Matyu 27

1 Ipri unt, wu pris kuimbal na, manga wingti rÊp wu na mbÊ ndi, Jisas rok kunding ei mel kanggÊp ambrung. Wote, ki raⱡ tÊk, kan ngÊk mek puk, Rom Gapman ei nga wu kuimbal murum Pailot wu ei, nguing pilik, mek purung. 3 Jisas ruk murum wu Juras ndi, moⱡpa kÊndrÊm mel, Jisas ni, tÊk mong ngurung. Uⱡ ni kandpa, elim numan ropÊl ropa, ku moni silpa K30 ni kÊⱡ mepa mba, wu pris kuimbal kÊⱡ kÊn, manga wingti rÊp etmin wu mbÊ kÊn, int ndupa ngurum. 4 Ngumba nimba mel, “Na ndi, etÊp ⱡawa mundÊp, mong ti natÊm wu ti nga, ruk moⱡmba, akup rok kunding pilik nÊnmÊn kant ei ka!” nitim. Wote, wu ni kÊⱡ ndi, punt rok nÊk mel, “Uⱡ ei nga puⱡ ti, tÊn kÊn pi napÊtÊm ei, nim nga uⱡ ei ka!” nÊtÊng. 5 Wote Juras ni, ku moni ni kÊⱡ tÊpa, manga wingti ila ropa murÊk ndupa, elim ni mba, nuim nga nurum. 6 Wu pris kuimbal ni kÊⱡ ndi, ku moni ni kÊⱡ, aprÊk oⱡa tÊk, nÊk mel, “Wamp mema oi nim ku moni kÊⱡ tÊpÊn, manga wingti ei nga, moni tetmin kona ila, timin mel kapⱡa mon. Moses nga mi ik ei ndi, mon nÊtÊm uⱡ ei mel pep ruimin,” nÊtÊng. 7 Wote ol tek, ik nÊk tenda mundÊk, ku moni kÊⱡ ndi, mek puk, mÊi ming mim etÊm wu ti nga kona kuta ti, ei rarÊp rorung. Kona ila wamp tÊma mat ok, Jura kona ila koⱡung mbÊ, ÊngÊndmin nÊk etÊng. 8 Ui ila, yant ndupa omba, akup ui ei kÊn, kona ei akup mbi tek, “Wamp mema kona,” nÊtmÊn. 9 Ei kÊn, painui wu Jerimaiya nga ik ei mel nitim ei, omba kupa itim, “Ku moni K30 silpa kÊⱡ, Isrel wamp mbÊ ndi, wu ei rarÊp rÊmin nÊtÊng ei mel, ku moni kÊⱡ ndi, mek puk mÊi ming mim etÊm wu ei nga, kona keta ei, rarÊp rorung. Ei na, Oⱡa Nuim ei ndi, na kundpa nitim ei mel nÊnt,” nitim. 11 Jisas ni mek puk, wu nuim Pailot nga kuimp keta ila monduⱡnga, wu ei ndi waldpa nimba mel, “Nim Jura wamp mbÊ nga Wu Nuim Mumuk ei?” nitim. Wote Jisas ndi, punt ropa nimba mel, “Int nim nun ei ka!” nitim. 12 Wote, wu pris kÊⱡ nga wu kuimbal na, manga wingti rup wu na mbÊ ndi, kai kandÊk, elim kÊn ik nÊtÊng mbila ik na ti kep, punt ropa ni nÊndÊtÊm. 13 Ei kÊn, wu Pailot ei ndi, elim kundpa nimba mel, “Nim kÊn kai kandÊk, ik nÊnmÊn mbÊ, pÊn muna mon?” nitim. 14 Wote Jisas ndi, ik na ti, punt ropa ni nÊndÊtÊm ila, Rom Gapman nga wu nuim ni ndi, kandpa min ngÊn mundrum. 15 Jura kangambuⱡa kumna mbÊ, Got ndi, poⱡ titim ui ekit orum ei kÊn, Rom gapman nga wu nuim ei ndi, wu mat kan manga ila petÊng mbÊ nga ti, ku nimba, wamp mbÊ numan ngurung ei mel, wak ropa mundrum. 16 Ui ei kÊn, punt mong wu ti, mbi tek Barapas ni, ei kan manga ila pitim. 17 Wamp minal ok, tÊk tenda etÊng ni kÊn, Pailot ndi, waldpa nimba mel, “Enim ndi, wu nant ei, wak ramp nÊk pÊnmin? Barapas muna, Jisas ni, wu mbi tek, Kraist nÊtmin ei?” nitim. 