Galesiya 4

1 Wote, na ik nÊmp ngont mbÊ i etpa mel, kang etpa ti, tipam nga mel mbÊ tÊpa ambuⱡmba ei, elim on nga kot nduimp rui nÊri ei nga aldpa omba, kongun kindmant wamp ni mel morum. 2 Kang ei, tipam nga ui to ropa pinditim. Ei wote, kandpa tÊmba ei nga, unt kang kel kÊn rÊp wamp na, wu ou na mbÊ ndi, rÊp etmin. 3 Ei mel, tÊn pora i etpa ku, mÊi kona namba uⱡ tetÊm mbÊ ndi, kan nguⱡnga, kangambuⱡa kel mel murmÊn. 4 Wote, ui kupa ei, ekit urum ei kÊn, Got elim nga kangÊm ei, ngumba mundrum. MÊi kona amp ti nga kangÊm mel raⱡpa omba, Jura wamp kÊⱡ nga mi ik rok pendÊtÊng mbÊ nga, mana orunga moⱡpa kÊn, wamp mat mi ik mbÊ ndi, kan ngurum mbÊ tÊpa mundrum. Uⱡ ei ndi, tÊn etpa Got nga kangambuⱡa wamp mundrum. 6 TÊn elim nga kangambuⱡa mel mormun. Got kangÊm nga Muⱡnga ei ngumba mundrum ei omba, tÊn nga mundmong orunga moⱡpa, wi ropa nimba mel, “Wuta, na nga Wuta!” nÊtÊm. 7 Ei nga, nim akup kindmant wamp mbÊ mel muⱡi nambrÊn mon! Nim wu ei nga kangÊm ei, wote nim akup, elim nga kangÊm morÊn. Ei nga, Got elim nga mel tetÊm mbÊ ngumba. Ei kÊn, Got elim ndi, itimp nimba pitim uⱡ ei ngumba. 8 Enim unt Got morum nÊk mondÊk pili napilik morung ni, got kol ropa mbÊ nga kongun kindmant endÊtÊng. 9 Wote, akup enim Got kupa morum ei, pilik mbi ndunmin. Wote, ti nÊmp mel, Got ndi, enim pilpa morum. Ei nambuⱡ emel, enim aldpa int puk, kur atinga rok, got kol ropa mul pep ronmin? Enim aldpa mel mbÊ nga kindmant wamp muⱡing ye? 10 Enim ndi, rumbÊⱡ muna kalimp, pana ui mbÊ nga ui, ronduⱡ mat tÊk pendinmin! 11 Na enim nga nÊmp mundmong ent ei, na nga ronduⱡ ei, wak rop enim kÊn kongun it ni, wei it nÊmp pÊnt. 12 AngmÊn, enim waldÊnt ei, enim na mor ei mel muⱡÊi! Na enim monmin ei mel mur ni. Enim ndi, na uⱡ ti etÊk, kit mundi namÊndrÊng. 13 Enim pilik mormin ei, na nga kÊng orunga kui ti ndi, tÊl nga kÊn enim RÊnang Ik Kai ei, tÊp kuimp ndup nÊmp ngur. 14 Wote, na nga kÊng orunga kui ei ndi, enim mbun ngurum ndam kep, enim na kuldi kulk, wak rok uⱡ ti iti natÊtÊng. Ei mel iti natÊk, Got nga anggelo ti, rawe etÊk, tÊl muna ei mel, na rawe etÊk tÊtÊng, Kraist Jisas rawe etÊk ting, ei mel tÊtÊng. 15 Enim numan kai pilik morung uⱡ ni, akup etpa itim mel nant? Enim nga uⱡ kai etÊng ei nga, kupa ni nÊndÊnt. Ui ni kÊn, enim nga mong raⱡ akÊk tÊk, munding mel pelinga ndam, akÊk tÊk na nguⱡmina. 