Aposel 13

1 Antiyok Got nga rapa tenda wamp mbÊ kÊn, ik mbo wu na, painui wu na mat morung. Wu mbÊ Barnapas kÊn, Simiyon, mbi ti tek ‘pombra’ nÊtmÊn. Ei kÊn, Siriya kona wu Lusiyus kÊn, wu Maniyan gapman nga wu ou Erot ni kÊn etÊk, ou endÊtÊng wu ei kÊn, Sol kÊn. 2 Ei kÊn, wu kÊⱡ Nuim ei nga kongun endÊk, rÊng mowi pek moⱡina, Muⱡnga Wingti ei ndi, wu kÊⱡ kundpa, nimba mel, “Wu Barnapas, Sol raⱡ, mbi rok ekit tangina, na nga kongun itinggil nÊmp, wi rop tit, ei mel itinggil,” nitim. 3 Wote, wu kÊⱡ rÊng mowi pek atinga rok molk, wu raⱡ nga peng ila ambulk pÊl nÊk tÊk, mundÊⱡina purÊnggil. 4 Muⱡnga Wingti ei ndi, Barnapas Sol raⱡ, Selusiya kona ila tÊpa mundrum. Kona ila pukÊⱡ molkÊⱡ, wote nu sip tÊkÊⱡ, Saipras kona ila purÊnggil. 5 Wote, Salamis ni kona ila ruk pukÊⱡ kÊn, Jura wamp nga atinga manga kel anggÊtÊm mbila, Got nga ik mbÊ, kundÊk nÊtÊnggil. Ei kÊn, wu Jon Mak ni, tÊpa rÊpÊndpa kongun itangga nÊkÊⱡ, tÊkÊⱡ mekÊⱡ purÊnggil. 6 Wote wu kÊⱡ, Salamis mÊi ila kongun etÊk, andÊk pora nduk kÊn, wote Papos mÊi ila ok, ekit purung. Papos kona ila nga wu ti, kur atinga ropa, elim painui wu ti ku nitim ei, mbi tek, ‘Barapas,’ nÊtÊng. 7 Ni kÊn, Barapas ni, kona ila nga gapman nga wu kuimbal ei mbi tek, ‘Sergiyus Paulus,’ nÊtÊng, ei nga wu puⱡ ei murum. Gapman nga wu kuimbal ei ndi, Barnapas Sol raⱡ, elim kÊn wunggil nitim. Ei nambuⱡ emel, Got nga ik kai kÊⱡ, elim pilmba pilpa nitim. 8 Wote, kur atinga rui wu (Grik ik ila ropÊl rok Elimas nÊtmin) ni ndi, wu raⱡ nga ik nÊtÊnggil mbila ropa akpa, itim. Ei nambuⱡ emel, gapman nga wu kuimbal ei, Got nga ik kupa kÊⱡ pilpa, ti nÊtangga nimba itim. 9 Wote, Sol mbi ti tek, Pol nÊtÊng ni, Muⱡnga Wingti ei ndi, ronduⱡ nguⱡnga, kur Elimas ni, wu ei kandpa, ronduⱡ mundpa, nimba mel, “Nim Seitan nga kangÊm ei! Nim uⱡ kai mbÊ nga pora el rui wu. Nim kÊn uⱡ kit mbÊ, peka ropa petÊm ei nga, rÊk rÊk Nuim ei nga uⱡ kupa mbÊ, nim ndi, etkÊn ge ndurÊn. 11 Ei kÊn akup, Nuim ei nga ki ei ndi, nim rangga, nim mong ei, kit itangga, ant rÊⱡang ei, kÊni nÊkÊnana, rumbÊⱡ mat omba pangga!” nitim. TÊngÊnda mint, Elimas pitim ei, kupa rumbÊⱡ mul kat omba, elim nga mong raⱡ, panda rurum ila, wamp morung kona mbila runum runaim etpa, wamp ti ndi, elim ki ÊmbÊⱡeing nimba ÊndrÊm. 