Kolosi 1

1 Na Pol, Kraist Jisas nga nombuⱡa rung wu ei. Got elim nga numan ila, na tÊpa nombuⱡa rung wu mundrum. Na kÊn ana, Timoti raⱡ moⱡpÊⱡ, mon ei ropÊⱡ, enim Got nga wamp Kolosi kona ila Kraist mondÊk pÊtmin wamp kÊⱡ kÊn, mon rop ngÊnmbÊⱡ. TÊn nga pora, Got Tipam ei ndi, enim numan kai mbÊ ngumba, moⱡpa kundi uⱡ ei nga, enim kÊn piyangga! 3 TÊl ndi, enim nga orunga atinga rondÊrmbÊⱡ ei kÊn, tÊl ndi, Nuim Jisas nga Tipam Got ei kÊn, angge rÊk rÊk nÊtmbÊⱡ. 4 Ei nambuⱡ emel, tÊl pÊtmbÊⱡ ei, enim nga mondpa pili orunga, Kraist Jisas kÊn tek, Got nga wamp mbÊ kÊn, wamp numan ngui uⱡ ei etmin. 5 Ik kupa, RÊnang Ik Kai kÊⱡ, enim kÊn kuimp tepa urum ei kÊn, enim muⱡ kona ting mel mbÊ pÊtÊng ei mel nokundÊk mormin. Ei nga, enim nga mondpa pili uⱡ ei kÊn, wamp numan ngui uⱡ etÊk tek mormin ei, wi muⱡ kona Got Tipam ei ndi, enim nga mel ting mbÊ tendpa kai etpa morum mbÊ ting. Ei nga, uⱡ nÊnmÊn mbÊ etÊk mormin. 6 RÊnang Ik Kai nga memp kai mbÊ omba pol ila oⱡnga, akup muⱡ uⱡ mbila pora, tepa ndaip nÊnÊm. Ei kÊn, enim unt ui ti puⱡ mondÊk, Got nga wamp pol tÊtÊm uⱡ ei, pilik tÊk, akup minal pep rok enmin ei mel ku. 7 TÊl nga kongun peng rÊp wu Epapras kÊn, enim Got nga wamp ruk tÊtÊm uⱡ ei, pilik kandÊk tÊtÊng. Wu ei, Kraist nga kongun wu ronduⱡ ei, tÊl kongun etmbÊⱡ ei mel ku etÊm. 8 Enim Muⱡnga ei ndi, nimba nguⱡnga, wamp numan ngui uⱡ etmin mbÊ, wu ei ndi, tÊl kundpa nitim. 9 Wote, uⱡ puⱡ ila, enim nga ik timan mbÊ, kuimp tep pÊtmbÊⱡ ui ei kÊn, enim nga atinga rondÊp mint ormbÊl. TÊl ndi, Got waldpÊⱡ, elim nga Muⱡnga ei ndi, enim Got nga pitim uⱡ mbÊ nga pilpa kungndi kai mat ngangga, pilpa kungÊndi orunga, etpa piral ndupa tangga! Wote, pilpa mbi ndui uⱡ ei, pilik teing nÊmbÊⱡ atinga rundurmbÊⱡ. 10 I tambuⱡa kÊn, enim Nuim ei nga numan pÊtÊm uⱡ mbÊ mel etÊk, wamp kupa mbÊ molk, rÊk rÊk Nuim ei nga numan ngurum uⱡ mbÊ itÊi! Ei nga, enim nga kongun etÊk, pek nok andurmÊn puⱡ orunga, Got nga uⱡ kai mbÊ pilik kelik etÊk, wote Got nga pitim uⱡ mbÊ, enim kÊn tepa mba ou itangga! 11 TÊlndi enim nga atinga rondpÊⱡ kÊn, Got elim nga uⱡ eng nui kai ronduⱡ tetÊm mbÊ ndi, enim etpa ronduⱡ mundangga, wote enim mbun mindil uⱡ pem mbila, ronduⱡ puk molk, numan kun koma ti uⱡ mbila mint etÊk muⱡÊi! Wote ambulk palk, Got Tipam ei kÊn angge nÊi! Ei nambuⱡ emel, Got ei ndi, elim nga tÊpa mumuk rui kona rÊⱡang pi ei, enim tÊpa ngumba pilpa tÊpa kun, inditim kona ei ting. 13 Got Tipam ei ndi, tÊn wamp mbÊ pora, rumbÊⱡ mul uⱡ mbÊ nga ronduⱡ ila moⱡmina, tÊn etpa tÊpa, wote rÊp etpa mepa mba, elim nga KangÊm nga tÊpa mumuk rui uⱡ ila mepa purum. 14 Wote, Got elim nga kangÊm ei ndi, tÊn nga uⱡ kit etmin mbÊ tinga nduⱡnga, tÊn akup wei mormun. 15 Got ei mo ropa morum, kÊnmin ei mel, Kraist kÊndÊrmÊn. Kraist ei, Got nga kangÊm kumina ei. Got ndi, mel mbÊ pora, mim itim mbÊ nga Kraist ei, ama oⱡa orunga morum. 