Jon 6

1 Wote, Jisas ni, num Galili noi orunga int purum. Num ei nga mbi ti kundÊk, ‘Taipiriyus’, nÊtÊng. 2 Wamp mam ti, Jisas purum mel, akil tek purung. Nambuⱡ emel, Jisas ndi, uⱡ rÊpndi mat etpa, kui peng itim wamp mbÊ, etpa titim kandrung. 3 Wote, Jisas komnga ila oⱡa mba, elim nga kitip kÊni wu ni kÊⱡ kÊn, rÊp rok morung. 4 Ui ni kÊn, Jura wamp nga Pasopa, RÊng Ou Nuing ui ei, nondpa itim. 5 Jisas moⱡpa kÊndrÊm mel, wamp minal, elim pep rok, orung kandpa, wu Pilip kundpa nimba mel, “RÊng mat nant ila, kandÊp tÊpÊn, ya wamp kÊⱡ, rÊng ruimin nda?” nitim. 6 Ik ei, Pilip oⱡa tÊpa, kanÊmba pilpa nitim. Elim uⱡ etmba ei mel, pilpa pora ndupa murum. 7 Wote Pilip ndi, ik punt ropa nimba mel, “TÊn ku moni K200 ei mel, rÊng bret timin ndam, wamp mormÊn mbÊ ndi, rÊng mint rok nuing mel, kapⱡa mon!” nitim. 8 Kitip kÊni wu ti, Saimon Pita nga ÊngÊn Andru ndi, nimba mel, “Kang ti, bret 5 kat kÊn, oma raⱡ tepa morum ei ndi, wamp minal kÊⱡ kÊn, kapⱡa etmba nda?” nitim. 10 Ni kÊn, Jisas ndi, kitip kÊni wu kÊⱡ, kundpa wamp mbÊ, mana muⱡeing nÊi, nitim. Kona kai titim nila, wamp nimbÊ, mana morung ila, wu 5000 mel morung. 11 Wote Jisas ndi, bret ni tÊpa ambuⱡpa, Got kÊn angge nimba, puk ropa wamp morung nimbÊ, neing nimba, ngurum. Wote, oma ni raⱡ i ku etpa, oⱡa tÊpa angge nimba, gurpa wamp nimbÊ, neing nimba, ngurum ku. Wamp nimbÊ rÊng noⱡÊngina, pilÊng elinga, mana titim. 12 RÊng noⱡÊngina, mana titim nimbÊ, Jisas ndi, kitip kÊni wu ni kÊⱡ, kundpa nimba mel, “RÊng nonmÊn mbÊ nga, mana tÊnÊm mbÊ, tÊk rÊkÊlÊi! RÊng ti etÊk, ge ndui nÊndÊi!” nitim. 13 Wote, bret 5 kÊⱡ nga wamp mbÊ ndi, noⱡÊngina mana titim mbÊ, tÊk rakilingina, wal 12 peka rurum. 14 Ni kÊn, uⱡ rÊpndi Jisas ndi, itim ni, wamp mbÊ ndi, kandÊk nÊk mel, “Painui wu ti, mÊi kona ila mana omba nÊtmin ni, omba morum kanmÊn,” nÊtÊng. 15 Jisas ni, pitim mel, wamp mbÊ ndi, ronduⱡ mundÊk, elim tÊk, wu nuim mumuk munding, elingina pilpa, komnga nila, elim kou kiyang nimba, int purum. 16 Wote, epindama elinga, Jisas nga kitip kÊni wu nimbÊ, num ÊldÊ nila purung. 17 Puk, nu kanu nila rukrÊng puk, num ei, puⱡa rok, Kaperniyum kona ila ping purung. Kona ni, rumbÊⱡ roⱡnga, Jisas ni, ama ui nÊwÊrÊm. 18 Ni kÊn, kÊpkÊ ambuⱡpa pilpa roⱡnga, nu ni, ropa mbÊ, nuwa kuⱡpa kara purum. 19 Wote, kitip kÊni wu ni kÊⱡ, num rÊk ting ila puk, kandrung mel, Jisas ni, nu ndi, pol ila kÊmp kambilpa, nondpa oⱡnga kandÊk, mundmong etÊng. 20 Wote Jisas ndi, kundpa nimba mel, “Mundmong iti nÊtÊi! Na ont ei ka!” nitim. 