Luk 23

1 Wote, wu nuim nimbÊ ndi pora, Jisas mek, Pailot murum kona ila purung. 2 Jisas ni, puⱡ mondÊk, kot endÊk, nÊk mel, “TÊn kÊnmin ei, wu ei ndi, tÊn nga wamp mbÊ, tÊpa wÊlÊ mundpa, ‘Wu nuim mumuk Sisa, ku moni takis ngui ngÊngÊi,’ nimba, wote wu ei, el elim kundpa, nimba mel, ‘Wu Kraist wu king ei nga,’” nitim. 3 Wote Pailot ndi, Jisas waldpa, nimba mel, “Nim Jura wamp nga wu king ei?” nitim. Wote Jisas ndi, punt ropa, nimba mel, “Nim nÊn ei kupa,” nitim. 4 Pailot ndi, wu pris kuimbal na, wamp mbÊ kundpa, nimba mel, “Wu ei nga uⱡ ⱡawa ti, kandÊp ti natÊnt mon, ei ka!” nitim. 5 Wamp mbÊ ndi, ronduⱡ ke, nÊk mel, “Wu ei ndi, Jura kona peng na, Galili kona peng na mbila andpa, wamp mbÊ, ik mbo endpa, ropa gi ndupa etÊm. Wote, akup ya ila om,” nÊtÊng. 6 Pailot ndi, wamp mbÊ nga nÊtÊng ik mbÊ, pilpa moⱡpa, wamp mbÊ waldpa, nimba mel, “Wu ei, Galili ila wu ei nda?” nitim. 7 Pailot ndi pilpa mel, Jisas ni wu ei, Erot nga rÊp itim kona ila moⱡpa, om nimba pitim. Ui ei kÊn, Erot ni, Jerusalem kona ila murum ku. Pailot ei ndi, Jisas tÊpa, Erot murum kona nila mundrum. 8 Erot ndi, Jisas urum ni kandpa, numan mam ti ngurum. Jisas nga timan ik ei pitim, wote Jisas kÊni nÊkÊndrÊm eing, uⱡ rÊpÊndi mat itangga, Erot kÊnimp nimba murum. 9 Uⱡ mbÊ nga, Erot ndi, ik mat ou ndupa, Jisas wuldÊtÊm. Wote Jisas ndi, Erot ik ti, punt ropa, yant ndui nÊndrÊm mon. 10 Wu pris kuimbal na, mi ik mbo wu na mbÊ, Jisas murum nila nondpa ok, Jisas ronduⱡ mundÊk, kot endÊtÊng. 11 Erot kÊn, elim nga el wu ni kÊⱡ kÊn, Jisas tÊk ik kuldÊk, Jisas wal pÊki eng nui kai kat, tÊk pakÊndÊk, Jisas ni, Pailot murum kona nila, nduk yant mundrÊng. 12 Erot ni, unt Pailot kÊn, el puⱡa wamp mel morunggil. Ui ei kÊn mint, wu raⱡ mÊn mondrÊnggil. 13 Wote Pailot ndi, rÊp wu na, wu pris kuimbal na, wamp mbÊ, wi ropa, nimba mel, “WÊi!” nitim. Kona ila rÊk ok, mÊk rorung. 14 Pailot ndi, wamp mbÊ, kundpa nimba mel, “Enim ndi, wu ei, mek ok, na nguk, enim ndi, wu ei kundÊk, wamp mbÊ tÊpa wÊlÊ mundrum nÊnmÊn. Na ndi, wu ei, enim nga kuimp keta ila kun mondÊp, waldÊp pÊnt ei, wu ei nga uⱡ ⱡawa ti em ila, enim ndi, kot endÊng uⱡ ei, kurÊp kandÊp, ti natÊnt ei ka! 15 Erot ndi, wu ei nga uⱡ ⱡawa ti, kurpa kandpa, ti natÊpa kÊn, wu ei ngumba, ya tÊn kÊn yant ndum. Enim pilÊi! Wu ei nga uⱡ ⱡawa ti mon! Ei nga, tÊn ndi wu ei, rop kundamin mel mon! 16 Na ndi, wu ei kan puⱡa ndi rop, wak rop, mundamba kÊn kelpa pangga!” nitim. [ 17 Mowi kor ui mbila pora, Pailot ei ndi, kan manga wu ti, wamp mbÊ kÊn, wak ropa ngurum.] 18 Wamp nimbÊ pora, wi rok ke nÊk mel, “Wu ei, rok kondkÊn, Barapas wak rokÊn, tÊn kÊn mundi!” nÊtÊng. 19 (Barapas ni, wu ei, kona peng ila gapman wu mat kÊn, el ropa wu mat ropa kÊndrÊm ila tÊk kan ngurung.) 20 Wote Pailot ndi, wamp mbÊ waldpa pilpa, Jisas wak rop, mundamba pangga, nitim. 