Aposel 18

1 Wote ei kÊn, Pol Atins kona ei, wak ropa, Korin kona ila purum. 2 Kona ila mba, Pontas kona ila, metÊng Jura wu ti, mbi tek, Akuila nÊtÊng ei, kandpa titim. Wu ei kÊn, ambÊm Prisila raⱡ, Itali kona ei, wak rokÊⱡ orÊnggil. Ei nambuⱡ emel, Rom kona ila gapman wu nuim Klautiyas ndi, Jura wamp, Rom kona ila petÊng mbÊ ok, ekit pÊi nitim. Wote Pol mba, wamp raⱡ kandpa tÊpa, wamp raⱡ, wote elim kongun etÊm ei mel, kng kau kÊng mim etmbil kona ila, tÊpa rapundpa etpa murum. 4 Moⱡpa, mowi kor nimbÊ kÊn, Jura wamp nga atinga manga mbila, Jura wamp na, Grik wamp na mbÊ nga mondpa pili orunga, ropa rut ndupa, ik mbo inditim. 5 Wote, Sailas kÊn Timoti raⱡ, Masaroniya kona ei, wak rokÊⱡ orÊnggil. Ni kÊn, Pol ndi, rumbÊⱡ ant ui mbila rÊk rÊk, Got nga RÊnang ik kai ei, nimba para ndurum. Para ndupa, nimba mel, Jisas ni, wu Mesaiya ei nga RÊnang Ik Kai ei, ronduⱡ mundpa nitim. 6 Ei kÊn, Pol nga ik nitim nimbÊ, akÊk, ik mbuldung orunga nÊndÊk elingina, Pol ndi, wamp elim nga muⱡ mbal mbÊ, ndanda ndupa, nimba mel, “Enim Got kÊn, kan puⱡa rong ndam, na nga ⱡawa ti mon. En enim nga ⱡawa ei! Na nga ik ti ila, pi napÊtÊm. Akup ya ei kÊn, na wamp rÊⱡaip elpa kÊⱡ kÊn mbi!” nitim. 7 Wote, Pol atinga manga kel ei, wak ropa, mbo wu Taitas Jastas ni ti ei, Got nga mbi paka rondpa itim ei nga mang kona purum. Wu ei nga manga ei, Jura wamp kÊⱡ nga atinga manga kel morum ila, nundpa anggÊtÊm. 8 Ni kÊn, Krispas ni wu ei, Jura wamp kÊⱡ nga atinga manga kel ila rÊp wu ei murum. Wu ei, elim nga manga tenda ila mondpa pili wamp mbÊ kÊn, wote Korin kona ila wamp minal kÊn, Pol nga ik nitim ei, mondÊk pilik, wote nu tÊtÊng. 9 RumbÊⱡ ti kÊn, Pol mong mel kÊndrum ei, Nuim ei ndi, elim kundpa, nimba mel, “Nim mundmong etkÊn, ik ei nÊn ei nga, keta mÊn kÊn, muⱡi nÊmbÊⱡi! Ik ei tÊkÊn, pena ila, ik nÊn mbÊ mel ni, wak rui nÊri! Ei nambuⱡ emel, na nim kÊn muⱡimp! Wamp ti ndi, nim rui narÊmba. Ei nambuⱡ emel, ya kona peng ila wamp minal, na nga wamp mormin,” nitim. 11 Ni kÊn, Pol Korin kona ila wamp mbÊ, Got nga ik mbo endpa moⱡnga, pana ti, wote kalimp 6 omba purum. 12 Wote, wu Galiyo ni, Rom (gapman) ndi, nokundrum mÊi Akeiya ila wu nuim murum. Ni kÊn, Jura wamp mbÊ ok, mou rok, Pol ni, imp molk mek puk, kot endÊk, nÊk mel, “Wu ei ndi, Got nga mbi paka rundÊmÊn nimba, mi ik petÊm ei mel, pep rui narÊpa, ik ti mel ku mbo endnÊm,” nÊtÊng. 14 Ni kÊn, Pol ik nimp nimba elinga, wu Galiyo ndi, Jura wamp nimbÊ, kundpa nimba mel, “Wu ei, uⱡ kit mat etpa, Rom kona ei nga mi ik ti ropa, puⱡa ropa elinga ndam, enim Jura wamp mbÊ nga, ik ei kum telÊmba. 15 Ei nga wote, ya ik penim uⱡ ei, enim nga ik ei kÊn, mbi ei kÊn, wote en enim nga ik petÊm kÊⱡ nga nÊnmÊn kant ei kÊn, int mana, en enim nÊk kun itÊi! Na uⱡ mbÊ nga kÊmp timp mel, kapⱡa mon!” nitim. 