Luk 5

1 TÊnggÊt kÊn, Jisas ni, num Genesaret nga ok, pena nila ÊnggÊtÊm. Kona nila wamp mam ti ok, Got nga ik kai mat, Jisas ndi, mbo indangga pilimin nÊk, Jisas murum kona nila nondpa ok, tÊk paⱡa etÊng. 2 Wote Jisas ndi, kÊndrÊm mel, nu kanu raⱡ nu ok, pena ila tetÊng. Nu kanu kÊⱡ, oma wal pendÊtmÊn. Wu kÊⱡ, nu kanu kÊⱡ wak rok, oma wal kÊⱡ ⱡumÊi rok morung. 3 Wote Jisas ni, Saimon nga nu kanu nila puka ropa, omba oⱡa purum. Oⱡa mba moⱡpa, Saimon kundpa nimba mel, “Nim nu kanu kÊⱡ onunga, kot pungaⱡ ndukÊn, na ila rukÊr ndui,” nitim. Jisas nu kanu pol ila moⱡpa, wamp ik mbo inditim. 4 Jisas ndi, wamp mbÊ ik mbo endpa pora ndupa, wote Saimon kundpa, nimba mel, “Nu kanu kÊⱡ, mek num rÊk ting ila puk, oma wal kÊⱡ rok, num ila mana ndukÊn, mat tin,” nitim. 5 Wote Saimon ndi, Jisas punt ropa nimba mel, “Wu Nuim ye! TÊn rumbuldi oma ruimin nimbun, kongun mam ti etpÊn, mbun andÊp koinmin rÊngÊndmÊn. Ei wote, oma tenda kot kep, rui nurmin. Akup nim nÊn ei kÊn, teng ndup, oma wal kÊⱡ, rop num ila mana ndamp,” nitim. 6 Wote, oma wal ni, kÊⱡ rok tÊk, num ila mana nduⱡina, oma puⱡi wal kÊⱡ, peka ropa rung nimba itim. 7 Wu ni kÊⱡ ndi, wu kat nu kanu tila morung kÊⱡ, wi rok, tÊn tÊk rÊpÊndeing, “WÊi!” nÊtÊng. Wote, nu kanu kat, mek oⱡina, oma nimbÊ tÊk, nu kanu raⱡ ila rÊk rÊk elingina, nu kanu raⱡ mbun etpa, num ila mana mba itim. 8 Saimon Pita ndi, oma puⱡi tÊtÊng uⱡ ni kandpa, mundmong etpa, Jisas kÊn nondpa omba, mura ropa mondpa nimba mel, “Wu Nuim ye! Na uⱡ kit mbÊ nga puⱡ wu ei. Nim ndi, na wak rokÊn kelkÊn pi,” nitim. 9 Ei kÊn, Saimon Pita kÊn, wu ÊngÊnÊl kat kunda, oma puⱡi tÊtÊng uⱡ ni kandÊk, min ngÊn mundrÊng. 10 Saimon kÊn kongun tenda ila etÊng wu Jeims kÊn Jon raⱡ, wu raⱡ Sepeti nga kangÊm raⱡ kunda, min ngÊn mundrÊng. Wote Jisas ndi, Saimon Pita kundpa nimba mel, “Nim mundmong iti nÊti! Akup nim oma wal pendkÊn, tÊn ei mel, wote nim ndi, wamp mbÊ i ku etkÊn, tÊkÊn mekÊn, na kÊn uin!” nitim. 11 Wote, wu ni kÊⱡ ndi, nu kanu kÊⱡ, mek ekit ok tek, en enim nga mel mbÊ pora, wak rok tek kelik, Jisas pep rok akil tek purung. 12 TÊnggÊt kÊn, Jisas ni, kona peng tila mba murum. Kona nila, kint pombuⱡma ndi, kÊng mbÊ kum rurum wu ti murum. Wu ni moⱡpa, Jisas ni kandpa omba, Jisas nga kuimp keta ila mura ropa, mondpa nimba mel, “Wu Nuim ye! Nim ndi, kapⱡa nÊkÊn pin ndam, na etkÊn kai mundun ka!” nitim. 