Luk 2

1 Ui ni kÊn, wu nuim mumuk Agustus ndi, nimba mel, Rom Gapman ndi, wamp nokÊndrÊm kona mbila wamp mbÊ, pÊkÊ mbi ngeing nitim. 2 Wote, wamp mbi ngui uⱡ ei, kuimp tek puⱡ mondÊk tÊtÊng ei kÊn, Kuirinius ni wu ei, Siriya kona ila wu nuim murum. 3 Wamp pÊkÊ, en enim nga mÊi peng mbila, elpa elpa puk, mbi nguing purung. 4 Josep ni, Galili nga kona peng Nasaret ni, wak ropa, Jura kona peng Betelem ila purum. Kona ei, King Depit nga metÊng uⱡimp kut mÊi ei, Josep mÊi ila purum. Ei nambuⱡ emel, elim King Depit nga pundÊn ei. 5 Josep amp Mariya tÊpa mepa, mbi nguimbil ni kÊⱡ purÊnggil. Amp Mariya ni, Josep tangga nÊk, ol ik nÊndÊk mondrung. Ei kÊn, amp ni, kangambuⱡa mundrum. 6 Wote, wamp raⱡ Betelem kona ila puk moⱡÊnggila, amp ei, elim nga kangambuⱡa memba ui ei nondpa itim. Ni kÊn, amp ni, kang kumina ei mitim. Kang ni, muⱡ ila kum ropa, kng kau rÊng normin kona ila pindÊtÊm. Wamp raⱡ nga pinggil manga ti mon itim. Ei nambuⱡ emel, wamp puk petmin manga mbÊ ti nitim. 8 Kona ila nondpa, kng sipsip rÊp wu kat, rumbuldi pena, kng sipsip rÊp etÊk morung. 9 Wu Nuim Got nga anggelo ti, kng sipsip rÊp wu mbÊ morung ila urum. Wote, Wu Nuim Got nga rÊⱡang kai ei ndi, wu kÊⱡ morung nila, rÊⱡang kai ti nguⱡnga, wu ni kÊⱡ kandÊk, min ngÊn munt rong. 10 Wote, anggelo ni ndi, wu kÊⱡ kundpa nimba mel, “Enim mundmong iti nÊtÊi! Na ya ont ei, rÊnang ik kai ti, enim kundÊp nimp ont. Wamp pora ik ei pilik, kai piling. 11 Akup ui ila, enim nga Etpa Ti Wu Nuim Kraist ei, Depit nga mÊi mang kona mek tek mormin. 12 Ya ik nÊnt ei, enim puk kanÊng ei kÊn, kupa etmba. Kang nana ei, muⱡ ila kum rok, wote kng kau rÊng normin kona ila pendÊk morum,” nitim. 13 Ni kÊn, kump kiraipa na ni mel, tÊngÊnda mint, muⱡ ila nga anggelo wu, el kum mbÊ ok, anggelo ÊngÊn ti murum nila, Got nga mbi paka rondÊk, kinan nÊndÊk ei mel nÊtÊng, “Oⱡa muⱡ ila Got nga mbi ei, rom kaip mbÊ, nindamin omba, ya mÊi ila, Got nga numan ngurum wamp mbÊ, kupÊn pangga muⱡeing!” nÊtÊng. 15 Wote anggelo nimbÊ, kng sipsip rÊp wu nimbÊ, wak rok kelik, muⱡ kona int purung. Ni kÊn, kng sipsip rÊp wu nimbÊ ndi, nÊk int yant etÊk nÊk mel, “TÊn Betelem kona mbun, namba uⱡ em ei? Wu Nuim Got ndi, tÊn kundpa nim ni mel, mbun kÊnamin!” nÊtÊng. 16 Wote, kng sipsip rÊp wu ni kÊⱡ, tÊkrÊk puk, amp Mariya kÊn, wu Josep kÊn kandÊk tÊtÊng. Wote kandrÊng ni, kang nana ei, kng kau rÊng normin kona nila ur pitim. 17 Kng sipsip rÊp wu ni kÊⱡ, kang nana ni kandÊk kÊn, anggelo ndi, kang nana ei nga kundpa nitim ik nimbÊ, wamp mbÊ kundÊk nÊtÊng. 