Matyu 25

1 Ui ei kÊn, muⱡ kona tÊpa mumuk rui uⱡ ei, amp wendÊp 10 kÊⱡ mel kapⱡa. Amp wendÊp kÊⱡ, rumbuldi en enim nga lam kiya mbÊ kandÊk mek, amp tÊmba wu ei, nombuⱡa rÊk ting tila kandÊp timin nÊk purung. 2 Amp wendÊp 10 kÊⱡ nga, amp 5 kat rundi kÊⱡ, wote amp 5 kat mong rui kÊⱡ. 3 Amp rundi kÊⱡ lam kiya kandÊk mek purung. Wote, lam kiya norum kopung ei nga, mat pendÊk kulk mek pi naprÊng. 4 Wote, amp mong rui ni kÊⱡ, lam kiya norum kopung ei nga, mat pendÊk kulk mek purung. 5 Amp tÊmba wu ni, nondpa ui nawÊⱡnga, amp wendÊp ni kÊⱡ, nokundÊk molk, kui nÊk ur petÊng. 6 “Ni kÊn, ou rumbuldi wi ti omba, ‘Amp tÊmba wu ei, onum o! Nombuⱡa ila ok, kandÊk teing wÊiyo!’ nitim. 7 “Wote, amp wendÊp 10 ni kÊⱡ, ur petÊng ei mel rut nÊk, lam kiya kandÊk mondrung nimbÊ, mek ping ei nga tÊk kun etÊng. 8 Ei kÊn, amp rundi ni kÊⱡ ndi, mong rui ni kÊⱡ kundÊk nÊk mel, ‘AngmÊn kÊⱡ, tÊn nga lam kiya kÊⱡ kumÊnÊm ei ka! Enim nga kopung mat tÊn oi nduk ngÊng ka!’ nÊtÊng. 9 “Amp wendÊp mong rui ni kÊⱡ ndi, ‘AngmÊn kÊⱡ, enim kopung mat oi ndupÊn ngÊmÊn ndam, enim kep, tÊn kep pÊkÊ, kopung ei nga kapⱡa iti natÊmba. Ei kÊn, enim mel rarÊp manga tila puk, kopung mat rarÊp rok teing pÊi,’ nÊtÊng. 10 “Amp rundi ni kÊⱡ, kokila kopung rarÊp ruing puⱡina mel, amp tÊmba wu ni, omba ekit urÊm. Amp wendÊp mong rui kÊⱡ, tÊk kun etÊk morung ni mel, amp tÊmba wu ni nga kng rÊng raⱡ koindÊk tÊk, kun etÊk morung manga nila kunda murÊk puⱡnga, manga kumba ni angÊndpa gi ndurum. 11 “Wote, amp wendÊp rundi ni kÊⱡ, akil tek ok nÊk mel, ‘Nuim ei! Nuim ei! TÊn kumba tana, murÊk imÊn ka!’ nÊtÊng. 12 “Ni kÊn, amp tÊmba wu ei ndi, ik punt ropa nimba mel, ‘Na ik kupa ei nÊnt. Enim amp namin kÊⱡ, enim na pili napÊt ei ka!’” nitim. 13 Jisas ndi, ik kÊⱡ nimba pora ndumba, etpa ei mel nitim, “Na yant uimp ei, rumbÊⱡ ila muna, rÊnggilmÊ muna, ant mong nant tila uimp. Ei nambuⱡ emel, enim pili nÊpiling ei nga, tÊk mendÊk muⱡÊi!” nitim. 14 “Wote, ui ei kÊn, Got nga muⱡ ila wamp tÊpa mumuk romba uⱡ ei, ya ei mel, wu ti kona ruⱡ tila mba pilpa, elim nga kongun wu mbÊ tÊpa, elim nga kng mel tetÊm mbÊ, elpa elpa rÊp etÊk muⱡÊi nitim. 15 Wu mbÊ nga ronduⱡ ei mel ku pilpa, ku moni kÊmp tÊpa, elpa elpa ngurum. Wu ti, ku moni K5000 ngumba, wu ti ku moni K2000 ngumba, wu ti ku moni K1000 ngurum. Ngumba pendpa, elim kona roⱡ nila purum. 16 Ku moni K5000 tÊtÊm wu ni ndi, mepa int mba kongun etpa, ropa oⱡa mana etpa, ku K5000 pendpa yant tÊtÊm. 17 Wote, ku moni K2000 tÊtÊm wu ni ndi, ei mel ku etpa, moni K2000 oⱡa ndupa pendpa tÊtÊm. 