Mak 10

1 Wote Jisas ndi, kona ni wak ropa, Juriya kona ila mba, nu Joran puⱡa ropa, noi orunga purum. Kona ila, wamp minal ndi, aldpa Jisas kÊn ok mÊk rorung. Jisas ndi, wamp nimbÊ, ik mbo endÊtÊm ni mel ku inditim. 2 Perisi wu mat ndi ok, Jisas oⱡa tÊk waldÊk nÊk mel, “TÊn nga mi ik ei ndi, tÊn kundpa wu ei ndi, amp ei kapⱡa ndenggÊⱡa ndumba nda?” nÊtÊng. 3 Jisas waldÊtÊng ni, punt ropa nimba mel, “Moses ndi, enim namba mi ik ei, nimba ngurum?” nitim. 4 Wote, wu ni kÊⱡ ndi, punt rok nÊk mel, “Moses ndi, kapⱡa nangga, wu ti ndi, mon ropa amp ei, mondkÊn kili nim ndam, wu ei ndi, ambÊm ei, mondpa kilangga pangga,” nitim. 5 Jisas ndi, wu ni kÊⱡ kundpa nimba mel, “Moses ndi, mi ik ei, ropa ngurum. Ei nambuⱡ emel, enim nga numan orunga ronduⱡ puⱡnga, Moses ndi kandpa, mi ik ei mbÊ ropa rurum. 6 Wote, unt kuimp tepa, Got ndi, mel mbÊ itim ei kÊn, ‘Got ndi, wu ei kÊn, amp ei kÊn mint itim. 7 Uⱡ ei nga, wu ei ndi, tipam mam raⱡ wak ropa, elim nga amp ei kÊn, omba rump nÊtÊm. 8 Wote, wamp raⱡ omba, wamp tenda mel etÊm. Wamp raⱡ aldpa wamp raⱡ mel mon, wamp tenda mel mormbil.’ 9 Wote Got ndi, wu amp raⱡ tÊpa tenda itim uⱡ ei, “Wamp ti ndi nimba ndenggÊⱡa ndui nÊndangga,” nitim. 10 Wote Jisas kÊn, elim nga kitip kÊni wu ni kÊⱡ kÊn, kelik mang kona puk kÊn, elim nga kitip kÊni wu ni kÊⱡ ndi, uⱡ kÊⱡ nga nÊk waldÊtÊng. 11 Wote Jisas ndi, i etpa kundpa nimba mel, “Wu ti ndi, elim nga amp ei ndenggÊⱡa ndupa, amp kont paka ti tÊm ndam, wu ei ndi, amp ei kÊn, wapra rui uⱡ ei nga etmba. 12 Wote, uⱡ ei mel ku, amp ti ndi, elim nga wu ei ndenggÊⱡa ndupa, wu kont paka ti pum ndam, amp ei ndi, wapra rui uⱡ ei nga ku etmba,” nitim. 13 Wamp mat ndi, en enim nga kangambuⱡa mbÊ, Jisas ndi, memp pindangga nÊk mek orung. Wote, elim nga kitip kÊni wu ni kÊⱡ ndi, wamp nimbÊ kundÊk nÊk mel, “Kelik mek pÊi!” nÊtÊng. 14 Wote Jisas ndi, ik ei mel nÊtÊng ila kandpa kÊn, popÊⱡ kuⱡpa, elim nga kitip kÊni wu ni kÊⱡ kundpa nimba mel, “Kangambuⱡa kÊⱡ mon ni nÊnÊi! Enim ndi, wak rok mundangina, na kÊn uing. Nambuⱡ emel, Got nga tÊpa mumuk rui uⱡ ei, wamp i etpa mbÊ nga. 15 Na enim ik kupa ei, kundÊp nÊnt, wote wamp na ti, Got nga tÊpa mumuk rui uⱡ ei, kangambuⱡa kel kÊⱡ mel moⱡpa, ti natÊm ndam, wamp ei, Got nga tÊpa mumuk rui uⱡ ila rukÊr pi napÊmba,” nitim. 16 Wote Jisas ndi, kangambuⱡa nimbÊ, kanggilpa rukÊr tÊpa ambuⱡpa, memp pinditim. 