Aposel 20

1 Wote, Episis kona ila, ik pitim nimbÊ, pora nilinga kÊn, Pol ndi, mondpa pili wamp nimbÊ, wi ropa ruk tÊpa, ik mat nimba ronduⱡ mundpa, wote wamp mbÊ, muⱡÊi nimba mondpa, elim Masaroniya kona ila purum. 2 Ni kÊn, Pol ndi, kona ila mba kÊn, wamp morung mbÊ, ik nimba ronduⱡ mundpa, wote Grik kona ila ruk purum. 3 Wote, Pol kona ila moⱡnga, kalimp raldika omba purum. Wote, nu sip tÊpa, Siriya kona orunga, mbi nimba, tÊpa kun etpa moⱡpa pitim ei, Jura wamp mbÊ, elim ruing elingina, wote Masaroniya kona ila int purum. 4 Beriya wu Sopater kangÊm wu Pairus ni, Pol kÊn kunda purÊnggil. Wote, Tesalonaika wu Aristarkus, Sekundus raⱡ kÊn, Derpi kona wu Geiyas kÊn, Timoti kÊn, Eisiya kona ou, wu Tikikus, Tropimus raⱡ kÊn kunda, Pol kÊn rÊp rok purung. 5 Wu ni kÊⱡ, Trowas kona ila kuimp tek puk, nokundÊk morung. 6 Wote, bret ila, yis mundi namÊndÊk nurmÊn ui ei, omba puⱡnga, Pilipai kona ila moⱡpÊⱡ, nu sip ila rumbÊⱡ 5 tÊp mondpÊⱡ, Trowas kona ila ruk purumbÊⱡ. Kona ila wu kat, kandÊp tÊpÊⱡ ila moⱡmina, rumbÊⱡ 7 omba purum. 7 Ei kÊn, kongun puⱡ mondÊrmÊn ui ei kÊn, epindama tenda ila moⱡpÊn, rÊng nuimin ei nga mou rurmÊn. Pol utÊma orunga, mba pitim ei ndi, wamp mbÊ kÊn, ik nimba moⱡnga, ou rumbuldi itim. 8 Manga kÊkaⱡ oⱡa orunga, mou rurmÊn kona ila, ndip kiya ou ndupa murum. 9 Manga ila nga wu kang wu ti, mbi tek, Iyutikus nÊtÊng ei, manga rÊⱡang murÊk orum, kumba ila murum. Wote, Pol ik kokila nimba pelinga, Iyutikus mong raⱡ ila ur oⱡnga, ur pitim. Wote, ama kÊmp kÊm ur pitim ila, manga kÊkaⱡ oⱡa orunga ila, ropa munduⱡnga omba, mana mÊi ila rurum. Wote, kang ni ok, oⱡa tÊk kandrung ei, koⱡpa pora ndurum. 10 Wote, Pol elim ndi, mana omba, kang wu on ni, tÊpa kanggÊⱡpa, wamp mbÊ kundpa, nimba mel, “Mundmong iti nÊtÊi! Kang wu ei, kuⱡi naⱡÊm,” nitim. 11 Wote, manga oⱡa orunga int mba, bret ni puk roⱡnga, wamp nimbÊ kÊn norung. Wote, Pol wamp mbÊ kÊn, ik nimba puⱡnga, ant kuimp oⱡnga kÊn, kelpa purum. 12 Wamp nimbÊ ndi, kang wu ni, kuⱡi nÊkÊrÊm ni kandÊk, mang kona mek puk, numan minal ngorung. 13 Wote tÊn ndi, Pol Asos kona ila, nu sip ila oⱡa timin ei nga, tÊn nu sip tÊpÊn, kuimp titmin. Ei itmÊn ei, nambuⱡ emel, Pol elim kÊmp kongun etÊp uimp nilinga, purmun. 14 Wote, Pol Asos kona ila omba kandpa tilinga, nu sip tÊpÊn, Mitilin kona ila purmun. 15 Wote, Mitilin kona ila moⱡpÊn, nu sip tÊpÊn, Kiyos kona ila ruk purmun. MÊkÊlmÊ orunga, Samos kona ila ruk purmun. UtÊma orunga, Miletus kona ila mbun ruk purmun. 16 Pol ndi, Pendikos ui ila kÊn, Jerusalem kona ila mbi nimba, numan ronduⱡ pitim. Wote elim ndi, ant mong mat ou ndupa, Eisiya kona ou ila moⱡÊp, tÊp mundimp nimba, pili nÊpÊtÊm. Wote Pol ndi, Episis kona peng ei, tÊpa wak ropa, Jerusalem kona ila mbi nimba pitim. 17 Pol ndi, Miletus kona ila moⱡpa kÊn, ik rung mundpa, Episis atinga manga ila rÊp etmÊn wu mbÊ, elim ok kÊneing nitim. 18 Wote, ok ruk oⱡungina, Pol ndi, wu mbÊ, kundpa nimba mel, “Enim pilik mormun ei, na unt enim kÊn kuimp tep ur. Wote enim kÊn, Eisiya kona ou ila moⱡÊp, enim pilik mormun. 