Ipru 12

1 Unt morung wamp minal mbÊ ndi, tÊn tÊk pok etÊk, en enim nga mondpa pili uⱡ ei, tÊn tÊk ora nduk, ik kai mat tÊk rapÊndÊk nÊtÊng. Uⱡ ei nga, tÊn nga kÊng ei nga mbun na, uⱡ kit na mbÊ wak ropÊn, Got ndi, tÊn nombuⱡa tÊkÊrmÊn nimba, tÊpa ora ndurum ila, ronduⱡ mundpÊn, tÊkÊrpÊn pÊmin. 2 TÊn nga mong raⱡ ndi, Jisas kun kandpÊn kÊn, elim puⱡ mondpa mba pora nimba, mondpa pili uⱡ ei, etpa ronduⱡ mundÊmba. Jisas elim wote, ambuⱡpa paⱡpa, moⱡmba ei nga pilpa kÊn, nde peta koma ropa, mindil mam mbÊ nomba, koⱡmba ei nga, mundmong iti nÊtÊtÊm. Uⱡ i itim ei nga, akup Tipam Got nga ki mbo orunga, nde pol wingti ila morum. 3 Akup enim pilik kun itÊi! Wamp mat uⱡ kit etmin mbÊ, Jisas kÊn el puⱡa wamp ralk morung. Ei nga, Jisas nga itim uⱡ mbÊ, enim akup pÊnmin ei kÊn, ronduⱡ mundÊk molk, enimp kulk, mundmong etÊk wak rui nÊrÊi! 4 Ei nga, enim ndi, uⱡ kit mbÊ, el rok tÊk, mana nduimin nÊk etÊng ni kÊn, wote enim rok kundi nakÊndrÊng mon! 5 Enim Got ndi, ik nimba ngumba, tÊpa rapundpa, wote tÊpa elim nga kangambuⱡa randrÊm uⱡ mbÊ, tÊk apra ndurmin nimba mel, “Na nga kangambuⱡa mbÊ ye! Enim Nuim ei nga ik ei, tÊk roi ndui nÊndÊi! Enim nga uⱡ ⱡawa etmin mbÊ nga, tÊpa ora ndum ndam, enim numan orunga mbun ti nÊtÊi, mon! 6 Nambuⱡ emel, Nuim ei ndi, wamp mat numan ngurum mbÊ, uⱡ kai mbÊ itÊi nimba, tÊpa kun etÊm. Nuim ei ndi, mbun ngurum wamp mbÊ, wote rukÊr tÊpa, elim nga kangambuⱡa mel randrÊm,” nÊtÊm. 7 Uⱡ mbun mat, enim kÊn om ndam, ronduⱡ mundÊk molk, mindil nok, mbun koma rÊi! Nambuⱡ emel, Got ndi, enim tÊpa, elim nga kangambuⱡa randrÊm. Wote, kangambuⱡa nam ti, tipam ndi, tÊpa kun iti natÊtÊm ei? 8 Kangambuⱡa mbÊ, Got ndi, tÊpa kun mint etÊm. Got ndi, kangambuⱡa ti, tÊpa kun iti natÊtÊm ndam, kangambuⱡa ei, Got elim nga kangambuⱡa kupa ti mon! 9 Wote, ya mÊi kona ila, tÊn nga tipamÊl mbÊ ndi, uⱡ kun kai mbÊ, itÊi nÊk tÊk kun etÊng. Ei nga, akup tÊn ndi, wamp mbÊ tÊp ou ndÊmin. Ei nga, tÊn nga wote, muⱡ kona ila Tipam ei ndi, ik nim ei mel, pep ropÊn kont mbun muⱡmin. 10 Ya mÊi kona ila, tÊn nga tipamÊl mbÊ ndi, tÊn ui onunga, etÊk tÊk rapÊndÊrmin. Wote, Got nga wamp tÊpa rÊpÊndi uⱡ ila, tÊn etpa kai mondrum. Ei tÊn ndi, elim nga uⱡ wingti kun kai pol ila muⱡmin. 11 Got ndi, tÊn mbun ngurum ui ni kÊn, uⱡ mbÊ ndi, tÊn etpa enimp monduⱡnga, tÊn numan kai mat pili napÊtmÊn. Wote, uⱡ mbun mbÊ ndi, wamp namin mat, etpa elik rondrum mbÊ, moⱡpa kundi uⱡ kun kai ti, wote kandÊk ting. 12 Uⱡ ei mel etÊk, enim nga kump ki mbÊ, ndÊiya nimba tem ndam, etÊk ronduⱡ mondÊk kongun itÊi! 13 Nim nga kÊmp raⱡ etkÊn, kun mundkÊn pana, mondpa pili ronduⱡ pi napÊm wamp mbÊ ndi, nim kandÊk pep rong mbÊ, ropa nit pendpa, uⱡ ti iti natÊmba. Wote, ronduⱡ tÊk muⱡing. 14 Enim ndi, wamp mbÊ kÊn pora, numan wang ndui uⱡ mbÊ, ronduⱡ mundÊk pep rok, mul uⱡ wingti mbila muⱡÊi! Nambuⱡ emel, uⱡ wingti mbÊ nga, iti natÊm wamp ti, Nuim ei kÊni nakÊndÊmba. 