17 Wote, Jisas kelpa mbi nimba puⱡnga kÊn, wu ti tÊkrÊpa omba kÊn, Jisas nga kuimp keta nila, mura ropa mondpa kÊn, Jisas waldpa nimba mel, “Ik mbo wu kai ye! Na wote, namba uⱡ ti, etÊp uⱡ nga kÊnt nga kont mul uⱡ ei timp nda?” nitim. 18 Wote Jisas ndi, wu ni waldpa nimba mel, “Nambuⱡ emel, nim ndi, na kundkÊn wu kai nÊn? Wamp ti, ama kai mon! Got wu tenda ei mint kai! 19 Nim mi ik kÊⱡ pÊtÊn ei, ‘Nim wamp ti rokÊn kundi nÊkÊndi, nim wu amp kandpa kum pindi uⱡ ei iti nÊti! Nim kindÊp nui nÊni! Nim ik kol rui nÊri! Nim ik kol rokÊn, wamp ti nga mel na ti, rok ranggÊkÊn iti nÊti! Nim tipanÊm manÊm raⱡ numan ngokÊn tÊkÊn ou ndui!’” nitim. 20 Wu ni ndi, nimba mel, “Ik mbo wu ye! Mi ik kÊⱡ na ama kang kel kÊn, moⱡÊp pep rur,” nitim. 21 Jisas ndi, wu ni kun kandpa, numan ndi, koⱡpa nimba mel, “Nim mel tenda ti nga mint mon kant ei ka! PukÊn nim nga mel mbÊ pora, rarÊp rokÊn, ku tÊkÊn wote, ku mbÊ ndi, wamp kit kurpa mbÊ tÊkÊn rÊpndi. I in uⱡ ei ndi, nim muⱡ kona wu nuim muⱡÊn. NÊnt uⱡ ei mel etkÊn, nim na kÊn, pep rokÊn ui!” nitim. 22 Wu ni, ya kng mel mbÊ nga wu nuim murum ei nga, ik ni pilpa kÊn, kuimp keta orunga kit pilpa mang kona purum. Ei nambuⱡ emel, elim wu mel ni ti murum. 23 Wote Jisas ndi, tÊpa ropÊl ropa, elim nga kitip kÊni wu ni kÊⱡ, kundpa nimba mel, “Wamp nuim mel pi mbÊ, Got nga wamp tÊpa mumuk rui kona ila rukÊr ping ei nga mbun etpa petÊm,” nitim. 24 Jisas nitim ik ei nga, kitip kÊni wu ni kÊⱡ pilik, min ngÊn mundrÊng. Wote Jisas ndi, aldpa wu ni kÊⱡ, kundpa nimba mel, “Na nga kangambuⱡa kÊⱡ, wamp ti, Got nga wamp tÊpa mumuk rui kona ila rukÊr mbi nimba pilim ndam, elim mbun mam mbÊ, koma romba. 25 Kng kamel ei, gal ruri nombuⱡa mam ila rukÊr mba uⱡ ei, mbun etpa petÊm. Ei mel ku, mel pi wamp mbÊ, Got nga wamp tÊpa mumuk rui kona ila rukÊr ping ei nga mbun minal etpa petÊm,” nitim. 26 Ik ei nga kitip kÊni wu ni kÊⱡ, ama min ngÊn mundÊk, ik ou nduk ei mel nÊtÊng, “Wote, uⱡ ei mel nda, wamp nam ti, Got ndi, etpa tÊmba nda?” nÊtÊng. 27 Jisas ndi, wu ni kÊⱡ kun kandpa, yant ndupa nimba mel, “Uⱡ ei, tÊn wamp mbÊ kÊn mbun etÊm. Wote Got ndi, uⱡ ti rundi nandrÊm. Uⱡ mbÊ pora, Got ndi, kapⱡa etÊm mint!” nitim. 28 Wote Pita ndi, nimba mel, “Ya kana! TÊn nga mel mbÊ pora, wak ropÊn, nim pep ropÊn urmÊn ei ka!” nitim. 