Matyu 19

1 Jisas ndi, ik mbÊ pora nimba mel, Galili kona ila wak ropa, nu Joran noi orunga, Juriya kona tetÊm mbila purum. 2 Wamp minal ndi, Jisas kandÊk purum ila, akil tek orung nimba, mat kui peng itim wamp mbÊ, etpa weing titim. 3 Ei kÊn, Perisi wu mat ndi, Jisas oⱡa tÊk kÊning pilik ik ei mel, waldÊtÊng nÊk mel, “Wu ti nga amp ei, uⱡ ei muna ei, enim nimba ndenggÊⱡa ndupa, mundpa kilmba ei, kapⱡa etmba muna mon?” nÊtÊng. 4 Wote Jisas ndi, ik int ndupa nimba mel, “Enim Buk Wingti ila wamp weng ndupa itim ei ndi, wu amp nimba mim itim mon ei, kÊmp rok kandÊrmin muna mon? 5 Wote Got ndi, nimba mel, ‘Wu amp raⱡ nÊmp mim ent uⱡ ei ndi, wu ei, elim nga mam tipam raⱡ wak ropa mba, amp ei kÊn kup itangga, wamp tenda ralk muⱡÊnggil.’ 6 Ei kÊn, wamp raⱡ, wote raⱡ mel mon. Wote, wamp tenda ralk muⱡÊnggil. Got ndi, tÊpa tenda itim uⱡ ei, mana mÊi kona ila wamp ti ndi, nimba ndenggÊⱡa ndumba mel kapⱡa mon,” nitim. 7 Wote, Perisi wu ni kÊⱡ ndi, waldÊk nÊk mel, “Wote nambuⱡ emel, Moses ndi, mi ik ti ngumba kÊn, wu ei ndi, elim nga amp ei, amp ndenggÊⱡa ndui mon ti ngumba wak rangga?” nitim. 8 Jisas ndi, nimba mel, “Moses ndi, enim nga ambÊnÊmÊl mbÊ, ndenggÊⱡa ndÊi nitim ei, nambuⱡ emel, wu amp raⱡ mim itim ei nga puⱡ ei, enim ndi, pilik kÊn, tÊk roi ndurum. Uⱡ ei mel, wu amp raⱡ mim itim ei kÊn, uⱡ ei pi nÊpÊtÊm. 9 Enim pilÊiya! Wu ti ndi, elim nga ambÊm ei wapra rui uⱡ ti iti nÊtangga, mÊn kan amp ei, mundpa kelpa, amp kont nga tÊm ndam, wu ei wapra rui uⱡ ⱡawa ei etmba,” nitim. 10 Wote, kitip kÊni wu ni kÊⱡ ndi, Jisas kundÊk nÊk mel, “Nim ndi nÊkÊn kÊn, wu amp wapra rui uⱡ ei ndi mendpÊⱡ, wu amp ndenggÊⱡa nitmin nin ndam, wu amp ti natÊk, wangÊn pelingina ndam, kapⱡa elinga,” nÊtÊng. 11 Ni kÊn, Jisas ndi, ik punt ropa nimba mel, “Wu amp wangÊn petmin uⱡ ei, wamp pora nga uⱡ ti mon. Got elim ndi, pÊtÊm wamp kÊⱡ mendpÊⱡ, wangÊn petmin. 12 Wu amp ti natÊtmÊn uⱡ ei nga puⱡ minal ei, mat mamÊl nga oⱡ rukÊr ila pek ormÊn ei kÊn, wu puk amp tÊk iting mel mon. Wote, wamp mat ndi elingina, pot petmin mat muⱡ ila tÊpa, mumuk rui uⱡ ei nga nÊndÊk, wangÊn pek etmin. Ei kÊn, ik ei pilpa tÊmba wamp ti, elim pilpa tangga,” nitim. 13 Wote, wamp mat ndi, kangambuⱡa mbÊ, Jisas ndi, peng mbila ki oⱡa ndupa ambuⱡpa, memp pindangga nÊk mek orung. Ni kÊn, kitip kÊni wu nimbÊ ndi, uⱡ ei kandÊk, wamp mbÊ ik ngorung. 14 Ni kÊn, Jisas ndi, nimba mel, “Kangambuⱡa mbÊ, na kÊn weing, enim ndi, mon ni nÊnÊi! Muⱡ ila tÊpa mumuk rui uⱡ ei, wamp mat kangambuⱡa kel mbÊ mel, ralk moⱡÊng mbÊ nga” nitim. 15 I nimba kÊn, kangambuⱡa nimbÊ nga peng ila ambuⱡpa, memp pendpa kÊn, wote kona tila purum. 