Mak 13

1 Jisas manga wingti ou ni, wak ropa mbi nimba puⱡnga, elim nga kitip kÊni wu ti ndi kundpa, “Ik mbo wu ye! Ya kana! Manga ei, ku ou mon pi kai mat ndi, tÊk rukrÊng ei kan mon!” nitim. 2 Wote Jisas ndi, wu ni kundpa nimba mel, “Enim ya manga ou kanmin mbÊ nga, na ik ti enim pÊlÊi! Ku ou mon pi kai puⱡ puⱡ moⱡpa punum kan manga kÊⱡ, wote ui ti om ei kÊn, ya manga ou kÊⱡ, i etpa muⱡi nambÊⱡmba. Manga kÊⱡ rok gu ndangina, ku mbÊ ÊⱡmbÊⱡ nimba, mana omba,” nitim. 3 Wote, Olip komnga ila moⱡpa, manga wingti ou ni tÊpa, yant ndupa kandpa moⱡnga, Pita, Jeims, Jon kÊn, Andru kÊn, mint ok, Jisas elim kou moⱡnga waldÊk nÊk mel, “Manga ou rok gu nduing uⱡ ei nant kÊn etmba? Rok mbÊ nduing ui ei, nondpa om ei kÊn, tÊma ila namba tÊma ila mbÊ itangga, kandpÊn moⱡmina, uⱡ mbÊ mel etmba?” nÊk waldÊtÊng. 5 Wote Jisas ndi, wu ni kÊⱡ kundpa nimba mel, “Enim tÊk tiki punding ei nga, tÊk mendÊk muⱡÊi! 6 Wu minal ndi, na nga mbi ila onmÊn nÊk, ‘Na Kraist aⱡÊm ei ont,’ nÊk, wamp minal tÊk tiki punding. 7 Kona nondpa muna, kona roⱡ mbila, el enmin nÊk, timan rong ndam, numan ÊkpÊk ti nÊtÊi! Uⱡ mbÊ etmba ku. Wote, muⱡ mÊi raⱡ pora ninggil ui ei kokila. 8 Wu mbo rÊⱡaip kat kÊn, rÊⱡaip kat kÊn el iting. Wote, gapman mat ndi, gapman mat kÊn el ruing. KilimbÊmp kona mbila, ambuⱡpa oⱡa tÊpa etmba, kump kun kan mam mbÊ temba. Mindil kÊⱡ, amp kangambuⱡa ming pilik, mindil normÊn uⱡ ni mel etmba. 9 Enim tÊk mendÊk muⱡÊi! Na nga mbi ila, enim tÊk mek puk kot endÊk, enim atinga manga mbila rok, wote wu nuim mumuk mbÊ kÊn, kona rÊp etmin wu mbÊ nga kuimp keta ila tÊk, oⱡa angÊndÊk kanda rok, rÊnang ik kai mat nÊk ngÊi nÊk iting. 10 Ei nga, kuimp tek puk, wamp kona elpa elpa mbila, Got nga rÊnang ik kai mbÊ nÊk ngÊi! 11 Wote, enim imp molk mek, kot manga ila mek pung ndam, enim ndi, namba ik ti nimp nda nÊk, kÊⱡ keⱡ numan ou nduk, pili nÊpÊlÊi! Nambuⱡ emel, nim ant ila, nin ik mbÊ, Muⱡnga Wingti elim ndi omba, keta ila moⱡpa, nimba ngui ngui etmba. 12 Wu ÊngÊn mat ndi, ÊngÊn mat rÊk muⱡangina, rok kunding. Wote tipam ndi, elim nga kangambuⱡa mbÊ, i ku itangga, rok kunding. Wote, kangambuⱡa mbÊ ndi, tÊk ropÊl rok, mam tipamÊl mbÊ nga rÊk muⱡangina, rok kunding. 13 Na nga mbi ei, enim kÊn petÊm uⱡ ei nga, wamp minal ndi, enim numan mbÊⱡ nguing. Wote, wamp nam ti ndi, uⱡ mindil nui mbila, ronduⱡ mba moⱡum ndam, wamp ei, Got ndi, etpa peng kont tÊmba. 14 “Enim kÊnangina, uⱡ kit mindil nui mat, Got nga kona peng Wingti ila ekit ui nawÊmba, kona ila ekit wangga kÊning. Jura kona ila moⱡÊng wamp mbÊ, nÊng nÊk, nde pana komnga mong mbila pÊi! 15 Wamp ti, manga ui ila, oⱡa mba moⱡum ndam, mana omba manga ila mukÊr mba mel ti, tÊpa mepa mbi nimba iti nÊtangga! 16 Wu ti, kongun kona ila moⱡum ndam, mang kona omba wal pÊki ekit orunga kÊⱡ, timp nimba pi nÊpangga! 