Aposel 4

1 Pita kÊn Jon raⱡ wamp mbÊ, ik mbo endÊk moⱡÊnggila, wu pris mat kÊn, manga wingti ou ila rÊp wu kuimbal mbÊ kÊn, wote Sarusi wu mat kunda orung. 2 Wu orung nimbÊ, popÊⱡ kurung. Ei nambuⱡ emel, wu raⱡ ndi, wamp mbÊ ik mbo endÊkÊⱡ, Jisas ⱡoporpa oⱡa murum nÊtÊnggil. Wote, tÊn wamp kui mbÊ, aldpa ⱡoporpÊn, oⱡa muⱡmin, nÊtÊnggil. Ni nga, en enim pilik kit pÊtÊng. 3 Wote ant ei, mana puⱡnga, wu ni raⱡ, imp molk, tÊk kan manga ila pendÊtÊng. Wote, mÊkÊlmÊ orunga nÊmin nÊtÊng. 4 Wote, wamp minal ndi, wu raⱡ nga ik nÊtÊnggil nimbÊ, kupa nÊk mondÊk pÊtÊng. I etÊng uⱡ ei ndi, wu 5000 mel itim. 5 Ni kÊn, utÊma orunga, Jura wu nuim mbÊ kÊn, manga wingti rÊp wu mat kÊn, mi ik mbo wu nimbÊ kÊn pÊi ok, Jerusalem kona ila mou rorung. 6 Kona ila ku, pris kuimbal murum wu Anas kÊn, Kaiyapas kÊn, wote wu Jon, Aleksanda kÊn, wu pris kuimbal ei nga wamp mbo mbÊ ok, kandÊk tÊtÊng. 7 Wu rÊⱡaip nimbÊ ndi, kitip kÊni wu ni raⱡ, tÊk mek ok, oⱡa angÊndÊk, waldÊk nÊk mel, “Enmbil nambuⱡ ti enggil? Wote, namba ronduⱡ ti tek mormbil, muna nam nga mbi ila tek ninimbil?” nÊtÊng. 8 Ni kÊn, Muⱡnga Wingti ei ndi, Pita kÊn peka ropa moⱡnga, ik ni punt ropa, nimba mel, “Enim wamp nga wu nuim mbÊ kÊn, manga wingti rup wu mbÊ kÊn, tÊl ndi, elkÊna rumbÊⱡ wu ei, tÊp rÊpÊndÊmbÊⱡ ei nga wu ei, etpa kai em mel nant, nÊk waldÊnmÊn? 10 Ei kÊn, enim wamp pora ila mormin kÊⱡ kep, wote Isrel wamp pora, wu anggÊtÊm ei, Nasaret kona wu Jisas Kraist nga mbi ronduⱡ ila, wu ei etpa kai mundum. Ei nga, enim kundÊp nimp ei nga, pilip kai pÊnt. Jisas ni wu ei, enim ndi, nde peta ila roⱡÊngina, wote Got ndi, wamp kui nga kona ila, ⱡoporpa tÊpa, kont mundrum. 11 Buk Wingti unt nga ila, nimba mel, ‘Ku mam ti, enim manga rakrÊmÊn wu mbÊ ndi, ku kit nÊk mundÊk ketÊng ni, aldpa omba ku wei mbÊ nga rungina nde mel petÊm,’ nitim. 12 Ya mul kump tetÊm kona mbila nga mbi elpa ti ndi, tÊn etpa tÊmba mel mon. Wamp etpa ti uⱡ ei nga Puⱡ Wu ei, Jisas morum,” nitim. 13 Pita kÊn Jon raⱡ, skul ti kep mon. Wote mbo wu mendpÊⱡ raⱡ, ik ama ronduⱡ mbÊ nÊtÊnggil ila wu nimbÊ, pilik min ngÊn mondÊk, wu raⱡ Jisas kÊn, unt rÊp rok andrÊng nÊk pÊtÊng. 