2 Korin 6

1 TÊn Got nga ronduⱡ ila kongun etpÊn kÊn, enim ik ronduⱡ kat kundpÊn ninmÊn. Enim Got nga wamp poⱡ ti uⱡ ei, tÊk pora ndurÊng. Uⱡ ei, enim ndi, nÊwa wak rui nÊrÊi, mon! 2 Got ndi, nimba mel, “Na nga ui kai ila, na ndi, nim nga ik nitin ei, kum tep pit. Na nim etÊp timp ui ila, na ndi, nim tÊp rÊpÊndÊnt,” nÊtÊm. Enim pilik kai itÊi! Akup nga ant ila, Got nga wamp poⱡ tÊmba ui ei, akup. Wote, wamp etpa tÊmba ui ei, akup ku. 3 TÊn nga kongun enmÊn ei, wamp ti ndi, nÊk kit mundi nÊmÊndeing nimbun kÊn, wamp ti nga nombuⱡa mam ila uⱡ ti etpÊn, kit mundi nÊmÊndÊrmÊn, mon! 4 Wote ei kelpÊn, tÊn Got nga kongun wu kÊⱡ mormin nimbun kÊn, namba uⱡ etmin mbÊ, wamp mbÊ kÊn tÊpÊn, ora ndurmÊn. Mbun elpa elpa mat, tÊn kÊn orum ku. Wote, uⱡ kit mat ndi, tÊn etpa kit mondnÊm ku. Wote, tÊn ronduⱡ mundpÊn mormin mint. 5 TÊn tÊmbÊⱡ ndi rok, kan nguk etmin. El puⱡa wamp mbÊ ndi, tÊn tÊk ruk nduk mondÊk, ik kit nguk etmin, kongun minal etpÊn, ur pi napÊtmÊn, kump kun pukÊ moⱡpÊn etmÊn. 6 TÊn numan kun kai mbÊ pilpÊn, uⱡ eng nui kupa mbÊ mint etmÊn. TÊn ik mura tÊkÊrpÊn iti natÊtmÊn. TÊn ndi, Got nga kongun wamp mbÊ, etpÊn kai mint mondurmÊn. Muⱡnga Wingti nga ronduⱡ ei, tÊn kÊn tetÊm ila, tÊn ndi, wamp mbÊ numan ngurmÊn. TÊn nga keta ila mint, ni nandÊtmÊn, mon! Wote, tÊn ik kupa ei mint nimbun, ekit ndurmÊn. TÊn Got nga ronduⱡ ila mint kongun etmÊn. TÊn numan kun kai kÊⱡ mint pilpÊn kÊn, rÊk rÊk uⱡ kit mbÊ, el ropÊn itmin mel mbÊ tÊpÊn, ki mbo orunga ambuⱡpÊn, wote ki rar orunga ambuⱡpÊn, el etmÊn. 8 Wamp mat tÊn nga kaip nÊndÊtmÊn, wote wamp mat ndi, tÊn nga orunga nÊk kit mondurmin. Wamp mat ndi, tÊn nga ik mbuldung nÊndÊtmÊn. Wote wamp mat ndi, mat kundÊk, tÊn uⱡ kai mbÊ etmÊn nÊtmin. Wamp mat ndi, tÊn ik kol ronmÊn nÊtmin. Wote ei mon! TÊn ik kupa ei, mint nÊtmÊn. 9 Wamp mat ndi, tÊn pilik mbi ndui nandÊrmin. Wote, wamp mat ndi, tÊn pilik mbi ndurmin. TÊn koⱡmina ei nga, wote kont mbun mormÊn. Got ndi, tÊn tÊmbÊⱡ ndi rorum ei nga, ropa tÊpa kun mundpa kÊn, tÊn tÊmbÊⱡ ndi ropa, kundi nakÊndrÊm. 10 TÊn numan mbun kandÊp tÊtmin ku. Wote, rÊk rÊk numan kai pili uⱡ ei, tep mormÊn. TÊn wamp kurpa na ni mel raⱡÊp moⱡpÊn, wote wamp minal etpÊn, nuim mondurmÊn. TÊn mel mat, tepÊn muⱡi nambÊrmÊn, wote Got nga mel puⱡi, tÊn tep mormÊn. 11 Enim Korin wamp mbÊ ye! TÊn ndi, enim numan minal ngumbun kÊn, tÊn nga ik rukÊr orunga pÊtmÊn mbÊ, enim kÊn nimbun piral ndupÊn ngunmÊn. 12 TÊn ndi, enim kÊn, numan minal nguⱡmina. Wote, enim ndi, tÊn numan ngui nganggÊk kÊn, enim nga numan orunga tÊn kÊn, kumba rok mormin. 13 Akup na ndi, enim kundÊp nÊnt. Uⱡ ei, tipam ndi, kangambuⱡa mbÊ kÊn, nÊtÊm ni mel nÊnt. TÊn ndi, enim numan ngunmÊn ei mel, enim ndi, tÊn numan minal ngÊi! 14 Mbo wamp kÊⱡ, wamp rÊⱡaip kat mormin. Enim wamp kÊⱡ kÊn rÊp rok andÊk, uⱡ mat eng mbÊ, tÊk rapÊndÊk iti nÊtÊi, mon! Uⱡ kun kai ei kÊn, uⱡ kit iti uⱡ ei kÊn, kapⱡa tÊp rak nduimÊn ei? RÊⱡang ei kÊn, rumbÊⱡ ei kÊn, tÊkÊⱡ rak ndukÊⱡ kongun etmbil ei? Ei mon! 15 Kraist kÊn Seitan raⱡ numan tenda pÊtÊmbil ei? Mondpa pili wamp ei kÊn, mondpa pili nÊpili wamp ei kÊn, numan tenda pÊtÊmbil ei? Ei mon! 16 Kur kit atinga rundi uⱡ ei kÊn, Got nga manga wingti raⱡ, tÊk rak ndukÊⱡ kongun etmbil ei? TÊn pÊtmÊn ni ka! Got rÊk rÊk kont morum. Ei nga, manga wingti ei, tÊn wamp mbÊ mormÊn. Got ndi, nimba mel, “Na ndi wamp mbÊ nga ruk ting ila moⱡÊp, rÊp rop nombuⱡa andÊp itamba kÊn, wamp mbÊ, na kÊn muⱡangina, na wamp mbÊ nga Got ei muⱡimp,” nÊtÊm. 17 Wote Got ndi, nimba mel, “Enim ndi, wamp uⱡ kit etmin mbÊ, wak rok puk, ronggÊt elpa muⱡÊi! Enim mel ⱡar morum mbÊ, ÊmbÊⱡi nÊmbÊⱡÊi! I tangina kÊn, na ndi, enim rukÊr timp. 18 Uⱡ i eng ndam, na enim nga Tipam ei muⱡamba kÊn, enim wamp mbÊ, na nga kangambuⱡa kÊⱡ muⱡing, Got Wu Ronduⱡ Pi ei ndi, ik mbÊ nÊtÊm."