2 Timoti 3

1 Nim pilkÊn muⱡi! Ui pora nimba ei kÊn, uⱡ mindil nui mat ou ndupa omba. Wamp mbÊ, en enim ou nduk numan ngok, mel mbÊ mok rui narÊk, en enim nga kÊng orunga mel mbÊ nga ou nduk pilik, ku moni minal numan ngok, en enim nga kaip nÊndÊk iting. Kara pok, Got tÊk ik kuldÊk, tipam mamÊl nga ik tÊk roi nduk, Got kÊn angge nandÊk, uⱡ wingti mbÊ, tÊk mbÊⱡ nguing. 3 Wamp mbÊ, uⱡ kai mbÊ iti natÊk, wote wamp mat kont kuⱡi nalk, wamp ik mbuldung nÊndÊk, en enim nga mul orunga rÊp iti natÊk, wote uⱡ kai mbÊ, numan ngui nganggÊk iting. 4 Wamp mat, rok kunding mbÊ nga ruk molk, omba numan ingk mat pili napilik, wote numan meka rui ei ndi, wamp mbÊ kÊn peka romba. KÊng orunga iting uⱡ mbÊ, numan minal ngok, Got numan ngui ngÊnging. 5 Got nga uⱡ mbÊ, kÊng orunga mint ambulk molk, Got nga uⱡ ronduⱡ kupa mbÊ wak rok, tÊk mbuⱡ ngok, wu i etpa mbÊ kandkÊn, ok tÊkÊn muⱡi! 6 Wu mbÊ nga mat, wamp mat nga manga mbila puk, amp numan kun etpa pi napÊtÊm mbÊ kandÊk, ik kol rok ngurmin. Amp mbÊ, en enim nga unt uⱡ kit na, wote numan kit na mbÊ ndi, en enim nga numan orunga peka roⱡnga, uⱡ kit mbÊ numan ila peka rorum. 7 Amp mbÊ, ik pili nÊpiling, wote ik kupa ei, pilik mbi ndui nÊnding. 8 Ei wote, wu Janis kÊn Jambres raⱡ, ik kupa ei, tÊk mbuⱡ ngokÊⱡ, Moses kÊn kapⱡa mendkÊⱡ el rorÊnggil. Ei mel ku, wu elpa mbÊ nga numan kai mat mon. Omba wote, nondpa pili kupa mat, tek muⱡi nambÊrmÊn. 9 Wamp kit i etpa mbÊ nga kongun eng uⱡ mbÊ, mba ruⱡ pi napÊmba. Wu Janis kÊn Jambres raⱡ kÊn pitim ni mel, wamp kit mbÊ nga uⱡ wÊlÊ eng mbÊ, kandÊk poⱡ nduing. 10 Wote, nim na nga man ik ei kÊn, ik nÊmp, nombuⱡa andÊp, numan pilip et uⱡ mbÊ, nim pep ron. Wote, na nga mondpa pili uⱡ, pilpa ment ndui uⱡ, wamp numan ngui uⱡ, wote wamp ndi, na mbun nguⱡungina, mbun tÊp ronduⱡ mbo mor uⱡ mbÊ kÊn, wote kÊng orunga mindil ngormÊn uⱡ mbÊ, nim pilkÊn poⱡ ndukÊn morÊn. Nim pilik morÊn ei, na wil Andiyok kÊn Aikoniyum, wote Listra kona kÊⱡ ila, na rok kunding pilik etÊng ni, Nuim ei ndi, na tÊpa rÊpÊndrÊm. 12 Wamp nam ti, Kraist Jisas kÊn rÊmp ndupa moⱡpa, wote Got kÊn mint muⱡimp nimba pÊtÊm wamp ei, mbun mindil kit mbÊ ting. 13 Wu kit mbÊ kÊn, ik mbo wu kol na mbÊ, en enim ik kol rok rukÊr titmin ei mel, wamp puⱡi ik kol rok nguⱡina, wote en enim kÊn wamp mbÊ kÊn pora, uⱡ kit ila mana purmin. 14 Wote, nim ik ei pilkÊn morun. Nim unt kang kel murÊn ei kÊn, Buk Wingti ik kÊⱡ pilkÊn morÊn. Ya buk ila nga, nim pilpa kungundi kai mat ngorum. Ei nga, nim Kraist Jisas mondkÊn pilkÊn muⱡana, Got ndi, nim etpa tÊmba. 16 Buk Wingti ila petÊm ik mbÊ, Got ndi, nimba nguⱡnga, mon rorung. Ik ronduⱡ kÊⱡ, tÊn numan kai mbo rondpa, uⱡ ⱡawa etmin mbÊ, etpa mot ndupa, wote tÊpa kun mundpa, moⱡpa kundi orunga muⱡmin ei mel, man ngorum. 17 I etÊm uⱡ ei ndi, Got nga kongun wamp ei, kongun kai elpa elpa mbila, etpa mura mondrum.