Aposel 15

1 Wote, Juriya kona ila wu mat, Andiyok kona ila mana ok, mondpa pili wamp ÊngÊnÊl nimbÊ, ik mbo endÊk, nÊk mel, “Enim Moses nga mi ik ila, kÊng kuptÊi nÊtÊm ei mel iti natÊng ndam, Got ndi, enim etpa rukÊr ti natÊmba,” nÊtÊng. 2 I nÊtÊng uⱡ ila, Pol kÊn, Barnapas raⱡ, ik ei pilkÊⱡ, popÊⱡ kulkÊⱡ, wu kÊⱡ kÊn ik palk, ik mura mel mam ti etÊng. Ei kÊn, Pol, Barnapas raⱡ kÊn, Andiyok kona ila mondpa pili wamp mat kapⱡa to rok, Jerusalem oⱡa puk, nombuⱡa rung wu kÊⱡ kÊn, rÊp wu mbÊ kÊn, ik ei nga nÊk tÊk, kun iteing pÊi nÊtÊng. 3 Got nga rapa tenda wamp kÊⱡ ndi, wu kÊⱡ tÊk munduⱡina purung. Wote wu kÊⱡ puk, Ponisiya kÊn Sameriya kona mbÊ nga rÊk ila puk, wamp rÊⱡaip elpa numan ropÊl rok, Got kÊn rukÊr orung mbÊ mel, timan rok ngurung. Ik mbÊ timan rok, wamp morung mbÊ nÊk ngÊⱡÊngina, mondpa pili wamp ÊngÊnÊl morung nimbÊ, numan kai pÊtÊng. 4 Jerusalem ruk puⱡina, rÊp wu na, nombuⱡa rung wu na, wote Got nga rapa tenda wamp na mbÊ ndi molk, rawe etÊk tÊtÊng. Wote kona ila nga, Got ndi, en enim kÊn kongun itim uⱡ mbÊ mel timan rok, wamp mbÊ ngorÊnggil. 5 Wote, mondpa pili wamp mat, wu Perisi kÊⱡ nga rÊⱡaip ila morung kÊⱡ ndi, oⱡa anggilik nÊk mel, “Enim ndi, wamp rÊⱡaip elpa kÊⱡ, kÊng kuptÊi nÊk, wote Moses nga mi ik kÊⱡ, pep reing mint, nÊk mbo indÊi!” nÊtÊng. 6 Ik ei nga, nombuⱡa rung wu mbÊ kÊn, rÊp wu na mbÊ kÊn, nÊmp tÊp kun mundmin nÊk mou rorung. 7 Ik minal nÊk pora nduk, Pita ndi, oⱡa anggilpa nimba mel, “Wamp angmÊn! Enim pÊnmin ei, unt kor nga Got ndi, enim nga ruk ting ila, na mbi ropa tÊpa, elim nga RÊnang Ik Kai ei, wamp rÊⱡaip elpa mbÊ, nÊmp nguⱡmba, wamp mbÊ ik ei pilik tÊk, elim kÊn mondÊk pileing nimba, na rukÊr titim. 8 Wote, Got tÊn nga numan mbÊ pora, kandrum wu ei ndi, wamp rÊⱡaip elpa mbÊ, elim nga ku nimba, Muⱡnga Wingti ei, tÊn ngurum ni mel wamp mbÊ ngurum. 9 Got ndi, tÊn Jura wamp mbÊ kÊn, wote wamp rÊⱡaip elpa mbÊ kÊn, ruk ila oi kan ti, etpa pindi napÊndÊtÊm. Wote, wamp mbÊ nga mondÊk pÊtÊng uⱡ ei ndi, en enim nga numan mbo ei, etpa piral ndurum. 10 Uⱡ ei ndi, Got oⱡa tÊk kanmin ek ka! Ei nga wote, enim ndi, uⱡ mbun iti ei, Got nga rapa tenda wamp kÊⱡ kÊn koma rondunmÊn. TÊn kep, tÊn nga anda kouwÊmÊn mbÊ kep, mbun ei mel ti, kapⱡa koma rui nÊrÊmÊn. 11 Ei mon! TÊn mondÊp pilamina, Nuim Jisas nga wamp poⱡ ti uⱡ ila, tÊn etpa titim ei mel, wamp rÊⱡaip elpa kÊⱡ, Got nga wamp poⱡ ti uⱡ ila, i ku etpa tÊmba,” nitim. 