19 Jura wamp mbÊ ndi, na mbun mam mbÊ nguⱡngina, mindil nomp ka etÊp, Nuim ei nga kongun wu ronduⱡ ti, mon nÊmp pilip, na nga mbi mana omp, Nuim ei nga kongun ei ronduⱡ mundÊp it. 20 Enim pilik mormun ei, pena ila kep, manga mbila kep, enim kÊn ik nÊmp, enim ik mbo rundÊr ei kÊn, enim tÊpa rapÊndÊmba uⱡ mbÊ, na ndi ambÊⱡÊp gi ndui nÊndÊr mon! 21 Jura kÊn Grik wamp raⱡ pÊi, man ngump, enim nga uⱡ kit mbÊ wak rok, numan ropÊl rok, Got kÊn rukÊr puk, Nuim Jisas mondÊk pilÊi, nit ku. 22 Wote, akup na mbi ont kona ila, na kÊn pemba uⱡ mbÊ, pili napÊnt. Muⱡnga Wingti ei nga ik ei, teng ndup, na Jerusalem kona ila punt. 23 Wote, uⱡ tenda ti, na pÊnt ei, kona peng elpa elpa mbila, na pur ei kÊn, na kan nguing, muna mbun nguing uⱡ mbÊ, na nokundpa tetÊm ei, Muⱡnga Wingti ndi, kundpa nÊtÊm. 24 Na nanim nga kÊng orunga, kont moⱡÊp mbi uⱡ ei, ronduⱡ ti petÊm, nÊmp pili napÊt. Nuim Jisas elim nga RÊnang Ik Kai ei nga nÊmp, Got nga wamp pol ti uⱡ ei nga kindmant indeimp nimba, kongun ngurum uⱡ ei etÊp, mbo pora nduimp nÊmp pÊnt. 25 Na enim wamp mbÊ kÊn andÊp, Got nga wamp tÊpa mumuk rui uⱡ ei nga ik puⱡ, nÊmp ngump it. Wote, akup na pÊnt ei, enim wamp ti ndi, na aldpa kÊni nÊkÊning. 26 Ei nga, akup enim kÊn nÊmp mot ndunt ei, wamp ti uⱡ kit mbila, mana pum ndam, na nga ik puⱡ ti ila, pi napÊmba. 27 Nambuⱡ emel, na ndi, enim ronduⱡ mundÊp kundÊp nit ni, Got nga numan ila pora, enim kundÊp nit. 28 En enim rÊp etÊk muⱡÊi! Wote, Muⱡnga Wingti ei ndi, enim nga wamp rÊp iteing nimba ngurum mbÊ, Got nokundÊk kai mondÊk. Ei nga, wamp mbÊ, elim nga kangÊm Jisas nga mema ei ndi, etpa titim. 29 Na pÊnt ndam, mbuldung orunga, owa rakra mat ndi ok, wamp tek moⱡung mbÊ, rok mbuⱡ mbaⱡ iting. 30 Ui ti kÊn, enim nga ruk ting ila wu mat ndi, ik kol rok, mondpa pili wamp mbÊ, en enim pep rok wÊi ning. 31 Ei kÊn, enim pilik kongundÊk muⱡÊi! Na pana raldika, enim kÊn rumbuldi rÊnggilmÊ raⱡ, muⱡ ti natÊp, ka etÊp, enim ik mbo indÊt ni, pilik munt muⱡÊi! 32 Ei kÊn, akup enim tÊp, Got nga ki ila mondunt. Wote elim nga wamp poⱡ ti uⱡ ei kÊn, rÊnang ik kai ila kunda, tÊp mondunt. Got elim ndi, enim etpa ronduⱡ mundpa, wote elim nga mel kai mat, elim nga wamp ngurum ei mel, enim ngumba. 33 Na ndi, wamp ti nga ku moni na, muⱡ mbal na, mel mbÊ kandÊp kum pindi nÊpÊndÊt. 34 En enim pilik mormun ei, na nanim na nga kÊng orunga rup itimp mel, na nga ki raⱡ ndi, kongun etÊp, mel mbÊ tÊp, wote na nga kongun tenda ila etmin mbÊ nga tÊndÊp ku it. 35 Na nga it uⱡ mbÊ pora, enim ora ndup kÊn, kongun ronduⱡ mundpÊn etpÊn, wamp ombil ek ni mbÊ, tÊp rÊpÊndmin nÊmp it. I etÊp it uⱡ ei, nambuⱡ emel, Jisas nga ik kat, tÊn kundpa, nimba mel, ‘Enim pilik kun itÊi! Mel yant tÊn mbila mon, mel mok run ila numan kai ou ndupa, kandÊk ting,’” nitim. 36 Pol ik mbÊ, nimba pora nduⱡnga kÊn, wamp morung mbÊ ndi pora, mura koptÊm rok monduⱡina, Pol atinga rurum. 37 Ei kÊn, Pol kÊmp kÊm mba ei nga, wamp morung nimbÊ, Pol kanggulk pendÊk, ka etÊk, keta nu rok nok etÊng. 38 Pol aldpa ui tila yant omp, wamp kÊⱡ kÊni nÊkÊnimp nitim ik ei nga pilik, kont kurung. Wote wamp nimbÊ, Pol kÊn rÊp rok puk, nu sip ila pangga nÊk, mek int ndurung.