18 Wamp nimbÊ ik ei, pilik min ngÊn mundrÊng. Wote Mariya ndi, ik ni pilpa kÊⱡ pÊkÊ, el elim nga numan ila rukÊr ndupa murum. 20 Kng sipsip rÊp wu ni kÊⱡ, kelik int puk, Got nga ronduⱡ ei pilik, kandÊk etÊng ei nga, kinan kai mbÊ, Got nga mbi rok potÊn nduk nÊtÊng. Uⱡ itim mbÊ, anggelo ei ndi, kundpa nitim ei mel ku itim. 21 RumbÊⱡ 8 omba puⱡnga, kang ei nga kÊng ila tip timal etÊk, mbi tek, Jisas nÊtÊng. Mbi tetÊng ei, nambuⱡ emel, mam nga oⱡ ila muⱡi nÊmbÊⱡi kÊn, anggelo ei ndi, mbi ei mel, tÊi nitim ei nga. 22 Moses nga mi ik ila petÊm ei mel, kor ou ni omba puⱡnga kÊn, Mariya kÊn Josep raⱡ ndi, Jisas Got nguimbil ni kÊⱡ itinggil, Jerusalem kona peng ila purÊnggil. 23 Uⱡ ei, Nuim ei nga mi ik ila rok pendÊtÊng mel, “Kang kumina meng mbÊ, enim ndi, Nuim ei ngÊi,” nitim. 24 Kang ei nga, nÊndÊk angge nÊk, Got ngurung. Ei Wu Nuim ei nga mi ik ila petÊm ei mel, “KÊi imil raⱡ muna, kÊi mumi waⱡ raⱡ tÊk, Puⱡ Wu ei nga mbi ila ngÊi,” nitim. 25 Ui ei kÊn, wu ti Jerusalem kona ila murum. Wu ei nga mbi Simiyon. Wu ei, kun kai moⱡpa, Got nga mundmong etpa, Got nga ik ei, pilpa tÊpa morum Muⱡnga Wingti wu ei kÊn moⱡnga, wu ei ndi, Isrel wamp mbÊ, etpa tÊmba ei nga nokundpa murum. 26 Muⱡnga Wingti ei ndi, elim unt kuⱡi nÊⱡi kÊn, Got nga ngÊmp mana nduimp nitim. Got nga ngurum wu Kraist ei, molkÊn kandkÊn kuⱡin, nitim. 27 Muⱡnga Wingti ei ndi, Simiyon ni, Got nga manga wingti ou ila mepa purum. Got nga mi ik kÊⱡ petÊm ei mel teng ndukÊⱡ, kang Jisas ni, tipam mam raⱡ ndi, mekÊl manga wingti ila purÊnggil. 28 Ni kÊn, wu Simiyon ndi, kang Jisas ni, tÊpa ki ila kanggÊⱡpa, Got nga mbi paka rondpa angge nimba, i etpa nitim. “Oⱡa Nuim ye! Akup nim ndi, nim nga nitÊn ik ei, omba kupa penim kant. Ei kÊn, akup na nim nga kongun kindmant wu ei etkÊn, numan wang ndana pamp. 30 Na nga mong raⱡ ndi, nim nga wamp Etpa TÊmba Wu ei kant. 31 Etpa ti wu ei, ninim ndi, etkÊn mot ndun ei, wamp mbÊ ndi, pÊi kanmin. 32 Ei rÊⱡang ti, nim nga numan ila wamp elpa mbÊ, tÊkÊn ora ndon. Wote, nim nga rÊⱡang ronduⱡ ei tÊkÊn, nim nga Isrel wamp mbÊ ngun,” nitim. 33 Simiyon ndi, kang ei nga ik kai nÊndÊtÊm mbÊ, kang Jisas nga tipam mam raⱡ ndi, pilkÊⱡ min ngÊn mondrÊnggil. 34 Wote Simiyon ndi, mam tipam raⱡ kÊn, memp pendpa, mam Mariya kundpa nimba mel, “Kang Jisas ei, Got ndi, mbi ropa tÊpa, mondpa kÊn, Isrel wamp mat etpa rukÊr tangga, mat uⱡ kit mbila, mana ping. Kang ei, Got nga tip timal ronduⱡ ti moⱡangga, wamp puⱡi ndi ik nÊk kit munding. 35 Itangga kÊn, wamp mbÊ nga numan pÊtmÊn mbÊ, omba pena ila pemba. Koiya nengina ti ndi, norum ni mel, nim nga mundmong ila rukÊr kopÊtÊmba ku,” nitim. 