12 Wote, Pol Barnapas raⱡ, kongun etÊk andrÊnggil ruk ting ila, Got ndi, uⱡ rÊpndi mat, wamp rÊⱡaip elpa mbÊ kÊn, itim nimbÊ mel timan rokÊⱡ, wamp mbÊ kundÊk nilinggila, wamp mbÊ pilik raka nÊk morung. 13 Wote wu raⱡ, ik nÊkÊⱡ pora nduⱡunggila, Jeims ndi, oⱡa ndupa, nimba mel, “AngmÊn! Na ik nimp ent ei, kum tek pilÊiya! 14 Saimon ndi, enim unt kundpa, wamp rÊⱡaip elpa kÊⱡ nga ruk ting ila, Got ndi, elim nga wamp morung kÊⱡ, ekit tÊpa, elim nga rapa tenda wamp mundrum. 15 Uⱡ ei, painui wu kÊⱡ nga unt nÊtÊng ik kÊⱡ kÊn, omba tenda purum. Buk Wingti ila rok, Nuim ei ndi, nimba mel, ‘Wote na yant omp, Depit nga manga ÊⱡmbÊⱡ nimba petÊm ei, na ndi rakÊp oⱡa timp. Manga ila mukÊr etpa kit murum mel mbÊ, na ndi, kont mim etÊp, tÊp oⱡa mundimp. 17 Ei mel itamba kÊn, wamp rÊⱡaip elpa mbÊ ndi pora, Nuim ei kuruk uing, ei, mbo wamp kÊⱡ nga, nanim ndi na nga mbi ila tit wamp kÊⱡ mendpÊⱡ. 18 Nuim ei ndi, uⱡ kÊⱡ itimp nimba kor nga,’ nitim. 19 “Ik ei mel petÊm ei nga, na nanim numan ei ndi, pÊnt ei, mbo wamp Got kÊn numan ropÊl rok, Got kÊn rukÊr ping enmin kÊⱡ, etÊp mbun ngui ngÊngÊmin. 20 Wamp kÊⱡ kÊn, mon ti ropÊn, ngumbun nimbun mel, kur kit mbÊ nga mbi paka rondÊk, rÊng kaⱡing mbÊ nui nandÊk, wapra uⱡ mbila ok tÊk, kui kÊi mel ti ambulk nuim kan kint ngÊk eng ei, nui nandÊk, wote mema mbÊ mendpÊⱡ nui nÊnÊi! 21 Ei, uⱡ kont paka ti mon. Moses nga Mi Ik kÊⱡ kor nga, ik mbo wu mbÊ ndi, kona peng mbila, atinga manga kel tetÊm mbila ik mbÊ, mowi kor ei kÊn, nÊk ngÊⱡÊngina, pÊtmÊn ni ka!” nitim. 22 Wote, rÊp wu na, nombuⱡa rung wu na, Got nga rapa tenda ila wamp na mbÊ mou rok, wu mat kÊmp rok tÊk, Pol kÊn Barnapas raⱡ kÊn, Andiyok kona ila rup rok, pÊi nÊk tÊk mondrung. Wote, mondpa pili wamp nimbÊ nga wu kuimbal tÊk ou ndurmÊn. Wote, wu ni raⱡ nga ti, Juras mbi tek, Barsapas nÊtmin, omba wu ti Sailas nÊtmÊn. 23 Mon ti, wu raⱡ kÊn ngÊk mundrung. Mon rok, nÊk mel, “TÊn enim nga ÊngÊnÊl, nombuⱡa rung wu, wote rÊp wu na mbÊ pora moⱡpÊn, rawe ik kai mbÊ nimbun, enim Andiyok kÊn Siriya kÊn Silisiya kona kÊⱡ ila nga wamp rÊⱡaip elpa kÊⱡ nga ruk ting ila mondpa pili wamp mormin kÊⱡ kÊn, ei mel nÊnmÊn. 24 TÊn pilmin ei, tÊn nga wu kat, enim kÊn ok, ik ⱡawa elingina, enim kit pÊtÊng. Uⱡ ei, tÊn ndi, mbo rondpÊn neing ni nÊndÊtmÊn mon. 25 Ei nga, tÊn Jerusalem kona ila, Got nga rapa tenda wamp mbÊ, numan omba tenda puⱡnga, wu mat to ropÊn, tÊn nga wu mÊn mul wu kai raⱡ, Pol kÊn Barnapas raⱡ kÊn, rÊp rop tÊp mundunmÊn. 