12 Wote, wu Sergiyus Paulus ni, Gapman nga wu kuimbal ni, uⱡ ei kandpa, Nuim ei nga ik mbo endÊtÊng ni pilpa, min ngÊn mundrum. 13 Pol kÊn elim nga rÊp wu kÊⱡ kÊn, Papos kona molk, nu sip tÊk puk, Pampiliya nga kona peng Purga nÊtÊng ila ekit purung. Kona ila, Jon Mak wu kÊⱡ, wak ropa Jerusalem int purum. 14 Wu kÊⱡ, Purga kona ila molk, wote Pisiriya mÊi kona ila purung. Puk mowi kor ei, Andiyok kor kÊn, atinga manga kel ila murÊk puk, mana morung. 15 Wote ila nga, Moses nga mi ik na, wote painui ik na mbÊ nga, kÊmp tÊk pora nduk moⱡÊngina, atinga manga kel nokundurmÊn wu mbÊ ndi, rung mundÊk nÊk mel, “AngmÊn, enim ndi wamp mbÊ, ndoimp rondÊk ik mat nimin nÊk, pilÊng ndam, nÊi!” nÊtÊng. 16 Wote, Pol ndi anggilpa, ki oⱡa ndupa, nimba mel, “Enim Isrel wamp mbÊ kÊn, wote wamp rÊⱡaip elpa mbÊ, Got nga mbi paka rondÊrmin mbÊ kÊn, na nga ik ei kum tÊiya! 17 TÊn Isrel wamp nga Got ei ndi, tÊn nga anda kouwÊmÊn mbÊ, mbi ropa tÊpa, Isip kona ila, nomba andrÊng wamp mbÊ kÊn, wamp rÊk tÊpa etpa mam inditim. Got nga ronduⱡ mam ei ndi, wamp mbÊ Isip kona ila, mepa ekit urum. 18 Kona kui waka ila wamp mbÊ nga mbun koma ropa mepa oⱡnga, pana 40 itim. 19 Wote, Keinen mÊi ila wamp rÊⱡaip tÊmbÊkak, gul raldika ropa mundpa, elim nga Isrel wamp mbÊ mÊi ei ngurum. 20 MÊi ila pek muⱡina, pana 450 omba purum. Pana ui kÊⱡ omba puⱡnga, wote Isrel wamp mbÊ, kÊmp ting wu mbÊ tÊpa mundrum. Molk puⱡina, painui wu Samuwel ni oⱡa urum. 21 Wote, wu king ti, kandÊk tÊk, ngui nÊk mawa elingina, wu Benjamin nga rÊⱡaip ila, wu Kis kangÊm Sol ni, tÊpa king monduⱡnga, moⱡnga pana 40 omba purum. 22 Wote Got ndi, Sol tÊpa ekit ndupa, Depit tÊpa, Isrel wamp mbÊ nga king mundrum. Mondpa kÊn, Depit kÊn, nimba mel ‘Na wu Jesi kangÊm Depit kandÊp tÊnt wu ei, na numan ngur. Wu ei ndi, na nga pÊt uⱡ mbÊ mel, kapⱡa endÊmba,’ nitim. 23 Wu Depit nga pundun ila, Isrel wamp nga Etpa Ti Wu ei, Jisas oⱡa omba nimba, Got ndi unt, nimba mÊi rurum. 24 Jisas ni, kongun iti natilinga kÊn, Jon ndi, Isrel wamp mbÊ pora numan ropÊl rok, nu tÊi nimba ik mbo inditim. 25 Wote, Jon elim kongun etpa pora ndupa ei kÊn, wamp mbÊ waldpa, nimba mel, ‘Enim ndi, na nam nÊk pÊnmÊn? Enim nga nokundÊk mormin wu ei, na mon! Ei kÊn, kum tÊiya! Na nga mbuldung orunga omba wu ei, na ndi, wu ei nga kÊmp rÊk kÊⱡ, na wu kai ti mon! Ei nga, na kapⱡa pÊtimp mel mon,’ nitim. 