Aposel 28

1 Wote, tÊn mÊi ila ekit omp, kai mundurmÊn, wote pitmin mel kona ei, mbi tek Malda nÊtÊng. 2 Kona ila mÊi puⱡ wamp mbÊ, tÊn kÊn uⱡ kai mbÊ etÊk, ik rungÊndÊk etÊng. Wote ui ei kÊn, kona ropa Êt itim ila, wamp nimbÊ ndi, tÊn numan ngÊk kÊn, ndip etÊk kandrung. 3 Pol ndi, nde kat rÊkÊlpa, ndip ila tÊpa oⱡa nduⱡnga kÊn, wote wimbÊ ti, ndip muⱡ ei ndi, roⱡnga ekit omba, Pol nga ki ila mÊkÊp rurum. 4 MÊi puⱡ wamp nimbÊ ndi, kandrung mel, Pol nga ki ila, wimbÊ ni konggilpa pitim ila kandÊk kÊn, wamp mbÊ ndi, en enim nÊk mel, “Wu ei, wamp ropa kondurum wu ei nda?” nÊtÊng. Wote wu ei, num kuta ila nu wÊngi nangÊm ndam, wote akup kont muⱡi nambÊⱡmba," nÊtÊng. 5 Wote Pol ndi, wimbÊ ni pilinga, ndupa tÊpa, ndip ila ruk ndurum. Wote, wimbÊ ei ndi kep, Pol ropa uⱡ ti iti nÊtÊtÊm mon! 6 Wote, mÊi puⱡ wamp nimbÊ ndi, Pol nga ki awÊmba, muna koⱡmba nda, nÊk pilik nokundÊk morung ni, uⱡ ti iti nÊtÊtÊm. Wote, numan ropÊl rok, min ngÊn mundÊk, Pol kundÊk, nÊk mel, “Wu ei got nda?” nÊtÊng. 7 Wote, tÊn murmÊn ila nga wuldÊng orunga nondpa kona ti titim. Ila nga wu Pupliyas nga kona ei, titim, kona ei nga wu nuim ei. Wu ei ndi, tÊn numan kai pendpa, rawe etpa, tÊl nga kun manga ponÊng ombun moⱡmina, rumbÊⱡ raldika omba purum. 8 Wu Pupliyas nga tipam ni, kui ou ti kandpa, manga tÊpa rupⱡaima ila pitim. Pol ndi, rupⱡaima ila mba wu ei, atinga rondpa, ki raⱡ ndi, wu ei nga peng ila oⱡa ndupa ambuⱡpa, kui wu ei etpa titim. 9 Uⱡ ei itim ni, wamp mbÊ ndi kandÊk, kui peng itim wamp mbÊ mek oⱡina, Pol ndi, etpa titim. 10 Wote, tÊn mbin elimina, tÊn mel kai mat ngorung. Wote, sip ila tÊn kun kuⱡmin nÊk, mel mbÊ nga puⱡi rok, oⱡa ndurung. 11 Wote, kalimp raldika omba puⱡnga kÊn, tÊn Aleksandriya kona ila nu sip kat mbi tek, ‘Got PÊklÊm,’ nÊtÊng, kÊⱡ ila tÊn purmun. Sip ni kÊⱡ, kona kÊpkÊ rurum ui kit ei kÊn, kona ila ku moⱡpa, tÊpa mundrum. 12 Wote tÊn mbun, Sirakus kona peng ou ila moⱡmina, rumbÊⱡ raldika omba purum. 13 Wote, kona ila moⱡpÊn int mbun, Rekiyum kona ila ruk purmun. Wote utÊma orunga, nu por orunga kÊpkÊ wunt rurum ila, rumbÊⱡ ui raⱡ tÊp mundpÊn, wote mbun Puteyoli kona kel ila, ruk purmun. 14 Kona ila, mondpa pili wamp mat, kandÊp telmina, wote wamp mbÊ, tÊn waldÊk rÊp rop muⱡamin nilingina, kapⱡa nimbun moⱡmina, rumbÊⱡ 7 omba purum. I etÊp ombun, wote Rom kona ila ruk urmÊn. 15 Rom kona ila mondpa pili wamp morum mbÊ, tÊn urmÊn ik ei pilik ok, Apiyus mel rop kona kÊn, Ur Manga Raldika anggÊtÊm kona kÊⱡ ila ok, tÊn kÊnmÊn nÊk, nokundÊk morung. Pol ndi, wamp kÊⱡ kandpa, Got kÊn angge nimba, wote elim nga orunga ronduⱡ titim. 16 Wote Pol ndi, Rom kona ila ruk purum. Ei kÊn, Pol elim pepa muⱡangga nÊk, el wu tenda ti ndi, Pol rÊp itangga nÊk, tÊk mundrung. 17 Wote, rumbÊⱡ raldika omba puⱡnga, Pol ndi, Jura wamp mbÊ nga rÊp wu morung mbÊ, wi ropa ruk tÊpa, mou rÊmin nitim. Wote, wu mbÊ ok mou roⱡmina, Pol ndi, wu kÊⱡ kundpa, nimba mel, “Na nga AngmÊn! Na ndi, tÊn nga wamp rÊⱡaip mbÊ nga mbi tÊp mana ndup, wote tÊn nga anda kouwÊmÊn mbÊ nga, mbo uⱡ etÊng uⱡ mbÊ nga tÊp roi ndup kÊn, numan pendÊp uⱡ ti iti nÊtÊt mon. Na wei nuwÊ, Jerusalem kona ila tÊk imp molk, Rom kona ila wamp kÊⱡ nga ki ila ngÊk, ruk ndurung. 