18 Ik ei mel nitim ei, nambuⱡ emel, Jura wamp kÊⱡ en enmin ndi, wu ei nga nitim uⱡ mbila, wÊlÊk rok kÊn, Jisas mek ok, elim ngurung ei, pilpa kelpa wuldÊtÊm. 19 Pailot ni, elim nga nde pol kot pÊtÊm kona nila, moⱡnga mel, ambÊm ndi, rung mundpa, “Wu nit mul nÊmbil ei kÊn, uⱡ ti itimp nÊkÊn, iti nÊti! Ei nambuⱡ emel, na wu ei nga ur kump kat etÊp, kunt ila mindil mam ti, nunt ndi ka!” nitim. 20 Ni kÊn, wu pris mbÊ nga wu kuimbal mbÊ kÊn, manga wingti rÊp wu na mbÊ ndi, wamp mbÊ kunt rok, Pailot wuldangina, “Barapas wak ropa mundpa, Jisas ropa kundangga, nÊi!” nÊtÊng. 21 Wote Pailot ndi, wamp mbÊ waldpa nimba mel, “Ya wu raⱡ nga wu nant ei, wak rop mundamp, nÊk pÊnmin?” nitim. Ni kÊn, wamp mbÊ ndi, waldÊk nÊk mel, “Barapas,” nÊtÊng. 22 Wote Pailot ndi, wamp mbÊ, waldpa nimba mel, “Wote Jisas ni, wu Mesaiya nÊtmin ei, nambuⱡ ti etamp nÊk pÊnmin?” nitim. Ni kÊn, wamp mbÊ ndi, wi rok nÊk mel, “Nde peta ila pendkÊn rui!” nÊtÊng. 23 Wote Pailot ndi, wamp mbÊ, waldpa nimba mel, “Wu ei, namba ⱡawa ti em?” nitim. Ni kÊn, wamp mbÊ ndi, kei nÊk, “Nde peta ila rui!” nÊtÊng. 24 Wote Pailot ndi, ik merÊng ti, nÊmp mep punt ndam, kona mong pemba kant ei ka nimba. Wamp mbÊ morung kuimp keta ila, elim nga ki ni raⱡ, nu ila ⱡumÊiya ropa, nimba mel, “Wu ruing ei nga nit ei, na kÊn pi napÊmba mon. Ei enim nga uⱡ ei ka!” nitim. 25 Wamp nimbÊ ndi, ik punt rok nÊk mel, “Wu ei nga mema ei ndi, tÊn kÊn, tÊn nga kangambuⱡa mep timin mbÊ kÊn, ⱡang etpa tangga,” nÊtÊng. 26 Ei kÊn, Pailot ndi, Barapas ni, wak ropa mundpa, wote Jisas ni, kan puⱡa ndi rok, mek puk, nde peta ila rÊi nimba, wamp nimbÊ ngurum. 27 Wote, wu Pailot nga el nde wu nimbÊ ndi, Jisas ni mek puk, Pailot elim moⱡpa, kongun etÊm manga mam ila murÊk puⱡnga, el nde wu mbÊ ndi, Jisas ni tÊk paⱡa etÊng. 28 Kona ila moⱡnga, Jisas nga rÊrÊm mel nimbÊ, ambulk rung nduk mundÊk, el nde wu kÊⱡ nga wal pÊki kunt, roⱡ kat pakÊrmin kÊⱡ nga pakÊndrÊng. 29 Wote, kan goimbun rong kat mÊkÊp rok, Jisas nga peng ila mondÊk, tÊmbÊⱡ ti tÊk, ki ila amÊndrÊng. I etÊk mondÊk, Jisas tÊk ik kuldÊk, kuimp keta ila, mura koptÊm rok, rumaⱡi pek nÊk mel, “Jura wamp nga wu king ei moⱡpa, ruⱡ pangga!” nÊtÊng. 30 Wote, kuimp keta na mbila, ol rok kandÊk, tÊmbÊⱡ mbÊ ndi, oⱡa tÊk, Jisas nga peng ila rorung. 31 Wote, Jisas ni tÊk, ik kuldÊk uⱡ mbÊ mel etÊk pendÊk kÊn, wal pÊki kunt, ruⱡ kat pakÊndrÊng ni kÊⱡ, potÊk mundÊk, el elim nga rÊrÊm mel nimbÊ, randÊk pendÊk mek puk, nde peta ila ruing pilik mek purung. 