21 Wote aldpa, wamp mbÊ ndi, wi rok, Pailot kundÊk, nÊk mel, “Jisas nde peta ila nil ro! Jisas nde peta ila nil ro!” nÊtÊng. 22 Wote Pailot ndi, raldika endpa kÊn, nimba mel, “Wu ei, namba uⱡ ⱡawa ti em? Wu ei kuⱡangga nimp ei, wu uⱡ ⱡawa ti, na ndi, kandÊp ti natÊnt ei ka! Na ndi, wu ei, kan puⱡa ndi rop kÊn, wote wak rop mundamba pangga!” nitim. 23 Wote, wamp mbÊ ndi, ronduⱡ ke nÊk, ronduⱡ mundÊk, Pailot ndi, Jisas nde peta ila nil rangga nÊtÊng. Wamp mbÊ nga ronduⱡ, wi rok nÊtÊng ik ei ndi, Pailot nga ik nitim ei, rok mana mana ndurÊng. 24 Ni kÊn, Pailot ndi, wamp mbÊ nga nÊtÊng ik ni, pep ropa, nimba mel, “Jisas ni kuⱡangga!” nitim. 25 Wote, wamp mbÊ ndi, Pailot wi rok kundÊk, nÊk mel, “Barapas ni, gapman kÊn el ropa wamp ropa kÊndrÊm wu ei, wak rokÊn mundana, kelpa wangga!” nÊtÊng. NÊtÊng ei kÊn, Pailot ndi, wu ei, wak ropa mundpa kÊn, wamp kÊⱡ nga nÊtÊng ik ni, pep ropa, Jisas ni tÊpa, el wu kÊⱡ nga ki kaimp ila ngurum. 26 Wote, el wu nimbÊ ndi, Jisas ni, imp molk mek purung ila, Sairin kona peng ila wu ti, mbi tek, Saimon nÊtmÊn ni, kona peng ila rukÊr uimp nimba urum ni, tÊk imp molk, nde peta ni kÊⱡ ngurung ila, koma ropa mepa, Jisas ni, pep ropa, akil tepa purum. 27 Wamp rÊⱡaip mam ti, Jisas pep rok, akil tek purung. Wote, amp mat ou ndupa, Jisas kont kolk ka etÊk purung. 28 Jisas ni, ropÊl ropa, amp ka etÊk, orung ni kÊⱡ, kundpa nimba mel, “Enim Jerusalem kona peng ila amp kÊⱡ ye! Enim ndi, na nga nÊndÊk, ka iti nÊtÊi, mon! En enim nga orunga nÊk kÊn, enim nga kangambuⱡa, mbÊ nga nÊndÊk, ka itÊi! 29 Enim pilÊi! Wote ui ti, ekit wangga kÊn, wamp mat ndi, enim kundÊk, i etÊk ning. ‘Amp mbÊ, kangambuⱡa mi naimbÊk, kangambuⱡa aim ngui nganggÊk eng mbÊ, numan kai pileing,’ ning. 30 Ui ei kÊn, wamp mat ndi, komnga mong mbÊ kundÊk, ‘TÊn tÊkÊn mo rokÊn, ⱡÊrÊk ndui!’ ning. 31 Ni kÊn, akup wamp mbÊ ndi, nde nu pi kÊⱡ uⱡ ei mel enmin, wote nde kÊⱡ kÊp em ei kÊn, namba uⱡ ti iting nda?” nitim. 32 El wu mbÊ ndi, uⱡ kit mbÊ, etÊnggil wu raⱡ kunda, Jisas kÊn nde peta ila pendÊk ruing, pilik mek purung. 33 Wote, wu ni kÊⱡ mek puk, kona komnga ti, mbi tek, ‘Wamp Peng Ombil’ kona nÊtmin nila, Jisas nde peta ila nil rok pendÊtÊng. Wu ni raⱡ nga ti, Jisas nga ki mbo orunga, nde peta tila nil rok pendÊk, wu ti, ki rar orunga nde peta ila nil rok pendÊk etÊng. 34 Wote Jisas ndi, nimba mel, “Wuta Got nim ndi, wu kÊⱡ nga uⱡ ⱡawa mbÊ, wak rundi. Wu kÊⱡ uⱡ enmin ei nga puⱡ ti, pili napilik enmin,” nitim. El wu kÊⱡ ndi, Jisas nga wal pÊki na mel nimbÊ, potÊk tek, satu etÊk, wu ti tangga, nÊk etÊng. 35 Wote wamp nimbÊ, anggilik kandÊk moⱡina, Jura nga rÊp wu nimbÊ ndi, Jisas nga ik kuldÊk nÊk mel, “Wu ei ndi, wamp mbÊ, tÊpa rapundpa etÊm uⱡ ei mel, elim MuⱡÊl Wu Kupa ti, Got ndi, tÊpa mundrum ila, wamp mbÊ, etpa rukÊr tangga nimba itim ndam, elim ndi, elim kapⱡa uⱡ mat, etpa tÊpa mundangga!” nÊtÊng. 