Aposel 11

1 Nombuⱡa rung wu na, mondpa pili wamp Jura kona mbila pora petmin nimbÊ ndi, wamp rÊⱡaip elpa minal, Got nga ik ei, pilik tÊnmin nÊtÊng ik timan ni, pilik kapⱡa endÊtÊng. 2 Ei kÊn, Pita ndi, Jerusalem purum mel, Jura wu mat ndi, mondpa pili rÊⱡaip elpa wamp mbÊ nga kÊng kuptÊmin nÊk pilik morung wu nimbÊ ndi, Pita ik mura nguk nÊk mel, “Nim wamp rÊⱡaip elpa mbÊ nga kÊng kupti nÊpti mbÊ nga mang kona pukÊn, rÊng nokÊn in ei ka!” nÊtÊng. 4 Ei kÊn, Pita ndi, uⱡ puⱡ mondpa itim ni mel puⱡ mondpa, nimba mel, “Na Jopa kona peng ila atinga rop moⱡÊp, ur kÊmp mel kandÊp kundÊr ei, muⱡ kona kumba tilinga, muⱡ mbal na ni mel ti, muⱡ punt tÊmbÊkak ila moⱡpa, mana nduⱡnga omba, na mur ÊldÊ ila titim. 6 Muⱡ ei nga rukÊr orunga kÊndÊr ei, kimbuⱡa na, kng na, kui kÊi mel rakra mbÊ, pitim. 7 Wote, ik ti ndi, nimba mel, ‘Pita, oⱡa molkÊn, mel mbÊ rokÊn, nun ka!’ nitim. 8 Wote na ndi, punt rop, nÊmp mel, ‘Nuim ei na ndi, uⱡ ei mel, kapⱡa iti nÊtimp. Ei nambuⱡ emel, na nga keta ila mel ⱡar muⱡ na, kit mbÊ, nui nandÊr mon, ni ka!’ nit. 9 Wote, muⱡ kona ik pit ni ndi, wote na kundpa, nimba mel, ‘Got ndi, mel mbÊ kai nÊtÊm mbÊ, nim ndi, ⱡar morum ni nÊni mon!’ nitim. 10 Uⱡ ei mel etpa raldika elinga, wote mel ni, muⱡ kona ila oⱡa titim. 11 Uⱡ ei, kandÊp pora ndup moⱡmba, Sesariya kona ila wu raldika kat, na kÊn tÊk mundrung wu ni kÊⱡ ok, na pep mur manga nila ruk orung. 12 Wote, Muⱡnga Wingti ei ndi, na kundpa, nimba mel, ‘Nim numan ou ndukÊn, pili napilkÊn, wu kÊⱡ kÊn pi!’ nitim. Ei pilip kÊn, ya Jopa kona ila mondpa pili wu 6 ni kÊⱡ kÊn, Sesariya kona ila rÊp ropÊn, Koniliyas nga mang kona purmun. 13 Wote, puⱡmina, Koniliyas ndi, tÊn kundpa, elim Anggelo ti ndi, na nga mang kona omba, na ku, ndpa nimba mel, ‘Wamp mat tÊkÊn nombuⱡa rung mundana, met Jopa kona peng ila wu ti, mbi tek, Saimon Pita nÊtmin ei wangga ni! 14 Wu ei ndi, ik kai mat, nim kundpa nangga, ‘Nim kÊn nim nga wamp mbo mbÊ kÊn pora, Got ndi, enim etpa peng kont tÊmba!’ nitim. 15 Wote, na puⱡ mondÊp, Koniliyas nga manga ila ik nilmba kÊn, Muⱡnga Wingti ndi, wamp kÊⱡ kÊn mana urum. Ei kÊn, tÊn kitip kÊni wu kÊⱡ kÊn, kuimp tepa urum uⱡ ni mel ku, akup wamp ni kÊⱡ kun onum. 16 Wote, i elingina mel, Nuim ei nga ik ti nitim ei, tÊp mendÊp pit. Ei na nga numan ila omba rundrum ei ndi, nimba kÊn, ‘Jon wamp nu tinditim ei, nu ila mint titim. Wote, enim Muⱡnga Wingti ila nu ting,’ nitim. 