32 Kona peng ni, wak rok, ekit ping pilik purung ila, Sairin kona peng ila wu ti, mbi tek, Saimon nÊtmÊn ni urum. Ei kÊn, el nde wu kÊⱡ ndi, Jisas nga nde peta ei, tÊk mindi nilingina, mindÊtÊm. 33 Wote ok, kona ti mbi tek, Golgata nÊtmin nila orung. Kona mbi ei nga puⱡ ei, “Wamp peng ombil kona." 34 Kona ila, el nde wu mbÊ ndi, nu wain kÊn, nu kombila iti mat, nu wain ila mundÊk, Jisas nangga nÊk, ngurung ni nomba pitim ei, kombila elinga, nui nÊndrÊm. 35 Wote, Jisas ni tÊk, nde peta ila rok pendÊk, rÊrÊm mel nimbÊ, ambulk rung nduk, nam tÊmba nda, nÊk kat rorung. 36 Wote, i etÊk molk kÊn, Jisas nde peta ila pitim ei, rÊp etÊk morung. 37 Nde peta ei nga peng ila, Jisas tÊk, ik kuldÊk nÊtÊng ik ni kÊⱡ, mbi rok pendÊtÊng. Ik ei mel nimba murum, “YA WU EI JISAS, JURA WAMP MBÉ NGA WU NUIM MUMUK EI." 38 Wote ei kÊn ku, kindÊp wu ralt, Jisas nde peta ila rorung kona ila, i ku etÊk, ki mbo orunga wu ti rok, ti ki rar orunga rok pendÊtÊng. 39 Wamp nombuⱡa mam ila ok, purung mbÊ ndi, peng walinga rok Jisas ik mura nguk nÊk mel, “Nim manga wingti ei rokÊrkÊn, wote rumbÊⱡ raldika omba pangga, wote rÊk imp nitin wu ni ka! Akup ninim etkÊn, peng kont ta! Nim Got nga kangÊm ndam, nde peta ei, wak rokÊn, mana ui!” nÊtÊng. 41 I nÊtÊng ei mel ku, wu pris kuimbal na, mi ik mbo wu na, manga wingti rÊp wu na mbÊ ndi, i ku etÊk tÊk, ik kuldÊk nÊk mel, “Wu ei, wamp wei mbÊ etpa, peng kont tÊm ni! Wote, el elim etpa, peng kont ti natÊnÊm ei, kanmin mon! Elim Isrel wamp mbÊ nga wu nuim mumuk ni muna? Elim akup nde peta ei, wak ropa mana om ndam, elim mondÊp pilimin!” nÊtÊng. 43 Elim Got nga kangÊm mor. Wote elim Got mondÊp pilip mor nitim ndi, akup Got ndi, elim etpa, peng kont tÊmba ei nga kinamin!” nÊtÊng. 44 Wote, kindÊp wu ralt pendÊk rorung ni raⱡ ndi, wamp nÊtÊng ik tenda ni mel ku nÊtÊnggil. 45 Kona ou rÊnggilmÊ ni kÊn, kona ni rumbÊⱡ moⱡpa pelinga, ant mong raldika omba purum. 46 Wote, ant ni mba, keng orunga mba, ant mong raldika elinga, Jisas ndi, ama oⱡa ndupa, ronduⱡ kei nimba, “Eli, Eli Lama Sabaktani,” nitim. Ik ei nga puⱡ ei, “Na nga Got, na nga Got, nambuⱡ emel na wak ron?” nitim. 47 Wamp mat ila nondpa anggilik morung nimbÊ ndi nÊk mel, “Wu ei ndi, Ilaija ni wi ronum,” nÊtÊng. 48 Wamp morung nimbÊ nga ti ndi, tÊkrÊpa mba, muⱡ ti tÊpa, nu kombila iti tila mana ndupa, ekit tÊpa, ndila ropa, Jisas ni nangga nimba, oⱡa ndupa ngurum. 49 Wote, wamp mat ndi, nÊk mel, “Unt raka nimbun moⱡamin, Ilaija ndi, elim omba, peng kont tÊmba, muna mon nda, moⱡpÊn kÊnÊmin!” nÊtÊng. 50 Jisas ndi, aldpa ke ronduⱡ nimba kÊn, elim nga muⱡnga ei wak ropa, nuim kan ÊkrÊm. 