16 Kraist ei moⱡnga kÊn, Got ndi, muⱡ kona ila kep, ya mÊi kona ila kep, kÊni nÊkÊni mel, mel tetÊm mbÊ pora itim. Wu king, gapman muna, wu Nuim na, wote mel namba mel tetÊm mbÊ pora, Got ndi, Kraist iti nilinga itim. Ei nga mel mbÊ pora, Kraist moⱡnga mint itim ei nga mel mbÊ pora, Kraist nga tetÊm. 17 Kraist ei, kuimp tepa moⱡnga kÊn, mel mbÊ pora akil tepa itim. Ei nga, Kraist nga ronduⱡ ila mel mbÊ pora, tÊpa tenda etpa ambuⱡpa morum. 18 Rapa tenda ila wamp mbÊ nga peng ei, elim morum. Wote, elim nga kÊng kÊⱡ rapa tenda ila wamp kÊⱡ. Elim nga kangÊm kumina ei, koⱡpa kont mul uⱡ ei nga, elim puⱡ mondpa etpa, akup elim mel mbÊ tÊpa mana ndupa, elim kuimbal morum. 19 Got elim nga numan ila, elim namba uⱡ etÊm mbÊ pora, kangÊm kÊn ngumba rukÊr ndurum. 20 Got elim nga kangÊm ei moⱡnga kÊn, mÊi kona mel mbÊ pora, aldpa elim ndi rukÊr titim. Elim nga kangÊm, nde peta ila kurum uⱡ ei ndi, moⱡpa kundi uⱡ kai ei, muⱡ kona ila kep, wote ya mÊi kona ila kep, mel mbÊ pora, elim rukÊr titim. 21 Unt, enim Got kÊn ruⱡ etÊk, el rui wamp mel molk, numan kit pendÊk, uⱡ kit mbÊ etÊng. 22 Wote akup, elim nga kangÊm nde peta ila kurum uⱡ ei ndi, enim etpa elim nga wamp mbÊ randpa, elim nga kuimp keta ila wamp kun kai wingti kÊⱡ, muⱡeing nimba itim. 23 Ei nga, enim nga mondpa pili orunga, ronduⱡ pangga muⱡÊi! Enim RÊnang Ik Kai ei, kuimp tek pilik tÊtÊng ni kÊⱡ, mel ti ndi kundpa, ekit ti nÊtangga! Na Pol, RÊnang Ik Kai ei nga kongun kindmant wu ei moⱡÊp, ik ei nilmba, mÊi kÊmp kona mbila pora, pilik tÊnmin. 24 Akup na ndi, enim nga nÊmp mindil tÊnt uⱡ ei, numan enim. Nambuⱡ emel, na nga kÊng ei, wak rop, Kraist nga mindil nurum kÊng nit ei, tÊp rapÊndÊp etÊp, ora nduimp nÊmp it. Ei elim nga manga wingti ila wamp kÊⱡ nga, na nga kÊng orunga, mindil timp uⱡ ei ndi, Kraist nga mindil nurum kÊng ei kÊn mba, kapⱡa etangga! 25 Got elim ndi, enim molk kai mundeing nimba, na wi ropa tÊpa kindmant kongun ei tÊpa ngurum. Kongun ei, Got elim nga nombuⱡa rung ik ei neimp nimba itim. 26 Ik ei, unt kor nga ui mbila, wamp nga kuimp keta ila mo ropa titim. Akup wamp kÊⱡ nga kuimp keta ila etpa mot ndunum. 27 Got nga numan ila pÊtÊm uⱡ ei, elim nga uⱡ mo ropa titim mbÊ, elim nga wamp mbÊ kÊn, tÊpa mot ndurum. Uⱡ eng nui kai tetÊm mbÊ, wamp mbÊ nga pora tendÊtÊm. Ik mo ropa ei, Kraist ei nim kÊn rukÊr morum ei ndi, nim etpa tÊpa muⱡ kona mepa mba. 28 Ei nga, Kraist nga RÊnang Ik Kai ei, wamp mbÊ kÊn pora nÊmp ngurmÊn. Pilpa kungÊndi numan ronduⱡ mbila, moⱡpÊn wamp mbÊ, man ngumbun mbo endpÊn itamina, wamp tenda nimba, Kraist kÊn ok tÊk tenda etÊk, ronduⱡ puk muⱡeing. 29 Uⱡ i itimp pilip kÊn, na nga ronduⱡ ei, kÊmp kÊm ruk ndup, kongun ronduⱡ mundÊp et ei, Kraist na kÊn moⱡpa, kongun elinga et.