29 Wote Jisas ndi, wu ni kÊⱡ, kundpa nimba mel, “Ei kupa ei nga, na enim kundÊp nÊnt, wamp nam ti ndi, elim nga mang kona wak ropa, ÊngÊnÊl kimÊnÊl wak ropa, mam tipamÊl wak ropa, kangambuⱡa mbÊ wak ropa, kongun kona mbÊ wak ropa, na nga nindpa, na nga ik kai ronduⱡ kÊⱡ nga nindpa om wamp ei mel kai mat ou ndupa, punt ropa tÊmba wamp ei, punt ropa mel 100 ei mel ngumba. Wote, ou ndupa pendpa ngumba. Mel mbÊ manga na, ÊngÊnÊl kimÊnÊl na, mam tipamÊl na, kangambuⱡa na, kongun kona na, ou ndupa tÊng ei kÊn, uⱡ mbun mindil nui mat kandÊk ting ku. Wote, muⱡ mÊi raⱡ pora nim ei kÊn, wamp ei uⱡ nga kÊnt nga kont mul uⱡ ei tÊmba. 31 Wote, wamp ama puⱡi kuimp tÊnmÊn mbÊ, wote ok akil ting, wote wamp ama puⱡi ok, akil tÊnmÊn mbÊ, wote ok kuimp ting,” nitim. 32 Jisas kÊn elim nga kitip kÊni wu ni kÊⱡ kÊn, Jerusalem nombuⱡa mam nila purung. Jisas ndi, elim nga kitip kÊni wu ni kÊⱡ tÊpa akil ndupa, elim omba, kuimp titim ila, elim nga kitip kÊni wu ni kÊⱡ mundmong etÊng. Wote, wamp pep rok, akil tek orung wamp nimbÊ, mundmong etÊng ku. Wote Jisas ndi, elim nga kitip kÊni wu 12 ni kÊⱡ rukÊr tÊpa, elim kÊn omba uⱡ mbÊ mel, “Ya pilÊiya! Akup tÊn wi Jerusalem kona peng mbin onmÊn ila, MuⱡÊl Wu Kupa ei tÊk, pris kÊⱡ nga wu kuimbal mbÊ kÊn, mi ik mbo wu mbÊ kÊn nguing. Wote, wu mbÊ ndi, wu ei kot endÊk wu ei, rok kÊndeing ning. Wote, wu mbÊ ndi, wu ei, tÊk wu rÊⱡaip elpa kat nguing ku. 34 Wote, wamp mbÊ ndi, wu ei tÊk ik kuldÊk, ol rondÊk, kan pilda rok, wote rok kunding. Wote, rumbÊⱡ raldika omba pangga kÊn, wu ei koⱡpa tikil ropa kont moⱡmba,” nitim. 35 Wu Sepeti nga kangÊm Jeims kÊn Jon raⱡ, Jisas kÊn okÊⱡ, waldkÊⱡ nÊkÊⱡ mel, “Ik mbo wu ye! Nim ndi, tÊl nga uⱡ ti indin, nimbÊⱡ onmbÊⱡ ei ka!” nÊtÊnggil. 36 “Ei nambuⱡ ti, indeimp ni kÊⱡ onmbÊⱡ?” nimba Jisas ndi waldÊtÊm. 37 Wu ni raⱡ ndi, yant ndukÊⱡ ni kÊⱡ mel, “Wote, nim pukÊn uⱡ eng nui mbÊ nga rÊpndi pol ila, wu nuim mumuk mbi paka ei kÊn, tÊl wu raⱡ nga ti tÊkÊn nim nga ki mbo orunga mondkÊn, wote wu ti tÊkÊn, ki rar orunga mundana muⱡÊmbil,” nÊtÊnggil. 38 Jisas ndi, wu ni raⱡ kundpa nimba mel, “Ya na waldÊnmbil uⱡ ei, enmbil pilkÊⱡ kai iti natÊk waldÊnmbil. Wote, enmbil kapⱡa nu ming na, nuimp ent ila enmbil kapⱡa nuinggil ei, wote na nu timp ent nu ila, enmbil kapⱡa nu tinggil ku ei?” nitim. 39 Wote, wu ni raⱡ ndi, Jisas kundkÊⱡ nÊkÊⱡ mel, “TÊl kapⱡa itimbil,” nÊtÊnggil. Wote Jisas ndi, wu raⱡ kundpa nimba mel, “Kupa, enmbil na nu ming nuimp ent nu ming ila, enmbil nu nuinggil ku. Wote, na nu timp ent nu ila, enmbil nu tinggil ku. 40 Wote, wu nam ti, na nga ki mbo orunga muⱡangga, ti ki rar orunga muⱡangga nimp ei, na nga ronduⱡ ti mon. Ei nga, enmbil kundÊp i ni nÊnimp. Wamp nam ti, kona ei tÊmba ei, Got elim ndi, unt tÊpa kun etpa, tinditim ei mel ting. Elim ndi, tÊpa kona ei, wamp kÊⱡ ngumba,” nitim. 