21 KandÊk kÊn, numan wang nduk, Jisas ni, nu kanu ila, oⱡa wangga nÊk, pilik moⱡÊngina, wote tÊngÊnda mint, nu kanu ni kÊⱡ, ping orung kona ila, mba rÊk purum. 22 MÊkÊlmÊ orunga, num noi orunga, morung wamp nimbÊ ndi kandrung. Nu kanu tenda kat titim ni kÊⱡ, ti nÊtÊtÊm. Ni kÊn, tÊk mendÊk pÊtÊng ei, kitip kÊni wu ni kÊⱡ mendpÊⱡ, nu kanu ila purung. Wote Jisas ni, kunda pi naprÊng. 23 WÊl Taipiriyus kona ila nga nu kanu mat, Jisas ndi, angge nimba, wamp rÊng ngurum kona nila, nondpa orung. 24 Wote wamp nimbÊ kandrung mel, Jisas kÊn, elim nga kitip kÊni wu ni kÊⱡ pora, muⱡi nambÊrÊng. Nu kanu titim nimbila, ok rÊk puk, Kaperniyum kona nila kurÊk purung. 25 Wote, wamp nimbÊ ndi, Jisas nu noi orunga, puk kandÊk tÊk, waldÊk nÊk mel, “Ik Mbo Wu ye! Nim nant kÊn ya ila un?” nÊtÊng. 26 Wote, Jisas ndi, punt ropa, nimba mel, “Na ndi, ik kupa enim kundÊp nÊnt. Enim bret nok, pÊlÊng kundÊk, eng ni nga mendpÊⱡ, na kurÊk onmÊn. Wote, uⱡ rÊpndi mat int nimbÊ nga, enim tÊk mindi namindÊnmÊn. 27 RÊng purpa moⱡmba mbÊ nga, kongun iti nÊtÊi! RÊng kai uⱡ nga muⱡing ei nga, kongun indÊi! RÊng ei, MuⱡÊl Wu Kupa ei ndi, enim ngumba. Uⱡ ei, Got Tipam ndi, unt tip timal mundpa, MuⱡÊl Wu Kupa ei kÊn, etpa ronduⱡ mundpa pinditim,” nitim. 28 Wote, wamp mbÊ ndi, Jisas waldÊk, “TÊn namba uⱡ ti etpÊn kÊn nÊk mel, Got nga kongun indÊmin nda?” nÊtÊng. 29 Jisas ndi, punt ropa, nimba mel, “Enim kongun ti iting ei, Got elim ndi, tÊpa mundrum wu ei, mondÊk pilÊi!” nitim. 30 Wamp mbÊ ndi, ik punt rok, nÊk mel, “Nim nambuⱡ ti rÊpndi ronduⱡ ti, etana kandpÊn, nim mondÊp pilmin nda? Namba uⱡ ti itin pilkÊn nÊn nda? 31 Unt, tÊn nga anda kouwÊmin mbÊ ndi, kona kui waka ila rÊng ti, mbi tek, ‘mana,’ nÊtmin ei norung. Buk Wingti ila nÊtÊm ei mel, ‘Muⱡ kona bret ei nga nguⱡnga norung,’” nÊtÊng. 32 Wote, Jisas ndi, punt ropa, nimba mel, “Na ndi, enim ik kupa ei kundÊp nÊnt. Moses ndi, enim muⱡ kona bret ei, tÊpa ngui ngÊnggrÊm. Wote na nga Wuta ndi, enim muⱡ kona bret kupa ei, tÊpa ngorum. 33 Got ndi, muⱡ kona bret ngurum ei ndi, ya mÊi kona ila wamp mbÊ, kont mul uⱡ ei ngorum,” nitim. 34 Wote, wamp nimbÊ ndi, nÊk mel, “Nuim ye! Nim ndi, bret ei nga, tÊn rÊk rÊk ngui!” nÊtÊng. 35 Jisas ndi, wamp nimbÊ, kundpa nimba mel, “Kont mul uⱡ ei nga bret, ei na! Wamp ti, na kÊn om ndam, kump kun kuⱡi naⱡÊmba. Na mondpa pilim wamp ei, nu waka kuⱡi naⱡÊmba. 36 Wote na ndi, enim kundÊp nit ni, na kanung, wote mondÊk pili napÊnmÊn. 