36 El wu mbÊ kunda ku, ik raka rondÊk, wote Jisas rok pendÊtÊng nila, nondpa ok, ki runt rok, nÊk mel, “Nim kupa Jura wamp mbÊ nga Wu Nuim Mumuk ei ndam, ninim ndi, uⱡ mat etkÊn olkÊn pi!” nÊtÊng. 38 Wu kÊⱡ ndi, mon kat rok, Jisas nga peng oⱡa orunga, nde peta nila mondÊk, nÊk mel, “WU EI, JURA WAMP NGA WU NUIM MUMUK EI!” nÊtÊng. 39 Wu ralt, nde peta ila rorung ni nga ti ndi, Jisas ni tÊpa, ik kuldpa nimba mel, “Nim kupa Got nga tÊpa mundrum wu ti ndam, ninim ndi, uⱡ mat etkÊn, ninim etÊk tÊk mundkÊn, wote tÊl tÊkÊn rapundkÊn iti ku!” nitim. 40 Wote, wu ti ndi, nitim ik ni pilpa kÊn, wu ni, ik mura ngumba, nimba mel, “Wu ei, tÊn mindil kapⱡa mint nonmun. Ei nga, nim Got kÊn mundmong iti natÊkÊn nÊn ei?" 41 TÊl uⱡ kit mbÊ, etmbÊⱡ wu raⱡ, kapⱡa rok kunding enmin. Wu ei nga ⱡawa ti mon. Ei nambuⱡ emel, rok kunding enmin nda?” nitim. 42 Wu ni ndi, Jisas kundpa, nimba mel, “Wote, Jisas ni, nim pukÊn, nim nga mumuk rui kona ei mÊn ndam, nim ndi, na piliya!” nitim. 43 Wote Jisas ndi, wu ni kundpa, nimba mel, “Na ndi, nim ik kupa ti, kundÊp nÊnt. Nim wote, na kÊn rÊp ropÊⱡ, muⱡ kona muⱡin,” nitim. 44 Wote ant ni, ou rÊnggilmÊ elinga, kona rumbÊⱡ ropa pelinga mba, epindama ant mong raldika itim. 45 Ant ei kÊn, kona ant rui narÊⱡnga kÊn, manga wingti ou ila muⱡ mbal mam ti, kuipa rok mondÊrmin ei, rÊk ila paⱡpa, mba raⱡ itim. 46 Wote Jisas ni, ke ronduⱡ, nimba mel, “Wuta ye! Na nga muⱡnga ei, nim nga ki kaimp ila ngÊnt,” nitim. Nimba kÊn, Jisas ni kurum. 47 El wu kÊⱡ nga wu kuimbal ni ndi, uⱡ itim ni kÊⱡ, kandpa kÊn, Got nga mbi paka rondpa, nimba mel, “Wu kun kai ei nga, uⱡ ⱡawa ti mon ei, rok kondÊnmin ei ka!” nitim. 48 Wamp mat ndi, uⱡ itim ni, kÊnmin nÊk, orung nimbÊ ndi, uⱡ itim ni kandÊk, min ngÊn mundÊk, pepiⱡ ⱡuwa rok, kelik mang kona purung. 49 Jisas nga wamp pundÊn mbÊ kÊn, Galili kona peng ila amp kat, Jisas pep rok orung ni kÊⱡ kÊn, wamp kÊⱡ ruⱡ etÊk mel molk, uⱡ itim ni kandrÊng. 50 Wu ti, kona ila murum ei nga mbi, Josep. Jura wamp kÊⱡ nga Arimatiya kona peng ila wu ei. Wu ei, kaunsil tÊpa etÊm wu kun kai ei. 51 Wu ei ndi, wu kaunsil mat nga numan pilik, uⱡ etmin mbÊ mel iti natÊtÊm. Got nga wamp tÊpa mumuk rui uⱡ ei mint, nokundpa morum. 52 Josep mba, Pailot ni, waldÊp pilamba kÊn, Jisas nga on ei ngangga, nimba mba, pitim mel, Pailot ei ndi, kapⱡa nitim. 53 Wote Josep ndi, Jisas nga on ni, mana tÊpa, muⱡ mbal kurÊmÊⱡa tila kum ropa, mepa mba, ku manga kont ti, wamp on kona mim etÊk tetÊng nila, rÊk ndupa titim. 54 Mowi kor mormin ui ei, ekit oⱡnga kÊn, rÊng molk nuing mbÊ, tÊk kun etÊng. 55 Galili kona ila amp kat, Jisas pep rok orung ni kÊⱡ, Josep ndi, Jisas nga on ni, mepa mba, wamp on ku manga nila etpa, tenÊm mel nant nda nÊk, kÊnmin nÊk, akil tek purung. 56 Amp ni kÊⱡ, kandÊk pendÊk, wote kelik, manga kona yant ok kÊn, kopung mura rui kai na, ronduⱡ mat, tÊk kun etÊk morung. Mi ik ei ndi, nÊtÊm ei mel, mowi kor ei kÊn, muⱡ tÊk kor morung.