13 Wote Jisas ndi, elim nga ki ni, oⱡa ndupa, wu ni minda ndupa, nimba mel, “Na kapⱡa nÊmp ei kÊn punt ei, nim nga ku, ei kapⱡa tangga. Ni kÊn, tÊngÊnda mint kui ni ndi, wu ni wak roⱡnga, wu ni eng nui kai ei, murum. 14 Jisas ndi, ronduⱡ mundpa wu ni, kundpa nimba mel, “Ya uⱡ nim kÊn em kÊⱡ, wamp ti kundkÊn, ni nÊni mon! Nim pukÊn wu pris kÊⱡ kÊn, nim nga kÊng kÊⱡ ora ndukÊn, Moses ndi, nitim uⱡ ei mel, Got kÊn angge mel ti ngui. I in uⱡ ei ndi, wamp ndi, nim kandÊk, nim nga kui ni, pora nim ning,” nitim. 15 Ni kÊn, Jisas nga itim uⱡ kÊⱡ nga timan ik ei, pi nimba kona mbila purum. Wamp ou ndupa, Jisas nga uⱡ itim ik timan nimbÊ pilik, kui rurum wamp mbÊ, en enim etpa kapⱡa indangga, nÊk orung. 16 Wote, ui ou ndupa, Jisas ndi, wamp mbÊ, wak ropa mondpa, kelpa mba, kona mo ropa mat ila atinga rorum. 17 Ui ti kÊn, Jisas ndi, wamp mat, ik mbo endpa murum. Perisi wu na, mi ik mbo wu mat ila rÊk morung ku. Wu orung mbÊ, Jerusalem kona peng ou ei kÊn, Galili kona na, Juriya kona peng mbila orung. Jisas ndi, Got nga ronduⱡ ei, tepa moⱡpa, kui wamp mbÊ, etpa kapⱡa inditim. 18 Wu mat ndi, kÊmp ki rumbÊⱡi wu ti, rupⱡaima kulk mek, Jisas murum manga nila mukÊr ping pilik orung. 19 Wamp ndi, manga ni ti, nimba murum ila kui wu ni, mek mukÊr ping nombuⱡa mam ti, ti nÊtÊtÊm. Kui wu ni, rupⱡaima pÊkÊ mek, Jisas murum manga nila oⱡa puk, manga im ni, rokÊtÊk tek, kui wu pitim rupⱡaima ni kÊⱡ, kan kulk mana nduⱡmina mba, Jisas murum kuimp keta nila kun titim. 20 Jisas ndi, wu kÊⱡ nga mondÊk pilik uⱡ etÊng ei, kandpa kui wu ni, kundpa nimba mel, “Wu ang ye! Nim nga, uⱡ kit mbÊ, na ndi, pendÊp kent,” nitim. 21 Ni kÊn, Perisi wu na, mi ik mbo wu na mbÊ ndi, en enim ik nÊk, int yant etÊk nÊk mel, “Wu ei nam? Got tÊpa wÊlÊ mundnum ei ka! Wamp ti ndi, kapⱡa wamp nga uⱡ kit etmin mbÊ, pendpa kili nakilmba. Uⱡ kit mbÊ, Got tenda ei ndi mint, uⱡ kit pendpa ketÊm,” nÊtÊng. 22 Wu kÊⱡ nga numan pilik ik nÊtÊng ni, Jisas ndi, pilpa pora ndupa, wu kÊⱡ kundpa nimba mel, “Nambuⱡ emel, enim nga numan ila ik kÊⱡ pilik mormin. 23 Namba ik i wei wei etÊp nimp? Na nim nga uⱡ kit mbÊ, wak rondÊnt, muna rupⱡaima kÊⱡ mekÊn anggilkÊn pi? 24 Na ndi, enim pileing nÊmp nÊnt, ‘MuⱡÊl Wu Kupa ei, ya mÊi kona ila ronduⱡ ei, mepa urum ei ndi, kapⱡa uⱡ kit mbÊ wak romba,’” nitim. Wote Jisas ndi, kÊmp ki rumbrÊm wu ni, kundpa nimba mel, “Nim kundÊp nÊnt. Nim oⱡa molkÊn, nim nga rupⱡaima kÊⱡ tÊkÊn, mekÊn mang kona pi,” nitim. 25 TÊngÊnda mint, wu ni run nimba, oⱡa anggilpa, wamp nga kuimp keta nila, elim nga rupⱡaima ni kÊⱡ, tÊpa mepa, Got nga mbi paka rondpa mang kona purum. 