2 Tesalonaika 3

1 AngmÊn, ya mon ei pora nimba ila, enim tÊn nga nÊk, Got kÊn atinga rangina, ya Wu Nuim ei nga ik mong kai kÊⱡ, enim kÊn tenim ei mel ku, kona wei mbila, kÊmp kÊm tepa ndaip nimba, kapⱡa etangga! RÊnang Ik Kai kÊⱡ, mbi muⱡangga! 2 Wote, ti pundmong wamp moⱡung kona mbila, Got ndi, tÊn etpa tangga nÊk pendÊk, atinga rÊi! Enim pÊtmin ni, wamp puⱡi, Got nga RÊnang Ik Kai kÊⱡ, mondÊk pili napÊtmin ni ka! 3 Wote, Wu Nuim ei, uⱡ kupa mbÊ mint etÊm. Ei ndi, enim ronduⱡ ngumba rÊp itangga! Wote wu kit ei ndi, enim omba, ti nÊtangga! 4 TÊn Nuim ei ndi, numan ronduⱡ nguⱡnga pÊnmin ei, enim iteing nitmin uⱡ nimbÊ etmin. Ni mel ku, akup itÊi nÊnmin uⱡ mbÊ, etÊk mint muⱡÊi! 5 Nuim ei ndi, enim nga numan orunga tÊpa kun mundangga, Got nga wamp kaimp kul uⱡ mbÊ kÊn, wote Jisas mbun titim mel ku, enim mbun tÊnmin ei pilik, mbi nduk kÊn, ronduⱡ mundÊk muⱡÊi! 6 AngmÊn, Nuim Jisas Kraist nga mbi ila, enim kÊn ronduⱡ mundpÊn ik ti nÊnmin ei, angmÊn mat, tÊn ndi, molk kai mundeing nimbun ik man ngurmÊn mbÊ, pep rui narÊk, enimp mondÊk enmin wamp mbÊ kÊn, ruⱡ etÊk muⱡÊi! 7 Enim pilik pora nduk mormin ei, tÊn enim kÊn rÊp rop murmÊn ni kÊn, tÊn enimp mundi nÊmÊndÊrmin ni mel, enim uⱡ ei mel ku itÊi! 8 Enim rÊng na mat, tÊn ngorung ndam, wei ti nÊtÊtmÊn mon, mel ti ngumbun ku titmÊn. TÊn rumbuldi, rÊnggilmÊ raⱡ, kongun nduip nduip ngumbun itmin ei, wamp ti etpÊn mbun ngui ngÊngmin pilpÊn itmin. 9 TÊn enim nga rÊng na mbÊ, wei noⱡmina ei, wote iti nÊtÊtmÊn. Ei nambuⱡ emel, enim kongun etÊk, rÊng neing nimbun etpÊn ora ndurmÊn. 10 Unt, enim kÊn murmÊn ei kÊn, tÊn enim kundpÊn nimba mel, “Wamp nam ti, kongun iti natÊm ndam, rÊng nui nÊnangga, mon!” nÊtmÊn. 11 TÊn i nitmin ei nambuⱡ emel, enim mormÊn ruk ting ila, wamp mat kongun iti natÊk, enimp mondÊk wamp mat nga etmin uⱡ mbila, rok nde pendÊk andÊrmin ila kandÊp nÊtmÊn. 12 Nuim Jisas Kraist nga mbi ila, wamp kÊⱡ kÊn, ronduⱡ mundÊp nÊnmÊn ei, ropa nde ti wamp mbÊ, koⱡ etÊk molk, rÊng mbÊ, en enim kongun etÊk kandÊk tÊk neing. 13 Wote angmÊn, enim uⱡ kai mbÊ iting ei nga, enimp mundi nÊmÊndÊi! 14 Enim int mormin ila wamp nam ti, ya mon ropÊn ngonmÊn ik ei, pep rui narÊm ndam, wamp ei kandÊk ok, tÊk muⱡangina, elim pipil kuⱡangga! 15 Wote, wamp ei tÊk, enim nga el rui wamp mel rundi nÊndÊi! Enim nga wamp ÊngÊn mel randÊk, man nguk itÊi! 16 Moⱡpa kundi uⱡ mbÊ nga puⱡ petÊm Wu Nuim ei ndi, enim ui mbila rÊk rÊk namba uⱡ eng mbila, moⱡpa kundi numan ei ngangga! Wote Nuim ei, enim kÊn muⱡangga mint! 17 Na nga ki ei ndi, mon ya ei ront! Na Pol ei ndi, enim kun rawe ent. Ei kÊn, na nanim mon ror mbila pora, tip timal mel etÊp, mbi ror ei mel ront. 18 Nuim Jisas Kraist nga wamp poⱡ ti uⱡ mbÊ pora, enim kÊn kan piyangga!