Jeims 3

1 Na nga angmÊn! Enim ik mbo wu ou ndupa muⱡi nÊmbÊⱡÊi. Nambuⱡ emel, enim pÊnmin! Got ndi, wamp kÊmp tÊmba ui ei kÊn, tÊn ik mbo wu mbÊ, ama ronduⱡ mundpa kÊmp tÊpa, wamp wei mbÊ kÊn, raka raka nimba kÊmp tÊmba. 2 TÊn wamp kump kÊm uⱡ kit mbÊ etmÊn. Wote, wamp nam ti, ik kit ni nandÊtÊm wamp ei, wamp kun kai morum. Wamp ei ndi, elim nga kÊng kÊⱡ, kapⱡa rÊp etpa kai mondÊmba. 3 Kng os keta ila ain ti, kan rop gi ndup pendpÊn kÊn, mep andÊrmin ei, tÊn nga ik ei, teng ndangga nimbun etmin. 4 Wote enim pilÊi! Nu sip kÊⱡ mel mam kÊⱡ, kÊpkÊ mam mat ropa pungaⱡ ndupa mepa, num kuta ila purum. Wote, nu sip mepa andrÊm wu ei ndi, mel kel kot tÊpa kun elinga, elim pÊtÊm ei mel purum. 5 Ei mel ku, tÊn nga keta anmbil ei mel kel koⱡ, tÊn nga kÊng ila petÊm. Wote, ik mam mat, tÊn nga keta ila ekit orum. Enim punmÊn ei, ndip kel kot ndi, puⱡ mondpa, nomba mam etpa, nde pana mam mbÊ nomba pora ndurÊm. 6 TÊn nga keta anmbil ei, ndip mel, kapⱡa. Keta anmbil ei, tÊn nga kÊng ila pepa, ik kit elpa elpa mbÊ oⱡa tÊpa, wamp etÊpa kit mondrum. Wote, wamp kÊng kÊⱡ pÊi, etpa kit mondrum. Uⱡ i etmÊn ei ndi, ndip kona ei ndi, elim ndip ei, kende rorum. 7 Kng owa, kui, kÊi, wimbÊ na, num kuta mana orunga oma na mel tetÊm mbÊ, wamp ndi, etÊk ek ndurÊng, wote akup etÊk ek ndormÊn. 8 Wote, wamp ti ndi, keta anmbil ei, etpa ek ndumba mel, kapⱡa mon! Mel kit ei ndi, wamp ropa kundi uⱡ ei nga, ik kit mat petÊm. 9 Keta anmbil ei ndi, tÊn nga Wu Nuim ei kÊn, Tipam raⱡ nga mbi paka rondurmun. Wote, keta anmbil tenda ei ndi ku, tÊn, Got elim mel mil kan etpa itim wamp mbÊ kÊn, nÊmp kit mondÊrmÊn. 10 Keta tenda ila ku mbi paka rondurmun. Wote, keta ila ku, wamp mat nÊmp kit mondÊrmÊn. Na nga angmÊn! Uⱡ ei, iti nÊtÊmin mon! 11 Nu pit ti kÊn, num kuta nu ei kÊn, tÊpa tenda etpa orum ei? 12 Na angmÊn! Nde pik ila, nde olip mong rumba ei, muna nde wain ila, nde pik mong romba ei? Ei mel ku, num kuta ila, nu kai ti, ekit ui nawÊmba mon! 13 Enim nga ruk ting ila, wu pilpa kungÊndi ti morum ei? Wamp ti moⱡum ndam, elim nga mul uⱡ kai ei, pilpa kungÊndi kai ila, ekit orum uⱡ mbÊ, etpa tÊpa ora ndangga! 14 Wote, enim nga numan ila wÊlÊk rok, popÊⱡ mondÊk, wote enim nga numan ila en enim mbi ou timin, nÊk pilik, wote enim ndi ik kep nok ik kupa ei kambilik pendÊk iti nÊtÊi! 15 Pilpa kungÊndi ei, muⱡ kona ila tepa mana ui nawÊrÊm. Wote, ei ya mÊi kona ila, numan unt nga ei, pilpa kungÊndi kit ei nga tipam ei, Seitan. 16 Wote, wamp mat kÊn, wÊlÊk rok, nindiⱡim nÊk etmin wamp mbÊ molk, kai mundi namÊndÊk, uⱡ kit mbÊ mint etmin. 17 Wote, mul kona ila pilpa kungÊndi mana orum ila, kuimp tepa uⱡ kun kai pilpa kungÊndi ila, moⱡpa kundi uⱡ mbÊ, numan ngÊk, numan kai pendÊk, wamp numan ngÊk, wamp mbÊ kÊn numan wang nduk, wamp mat nga ik kum tek, wote wamp kont kulk, uⱡ kun kai mbÊ etmin. Wote wamp elpa elpa mbÊ kÊn, numan tenda ei mint pendÊtmÊn. 18 Moⱡpa kundi uⱡ ei nga paka rormÊn wamp mbÊ, moⱡpa kundi uⱡ ei nga rÊng mbo kai mbÊ mundÊk, wote ei kÊn, uⱡ kun kai mbÊ rÊng mel mÊlÊ ropa oⱡa orum.