37 Wuta ndi, na ngurum wamp mbÊ pora, na kÊn uing. Wote, na kÊn ong wamp mbÊ, tÊp mbuⱡ ngui ngÊngimp. 38 Ei nambuⱡ emel, na muⱡ kona wak rop mana ur ei, nanim ndi, ui nÊwÊr. Wuta nga numan pÊtÊm uⱡ ei, pep rop itimp pilip ur. 39 Wuta ndi, numan ei mel pilpa, na tÊpa mundrum. Na ngurum wamp mbÊ nga ti, wak rui narup, wote ui pora nim kÊn, wamp mbÊ rop rut ndup, kont mul uⱡ ei nguimp. 40 Na nga Wuta ndi, uⱡ ti pÊtÊm ei, wamp namin mat ndi, kangÊm ei kandÊk, mondÊk pÊtÊng wamp mbÊ, uⱡ nga kÊnt nga kont mul uⱡ ei ting. Wote, ui pora nim kÊn, na ndi, wamp mbÊ rop rut ndup, kont mul uⱡ ei nguimp,” nitim. 41 Ni kÊn, Jura wamp nimbÊ ndi, ik rombulk nÊtÊng. Ei nambuⱡ emel, Jisas ndi, kundpa nimba mel, “Na muⱡ kona nga, bret ei, mana ur,” nitim. 42 Wamp mbÊ ndi, nÊk mel, “Wu ei Jisas, Josep kangÊm nimbun, kanmin ei? Wote, wu elpa nda? TÊn ndi, mam tipam raⱡ kandÊrmin. Ni wote, elim muⱡ ila mana ur ninim ei, etpa ninim, mel nant nda,” nÊtÊng. 43 Wote Jisas ndi, punt ropa, nimba mel, “Ik tek rombulk ni nÊnÊi! 44 Wamp ti, na kÊn numa ui nawÊmba. Na tÊpa mundum Wuta ei ndi, tÊpa mundangga, na kÊn omba. Wote na ndi, wamp ei, ui pora nim kÊn, rop rut ndup, kont mundimp 45 Unt painui wu mbÊ nga, mon ti rorung petÊm ei ndi, nimba mel, ‘Got ndi, wamp mbÊ, elim ndi, ik mbo endÊmba,’ nÊtÊng. Wuta nga ik ei pilik, tÊk pep rong wamp mbÊ, na kÊn uing. 46 Ik nÊnt ei ndi, nÊmp kÊn wamp ti ndi, Got kÊndrÊm ni nanÊnt mon! Got kÊn moⱡpa, mana urum Wu ei ndi mendpÊⱡ, Got kandrum. 47 Enim ik kupa ei kundÊp nint. Wamp ti, mondpa pilpa moⱡum ti, uⱡ nga kÊnt nga kont mul uⱡ ei, tÊpa tepa morum. 48 Uⱡ nga kÊnt nga kont mul uⱡ ei nga bret ei, na. 49 Unt, enim nga anda kouwÊ mbÊ ndi, kona kui waka ila, rÊng mbi tek, ‘mana’ nÊtmin ni, nurung. Ni kÊn wote, kolk ketÊng. 50 Wote, muⱡ kona bret mana urum ei, elpa ti mel, wamp ti nom ndam, kuⱡi naⱡÊmba. 51 Na muⱡ kona kont mba mul bret ei, mana ur. Wamp ti, bret ei, tepa nom ndam, kont moⱡpa mint mba. Na ndi, bret ngÊmp nÊnt ei, na nga kÊng ei. Ei, tÊpa nom wamp ti, uⱡ nga kÊnt nga kont moⱡpa mint mba,” nitim. 52 Wote, Jura wu nimbÊ ndi, ik ni pilik kit pilik, tek rombulk, nÊk mel, “Ya wu ei ndi, elim nga kÊng ei, tÊn ngangga! Wote tÊpÊn nÊmÊn ninim ei, etpa ninim mel nant nda?” nÊtÊng. 53 Wote Jisas ndi, kundpa nimba mel, “Enim ik kupa ei, kundÊp nÊnt. Wamp ti ndi, MuⱡÊl Wu Kupa ei nga kÊng ei kÊn, mema ei kÊn, tÊpa nui nanÊm ndam, kont mul uⱡ ei, wamp ei kÊn pi napÊmba. 