn mel kombuⱡa iti ti, mbi tek, mur rok nÊtmÊn ni, rok oⱡa mana etÊk, mek ok ngurung. Ni kÊn, Jisas nui nÊndrÊm. 24 Wote Jisas ni, nde peta ila, nil rok pendÊk, el wu kat ndi, Jisas nga wal pÊki ni kÊⱡ, nam ndi, tÊmba nda nÊk, kat etÊng. 25 Ant mong 9 kilok elinga, Jisas ni, nde peta ila nil rok pendÊtÊng. 26 Jisas tÊk, ik kuldÊk mon ti, ei mel rok mondrung. Mon ei ndi, nimba mel, “JURA WAMP NGA WU NUIM MUMUK EI,” nÊtÊng. 27 Ei kÊn, kindÊp wu ralt pendÊk, nde peta ila rorung. Ti Jisas nga ki mbo orunga rok, ti ki rar orunga rok pendÊtÊng. 28 [I elingina, Painui wu Aiseiya ndi, ik ti unt mon ropa pinditim ik ni, omba kupa itim. Ik ei ndi, nimba mel, “Wu ei kindÊp wu mbÊ kÊn, rak nduk, rok kunding,” nimba petÊm.] 29 Wamp nombuⱡa mam ila ok puk mel, peng mbÊ walinga rok, Jisas tÊk, ik kuldÊk, ei mel nÊtÊng, “Kaiye! Nim manga wingti ou ei, gu ndup, mana tÊp, rumbÊⱡ raldika ila rÊkimp nitin ni ka! Akup nim nde peta ila mana okÊn, ni ninim etkÊn tin ka!” nÊtÊng. 31 Wamp ik nÊtÊng ni mel ku, wu pris kuimbal mormÊn nimbÊ kÊn, mi ik mbo wu nimbÊ kÊn, Jisas tÊk, ik kuldÊk nÊk, int yant etÊng, “Jisas wamp mat etpa titim ni, wote elim etpa ti natÊnÊm ei ka! 32 Akup nim Kraist, Jura wamp nga wu nuim mumuk ei ndam, nde peta ei, wak rokÊn, mana wana kandpÊn kÊn, tÊn ndi, nim Got nga kangÊm ei, nimbun mondÊp pilÊmin!” nÊtÊng. Wote, kindÊp wu ralt, Jisas kÊn, nde peta ila pendÊk rorung wu ni raⱡ ndi, kunda ku, Jisas ik ngurÊnggil. 33 Wote, ui ni kÊn, kona ou rÊnggilmÊ elinga, mÊi kÊmp nimbÊ pora, rumbÊⱡ roⱡnga, ant mong raldika itim. Ant mong raldika elinga, Jisas mindil tÊpa, ronduⱡ wi ropa nimba mel, “Eli, Eli, Lama Sabaktani!” nitim. Ik ei nga puⱡ ei, Ipru ik ila ei mel nÊtÊm, “Na nga Got, na nga Got, nambuⱡ emel nim na wak ron?” nitim. 35 Wamp mat kona ila nondpa morung nimbÊ ndi, Jisas ik nitim ni pilik, “Kum tÊiya! Wu ei Elaija wi ronum!” nÊtÊng. 36 Wote, wu ti ndi, muⱡ undi ti tÊpa, nu wain kit murum tila mana ndupa, tÊpa ndilwa punt ila mondpa, Jisas nu ei nangga nimba itim. Oⱡa ndupa Jisas ngumba etpa nimba mel, “TÊn nokundpÊn moⱡpÊn kinamin! Painui wu Elaija ndi omba, Jisas nde peta ila mana tÊmba muna mon nda?” nitim. 37 Wote, Jisas ka ronduⱡ etpa kÊn, wote kurum. 38 Jisas ni koⱡnga kÊn, muⱡ mbal ti manga wingti ou ila, rukÊr mondÊrmÊn ni rÊk ting ila paⱡpa omba, met ekit purum. 39 Ni kÊn, el wu ou ti, nde peta ila nondpa murum ni, Jisas ke nimba koⱡpa itim uⱡ nimbÊ, kandpa kÊn nimba mel, “Wu ei ama kupa, Got nga kangÊm ei!” nitim. 40 Kona ila nondpa, amp mat ruⱡ etÊk molk, kandÊk morung. Amp morung ni kÊⱡ nga amp, ti Mariya Maktelin, ti Mariya ei, kang wu Jeims kÊn Josis raⱡ nga mam ei, wote amp ti Salomi. 41 Amp kÊⱡ, Jisas Galili kona ila kont murum ei kÊn, Jisas tÊk rapÊndÊk, Jisas nga ik kum tek etÊng amp kÊⱡ. Wote amp mat, Jisas kÊn rÊp rok, Jerusalem kona ila orunga amp nimbÊ pora, Jisas rorung kona nila morung ku. 42 Ui ni, Jura wamp nga mowi kor utÊmÊ orunga muⱡing ei nga, akup mel Jisas kurum. Ei nga, kona rumbÊⱡ romba elinga, Arimatiya kona ila wu Josep ei, Jura wamp nga moⱡpa kundi orunga, wu nuim kai ti, elim Got nga wamp tÊpa mumuk romba ui ei, nokundpa murum wu ei urum. Wu ei ndi, elim ronduⱡ mundpa, Pailot kÊn mba, Jisas nga on ei ngangga nimba, mawa itim. 44 Wote, wu Pailot ni, Jisas koⱡum nÊtÊng ik ni pilpa, rut nimba, elim nga el wu ou ti, wi ropa rukÊr tÊpa, Jisas koⱡpa pora ndum muna mon, nimba wuldÊtÊm. 45 Wu Pailot ni, elim nga el wu ou ei nga ik nimba, yant ndurum. Ni pilpa kÊn, Josep kapⱡa, Jisas nga on ei, tangga nitim. 46 Wote, Josep ni mba, muⱡ mbal kurÊmÊⱡa ti, wamp on kum rormÊn mbÊ nga, rarÊp ropa tÊpa, mepa omba. Jisas nga on ni mana tÊpa, muⱡ nila kum ropa tepa, Jura wamp nga wamp on etmin ku manga ila rukrÊng ndupa titim. Wote, ku mam ti ndi, ku manga ni kumba rurum. 47 Josep ndi, Jisas nga on ei, titim kona ni, amp Mariya Makndelin kÊn, Mariya kang wu Josis nga mam kÊn, kandÊk moⱡÊnggila, Jisas nga on ni titim.