16 Ei mel nimba kÊn, wamp mbÊ, kot kona ila makrÊpa tÊpa, pena ndurum. 17 I nilinga, popÊⱡ kulk, wamp mbÊ ndi, Jura wamp kÊⱡ nga atinga manga ei nga rÊp wu Sostinis ni, atinga manga keta ila imp molk, tÊk mek puk, kot kona ila, tÊmbÊⱡ ndi rorung. Uⱡ etÊng nimbÊ, wote wu Galiyo ndi, kandpa kui etpa, ik ti ni nÊndÊtÊm. 18 Pol Korin kona ila moⱡnga, rumbÊⱡ ou ndupa mel, omba purum. Wote, Korin kona ila mondpa pili wamp ÊngÊnÊl nimbÊ, wak ropa, Siriya kona ila mbi nimba elinga, Prisila kÊn Akuila raⱡ rÊp rok, nu sip ila purung. Nu sip ila oⱡa pi nÊpi kÊn, Senkreya kona ila moⱡpa, elim nga peng ndi pek rurum. Ei nambuⱡ emel, elim Got kÊn uⱡ ti itimp nimba, ronduⱡ mondrum ei nga itim. 19 Wote, Episis kona ila ruk puⱡÊngina, Pol ndi, Prisila kÊn Akuila raⱡ, kona ila wak rurum. Elim ni, Jura wamp mbÊ nga atinga manga ÊnggÊtÊm kona ila mba, Jura wamp mbÊ kÊn, ik nitim. 20 Wamp mbÊ ndi, Pol en enim kÊn, ui mat ou ndupa muⱡamin nÊk waldÊtÊng. Ei wote, Pol ndi, elim kapⱡa muⱡi nÊmbÊⱡimp nitim. 21 Wote, mba etpa wamp mbÊ, rawe etpa nimba mel, “Enim nÊnmÊn ei mel, Got ndi, kapⱡa nimba pilim ndam, wote na enim kÊn yant uimp,” nitim. I nimba kÊn, Episis kona ila wak ropa, nu sip tÊpa purum. 22 Wote, Sesariya kona ila ruk mba kÊn, Jerusalem mba, Got nga rapa tenda wamp kÊⱡ, ik rungÊndÊpa pendpa, wote Andiyok kona ila purum. 23 Wote ni kÊn, ant ui mat ou ndupa, Andiyok kona ila moⱡpa, tÊpa mundpa, wote wak ropa, Galesiya kÊn Pergiya kona raⱡ nga ruk tetÊm kona mbila andpa, mondpa pili wamp mbÊ, ronduⱡ ngumba, Jisas nga ik ei, kundpa nitim. 24 Ei kÊn, Aliksendriya kona ila, Jura wu ti metÊng ei, mbi tek, Apolus nÊtÊng ni, Episis kona ila urum. Wu ei, Got nga timan ik, unt nga mbÊ, pilpa kitim. Wote ik mbÊ, pilpa kongundpa ku nitim. 25 Wu ei, Nuim ei nga uⱡ mbila, unt ambulk pilik, mbo rondrung ei nga ronduⱡ ei, tepa moⱡpa, Jisas nga itim uⱡ mbÊ kÊn, wamp mbÊ mbo inditim. Wote, el elim Jon ndi, wamp nu tindpa itim uⱡ mbÊ nga timan ei, mendpÊⱡ pitim. 26 Wote, atinga manga kel ila wamp mbÊ nga mundmong iti natÊpa, ronduⱡ mundpa ik nitim. Ei kÊn, Prisila kÊn Akuila raⱡ ndi, wu ei nga nitim ik ni pilkÊⱡ, wu ei, tÊkÊⱡ mekÊⱡ, en enmbil nga mang kona pukÊⱡ, Got nga ik mbo endÊmba ei mel nÊk, kun etÊk ngurÊnggil. 27 Wote, wu Apolus ni, Akeiya kona ila mbi nilinga, Episis kona ila mondpa pili wamp nimbÊ ndi, tÊk rapÊndÊk, mon ti rok, Akeiya kona mondpa pili wamp ÊngÊnÊl kÊⱡ ngÊk, Apolus rawe etÊk, teing nÊtÊng. Wote, Akeiya kona ila ruk mba, ik mbo enduⱡnga, Got nga wamp poⱡ ti uⱡ ila, wamp minal, Got kÊn mondÊk pÊtÊng. 28 Jura wamp mbÊ nga ik polk nÊtmin mbÊ, wamp mbÊ nga kuimp keta ila, ⱡawa etmin nitim. Elim ndi, Got nga RÊnang Ik Kai ei ndi, Jisas ei, wu Mesaiya nÊtÊm ei mel nimba, tÊpa ora ndupa itim.