Matyu 7

1 “Wamp mat nga uⱡ eng mbÊ kÊmp tÊkÊn ni nÊni! Wote, ei mel ku, Got ndi, nim kÊmp ti natÊmba. 2 Wamp mat nga kÊmp tÊkÊn, nin ei mel ku, Got ndi, nim kÊn i ku etmba. Nim wamp mat kÊn ronduⱡ mondÊk kÊn, nin ei mel ku, Got ndi, nim kÊn i ku etpa, ronduⱡ mondpa nimba. 3 Nambuⱡ emel, nim nga angina nga mong waⱡ ila nde karÊⱡ tetÊm ei, tÊk mundimp nÊkÊn, nim nga mong waⱡ ila nde koⱡmung tetÊm ei, tÊk mindi namÊndÊn ye? 4 Nim nga mong waⱡ ila nde koⱡmung ei tiyangga nÊkÊn, angina kondkÊn, ‘Ana raka moⱡa, nim nga mong ila nde karÊⱡ tetÊm ei, tÊp mundamp,’ nin ei kapⱡa etmba ye!’ 5 Nim kun kai rÊl wu ye! Unt nim nga mong ila nde koⱡmung ei tÊkÊn mundkÊn kÊn, wote nim nga mong ei piral nangga kandkÊn, wote angina nga mong ila nde karÊⱡ ei, tÊk mundi! 6 Mel wingti ti tÊkÊn owa mbÊ ngui ngÊngi! Wote nim ngun ndam, kelpa yant omba nim nomba. Nim nga tÊt pal kai mbÊ, kng moⱡÊng kuimp keta ila rok mindi nÊmÊndi! I in ndam, kamblik nim nim nduk ting. Atinga Ronduⱡ MundÊk Rormin 7 “Got kÊn mawa in ndam, mawa in mel mbÊ ngumba. Wote, mindil tÊkÊn kurun ndam, kandkÊn tin. Kumba ei rok gep gep ndun ndam, kumba ei tÊndÊmba. 8 Pilpa kelpa mindil tÊpa mawa em ei ndi tÊmba. Pilpa kelpa mindil tÊpa kurum ei ndi, kandpa tÊmba. Pilpa kelpa mindil tÊpa kumba ropa gep gep ndun ndam, ei nga kumba tÊndÊmba. 9 Wu nam ti ndi, kangÊm kang kel ti oka nuimp nimba, mawa em ndam, ku ti nguin ye? 10 Ei mel ku, muna oma ti mawa em ndam, kimbuⱡa ti nguin ye? 11 Enim wamp kiraⱡ mbÊ ndi, enim nga kangambuⱡa mbÊ mel, kai mbÊ ngurmÊn. Ei mel ku, enim nga muⱡ kona Wu TipanÊm kai ei ndi, mawa eng mel kai mbÊ teng ndupa ngumba." 12 Nim nga indeing nÊkÊn pÊtÊn uⱡ mbÊ mel ku, nim ndi, wamp mbÊ nga indi! Ya ik ei, Moses nga mi ik kÊⱡ kÊn, painui wu kÊⱡ nga mbo endÊtÊng ik mbÊ nga puⱡ mendpÊⱡ ei. 13 “Keta puⱡ puⱡ kel ila murÊk pÊi! Nambuⱡ emel, ndip kona ila purum nombuⱡa mam ei nga keta puⱡ puⱡ ei, para etpa tetÊm ila ping ei, wei wei etpa tetÊm. Wote, wamp minal nombuⱡa ila purmÊn. 14 Wote, omba uⱡ nga kÊnt nga kona ila nombuⱡa mam tepa purum ei nga keta puⱡ puⱡ ti ei, mindil tÊk purmin. Nombuⱡa mam ila, wamp onunga etÊk purmin. 15 “Ik kol painui wu mbÊ nga tÊk mendÊk muⱡÊi! Ekit orunga, kng sipsip kÊng kulk uing. Ei wote, wu mbÊ nga rukrÊng orunga numan ei, owa rakra na ei mel numan pendÊk uing. 16 Wu mbÊ uⱡ eng ei ndi, tÊkÊn mindin. Ruwa rÊⱡwa ti ndi, ropa muⱡ pi napÊtÊm. Muna rakum ei ndi, neka mel ropa koⱡ muⱡi nambrÊm. 17 Nde kai ti ndi, mong ropa kai mondrum. Wote, nde kit ti ndi, mong ropa kit mondrum. 18 Nde kai kat ndi, nde mong kit kat rui narÊmba. Wote, nde kit kat ndi, nde mong kai kat rui narÊmba. 19 Wote, nde mong kit rom nde ei, rui rok tÊk ndip ila kÊⱡing. 20 Ei mel ku, painui wu kol ropa kÊⱡ nga uⱡ eng mbÊ mel, kandÊk poⱡ ndÊi. 21 “Na kondÊk, ‘Nuim ei! Nuim ei!’ neng wamp mbÊ pÊkÊ, muⱡ kona tÊpa mumuk rui kona ila rukrÊng pi nÊping. Na nga muⱡ kona Wuta nga man ik ei pilik, tÊk teng ndung wamp mbÊ mint rukÊr ping. 22 Wamp kÊmp tÊmba ui mam ni om kÊn, na kondÊk, ‘Nuim ei! Nuim ei!’ Nim nga mbi ila, Got nga ik mbÊ wamp nimbun ngurmÊn? Nim nga mbi ila, kur kit murum wamp mbÊ, nimbun tÊp mundi nÊmÊndÊrmÊn muna, nim nga mbi ila uⱡ rÊpndi mat wengÊndpÊn iti nÊtÊtmÊn ye?’ 23 Ik ei mel nangina, na ndi, ik ei mel nimp, ‘Na enim kandÊp mbi ndui nandÊnt, kelik pÊiya! Enim punt kunt wamp mbÊ ye!’ nimp. 24 “Na nga man ik ei nga puⱡ mendpÊⱡ ei, pilpa tÊpa teng ndupa em wamp ei, wu mong rui ti elim nga manga ei, mepa ku pol ila rukrÊm ei mel kapⱡa. 25 Kona ndamÊng tÊmÊ ropa, nu kui omba, kÊpkÊ ronduⱡ ropa itim. Ni kÊn, manga ei, nen nimba murum. Ei nambuⱡ emel, manga ei ku pol ila rukrÊm. 26 Omba wamp ti ndi, na nga ik mong kÊⱡ pilpa kelpa, wote tÊpa rei ndurum wamp ei, wu rundi ti manga mepa ku ok pena ila rukrÊm ei mel kapⱡa. 27 Kona ndamÊng tÊmÊ ropa, nu kui omba, kÊpkÊ mam ropa itim ni kÊn, manga ni akpa tilinga mba pitim,” nitim. 28 Jisas ik kÊⱡ mel nimba, pora ndurum ni kÊn, wamp minal morung nimbÊ ndi, ik ronduⱡ pi nitim nimbÊ, pilik min ngÊn mundrÊng. 29 Jisas ni, mi ik mbo wu na nÊtmin mbÊ mel ni nÊndÊtÊm. Jisas nga ik ei, wu nuim mbÊ nga el ik nilingina, ronduⱡ purum ik ei mel nitim.