14 Ei kÊn, kump elkÊna kai itim wu ni, Pita kÊn Jon raⱡ morung. Ei nga nila, kunda anggilik morunggil ik ti, nÊk int nduk pinding ik ti, pilik rundrung. 15 Wote, wu morung nimba ndi, Pita kÊn Jon raⱡ ok, pena pÊl nÊk, en enim mou rok molk, ik mat nÊtÊng. 16 NÊk mel, “Wu raⱡ kÊn, etÊp itmin mel nant? Ya Jerusalem kona ila, wu raⱡ ndi, elkÊna rumbuⱡ wu ei, etÊk kai monduⱡunggila, wamp nimbÊ kandÊk pora ndung. Ei nga tÊn ndi, uⱡ ei, iti natÊnggil nimbun mel, kapⱡa mon. 17 Wote, wamp mbÊ kÊn, uⱡ ei nÊk mek int int pi nÊpeing nÊmp pilmin ndam, wu raⱡ kÊn ronduⱡ mondpÊn, Jisas nga mbi ila wamp ti kÊn, aldpa uⱡ ti iti nÊtÊnggil nÊmin,” nÊtÊng. 18 Ei mel nÊk pendÊk, wu raⱡ aldpa wi rok yant tÊk, nÊk mel, “Wote, kÊni nakÊndkÊⱡ aldpa, Jisas nga mbi ila uⱡ ti etkÊⱡ, ik mbo endkÊⱡ, iti nÊtÊl mon!” nÊtÊng. 19 Wote, Pita kÊn Jon raⱡ ndi, ik punt rokÊⱡ, nÊkÊⱡ mel, “En enim kÊmp tÊk pilÊi! Enim nga ik ei, kum tek pep ruing, muna Got nga kuimp keta ila Got elim pep ruing? 20 Ei kÊn, tÊl nga keta ei, rou ruimbil mel, kapⱡa mon! TÊl uⱡ kandpÊⱡ pilpÊⱡ, itimbÊⱡ mbÊ mel, nimbuⱡ mot nduimbil mint,” nÊtÊnggil. 21 Wote, wu nuim morung nimbÊ ndi, ama pilik kelik, ik ronduⱡ mondÊk, wu raⱡ kondÊk, Jisas nga mbi ila uⱡ mat iti nÊtÊl nÊk, wote wu ni raⱡ, wak rok mundrung. Wu raⱡ, kan nguing ei nga uⱡ puⱡ ti kandÊk ti natÊtÊng. Ei nambuⱡ emel, wamp mbÊ ndi, wu ei kÊn, uⱡ itim ni kandÊk, Got nga mbi paka rondrung. 22 ElkÊna rumbrum wu, etkÊⱡ tÊtÊnggil wu ni, pana 40 omba purum. 23 Wote, Pita kÊn Jon raⱡ, nondpa wak rok mondrung ni kÊn, yant okÊⱡ, en enmbil nga wamp nimbÊ, wu pris kuimbal mbÊ kÊn, wote manga wingti wu ronduⱡ mbÊ ndi, niting ik nimbÊ kondÊk nÊtÊnggil. 24 Wote, mondpa pili wamp nimbÊ, ik ei pÊtÊng ei kÊn, numan ei omba tenda puⱡnga, Got kÊn atinga rok, nÊk mel, “Nuim Got! Nim muⱡ mÊi raⱡ kÊn, num kuta ei kÊn, mel mbÊ mim itÊn Puⱡ Wu ei! 25 Unt, nim nga Muⱡnga Wingti ei, tÊn nga anda kouwÊ Depit, nim nga kongun wu ei nga keta ila omba moⱡpa, nimba mel, ‘Nambuⱡ emel, wamp rÊⱡaip elpa mbÊ, popÊⱡ mondunmin. Nambuⱡ emel, wamp mbÊ, kanggÊp kai kandÊk ronmin? Muⱡ kump mbila, nga wu nuim mumuk mbÊ kÊn, wote Nuim kuimbal mat kÊn, ik kanggÊp ambulk, Nuim kÊn, Elim Nga Ngurum Wu Kraist raⱡ rop mana nduimin nÊk etÊng,’ nitim. 