15 Enim pilik rÊp etÊk, kai mundÊi! TÊpa kawa ndangga! Enim Got nga wamp poⱡ ti uⱡ wak ruing. Wote kongun kona ila, rÊng kombila iti pepa, kongun kona etpa kit mondpa etÊm ei mel, wamp ti, i iti nÊtangga mon! 16 Wote, enim pilik kai itÊi! Unt wu Iso uⱡ kit etpa, Got tÊpa ou ndui nandpa, elim nga memp kai ei ÊngÊn ngumba, rÊng tÊpa nurum uⱡ ei mel, iti nÊtÊi mon! 17 Wote ni kÊn, Iso mba, tipam nga memp kai ei ngui nitim ni, ngui ngÊnggÊrÊm. Nambuⱡ emel, elim nga itim uⱡ ei nga, numan ropÊl romba uⱡ ti, iti nÊtÊm ila, mindil tÊpa ka ronduⱡ mundpa etpa andpa kurum. 18 Un Isrel wamp mbÊ etÊng ei mel, enim komnga mong Sainai ila, nondpa ui nawÊk mormin. Wamp kÊⱡ ok kandrung ei, komnga Sainai ila, ndip ei nomba, rumbÊⱡ mam ropa, kona tÊma omba, etÊm ei mel elinga, kandÊk pilik etÊng. 19 Wote, kona nila pikul ik nimba, wote ik ekit omba itim ei, wamp mbÊ pÊtÊng. Wote wamp mbÊ, ik mbÊ pÊtÊng ei kÊn, ronduⱡ mondÊk, waldÊk ik ei, pili nÊpÊtmÊn mon nÊtÊng. 20 Nambuⱡ emel, wamp kÊⱡ, ik kÊⱡ piling ei nga mundmong etÊng. Kng, owa, na ti, komnga mong ila oⱡa om ndam, ku ndi rop kundmin, nÊtÊng. 21 Uⱡ ni, wamp mbÊ kandÊk kÊn, mundmong minal etÊng. Wote Moses ndi, uⱡ ni kandpa, nimba mel, “Na uⱡ ei kandÊp, mundmong minal ent ku,” nÊtÊm. 22 Wote, enim kona ila, oⱡa ui nawÊrmÊn mon, ni ka! Enim komnga mong Saiyon ila nondpa ok, Got kont moⱡpa mint pi ei nga kÊn, muⱡ kona peng ou Jerusalem ok kÊn, anggelo minal mbÊ kÊn muⱡing. 23 Wote, enim mbÊ kÊn, mondpa pili wamp kat, wi muⱡ kona ila mbi moⱡnga, Got ndi, tÊpa kang kumina mel randrum mÊk rok, ambulk palk mormin kona ila ok mormÊn. Ei nga, enim Got wamp kÊmp ti, wu ei kÊn ok, wote wamp kun kai mat muⱡnga orunga, etpa kun kai mondrum mbÊ, mormÊn kona ila nondpa ok mormÊn. 24 Enim Jisas kÊn oⱡina elim ndi, tÊpa tenda etpa itim uⱡ ila elim nga mema ei ndi, tÊn nga uⱡ kit mbÊ wak rundrum. Wote, Eipel nga mema oi nitim ei ndi, punt ropa ti uⱡ ei, mepa urum. 25 Akup enim pilik kun itÊi! Got nga ik ninim ei, piling ei nga enimp kuⱡi nÊtÊi! Unt komnga Sainai ila, Got nga ik ronduⱡ mbÊ, pili napÊtÊng wamp mbÊ, nung nÊk, pi naprÊng mon! Ei nga, akup muⱡ kona ila, ik ei ndi, tÊn kondpa nilinga pÊnmin ei kÊn, tÊn nung nimbun mbin ei nga, nombuⱡa mam ti, ti natÊmba. 26 Unt Got ndi, mÊi mint ei, rowa nangga nilinga nitim, “Akup tÊn Got ndi, nimba mÊi ropa kÊn, akup mÊi ei mendpÊⱡ mon! Muⱡ ei kunda rowa nduimp,” nitim. 27 Got nga ik ninim ei ndi, tÊn tÊpa ora ndupa, kai etpa mel, elim nga mim itim mel mbÊ ambuⱡpa, rowa ndupa, tÊpa kun etmba. Ei nga, mel mat rowa ni nanim mbÊ, elim tem kona ila temba. 28 Uⱡ ei nga, tÊn Got ei kÊn, angge namin! Ei nambuⱡ emel, tÊn Got nga tÊpa mumuk rui kona rowa rui narÊmba ei, tÊn ngumba. Ei nga, tÊn akup, Got nga mbi paka rundmin ei nga, mundmong etpÊn, numan kai pilpÊn etamina, elim nga numan orunga wang nimba. 29 Nambuⱡ emel, tÊn nga Got ei, ndip anmbil mel kapⱡa morum. Ei ndi, Got nga ik kum ti natÊtmin wamp mbÊ, ropa karÊm.