16 Wote, akup enim ik kupa kÊⱡ kundÊp nÊnt ei ndi, na enim nga el rui wamp ti pÊnt ei? 17 Enim ik mbo wu kol mbÊ ndi, kunt kan etÊk enmin uⱡ ei, enim nga orunga etÊk kai munding pilik uⱡ ti, iti natÊnmin. I etÊk enmin uⱡ ei, enim etÊk na kÊn oi kan pendÊk, en enim nga orunga ronduⱡ mundÊk pileing nÊk enmin. 18 Uⱡ kai mat nga ronduⱡ mundÊk piling ndam, ei uⱡ kai. Uⱡ ei, ama kupa mint, enim kÊn rÊp rop munt ei kÊn, mendpÊⱡ mon. 19 Na nga kangambuⱡa numan mundi kÊⱡ! Wote, aldpa nÊnt amp ti, kangambuⱡa memba pilpa mindil norum. Ni mel, na mindil ei mel nont ei, enim Kraist nga puⱡ ei, pilik tangina mint, na kai pilimp. 20 Akup ui ila, na enim kÊn rÊp rop moⱡmba ndam, enim kundÊp nilmba, ik mendpÊⱡ ei pilmba. Akup enim nga orunga etÊp kai mundimp uⱡ ei, pilip rundunt. 21 Enim mi ik pep rormin wamp kÊⱡ nga ik ti penim ei, waldÊp pilamp. Enim mi ik petÊm kÊⱡ nga puⱡ ei, pilik mbi nduk, pep ronmin muna mon? 22 Mbi unt nga rorung kat ndi, nimba mel, “Wu Aparam ndi, kang raⱡ mitim, kang ti kindmant amp titim ei nga, kang ti amp nÊwa kun titim ei nga kang ti,” nitim. 23 Kindmant amp ei nga kang mitim ei, tÊn wamp nga enmin uⱡ ila mitim. Wote, amp nÊwa kun ei nga kang mitim ei, Got elim ndi, nguimp nimba mÊi rurum ei mel ngurum. 24 Ik ek mel ti, timan ila petÊm ei ndi, ora ndupa, amp raⱡ ninim ei, Got nga nimba mÊi rurum uⱡ raⱡ, raⱡ nga ti kindmant amp Eikar ei, tou rondpa komnga Sainai ila Isrel wamp mbÊ, kindmant wamp mel molk, orung ei nga tou ropa petÊm. 25 Komnga Sainai Areipiya mÊi kona ila morum ei, amp Eikar nga tou ropa morum. Wote, akup Jerusalem kona ou tenim ei kÊn, rukÊr wamp mormun kÊⱡ, amp ei mel ku tou ropa tetÊm. 26 Wote, wi muⱡ kona Jerusalem tetÊm kona ei mel ti ndi, kan ngui nganggÊrÊm ei, tÊn nga mÊi kona ei mel tetÊm. 27 Buk Wingti ei ndi, nimba mel, “Kangambuⱡa mi nÊmi amp ei, nim kai pili! Nim kangambuⱡa mindil nui nandrÊn amp ei, numan kai pilkÊn muⱡi! Kangambuⱡa mi nÊmi amp ni, kangambuⱡa puⱡi tepa moⱡmba. Amp ti wam morum amp ei mel, kapⱡa mon!” nÊtÊm. 28 Akup angmÊn, enim Aisak mel kapⱡa, Got nga mi titim pol ila, enim elim nga kangambuⱡa mbÊ mormun. 29 Ei kÊn, unt wamp nga etmin uⱡ ila kang metÊng ei ndi, Got nga Muⱡnga ila ngurum kang ei kÊn, uⱡ mbun mindil ngurum ei mel, akup ui ila uⱡ tenda ei ku enim. 30 Wote, akup Buk Wingti ila namba ik nÊtÊm? Ei ndi, nimba mel, “Kindmant amp ei kÊn, elim nga kangÊm ei kÊn, makrÊk mundÊi! Kindmant amp ei nga kang ei ndi, amp nÊwa kun ei nga kangÊm tipam raⱡ nga mel mbÊ, ti natÊmba mon,” nitim. 31 Ei nga angmÊn, tÊn kindmant amp ei nga kangambuⱡa mat, muⱡi nambÊrmÊn. Wote, tÊn amp nÊwa kun ei nga kangambuⱡa mormÊn.