26 “Na nga Isrel wamp angmÊn mbÊ, wote Aparam nga wamp pundun mbÊ kÊn, wote wamp rÊⱡaip elpa, Got nga mbi paka rondÊnmin mbÊ kÊn pora, etpa ti uⱡ ei nga, rÊnang ik kai ei, tÊn kÊn tÊpa mundrum. 27 Wote, Jerusalem wamp mbÊ kÊn, en enim nga rÊp wu mbÊ kÊn pÊi, Etpa Ti Wu ei, kandÊk mbi ndui nandrÊng. Omba, painui wu mbÊ nga pai nÊk, mon rorung ik mbÊ, mowi kor mbÊ kÊn, rÊk rÊk kÊmp rormin ik mbÊ nga puⱡ mbÊ kep, pilik kun iti natÊtÊng. Wote, Jisas kot endÊk, etÊng uⱡ mbÊ ndi, painui wu mbÊ nga pai nok nÊtÊng ik mbÊ, omba kupa itim. 28 Wu ei, rok kunding ei nga puⱡ ti, kandÊk ti natÊtÊng. Ei wote, Pailot waldÊk, wu ei, rop kundamin nÊkÊn, ni nÊtÊng. 29 Wote, Buk Wingti ila, pai nok mon rorung uⱡ mbÊ mel etÊk, kapⱡa endÊk kÊn, nde peta ila mana tÊk, on kona ila tetÊng. 30 Wote on kona ila, Got ndi, Jisas ni ⱡoporpa tÊpa kont monduⱡnga, unt rumbÊⱡ mat ou ndupa, elim kÊn rÊp rok, Galili kona ila molk puk, Jerusalem purung wu mbÊ ndi, kandrung. Wu kÊⱡ ndi, akup elim nga ik ei nÊk, tÊk pena ila pendÊtmÊn. 32 TÊn ndi, akup RÊnang Ik Kai ei, enim nimbun nguimin. Ei kÊn, Got ndi, Jisas ⱡoporpa tÊpa mundrum uⱡ ei ndi, tÊn nga anda kouwÊmÊn kÊⱡ kÊn, nimba mÊi rurum uⱡ ei, tÊn wamp pundun kÊⱡ, etpa kupa inditim. Uⱡ ei, Buk Sam 2 ila nimba mel, ‘Nim na nga kangÊm, akup ei kÊn, na nim nga TipanÊm rundi,’ nitim. 34 Wote Got ndi, kangÊm on kona ila puri nÊpÊrangga nimba, ⱡoporpa tÊpa kont mondÊmba ei nga ik ti, nimba mel, ‘Na ndi, unt Depit kÊn nÊmp, mÊi rop nguimp nit memp ronduⱡ wingti mbÊ, akup nim kÊn nguimp,’ nitim. 35 Ei nga aldpa, Buk Sam ila nimba mel, ‘Nim nga Wu Wingti ei, on kona ila pepa purangga nÊkÊn, wak rui nÊri!’ nitim. 36 Ni kÊn, tÊn pÊtmÊn ni, king Depit ndi, Got nga numan pitim ei mel, wamp mbÊ kÊn, kongun mbÊ pep ropa itim. Wote koⱡnga kÊn, tÊk elim nga anda kouwÊmÊn mbÊ, tetÊng on kona ila telingina, tepa pururum. 37 Wote Got ndi, Jisas ni, on kona ila ⱡoporpa kont mundrum wu ei, on kona ila tepa puri nÊpÊrÊm mon! 38 Ei kÊn, Isrel wamp angmÊn mbÊ, pilik kun itÊi! Jisas nga mbi ila, uⱡ kit pendpa kili uⱡ ei nga RÊnang Ik Kai ei, enim kÊn mbo endinmÊn. 39 Moses nga mi ik kÊⱡ ndi, tÊn etpa tÊpa, wamp kun kai ni nÊndÊtÊm. Wote ya wu ei, mondÊk pÊtmÊn wamp mbÊ, wamp kun kai nÊtÊm. 40 Ei kÊn, enim tÊk mendÊk muⱡÊi! Unt, ik painui wu kÊⱡ nga ik nÊtÊng uⱡ kÊⱡ, enim kÊn omba iti nÊtangga! 