54 Na nga kÊng ei kÊn, mema ei kÊn, tÊpa nom wamp ei, uⱡ nga kÊnt nga kont mul uⱡ ei tÊpa tepa morum. Wote, ui ei pora nim kÊn, na ndi, wamp ei, rop rut ndup, tÊp oⱡa mundimp. 55 Na nga kÊng ei, rÊng kupa ingk ei. Omba, na nga mema ei, nu kupa ingk ei. 56 Wamp ti ndi, na nga kÊng ei kÊn, mema ei kÊn, tÊpa nom wamp ei, na kÊn moⱡangga! Wote, na wamp ei kÊn muⱡimp. 57 Na tÊpa mundrum Wuta ei, rÊk rÊk kont morum. Ei mel ku, na mor. Uⱡ ei mel ku, na tÊpa nom wamp ei, rÊk rÊk kont moⱡmba. 58 Muⱡ kona mana urum bret kupa ei, na mor. Unt, enim nga anda kouwÊ kÊⱡ ndi, bret ti norung, wote kolk ketÊng. Wote wamp ti ndi, muⱡ kona mana urum bret kupa ei, nom ndam, kont moⱡpa mint mba,” nitim. 59 Jisas ndi, Kaperniyum kona ila manga wingti kel ila, wamp ik mbo endpa moⱡpa, ik kÊⱡ nitim. 60 Elim nga kitip kÊni wu ou ndupa ndi, ik nitim mbÊ, pilik molk nÊk mel, “Ik ronduⱡ mat mbo endnim. Wamp nam ti ndi, ik mbÊ pilpa tÊmba nda?” nÊtÊng. 61 Jisas wamp numan kandrum ei ndi, ik nÊtÊng ni pilpa nimba mel, “Ik ei ndi, enim nga numan orunga, mbun ngunum nda? 62 I ndam, MuⱡÊl Wu Kupa ei, elim moⱡpa mana urum kona ila kÊnangina, kelpa int pum ndam, enim etÊk piling mel nant? 63 Got nga Muⱡnga ei ndi, kont mul uⱡ ei ngorum. Wamp nga ronduⱡ ei ndi, uⱡ ingk ti, iti natÊtÊm. Na nÊnt ik ei ndi, Got nga Muⱡnga enim ngump. Wote, uⱡ nga kÊnt nga kont mul uⱡ ei, kunda ngÊnt. 64 Jisas elim kÊn, mondÊk pili napilik iting,” nitim. Wu mbÊ kÊn, wote wu ti, elim reing nimba, rÊk moⱡmba ei, unt kuimp tepa pitim. Ei nga, Jisas ndi, wu nimbÊ, kundpa nimba mel, ‘Enim wu mat mondÊk pili napÊnmin,’" nitim. 65 Wote Jisas ndi nimba mel, “Uⱡ ei nga wamp ti, na kÊn kapⱡa ui nawÊmba. Wuta ndi, etpa kapⱡa endim ti, na kÊn omba,” nitim. 66 Ik nitim ei nga, rup rok andrÊng wamp nimbÊ nga mat ndi, Jisas wak rok, mondÊk kelik purung. Wote aldpa, Jisas murum ila, yant ui nawÊrÊng. 67 Wote Jisas ndi, elim nga kitip kÊni wu 12 ni kÊⱡ, waldpa nimba mel, “Enim i ku etÊk, na wak rok ping ei?” nitim. 68 Saimon Pita ndi, punt ropa, nimba mel, “Wu Nuim ye! TÊn nam kÊn mbin? Uⱡ nga kÊnt nga kont mul uⱡ ei nga ik ei, nim tekÊn morÊn. 69 Ei nga, akup tÊn pÊnmÊn ei, nim Wu Wingti ti, Got kÊn molkÊn, urÊn nÊmp mondpÊn pÊnmÊn,” nitim. 70 Wote Jisas ndi, punt ropa, nimba mel, “Na ndi, enim wu 12 ni kÊⱡ, kÊmp rop tit. Ei nga, wu tenda ti, kur kit ei mondpa morum,” nitim. 71 Ik nitim ni, Juras, Saimon Iskariyot nga kangÊm kundpa nitim. Juras ei, elim nga kitip kÊni wu 12 ni kÊⱡ nga ti, wote Jisas rÊk murum.