36 Ni kÊn, painui amp wenda wiya ti murum. Amp ei nga mbi, Ana. Amp ei nga tipam Panuwel, met Asa rÊⱡaip ila nga wu ei. Amp ei nga pana 84, wam kÊn pana 7 mendpÊⱡ pepa moⱡnga, wam kurum. Amp ei, rumbuldi rÊnggilmÊ mbÊ, Got nga manga wingti ou ei, wak rui nÊrÊrÊm. Got nga mbi paka rondpa, rÊng mowi moⱡpa, atinga rÊk rÊk ropa itim. 38 Amp wenda wiya ei, ant mong ei kÊn rÊk omba, Got kÊn angge nimba, kaip nindpa. Kang ei, Got ndi, Jerusalem wamp mbÊ, etpa rukÊr tÊmba nÊk, nokundÊk morung kang ei nitim. 39 Wote, Josep Mariya raⱡ, Got nga mi ik ila petÊm uⱡ mbÊ, etÊkÊⱡ pora ndukÊⱡ, Galili nga kona peng Nasaret ila, kelik int purung. 40 Kang Jisas ni, ou etpa ronduⱡ mba, numan kai kun mbÊ nga pilpa pora ndurum. Wote, Got nga memp pendÊtÊm uⱡ mbÊ omba, Jisas kÊn titim. 41 RÊk rÊk pana mbila, Pasopa ui ambÊrmÊn ei kÊn, Jisas nga tipam mam raⱡ Jerusalem kona ila purÊnggil. 42 Jisas ni, pana 12 itim ni kÊn, Pasopa ui ni, ekit oⱡnga, Jisas ni, tipam mam raⱡ kÊn, Jerusalem kona ila rÊk rÊk purmin ni mel ku purung. 43 Wote, kang Jisas ni, Jerusalem int murum. Murum ni, tipam mam raⱡ pili napÊtÊnggil. Wamp raⱡ pilkÊⱡ mel, wamp mou rup rok orung nila, onum ku nÊk pÊtÊnggil. Ant tenda ei, nombuⱡa mam okÊⱡ pora ndukÊⱡ, aldpa kang ni, wamp mbo mbÊ kÊn, kurkÊⱡ int purÊnggil. 45 Wote kang ni, kandÊk ti natÊtÊnggil. Aldpa Jerusalem kona nila, kurkÊⱡ int purÊnggil. 46 RumbÊⱡ raⱡ elinga, wote ant tila manga wingti ou ila moⱡnga, kandÊk tÊtÊnggil. Kona nila moⱡpa, Jura ik mbo wu mat, ik nÊtÊng mbÊ kum tepa, mat ila waldpa, int ndupa etpa murum. 47 Kona ila morung wamp nimbÊ, Jisas nga ik ronduⱡ pilpa kungÊndi mbÊ nilinga, pilik min ngÊn mundrÊng. 48 Wote, tipam mam raⱡ ndi, en enmbilinga kang ni, uⱡ ei mel etpa murum ni, kandkÊⱡ min ngÊn mundrÊnggil. Wote mam ndi, kangÊm kundpa, nimba mel, “Na nga kang ye! Nim uⱡ ei mel tÊl kÊn in ei, nambuⱡ emel, tÊl kÊn uⱡ ei mel in? Nim nga tipanÊm kÊn, na kÊn numan mbun ou ndupa pilpÊⱡ, nim kurÊp andÊp mint pimbÊⱡ,” nitim. 49 Jisas ndi, punt ropa nimba mel, “Na nambuⱡ emel, andkÊⱡ kurÊnggil? Na, na nga Wuta nga manga ila muⱡimp ni, enmbil ni, pÊtÊmbil muna mon?” nitim. 50 Wote, tipam mam raⱡ ik nitim ni, pilkÊⱡ mbi ndui nandrÊnggil. 51 Wote Jisas ni, wamp raⱡ kÊn rÊp rok, Nasaret int purung. Ila nga tipam mam raⱡ nga ik nÊtÊnggil mbÊ, teng mint ndurum. Wote, ik teng ndupa, uⱡ kai itim mbÊ, mam pilpa rukÊr ndupa, kai pilpa murum. 52 Wote Jisas ni, elim nga kÊng orunga kÊn, pilpa kungÊndi ei kÊn, ou etpa, kun mba kai mundrum. Wote Got kÊn, wamp mbÊ kÊn pÊiya Jisas kandÊk numan ngorung.