Luk 7

1 Jisas ni, wamp ik mbo endpa pora ndupa, wote Kaperniyum kona peng ila purum. 2 Kona peng ila Rom el nde wu kuimbal ti, el wu 100 nokÊndrÊm. Ei nga, kongun wu ti, numan minal ngurum ni, kui ropa koⱡmba itim. 3 El nde wu kuimbal ni, moⱡpa pitim mel, Jisas ni, onum nÊtÊng. Ni kÊn, Jisas ndi, elim kongun wu ei etpa tangga nimba, Jura wu nuim kat, Jisas kÊn pÊi nimba tÊpa mundrum. 4 Wote, wu ni kÊⱡ, rÊng puk, Jisas murum kona nila, ronduⱡ mundÊk, Jisas kÊn kont kaimp ik ranggÊk, nÊk mel, “Wu kai ti nga elim nga kongun wu koⱡmba enim ei, nim ndi okÊn, wu ei tÊk rÊpÊndÊn nimbun onmÊn. 5 Ei nambuⱡ emel, wu ei ndi, tÊn Jura wamp mbÊ, numan ngumba, tÊn nga atinga manga kel ei, rakÊndpa itim,” nÊtÊng. 6 Wote Jisas ni, wu ni kÊⱡ kÊn, rÊp rok yant ok, manga keta kona nila, nondpa oⱡina kÊn, el nde wu kuimbal ni ndi, wu kat tÊpa munduⱡnga puk, Jisas kundÊk nÊk mel, “Wu Nuim ye! Nim numan ti, pili nÊpili! Na wu kai ti mon! Ei nga, manga ila mukÊr uin mel mon! 7 Wote, na wu kai ti mon ei nga, Jisas omp kÊnimp mel mon ku. Jisas ruⱡ etpa moⱡpa, ik ei nangga kÊn, nangga kongun wu ei nga kui ei, kapⱡa itangga! 8 Na nÊnt wu ei, na nga wu nuim ei ndi, kongun mat ngurum ei kÊn, wu nuim ei nga mana orunga moⱡÊp endÊt. Wote, na nga el wu mbÊ, na nga mana orunga mormÊn. Na ndi, wu ti kundÊp, ’nim pi,’ nÊt ndam, wu ei purum ku. Wote wu ti, ‘yant wangga,’ nÊt ndam, wu ei yant orum ku. Kongun wu ei kundÊp, ‘kongun tangga’, nÊt ei kÊn, kongun etÊm ku,” nitim. 9 Wote Jisas ndi, el nde wu kuimbal ni nga, ik nitim ni pilpa, Êⱡi ropa, tÊpa peling ndupa, wamp rÊⱡaip mam ti, elim pep rok orung nimbÊ, kundpa nimba mel, “Isrel kona ila wamp ti, mondpa pili uⱡ ei nga, na kÊni nakÊndÊr mel, wu ei ndi, ninim kant!” nitim. 10 El nde wu kuimbal ei ndi, tÊpa mundrum wu ni kÊⱡ, kelik mang kona int puk, kongun wu kui rurum ni, kandrÊng mel kui ni, kapⱡa elinga, wei murum. 11 Wote, ui ti kÊn nondpa ku, Jisas elim nga kitip kÊni wu kÊⱡ kÊn, wamp rÊⱡaip mam ti kunda, Nein kona peng ila, ping pilik purung. 12 Jisas ni mba, kona peng ei nga paⱡa keta puⱡ puⱡ ila nondpa puⱡnga, wu kurum ti nga on ei, ting pilik, rupⱡaima kulk, mek ekit orung. Kang wu kurum ei, amp wiya ei nga kang tenda mitim ei. Kona peng ila wamp puⱡi, amp ei kÊn, koⱡa manga molk kunda rÊp rok orung. 13 Wote Jisas ndi, amp wiya ni, ka etpa urum ni, kandpa kont ndi, koⱡpa amp ni, kundpa nimba mel, “Nim ka iti nÊti!” nitim. 