26 Wamp mbÊ ndi, Jisas uⱡ itim ni kandÊk, min ngÊn mundÊk. Got nga ronduⱡ mam ti, kongun enim, kanmÊn nÊk, Got nga mbi paka rondÊk nÊk mel, “Akup uⱡ elpa ti mel kanmÊn ei ka!” nÊtÊng. 27 Wote, Jisas ni mba, kÊndrÊm mel, ku takis tÊtmÊn manga nila wu ti, ku takis tÊpa murum. Wu ei nga mbi ei Lipai. Wote Jisas ndi, wu ni, kundpa nimba mel, “Nim na pep rokÊn ui!” nitim. 28 Wote, wu Lipai ni, mel mbÊ pora, wak ropa tepa kelpa, Jisas pep ropa purum. 29 Lipai ndi, rÊng mam ti, Jisas tÊpa tÊma endpa kÊndrÊm. Ku takis tÊtmÊn wu mbÊ kÊn, wote wu elpa mat kunda, wu raⱡ kÊn, rak nduk molk, rÊng norung. 30 Ni kÊn, Perisi wu na, mi ik mbo wu na mbÊ ndi, Jisas nga kitip kÊni wu kÊⱡ kÊn, ik ou nduk nÊk mel, “Nambuⱡ emel, ku takis tÊk, uⱡ kit mbÊ etmin wamp mbÊ kÊn, rak nduk, rÊng nok mormin?” nÊtÊng. 31 Jisas ndi, wu ik nÊtÊng ni, punt ropa nimba mel, “Wamp ti, kui rui narÊm ni, dokta kÊn pi napÊrÊm ei ka! Kui rorum wamp ei mint, dokta kÊn purum. 32 Uⱡ ei mel ku, na ur ei, wamp kun kai mbÊ, numan ropÊl reing nÊmp ui nÊwÊr mon. Na ndi, wamp kit mbÊ, wi ramba kÊn, numan ropÊl reing nÊmp ur,” nitim. 33 Wu mat ndi, Jisas kundÊk nÊk mel, “Ui mat ou ndupa, Jon nga kitip kÊni wu kÊⱡ kÊn, wote Perisi kitip kÊni wu kÊⱡ kÊn, rÊng mowi rÊk rÊk pek, atinga rÊk rÊk rok etÊng. Wote, nim nga kitip kÊni wu kÊⱡ, rÊng na, nu na mbÊ normin ei ka!” nÊtÊng. 34 Wote Jisas ndi, wu kÊⱡ kundpa nimba mel, “Wu nam ti, amp kokila tÊmba ei kÊn, enim ndi, wu ei nga wamp mbo mbÊ kÊn, rÊp ropa muⱡangina kÊn, wamp kÊⱡ, rÊng mi rok nandÊk muⱡing nda, ei mon! 35 Wote, amp tÊmba wu ei, wamp mat ndi, tÊk mek pangina kÊn, wu ei nga wamp mbo mbÊ, en enim molk kÊn, rÊng mowi ping,” nitim. 36 Wote Jisas ndi, ik ek ti ropa, wu kÊⱡ kundpa nimba mel, “Wal pÊki ping unt nga kat, rÊr rom ndam, wamp ti ndi, kapⱡa muⱡ kont ti ondpa tÊpa, wal pÊki unt nga kÊⱡ, rumbÊⱡi nambÊⱡÊmba mon. Uⱡ ei em ndam, muⱡ kont ei, etpa kit mondÊmba. Wal pÊki unt nga kÊⱡ kÊn, muⱡ kont ei kÊn, to tenda mel kapⱡa mon. 37 Kng meme kÊng unt nga kÊⱡ ila kanda, nu wain kont ei kulk, tÊk oi ndÊng mel mon. Uⱡ ei em ndam, kng meme kÊng kÊⱡ, rok nimba, nu wain kont ei, mÊi ting ila, oi nimba moⱡmba. Kng meme kÊng kÊⱡ, kit moⱡmba ku. 38 Nu wain kont ei kolk, tÊk kng meme kÊng kont ila oi ndurmÊn. 39 Wamp nam ti, nu wain unt nga nom ndam, wote nu wain kont ei, numan ngui nganggÊrÊm. Wamp ei, nimba mel, ‘Nu wain unt nga ei ka!’” nÊtÊm.