16 Ui ti kÊn, wu ti rÊk omba Jisas waldpa nimba mel, “Ik mbo wu ye! Na uⱡ kai namba uⱡ mbÊ etÊp, uⱡ nga kÊnt nga kont mul uⱡ ei timp?” nitim. 17 Jisas ndi, punt ropa nimba mel, “Uⱡ kai ei, nant nÊkÊn na kÊn waldÊn ei, ⱡawa etkÊn nin ei ka! Got mint wu kai tenda ei morum. Uⱡ nga kÊnt nga kont mul uⱡ ei, timp nÊkÊn pin ndam, Got nga mi ik kÊⱡ pep rui,” nitim. 18 Ni kÊn, wu ni ndi, nimba mel, “Ei mi ik nant mbÊ nga nÊn?” nimba wuldÊtÊm. Wote Jisas ndi, punt ropa nimba mel, “Wamp ti rok kundi nÊkÊndi, wu amp wapra rui uⱡ mbÊ iti nÊti, kindÊp nui nÊni! Nim wamp ti kÊn, ik kol rok ni nÊni, manÊm tipanÊm raⱡ tÊkÊn ou ndui, nim ninim numan ngorun ei mel ku, nim nga manga keta kup wamp mbÊ i ku etkÊn, numan ngui!” nitim. 20 Wote, kang wu ni ndi, punt ropa nimba mel, “Ya nÊn mi ik mbÊ, na pep rop pilip ket ent. Na nambuⱡ ei nga kapⱡa iti natÊnÊm?” nitim. 21 Jisas ndi, wu ni kundpa nimba mel, “Nim wu kun pi kai ti muⱡimp nÊkÊn, pin ndam, int pukÊn nim nga kng mel tekÊn morÊn mbÊ, rarÊp rokÊn, ku moni tÊkÊn ku mbÊ ndi, mek pukÊn, wamp kurpa mbÊ ngui! Wote yant okÊn, na nga kitip kÊni wamp ralkÊn mÊn ndam, nim muⱡ kona ila mel pemba,” nitim. 22 Kang wu ni ndi, Jisas ik nitim ni pilinga, numan ei mbun elinga, kelpa purum. Ei nambuⱡ emel, elim kng mel ou ndupa tepa murum. 23 Wote Jisas ndi, elim nga kitip kÊni wu ni kÊⱡ, kundpa nimba mel, “Enim ik kupa ei, kundÊp nÊnt, kng mel mbÊ pei wamp ti ndi, muⱡ ila tÊpa mumuk rui uⱡ ila rukrÊng mba, ei nga mbun ndi koⱡmba. 24 Ik ei nga, wote aldpa nÊnt, kng kamel ou ei ndi, gal ruri nombuⱡa ila rukrÊng mba ei nga mbun etpa tetÊm. Wote, wamp kng mel pi ti, Got nga tÊpa mumuk rui uⱡ ila rukrÊng mba ei nga, ama minal mbun etpa tetÊm,” nitim. 25 Kitip kÊni wu ni kÊⱡ ik ei pilik, min ngÊn mundÊk, nÊk mel, “I ndam, nam uⱡ nga kÊnt nga moⱡpa mint mba?” waldÊtÊng. 26 Wu ni kÊⱡ kÊn, kundpa nimba mel, “Wamp ti ndi, elim peng kont ti natÊmba. Ei wote, Got ndi, nambuⱡ mbÊ, kapⱡa etmba mint,” nitim. 27 Wote Pita ndi, ik akpa nimba mel, “Kana! TÊn nga mel mbÊ, tÊp mbuldung ndupÊn, nim pep rumÊn ei nga, tÊn Got ndi, namba mel ei ngumba?” nitim. 28 Wote Jisas ndi, wu ni kÊⱡ, kundpa nimba mel, “Enim pilik nduimp rok muⱡÊi! Na MuⱡÊl Wu Kupa ei, mon pangga, rÊpndi pol ila munt kÊn, enim na nga kitip kÊni wu 12 kÊⱡ, i ku etÊk, rÊpndi pol ila molk, Isrel nga wu rÊⱡaip 12 kÊⱡ kÊmp ting. 29 Wote, wamp nam ti, na pep ruimp nimba kÊn, elim nga mam tipamÊl, kimÊnÊl, ÊngÊnÊl, kangambuⱡa, na pana kongun kona mbÊ, wak rom ndam, mel minal pendpa pÊⱡ ila tÊpa pangga 100 etmba. Wote, uⱡ nga kÊnt nga kont mul ei, Got ndi ngumba. 30 Wote wamp mat akup kuimbal mormin mbÊ ok, akil ting. Wote, akup ila wamp mat, akil tenmin mbÊ ok, kuimbal ping.