17 Akup pilip pora ndonmÊn ei, tÊn unt Nuim Jisas Kraist kÊn mondÊp puⱡmina, Got ndi, tÊn elim nga mel ronduⱡ ei, wei gem ngurum. Ei wote, akup mbo wamp mbÊ, mel tenda i ku tÊnmÊn. Ei kÊn, na wu nam ei ndi, Got nga kongun ei mon nimp?” nitim. 18 Wote, wamp mbÊ pora, Pita nga ik ei, pilik kÊn, ik mura etÊng nimbÊ kelik, aldpa Got nga mbi paka ronduⱡ rok ei nÊk mel, “Ei kÊn, akup kanmin ei, wamp rÊⱡaip elpa mbÊ, Got ndi, etpa numan ropÊl rondpa, etpa kont tÊnÊm.” nÊtÊng. 19 Unt Stipen ni, rok kondrung ni kÊn, mbun mam ti oⱡnga kÊn, mondpa pili wamp nimbÊ, mbuⱡ mbaⱡ nÊk, elpa elpa purung. Mondpa pili wamp nimbÊ, puk kona elpa elpa, Ponisiya, Saipras kÊn Andiyok ni, kona kÊⱡ ila puk, Got nga rÊnang ik kai ei, Jura wamp kÊⱡ kÊn, mendpÊⱡ nÊk ngurung. 20 Wote, mondpa pili wu mat, Saipras kÊn Sairin ni kona raⱡ, ila nga wu mbo mat nga kat, Andiyok kona ila puk kÊn, Grik wamp mbÊ kÊn, Nuim Jisas nga RÊnang ik kai mbÊ, nÊk ngurung. 21 Nuim ei nga ronduⱡ ei omba, wu kÊⱡ kÊn telinga, wamp puⱡi numan ropÊl rok, Nuim ei kÊn rukrÊng orung. 22 Andiyok kona ila, uⱡ pitim mbÊ nga timan ik ei, Jerusalem rapa tenda wamp mbÊ kÊn puⱡnga, Barnapas ni, tÊk Andiyok kona ila mundrung. 23 Ruk mba kÊndrÊm ei, Got ndi, wamp mbÊ, memp minal pinditim ei kandpa, numan ndi koⱡpa wamp mbÊ, nimba ronduⱡ mundpa, Nuim ei, tÊk enim nga mundmong ila mondÊk, Nuim ei, rÊk rÊk ambulk gi nduk muⱡÊi nitim. 24 Barnapas ni, wu kai ei nga, Muⱡnga Wingti ei ndi, peka ropa moⱡnga, mondpa pili ronduⱡ puⱡnga, wamp minal Nuim ei kÊn rukrÊng orung. 25 Wote Barnapas ni, Sol kurpa, Tarsus ni kona ila purum. 26 Barnapas ni, Sol kandpa tÊpa kÊn, mepa Andiyok urum. Wu raⱡ molkÊⱡ, pana ti tÊk mundkÊⱡ, ropa tenda wamp mbÊ, ik mbo endkÊⱡ, wamp minal etÊk rukrÊng tÊtÊnggil. Andiyok kona ila kitip kÊni wu nimbÊ, mbi kont tek, “Kristen” nÊtÊng. 27 Ui ei kÊn, painui wu mat, Jerusalem molk, Andiyok kona ila purung. 28 Wu kÊⱡ nga ti, mbi tek, Akapas, nÊtÊng wu ni, Muⱡnga Wingti ei ndi, ronduⱡ nguⱡnga, oⱡa anggilpa, nimba mel, “Kump kun kan kit ti, ya Rom nga mÊi kÊmp mbila pora, nondpa ekit omba,” nitim. (Ui ei, Rom kona ila nga wu nuim mumuk Klotiyas ni, nuim murum ei kÊn ekit urum). 29 Kitip kÊni wu nimbÊ elpa elpa, en enim nga ku na, mel tÊtÊng mbÊ, mondpa pili wamp ÊngÊnÊl mat, met Juriya kona ila morung nimbÊ, tÊp rÊpÊndmin nÊk, ik nÊk pilik, tÊk tenda itmin nÊk, pilik tÊk kun etÊng. 30 I etÊk kÊn, en enim nga ku moni nimbÊ tÊk, Got nga rapa tenda wamp mbÊ nga rÊp wu mbÊ nguimin nÊk, Barnapas kÊn Sol raⱡ nguⱡngina, mek pukÊⱡ, rup wu mbÊ ngurÊnggil.