18 Wote, ku moni K1000 tÊtÊm kongun wu ni ndi, elim nga nuim ei nga ku moni kÊⱡ mepa mba, mÊi ila kut akpa oⱡÊm ropa pinditim. 19 “Wote, ui mat ruⱡ etpa kongun wu kÊⱡ nga, wu nuim ei yant omba, elim nga ku ngur nimbÊ, etÊk tek mormin mel kÊnimp nitim. 20 Ku moni K5000 tÊtÊm wu ni ndi, yant omba kont nga K5000 pendpa ngurum. Ngumba nimba mel, ‘Nuim ye! Nim na ku K5000 ngurun ni, wote na ndi, rop oⱡa mana etÊp mep andÊp, K5000 kÊⱡ pendÊp ngont,’ nitim. 21 “Wote, wu nuim ni ndi, punt ropa nimba mel, ‘PÊp nÊn, nim kongun wu koip pi ye! Nim ku moni onunga kuraⱡ ila, ronduⱡ pukÊn etkÊn ou ndun kant ei kÊn, na nga ku moni ou ndupa tetÊm mbÊ rÊp indÊn. Na nim nga nuim ei, akup kai pÊnt ei kÊn, nim murÊk wana ambÊⱡÊp paⱡÊp muⱡÊmbil ui!’ nitim. 22 “Ei kÊn, ku K2000 tÊtÊm wu ni ndi, omba nimba mel, ‘Nuim ei! Nim na ku K2000 ngurun ni, wote na ndi, kongun etÊp mep andÊp, K2000 kÊⱡ ya pendÊp ngont,’ nitim. 23 “Wote, wu nuim ni ndi, punt ropa nimba mel, ‘Pup nÊn, nim wu koip pi ye! Nim ku moni onunga kuraⱡ ila, ronduⱡ pukÊn, etkÊn ou ndun in kant ei kÊn, na nga ku moni ou ndupa etpa tetÊm mbÊ rÊp itÊn. Na nim nga Nuim ei, akup kai pÊnt ei kÊn, nim murÊk wana, ambÊⱡÊp paⱡÊp muⱡÊmbil ui!’ nitim. 24 “Wote, akil tepa ku moni K1000 tÊtÊm wu ni ndi, omba nimba mel, ‘Nuim ei, nim wu ik pili napilikÊn, rÊng rÊⱡi nakÊrÊn pana ila kun polkÊn tÊkÊn, rÊng mong mundi nÊmÊndrÊn mbÊ, kun mekÊn etÊn. 25 Ni nga, na pilip mundmong etÊp, nim nga ku moni ngurun ni kÊⱡ, mep mbo mÊi ila mo rop pindÊt. Ei mel, akup nim nga ku moni kÊⱡ, ninim mep omp ngont,’ nitim. 26 “Wote, wu nuim ni ndi, nimba int ndupa, ‘Nim kongun wu kit, enÊmp mundi ye! Na rÊng rÊⱡi narÊr pana ila kun poⱡÊp tÊp, wote rÊng mong mundi namÊndÊr mbÊ, kun mep et ni kÊn pitim ndam, wote na nga ku moni kÊⱡ mek pukÊn, ku manga ila tiyana, akup nanim yant unt ei kÊn, ku moni kat mbÊⱡ ila tindangina, pendÊp tilmba,’ nitim. 28 “Wote, wu nuim ei ndi, kongun wu kat kundpa nimba mel, ‘Ku moni kÊⱡ tÊk wu ti, moni K10000 ngum wu ni ngÊi! 29 Nambuⱡ emel, wamp nam ti ndi, mel ou ndupa tepa moⱡum ila mbÊⱡ ila mel ou ndupa ngangga, ama minal tÊmba. Wote wamp nam ti, mel onunga etpa tepa moⱡum ni kÊⱡ, yant tÊpa mel ou ndupa tepa moⱡum wamp ni ngumba. Wote, wamp nam ti, mel onunga etpa tepa moⱡum kÊⱡ, kelpa ekit tÊmba. 30 Wote, ya kongun wu enÊmp mundi ei, kona rumbÊⱡ mul ila rok pena ndÊi, kona ila ka etpa, gu konggilpa, gÊkÊr tÊpa moⱡmba!’ nitim. 31 “Wote, MuⱡÊl Wu Kupa ei, Wu Nuim Mumuk moⱡpa om ei kÊn, muⱡ ila anggelo mbÊ kunda uing. Wote, ui ei kÊn, elim king rÊpndi pol ila moⱡmba. 