26 Pol kÊn Barnapas raⱡ, en enmbil nga mul uⱡ ei, wak rokÊⱡ, kÊⱡÊnggil ei nga pili napilkÊⱡ, kongun etÊnggil. Uⱡ ei ndi, tÊn nga Wu Nuim Jisas Kraist nga mbi ei, paka rondrÊnggil. 27 TÊn ndi, Sailas kÊn Juras raⱡ tÊp mundunmÊn. Wu raⱡ nga keta ila, ik ekit om mbÊ, ik ei, tÊn ndi, mon ronmÊn ik mbÊ ninggil. 28 Muⱡnga Wingti ei kÊn, tÊn kÊn numan tenda puⱡnga, uⱡ mbÊ pep rok iteing nimbun, mon rok pun ngÊnmÊn. Wote, uⱡ mbun mat elpa, enim nguimin nÊmp pili napÊnmÊn. Ei nga, kurmun rok rÊng ngÊng mbÊ, nui nÊnÊi mon! Mema nui nÊnÊi mon! Wapra rui uⱡ mbila ok tÊk muⱡÊi! Kui kÊi mel mat ambulk mema mondung mbÊ, nui nÊnÊi mon! Enim uⱡ kÊⱡ pilik pep rong ndam, enim kapⱡa muⱡing. Kapⱡa molk, kai mundÊiyo!” nÊtÊng. 30 Wote, nombuⱡa rung wu ni raⱡ, Andiyok kona ila ruk pukÊⱡ, mondpa pili wamp nimbÊ, tÊk mÊk rok mondkÊⱡ, mon ni ngorunggil. 31 Wamp nimbÊ, mon ni, kÊmp rok pÊtÊng mel, enim nga numan orunga nimbÊ, ronduⱡ ngui ik mat murum ila, numan kai pilik, ambulk palk morung. 32 Sailas kÊn Juras raⱡ enmbil, ik pai nok etmbil wu raⱡ ndi, molkÊⱡ kÊn, wamp mbÊ ambulk pilkÊⱡ, mbo endkÊⱡ, etÊk ronduⱡ mundÊk etÊnggil. 33 Andiyok kona ila ui mat molkÊⱡ, tÊk mundkÊⱡ kÊn, wote mondpa pili wamp ÊngÊnÊl mbÊ ndi, ki tÊk, etÊk kai etÊk munduⱡina, enmbil molk, orÊnggil kona ila wamp nimbÊ kÊn, int purÊnggil. 34 Wote, Sailas elim nga numan ei ndi, kona ila muⱡimp nimba pitim. 35 Pol kÊn Barnapas raⱡ, ui ou ndupa, Andiyok kona ila wamp mat kÊn, pÊi molk kÊn, Nuim ei nga RÊnang Ik Kai ei, nÊk ngukÊⱡ, ik mbo endÊk etÊnggil. 36 Ui mat omba puⱡnga, Pol ndi, Barnapas kundpa, nimba mel, “Nuim ei nga rÊnang ik ei, nÊmp ngurumbÊⱡ kona peng nimbila, wamp mbÊ etÊk mormin mel nant ei, kÊnÊmbil yant pambuⱡ,” nitim. 37 Ei kÊn, Barnapas ndi, wu Jon mbi ti tek, Mak nÊtmin ei, tÊp mep mbi nimba pitim. Wote Pol ndi, mon nimba pitim ei, nambuⱡ emel, wu ei ndi, en enmbil Pampiliya kona ila, wak ropa mondpa, kelpa purum. Ei nga, tÊl ndi, wu ei, tÊp mep pi nÊpÊmbil, nitim. 39 Ik puⱡ ila, wu raⱡ ik polkÊⱡ, elpa elpa purÊnggil. Barnapas ndi, Jon Mak tÊpa mepa nu sip tÊpa, Saipras puⱡnga, wote Pol ndi, Sailas tÊpa, mepa purum. Mondpa pili wamp mbÊ ndi, Nuim ei nga wamp poⱡ ti uⱡ ila pÊl, nÊtÊng. 41 Wote Pol ni, Siriya kÊn Silisiya kona raⱡ nga rapa tenda wamp mbÊ kÊn, Got nga ik ei, wote nimba, ndoimp rondpa purum.