14 Jisas ndi, kang wu on rupⱡaima kulk, mek orung nila, nondpa mba anggilpa, ki oⱡa ndupa, nimba mel, “Kang wu kumÊndÊp ye! Nim kundÊp nÊnt rut nÊkÊn oⱡa muⱡi!” nitim. 15 Kang wu kurum ni, rut nimba, oⱡa moⱡpa, ik mat puⱡ mondpa nitim. Wote Jisas ndi, kang wu ni, tÊpa mam ngurum. 16 Uⱡ itim ni, wamp mbÊ kandÊk, min ngÊn mundÊk, Got nga mbi paka rondÊk, nÊk mel, “Painui wu ou ti, tÊn kÊn om. Wote, Got ni omba, elim nga wamp mbÊ, tÊpa rapÊndÊmba, pilpa om,” nÊtÊng. 17 Wamp nimbÊ ndi, int puk, Jura kona peng na, wote kona mbila elpa elpa puk, Jisas nga itim uⱡ kÊⱡ, timan rok nÊk, mek purung. 18 Wamp nu tindi wu Jon nga kitip kÊni wu kÊⱡ ndi, Jisas nga uⱡ itim kÊⱡ kandÊk ok, Jon elim kundÊk nÊtÊng. Wote Jon ndi, elim nga kitip kÊni wu raⱡ tÊpa kÊn pukÊⱡ, Jisas waldkÊⱡ ni kÊⱡ mel. “Nim wu ei, Jon ndi, wu ti akil tepa omba nokundmÊn nitim wu ni, muna tÊn wu elpa ti, omba nga nokundmin nda?” nitim. 20 Wote, wu ni raⱡ, Jisas murum kona nila rÊk pukÊⱡ, nÊkÊⱡ mel, “Wamp nu tindi wu Jon ndi, tÊl tÊpa mundpa, nimba mel, ‘Nim Got ndi, tÊpa mundÊmba nimba, Jon ndi, nitim wu ei muna tÊn wu elpa ti nokundmin nda?’” nÊtÊnggil. 21 Ui ei kÊn, Jisas ndi, wamp kui elpa elpa rurum mbÊ, etpa tÊpa, wote kur kit rukÊr murum wamp mbÊ, nimba tÊpa mundpa, wote mong ti wamp mbÊ nilinga, kona kandrÊng. 22 Wote Jisas ndi, wu raⱡ nga ik ni, punt ropa nimba mel, “Akup enmbil kÊⱡ, enmbil kandkÊⱡ pilkÊⱡ kÊⱡ, enmbil uⱡ kÊⱡ mel pukÊⱡ, Jon kundkÊⱡ nÊl! Mong ti wamp mbÊ, kona kanmin, kÊmp elkÊna rumbÊⱡi wamp mbÊ, nombuⱡa mam andinmin, kint pombuⱡma wamp mbÊ nga kÊng mbÊ, eng nonum, kum ngurum wamp mbÊ, ik pÊnmin wamp korung mbÊ, etpa kont tÊnÊm. Wamp kurpa mbÊ kÊn, RÊnang Ik Kai mbÊ, kundpa ninim. 23 Wamp ti, na kÊn mondpa pÊtÊm uⱡ ei, wak rui narÊm ndam, kai pilangga!” nitim. 24 Wote, Jon nga wu ni raⱡ puⱡÊnggila kÊn, Jisas ndi, Jon nga ik mat, wamp minal morung ila kundpa, nimba mel, “Enim ndi, Jon kona kui waka ila kÊning purung ei kÊn, namba mel ti, kÊnmin nÊk pÊtÊng? Enim Êi ongum na mel ti, kÊpkÊ ropa roka nitim ila, kÊning purung ei? 25 Enim namba mel ti, kÊning pilik purung? Wu ti, mÊkÊ etpa murum ila kÊning pilik purung ei? MÊkÊ etmin wamp mbÊ, rapa keta ila mint molk etmin. 26 Enim namba mel ti, kÊning pilik purung ei, na kundÊk nÊiya? Enim painui wu ti, kÊning purung. Ei kupa painui wu ei ndi, painui wu ei ndi, wu mat tÊpa mana ndurum. 