27 Ni kÊn, ama kupa, Erot kÊn, Pontas Pailot kÊn, wamp rÊⱡaip elpa ekit orunga mbÊ kÊn, wote ya Isrel wamp mbÊ, kÊmp kÊm ya kona peng ou ila, kanggÊp ambulk, Jisas nim nga kongun Wu Wingti nim ndi etkÊn, ya mul kona ila Got nga ngurum wu Kraist muⱡangga nitin ni, kanggÊp ambulk wamp nimbÊ ndi, Jisas nga ik ni tÊk pei mundrum. Jisas kÊn ik pendÊtÊng. 28 Wamp mbÊ, mou rok etÊng, uⱡ mbÊ pora, nim nga numan ronduⱡ ila, to rokÊn pinditim mel ku, kupa tangga nÊk etÊng. 29 Nuim ei! Nim akup, wu mbÊ nga numan kit, wote uⱡ kit enmin mbÊ pilkÊn molkÊn, wote tÊn nim nga kongun wu mbÊ, tekÊn rapÊndana, nim nga ik ei, ronduⱡ mondpÊn nimin. 30 Nim nga ki ei, rÊna ndukÊn, wamp kui peng em wamp mbÊ, etkÊn tana uⱡ rÊpÊndi na, kont paka mat itÊi! Nim nga kindmant wu Wingti Jisas ei nga mbi ila itÊmin,” nÊtÊng. 31 Wote wu kÊⱡ, atinga rok pora nduⱡina, manga morung ni, rowa rowa nitim. Ei mel etpa, wu nimbÊ, Muⱡnga Wingti ndi, peka roⱡnga, Got nga ik puⱡ mondÊk, mundmong iti natÊk nÊtÊng. 32 Nuim ei, mondÊk pÊtÊng wamp nimbÊ ndi, numan ei tenda puⱡnga, wamp ti nga mel mbÊ, el elim nga mendpÊⱡ nimba pili nÊpÊtÊm. Wote mel mbÊ, tÊn nga rak ndupa, mint nÊk pÊtÊng. 33 Jisas nga nombuⱡa rung wu kÊⱡ, ronduⱡ mam ti tÊk, Nuim Jisas ni koⱡpa, ⱡoporpa oⱡa murum wu ni nga ik ni, ronduⱡ mundÊk nÊtÊnggil. Got ndi, memp pinditim ila, ik nilingina, wamp ou nduk, wu kÊⱡ pep rorung. 34 Wamp mbÊ nga ti, kurpa nui nÊndrÊm mon! Ni kÊn, manga na, mÊi na, mel ou nduk tek morung. Wamp nimbÊ ndi, mel nimbÊ wamp mat kÊn, ku moni tÊtÊng. Wote, ku moni nimbÊ, ku moni tÊk mek ok kÊn, wote nombuⱡa rung wu kÊⱡ ngurung. Wote, wu kÊⱡ ndi, tÊk mok rok, wamp kurpa nurum wamp nimbÊ, mok rok ngurung. 36 Ei kÊn, Lipai wu ti, Saipras kona ila metÊng ei, mbi tek, Josep nÊtÊng. Wote, nombuⱡa rung wu kÊⱡ ndi, Barnapas nÊtÊng. (Mbi Barnapas nga puⱡ ei, ‘Nimba ndoimp rundi wu.’) 37 Wu ei ndi, elim nga mÊi ti, wu mat kÊn, ku moni tÊpa ku mbÊ, mepa omba, nombuⱡa rung wu kÊⱡ nga ki ila tinditim.