41 Wote, kitip kÊni wu 10 ni kÊⱡ ndi, ik ei pilik, Jeims Jon raⱡ kÊn, popÊⱡ mondrÊng. 42 Wote Jisas ndi, wu ni kÊⱡ pora, rukÊr tÊpa, kundpa nimba mel, “Enim pÊtmÊn ni, wu nuim na ti, wamp rÊⱡaip kat nokÊndrÊm ndam, wu nuim ei ndi, wamp kel mbÊ, ambuⱡpa oⱡa mana etÊm ei, pilik mormin ei? 43 Wote, uⱡ ei mel ti, enim nga rÊk ting ila, pi nÊpangga mon! Wu kat enmin wu kÊⱡ nga ti, elim nuim muⱡimp nimba pilim ndam, wu ei, enim wu kat nga kindmant wu mel muⱡangga! 44 Wu nam ti, enim wu kÊⱡ nga kuimbal muⱡimp nimba pilim ndam, wu ei, wamp mbÊ nga pora kindmant wu mel muⱡangga. 45 Nambuⱡ emel, MuⱡÊl Wu Kupa ei, wamp mbÊ ndi, elim nga kongun etÊk, elim tÊk rÊpÊndÊk inding nimba, ui nÊwÊrÊm mon! Elim urum ei, wamp mbÊ tÊpa rapÊndÊmba ei nga urum. Wote, elim nga kÊng wak ropa, wamp puⱡi etpa, yant tÊmba ei nga urum,” nitim. 46 Wu nimbÊ ok, Jeriko orung, Jisas kÊn, elim nga kitip kÊni wu ni kÊⱡ kÊn, wamp puⱡi kÊn, Jeriko kona wak rok purung. Wu Timeiyas nga kangÊm Bartimeiyas mong titim ni, nombuⱡa mam ÊldÊ nila moⱡpa, wamp mbÊ kÊn, ku mong na mel mat mawa etpa, morum ni mel murum. 47 Wote, wu ni pitim mel, Nasaret wu Jisas ni, onum nÊtÊng ila, wu ni kei nimba wi ropa nimba mel, “Jisas! Wu Depit nga kangÊm! Nim na kont kuⱡa!” nitim. 48 Wamp puⱡi ndi, wu ni kÊn, popÊⱡ kulk nÊk mel, “Nim raka nÊkÊn muⱡi!” nÊtÊng. Wote wu ni, aldpa ronduⱡ kei nimba, wi ropa nimba mel, “Wu Depit kangÊm, nim na kont kun ka!” nitim. 49 Jisas ndi, omba anggilpa nimba mel, “Wu ei, wi rÊi!” nitim. Wamp nimbÊ ndi, mong ti wu ni, wi rok nÊk mel, “Jisas ndi, nim wi ronum kÊn, numan wang ndukÊn, oⱡa anggilkÊn ui!” nÊtÊng. 50 Wote, elim nga wal pÊki ni kÊⱡ, ropa mundpa, rut nimba anggilpa, Jisas murum nila purum. 51 Jisas ndi, wu ni, kundpa nimba mel, “Na ndi, nim nambuⱡ ti indimp nÊkÊn pilkÊn nÊn?” nitim. Mong ti wu ni ndi, int ndupa nimba mel, “Ik mbo wu ye! Na nga mong ei, etkÊn kai indana! Na kona mbÊ aldpa kÊnimp!” nitim. 52 Jisas ndi, wu ni, kundpa nimba mel, “Nim kapⱡa pa! Nim nga mondpa pili ei ndi, nim etpa tÊpa mundnum,” nitim. I nilinga kÊn, tÊngÊnda mint, wu ni nga mong ni raⱡ kai murum ila kona nimbÊ aldpa kÊndrÊm. Wote wu ni, Jisas pep ropa purum nombuⱡa mam ni mel purum.