27 Buk Wingti ila Got ndi, Jon nga nÊndpa mel, ‘Na nga nombuⱡa rung wu ti, kuimp tÊp mundamba kÊn omba, Got nga omba wu ei nga nombuⱡa mam ei, tÊpa kun etpa rondpa moⱡmba!’ nÊtÊm. 28 Na ndi, enim kundÊp nÊnt. Ya mana mÊi kona ila morung, wu mbÊ pora, Jon ndi, tÊpa mana ndurum. Wote, akup wamp nam ti ndi, Got nga tÊpa mumuk rui uⱡ ei, wamp mbi mul nÊmbil wamp mel raⱡpa moⱡum ndam, Jon tÊpa mana ndumba,” nitim. 29 Wote, ku takis tÊtmÊn wu mbÊ kÊn, wamp na morung nimbÊ ndi, Jon nga ik nitim nimbÊ pilik, Got nga uⱡ mbÊ, kapⱡa itmin nilingina, Jon ndi, wamp mbÊ nu tinditim. 30 Wote, Perisi wu na, mi ik mbo wu mbÊ ndi, Jon nga nitim ik nimbun pilik tÊk mbÊⱡ ngÊk, Got nga uⱡ mbÊ, iti nÊtmin nilingina, Jon ndi, wu mbÊ nu tindi nÊndÊtÊm. 31 Wote Jisas ndi, ik nimba mel, “Akup ya ila mormin wamp mbÊ nga enmin uⱡ kÊⱡ, nÊmp mot nduimp uⱡ ei, namba ik ek ti, rop namba kÊn, wamp mbÊ pilik ting nda? 32 Wamp mbÊ, kangambuⱡa kel na mat, rÊng rarÊp rarmin kona mbila molk, kangambuⱡa mat ndi, mat wi rok nÊtmin ei mel, ‘TÊn kowa pela ik ndÊmÊn ei kÊn, enim kinan ni nanÊng. Wote, kont kaimp kinan nimin ei kÊn, wote enim ka iti natÊnmin ku!’ nÊtÊng. 33 Wamp nu tindi wu Jon urum ei ndi, rung mowi pepa, nu wain nui nandpa itim uⱡ ei, wote enim ndi, wu ei, kundÊk nimba mel, ‘Kur kit rukÊr orunga morum,’ nÊtÊng. 34 Akup MuⱡÊl Wu Kupa ei omba, nu na, rÊng na mbÊ nonum ei, enim ndi, wu ei kundÊk, ‘Wu ei rÊng wal nomba, nu ming nduka nomba, enim ninmin. Wote, ku takis tÊk, uⱡ kit etmin wamp kÊⱡ kÊn, rÊp ronum ei ka!’ ninmin. 35 Wote, Got nga pilpa kungÊndi pilik tÊtmÊn wamp mbÊ ndi, uⱡ mat etÊk, tÊn ora ndurmin, pilpa kungÊndi ei, kupa mint,” nitim. 36 Wote, Perisi wu ti ndi, Jisas ni, elim nga manga ila, rÊng nangga wangga nitim. Wote Jisas ni, Perisi wu ni nga manga ila mba, rÊng nomba murum. 37 Ni kÊn, amp wapra ti, kona peng ila rÊk murum. Amp ni, moⱡpa pitim mel, Jisas ni omba, Perisi wu ti nga manga ila rÊng nomba morum nÊtÊng. Ik ni pilpa kÊn, kopung ming ronduⱡ mura rui ti tÊpa mepa, Jisas murum manga nila purum. 38 Amp ni mba, Jisas murum kÊmp puⱡ ila nondpa moⱡpa, ka etpa murum. Ni kÊn, ka nu mana omba, Jisas nga kÊmp puⱡ ila urum mbÊ, amp ei ndi, elim nga peng ndi kÊⱡ ndi, kil ngurum. Wote, Jisas nga kÊmp ni, keta nu ropa nomba, kopung ni tÊpa, kopung kandpa itim. 39 Wote, Perisi wu ni, moⱡpa kÊndrÊm mel, amp wapra ni ndi, itim uⱡ ni kandpa, numan ou ndupa pilpa, nimba mel, “Wu ei, kupa painui wu ti ndam, amp ei ndi, elim ambuⱡpa enim ei kÊn, amp ei nga uⱡ kit etÊm mbÊ, pilpa mbi ndumba. Amp ei, uⱡ kit mbÊ etÊm ndi, ka nimba pitim,” nitim. 