51 Ei kÊn mint, wi Jerusalem manga wingti ou ila, muⱡ mbal ruⱡ ti, manga kÊkaⱡ wingti raⱡ oi ndupa morum ni, rÊk ting ila paⱡpa mba met ekit purum. Wote kona kilimbÊmp mam ti elinga, ku mam mbÊ puk rurum 52 Wamp on kona mbila mÊi rok rak nilinga, Got kÊn mondÊk pÊtÊng wamp mat korung nimbÊ, tÊpa oⱡa monduⱡnga kont morung. 53 Wote, Jisas koⱡpa ⱡoporpa oⱡa murum ni kÊn, wamp mbÊ, en enim nga petÊng on kona mbÊ wak rok, wi Jerusalem kona peng wingti ila puⱡÊngina, wamp minal ndi kandrung. 54 Wote, el nde wu mbÊ nga wu kuimbal ei kÊn, el nde wu mat kÊn, Jisas rÊp etÊk morung nimbÊ ndi, kona kilimbÊmp elinga, uⱡ itim nimbÊ kandÊk, ama mundmong etÊk nÊk mel, “Wu ni, kupa Got nga kangÊm,” nÊtÊng. 55 Ni kÊn ku, amp mat ruⱡ etÊk kandÊk morung ei, met Galili kona ila, Jisas tÊk rapÊndÊk etÊng amp kÊⱡ, Jisas pep rok orung. 56 Amp kÊⱡ morung rÊk ting ila amp Mariya Makndelin kÊn, wu Jeims kÊn, Josep raⱡ nga mam amp Mariya kÊn, wu Sepeti ambÊm kÊn kunda morung. 57 Kona ni rumbÊⱡ roⱡnga, Arametiya kona ila wu nuim ti urum. Wu ei, Jisas nga kitip kÊni wu ti ku, wote wu ei nga mbi ei Josep. 58 Wu ni ndi, wu Pailot ei, murum kona nila mba, Jisas nga on ei, timp nimba wuldÊtÊm. Ni kÊn, Pailot ei ndi, elim nga el nde wu kuimbal ei kundpa, wu on ninim ei, tÊkÊn ngui nitim. 59 Wote Josep ndi, wu on ni tÊpa, muⱡ mbal kurÊmÊⱡa kai tila kum ropa, mepa mba, el elim nga on kona ti, ku mam tila rorpa titim nila titim. Wote, ku mam ti ndi, mberÊk ndupa, on kona ku manga keta puⱡ puⱡ ni, aka ngumba pendpa purum. 61 Amp Mariya Makndelin kÊn, amp Mariya ti ni kÊn, ila nondpa, Jisas nga on ei, tetÊng kona ni, tÊk nont nduk kandÊk morunggil. 62 Jisas rorung ui ei nga utÊma orunga ei, Jura wamp nga mowi kor muⱡing ei nga tÊk kun etmin. Ui ei kÊn, wu pris kuimbal mbÊ kÊn, wote Perisi wu na mbÊ ndi ok, Pailot kÊn mou rorung. Wote, wamp nimbÊ ndi, nÊk mel, “Nuim ye! Ik kol wu rok kondung ni, kont murum ei kÊn, ik ei mel nitim ik tÊn pilpÊn mormin ei, ‘RumbÊⱡ raldika omba pangga, na ⱡoporpa oⱡa mondÊmba,’ nitim. 64 Ei kÊn, akup nim ndi, nim nga el nde wu mat tÊk mundana puk, on kona ila rÊp itangina, rumbÊⱡ raldika omba pangga kÊn, wak reing. I etÊk itangina kÊn, elim nga kitip kÊni wu kÊⱡ ndi ok, wu on ei kundÊp nok tÊk, wote wamp mbÊ ik kol rok kundÊk nÊk mel, ‘Jisas ni ⱡoporpa omba pum,’ ning. Akil tepa ik kol rok eng uⱡ ei ndi, kuimp tepa ik kol rorung uⱡ ni, tÊpa mana ndupa, ama kit moⱡmba,” nÊtÊng. 65 Pailot ni ndi, wu ni kÊⱡ kundpa nimba mel, “El nde wu ti mek puk, on kona ei nga keta puⱡ puⱡ ei, ronduⱡ puk rup itÊi!” nitim. 66 I nitim ni kÊn, puk on kona keta puⱡ puⱡ ni, ku mam ti ndi, mberÊk nduk, peta rok pendÊtÊng. Wote pena orunga, el nde wu mat ila, rÊp iteing nÊk, tÊk mondrung.