18 Wote, na nga puⱡ orunga, waldÊk pilik, kai etÊk kÊn, na wak ruing etÊng. Ei nambuⱡ emel, na rok kunding ei nga uⱡ ⱡawa ti, na kÊn kandÊk ti natÊtÊng. 19 Wote, ik ei, Jura wamp kÊⱡ ndi, tÊk roi nduⱡina kÊn, na itimp uⱡ ti pili napilip, wote wu nuim mumuk Sisa ei ndi, na nga ik ei pilangga nit. Ei na nga, Jura wamp kÊⱡ kÊn, ik ti nÊmp kit mundi nÊmÊndÊr ku. 20 Uⱡ ei mel, na kÊn penim nÊmp kÊn, na enim kandÊp nimp pilip kÊn, enim wÊi nint. Nambuⱡ emel, Isrel wamp ndi, wamp tenda ti, nokundurmÊn ei nga nÊmp pilmba kÊn, na imp molk, tÊk kan ngonmin,” nitim. 21 Wote Pol kundÊk, nÊk mel, “TÊn Juriya kona ila wamp ti ndi, mon rok, nim nga ik nÊk ngui nganggÊrÊng. Wu angmÊn wamp ti ndi ok, ik timan ei rok, wote nim kÊn ik nÊk etÊng uⱡ ei nga, tÊn kopÊt kum ila, pili nÊpÊtmÊn, mon! 22 Wote tÊn ndi, nim nga numan ila ik nana, tÊn pilmin ei nga numan ngonmÊn. Ei nambuⱡ emel, kona mbila wamp pora mormin mbÊ ndi, nim nga wu rÊⱡaip kÊⱡ kÊn, ik ou ndupa nÊk kÊn, tÊk mana ndÊnmÊn,” nÊtÊng. 23 Wote, ui ti kÊn, uimin nÊk Pol kÊn kanggÊp rorung. Ui ei kÊn, wamp ou ndupa, Pol murum kona ila oⱡina, rumbuldi rÊngmÊ raⱡ mba rumbuldi, Pol ndi, wamp mbÊ, Got nga wamp tÊpa mumuk rui uⱡ ei nga, ik puⱡ petÊm mbÊ mel, nimba piral ndurum. Pol ndi, wamp mbÊ nga numan orunga ropa rut ndupa, Jisas mondÊk pileing nimba kÊn, Moses nga Mi Ik na, painui wu ik mon rorung mbÊ, ekit tÊpa nimba ngurum. 24 Wamp mat, ik nitim nimbÊ, mondÊk pÊtÊng. Wote wamp mat, pilik ti natÊtÊng. 25 Ik pilik ti natÊtÊng wamp kÊⱡ, numan elpa elpa pÊtÊng ei ndi elinga, mou rok morung uⱡ ei, wak rok kelik purung. Wamp kÊⱡ, kelik ping ei nga, Pol ndi, kuimp tepa ik tenda ti nimba mel, “Unt Muⱡnga Wingti ei ndi, ik kupa kat, tÊn nga anda kouwÊmÊn kÊⱡ kÊn, painui wu Aiseiya nga keta ila nimba mel, ‘Nim pukÊn, wamp kÊⱡ kundkÊn, Enim ik ei pili piling, wote ik puⱡ ei, pilik ti nÊtÊng. Enim kÊnmin nÊk ti iting, wote mong ei ndi, kÊni nÊkÊning. 27 Nambuⱡ emel, enim wamp kÊⱡ nga, numan mbo orunga ku raⱡpa petÊm, Ei ndi, kum raⱡ ila ik piling ei nga rÊng kuⱡing, Wote, mong raⱡ ndi, mel ti kÊni nÊkÊning. Ei mel mon ndam, mong raⱡ ndi kandÊk, wote, kum raⱡ ndi ik pilik, numan ei ndi, pilik mbi nduk, Got elim kÊn rukÊr wangina, elim ndi, wamp mbÊ etÊp kai mondÊmba,’” nitim. 28 Wote, Pol ik nimba pora ndupa, nimba mel, “Enim akup pÊnmin ei, Got nga wamp etpa tÊmba nombuⱡa rung ik ei, wamp rÊⱡaip elpa kÊⱡ kÊn purum. Wamp kÊⱡ ndi, ik ei pilik ting!” nitim. [ 29 Pol ik kÊⱡ nimba pora nduⱡnga kÊn, Jura wamp mbÊ, ekit puk, en enim ruk ila ik palk ik mat nÊtÊng.] 30 Pana raⱡ mel, Pol manga ti, rarÊp ropa titim nila pepa moⱡpa, wamp mat, elim kÊning orung mbÊ kÊn, uⱡ kai mbÊ mint itim. 31 Got nga wamp tÊpa mumuk rui uⱡ ei nga, ik puⱡ mbÊ nimba ngumba, wote wamp ti ndi, mi pindi nÊpÊndÊtÊm ila, ronduⱡ mundpa moⱡpa, wamp mbÊ, Nuim Jisas Kraist nga ik mbÊ mbo inditim.