40 Wote Jisas ndi, Perisi wu ni nga numan pilpa murum ni kÊⱡ, kandpa pora ndupa, nimba mel, “Saimon, na ndi, ik ti nim kundÊp namp,” nitim. Wote Saimon ndi, Jisas kundpa, nimba mel, “Ik mbo wu ye! Nim ni!” nitim. 41 Wote Jisas ndi, kundpa nimba mel, “Wu raⱡ ndi, wu ti nga ku moni kat punt mondkÊⱡ tÊtÊnggil. Wu ti, ku moni K500 titim. Wu ti, ku moni K50 mint titim. 42 Wu raⱡ, ku moni punt mondkÊⱡ tÊtÊnggil kÊⱡ, punt rokÊⱡ nguinggil mel, kapⱡa mon itim ila, ku moni puⱡ wu ei ndi, ku punt kÊⱡ, wak rurum. Akup nim pÊn ei, wu raⱡ nga, wu nam ndi, ku moni puⱡ wu ei, numan minal ngurum nÊkÊn pÊn?” nitim. 43 Wote Saimon ndi, punt ropa nimba mel, “Ku moni ou ndupa, punt mundrum wu ei, nim pÊnt!” nitim. Wote Jisas ndi, Saimon kundpa nimba mel, “Nim numan kun pilkÊn nin,” nitim. 44 Ni kÊn, Jisas ndi, tÊpa ropÊl ropa, amp ni, kandpa kÊn, Saimon kundpa, nimba mel, “Nim ndi, ya amp ei kan ei? Na ya, nim nga manga ila mukÊr unt ei kÊn, nim ndi, na nga kÊmp ⱡumÊi ruimp nÊkÊn, nu kulkÊn mundi nÊmÊndÊn ni ka! Wote, amp ei ndi, elim nga ka em nu ei ndi, na nga kÊmp ⱡumÊi rondpa, elim nga peng ndi kÊⱡ ndi, kil ngumba enim ni ka! 45 Na kor mel mukÊr omp mont ni, wote nim ndi, na keta nu rok nui nÊnÊn. Wote, amp ei ndi, na nga kÊmp raⱡ, keta nu ropa nomba enim. 46 Nim ndi, kopung mat tÊkÊn, na nga peng ila kep, kopung kundi nÊkÊndÊn, ni ka! Wote, amp ei ndi, kopung mura rui kai ti mepa omba, na nga kÊmp raⱡ, kopung kandpa enim. 47 Uⱡ ei nga, na ndi, nim kundÊp nÊnt. Ya amp ei ndi, na numan minal ngunum. Uⱡ ei ndi, ora ndupa, amp ei nga uⱡ kit minal etÊm mbÊ, Got ndi, wak rondnum. Wote, wamp nam ti, uⱡ kit mel wei kÊralt etÊm ei, Got ndi, wak rondÊⱡnga kÊn, wamp ei, Got kÊn numan onunga etpa ngurum,” nitim. 48 Wote Jisas ndi, amp ni, kundpa nimba mel, “Na ndi, nim nga uⱡ kit etÊn mbÊ pora, wak rondÊnt,” nitim. 49 Wu mat Jisas kÊn, rat pol ila rÊp rok morung nimbÊ ndi, ik nitim ni pilik, en enim puⱡ mondÊk, nÊk int yant etÊk nÊk mel, “Wu ei namba wu ti nda? Amp ei nga uⱡ kit etÊm mbÊ, wak rondÊnt ninim ei ka!” nÊtÊng. 50 Wote Jisas ndi, amp ni, kundpa nimba mel, “Nim nga mondpa pili uⱡ ei ndi, akup nim etpa tÊnÊm. Nim numan wang ndukÊn pi!” nitim.