41 Buk Wingti ei ndi, nimba mel, ‘Enim Got nga ik mbÊ nÊk, kit mondurmin wamp mbÊ, enim andÊk kuⱡing! Ei nambuⱡ emel, na ndi, enim nga ui ila, uⱡ ti itimp ei, wamp ti ndi, enim kÊn it mat nin ndam, uⱡ ei nga puⱡ ei, enim ndi, kapⱡa mondÊk pili nÊpiling!’” nitim. 42 Wote, Pol Barnapas raⱡ, ik mbo endkÊⱡ pora ndukÊⱡ, atinga manga kel ni, wak rokÊⱡ pinggil elinggila, wote wamp morung nimbÊ ndi, aldpa mowi kor ti kÊn ok, ik mbÊ nga mat nÊnggil ku nÊtÊng. 43 Wamp morung nimbÊ, elpa elpa puⱡÊngina mel, wamp minal kÊn, wamp rÊⱡaip elpa mat, Jura nga uⱡ etmin mbila kÊn ok, Pol kÊn Barnapas raⱡ kÊn, rÊp rorung. Wu raⱡ ndi, wamp mbÊ kÊn, Got nga wamp poⱡ ti uⱡ ila, ronduⱡ mundÊk pek muⱡÊi, nÊk man ngorÊnggil. 44 Wote, merÊng mowi kor ti kÊn, kona peng ila petmin wamp mbÊ pora, Got ei nga ik ei, pilmin nÊk ruk orung. 45 Ui ei kÊn, amp mam ti orung ni, Jura wu mbÊ kandÊk, munt mi telinga, popÊⱡ kulk, Pol nga ik nitim nimbÊ, rok mana nduk, ik mbuldung orunga nÊndÊk etÊng. 46 Uⱡ ei mel etÊng ila, wote Pol, Barnapas raⱡ, ronduⱡ mundÊk, punt rok, nÊkÊⱡ mel, “Got nga ik mong ei, enim kuimp tep kundÊp nimbuⱡ. Ei nga wote, en enim ndi, uⱡ nga kÊnt nga kont uⱡ ei, mi ronmin kant ei kÊn, enim wak ropÊn wamp kÊⱡ rÊⱡaip elpa ik ei, kundÊp ninimbÊⱡ. 47 Nuim ei ndi, tÊn mi ik ei, Buk Wingti ei ndi, ei mel nimba ngurum, ‘Na ndi, enim wamp rÊⱡaip elpa kÊⱡ nga rÊⱡang ei mondunt, ei mel molkÊn, muⱡ kÊmp mbila, Got nga wamp etpa ti uⱡ ei nga, nÊkÊn mekÊn pi!’” nitim. 48 Wote, wamp rÊⱡaip elpa ok morung nimbÊ, ik kÊⱡ pilik numan ngÊk, Nuim ei nga ik kÊⱡ mbi paka rondrung. Wote, uⱡ nga kÊnt nga kont uⱡ ting wamp mbÊ, kÊmp ropa titim mat ila ok, morung nimbÊ, Got kÊn mondÊk pÊtÊng. 49 Nuim ei nga ik ei, kona mbila, ndaip nimba purum. 50 Wote, Jura wu nimbÊ ndi, kona peng ila nga rÊp wu nimbÊ kÊn, rÊⱡaip elpa amp mbi mul mbÊ, Got nga mbi paka rondurmun wamp nimbÊ, kunt roⱡungina, Pol Barnapas raⱡ kÊn, nÊk kit mondÊk, enim nga mÊi ila muⱡi nÊmbÊⱡÊnggil mon nÊk, rok makrÊk mundrung. 51 Ni kÊn, wu raⱡ en enmbilinga, kÊmp kÊnggÊpÊn nimbÊ, kona ila ndanda ndukÊⱡ, mundkÊⱡ. I etÊk pendkÊⱡ, Andiyok kona ni wak rokÊⱡ, Aikoniyum kona ila purÊnggil. 52 Wote, Andiyok kona ila kitip kÊni wamp nimbÊ, Muⱡnga Wingti ei ndi, peka roⱡnga, numan kai pilik, ambulk palk morung.