32 Wote, ei kÊn, mana mÊi kona wamp mbÊ pora, elim nga kuimp keta ila tÊk tenda iting. Ei kÊn, wamp mbÊ, kng sipsip rÊp wu ti ndi, kng sipsip mbÊ, tÊpa tila mondpa, meme mbÊ, tÊpa tila mondpa etÊm ni mel etmba. 33 Elim ndi, kng sipsip mbÊ tÊpa, elim nga ki mbo orunga mondpa, wote kng meme mbÊ tÊpa, ki rar orunga mondÊmba. 34 “Wote, Wu Nuim Mumuk ei ndi, elim nga ki mbo orunga moⱡÊng wamp mbÊ kundpa nimba mel, ‘Enim na nga wuta ndi, memp pinditim wamp mbÊ, enim nga tÊpa mumuk rui kona ei muⱡ mÊi raⱡ wengÊndupa itim ei kÊn, koⱡ nondpa tÊndÊtÊm kona ila ok, muⱡÊi nimba. 35 Nambuⱡ emel, na kun ndi, koⱡmba kandÊk, rÊng ngurung. Nu waka ndi, koⱡmba kandÊk, nu kolk ngorung. Manga tÊma oⱡÊmba, rawe etÊk tÊtÊng, giyu gou andÊⱡÊmba kandÊk, wal pÊki na mat tÊk randrÊng. Na kui roⱡnga pilmba ok, kuimp keta minal etÊng, kan manga ila pilmba ok kandrung,’ nitim. 37 “Wote, wamp kun kai mbÊ ndi, nÊk int nduk, ‘Nuim ei, nim ni ui nant kÊn, kun ndi koⱡnga kandpÊn, rÊng ngurmin? Muna nant kÊn, nu waka koⱡnga kandpÊn, nu kuⱡÊp ngurmin? Muna nant kÊn manga tÊma oⱡina kandpÊn, rawe etÊp tÊtmÊn? Muna nant kÊn, giyu gou andilnga kandpÊn, wal pÊki mat tÊp rundÊrmÊn? Nim ni nant kÊn, kui rÊrÊm, muna kan manga ila pelinga kÊn, omp kÊndÊrmÊn ei nga nÊn?’ ning. 40 “Ei kÊn, Wu Nuim Mumuk ei ndi, punt ropa nimba mel, ‘Enim ik kupa ei, kundÊp nÊnt. Ya nÊnt uⱡ mbÊ mel wamp mbi mul nÊmbil, na nga ÊngÊnÊl mbÊ kÊn, etÊng uⱡ nimbÊ, na kÊn etÊng!’ 41 “Wote, ki rar orunga moⱡÊng wamp mbÊ kundpa nimba mel, ‘Enim Got nga mbun kit ei ndi, nomba wamp mbÊ, na nga kuimp keta ila kun etÊk muⱡÊi! Enim Seitan kÊn, elim nga anggelo mbÊ kÊn, ndip nomba mint pi kona tÊpa, kun endpa tÊtÊm kona ila pÊi! 42 Na kun ndi, kur ei kandÊk, wote rÊng ngui nganggÊrÊng. Na nu waka kuⱡÊp mur ei kÊn, wote nu kolk ngui nganggÊrÊng. Na manga tÊma ur ei kÊn, wote rawe etÊk ti natÊtÊng. Na giyu gou ÊndÊr ei kandÊk, wote wal pÊki na ti, tÊk rundi nandrÊng. Na kui mang ila, muna kan mang ila pit ei kÊn ok, wote kÊni nakÊndrÊng,’ nitim. 44 “Wote, wamp mbÊ ndi, nÊk int nduk mel, ‘Nuim ye! Nim ni nant kÊn, kun ndi kolkÊn, nu waka kulkÊn, muna giyu gou molkÊn, kui manga ila kep, kan manga ila kep, pekÊn itin mbÊ kÊn, tÊp rÊpndi nÊpÊndÊrmÊn,’ ning. 45 “Wote, Wu Nuim Mumuk ei ndi, punt ropa nimba mel, ‘Enim ik kupa ei, kundÊp nÊnt. Ya nÊnt uⱡ mbÊ mel, wamp mbi mul nÊmbil mbÊ kÊn, etÊng uⱡ nimbÊ, na kÊn etÊng,’ nitim. 46 “Ei kÊn, wamp mbÊ tÊpa ndip kona ila mundÊmba, wote wamp kun kai mbÊ tÊpa uⱡ nga kÊnt nga kont uⱡ ei ngumba,” nitim.