17 Ui ei kÊn, amp kangambuⱡa mondÊk moⱡÊng mbÊ kep, wote kangambuⱡa aim ngÊk moⱡÊng mbÊ kÊn, mindil kit mat nuing. 18 Uⱡ nÊnt mbÊ, kona ndamÊng rui narÊmba ui ti kÊn, iti nÊtangga nÊk, Got kÊn atinga rÊi! 19 Nambuⱡ emel, ui ei kÊn, uⱡ mindil nui elpa mat ekit omba. Ei, unt muⱡ mÊi raⱡ puⱡ mondpa itim ui ei kÊn, yant ndupa mindil nui nandrÊng, mindil mat nuing. Omba wote, mindil kÊⱡ mel kat, ama pi napÊmba, mon! 20 Wote, Wu Nuim ei ndi, elim nga wamp mendpÊⱡ kÊⱡ nga nÊndpa, uⱡ mindil nui ui ei, tÊpa nondpa endÊmba. Got nga wamp mendpÊⱡ kÊⱡ, mon elinga ndam, wamp ti moⱡpa ruⱡ, pi napÊⱡnga. 21 Ui ei kÊn, ‘Wamp ti ndi, Kraist ya ila morum kana!’ nimba. Muna, ‘Int ila morum nÊm ndam,’ wamp ei nga nÊm ik ei, mondÊk pili nÊpilÊi! 22 Wu mat Kraist Got nga morung wu ralk, wote wu mat painui wu ralk, uⱡ min ngÊn pi mat etÊk, nÊk itangina mba kapⱡa em ndam etÊk, Got nga wamp mendpÊⱡ mbÊ kapⱡa, rukrÊng tÊng ndam, kapⱡa ting mint. 23 Ei nga uⱡ etmba ei mel, unt enim kundÊp nÊnt ei kÊn, tÊk mendÊk muⱡÊi!” nitim. 24 “Wote, mindil kit nong ui ei pora nangga, akil tepa, ‘Ant ei rumbÊⱡ moⱡpa, kalimp ei rÊⱡang pi napÊmba. Mipil rangÊnt mbÊ, kawa ndupa, mana wangina, wi oⱡa muⱡ kona ei nga ronduⱡ mbÊ, kÊⱡ kÊⱡ nimba roka ropa mana omba.’ 26 “I em ei kÊn, MuⱡÊl Wu Kupa ei, kopa pol ila, Got nga ronduⱡ ei, rÊpndi rÊⱡang mbÊ, tÊpa mepa, kopa pol ila wangga kÊning. 27 Wote, elim nga anggelo mbÊ, tÊpa mundangga puk, muⱡ uⱡ mbila puk, Got nga kÊmp ropa titim wamp mbÊ, kÊmp kÊm tÊk, tenda etÊk, mek rukÊr uing,” nitim. 28 “Nde ui mbi paka etÊm uⱡ ei ndi, enim uⱡ ti mbo indangga. Nde ui mbi paka etÊm ei kÊn, kona ant mba ui ei nondpa enim, nÊk tÊk mendÊtmin. 29 Ei mel ku, uⱡ nÊnt mbÊ mel em kandÊk, yant uimp nitim ui ndi, nondpa enim nÊk pilÊi! 30 Enim ik kupa ei, kundÊp nÊnt, ya wamp rÊⱡaip akup ila monmÊn kÊⱡ, kolk pora ndui nÊndangina, na nÊnt uⱡ kÊⱡ mel etmba. 31 Muⱡ mÊi raⱡ tÊnggÊt kÊn, pora ninggil. Wote, na nga ik ei, ama pora ni nanÊmba mon! 32 “RumbÊⱡ muna ant mong nant tila, uimp ui ei, wamp ti ndi, pili napÊtmin. Wote, oⱡa muⱡ ila anggelo mbÊ ndi kep, wote Got nga kangÊm ei kep, mon ku. Oⱡa Wuta, elim mendpÊⱡ pilpa morum. 33 Ei kÊn, tÊk mendÊk, numan kundil nangga muⱡÊi! Enim tÊk mindi namÊndÊk muⱡangina, ui ei ekit omba. 34 Ui ei to rondpa, wu ti kona ruⱡ tila purum. Ei mel ku, kona ila mba etpa, elim nga kindmant wamp mbÊ, kongun ndoimp rok iting ei mel, kÊmp tÊpa elpa elpa ngurum. Wote, keta puⱡ puⱡ rÊp etÊm wu ei kundpa, elim rumbÊⱡ muna, ant mong nant ila yant uimp ui ei, rÊp etÊk muⱡÊi!” nitim. 35 Ei kÊn, manga puⱡ wu ei, epindama omba, muna ou ipri omba, muna rangÊmba pilpa, mint tem ei kÊn omba, muna ant oⱡa om ei kÊn omba? Ei nga, rup etÊk muⱡÊi! Wote, wu ei tÊpa tÊndpa om ei kÊn, enim ur piyangina omba, kÊni nÊkÊnangga! 37 Enim kundÊp nÊnt ik ei, wamp pora, ik ku etÊp kundÊp nÊnt. Ei nga, kandÊk tÊk mendÊk muⱡÊi!” nitim.