1 Pita 1

1 Na Pita, Jisas Kraist nga nombuⱡa rung wu. Na ndi, mon ei rop, enim Got nga wamp kat, mbi ropa, en enim nga mÊi mang kona ila wak rok, mbuⱡ mbaⱡ nÊk puk, kona Pontas, Galesiya, Kaparosiya, Eisiya na Bitiniya, kona mormin wamp kÊⱡ kÊn, mon rop ngunt. 2 Enim Got Tipam ei ndi, unt kor nga pilpa pora ndupa, mbi ropa elim kÊn rukÊr titim. Muⱡnga Wingti ei ndi, enim etpa wamp wingti mbÊ mundangga, Jisas Kraist nga ik ei, teng nduk tangina, wote elim nga mema ei ndi, enim ⱡumÊi rangga. Got nga wamp poⱡ ti uⱡ, wote moⱡpa kundi uⱡ mbÊ, enim nga ruk ting ila tepa, peka ropa kuimba kuⱡangga! 3 TÊn pÊtmÊn ei, Got ndi tÊn wi ropa, ruk rung titim ei, elim nga uⱡ eng nui tetÊm ei kÊn, wote elim nga uⱡ kun kai tetÊm ila, kunda muⱡeimÊn nimba itim. Ei nga, Got elim nga ronduⱡ ila, tÊn uⱡ kun kai mbÊ, elim pÊtÊm ei mel pep rÊmin nimba, tÊn mel minal ngurum. 4 Wote tÊn ndi, Got elim nga wamp mbÊ nga memp kai teing nimba tÊndÊtÊm mbÊ timin ei nga, nokundÊp mormun. Memp kai ei, wi muⱡ kona tÊndÊtÊm ei, purpa kit moⱡpa, wei ai iti natÊtÊm mon! 5 Enim Got kÊn mondÊk pilingina, wote elim nga ronduⱡ ei ndi, enim nokundÊk nga molk kai mondunmin. Enim etpa tÊmba uⱡ ei, muⱡ mÊi raⱡ pora nimba ui ou ila, ekit omba ei nga tÊpa kun etpa tetÊm. 6 Uⱡ ei nga, numan kai pilik muⱡÊi! Akup ya mÊi kona ila ui onunga kÊⱡ ila, oⱡa tÊpa, kÊni uⱡ mbila ou ndupa, mbun mindil tÊnmÊn. 7 Mbun mindil mbÊ ndi, tÊn nga mondpa pili orunga, ronduⱡ mbun kun kai muⱡmin, muna mon, ei tÊn kanÊmba orum. TÊn pÊtmÊn ni, ku gol pora nimba mel ei, ndip ila ruk nduk kalk, wote ekit tÊtmin. Ei mel, tÊn nga mondpa pili uⱡ ei, gol mel, kapⱡa mon! Ei nga, tÊn nga mondpa pili uⱡ ei, ndip mel ila ruk mba, wote kai etpa ekit omba. Wote, Jisas Kraist omba pena ila moⱡmba ui ou ila, enim nga mondpa pili uⱡ ei, rom kaip, mbi ou ti uⱡ, tÊpa ou ndui uⱡ mbÊ, enim kapⱡa ting. 8 Enim Jisas kÊni nakÊndÊrmin kep, enim nga numan ei, elim kÊn tetmin. Enim akup elim kÊni nakÊnmin, wote mondpa pili uⱡ ei, ambulk mormin. Ei ndi, enim nga mondpa pili orunga, ting mel ei, tÊnmin ei, min orunga etpa ti uⱡ ei, uⱡ i etÊk, ambulk palk, numan ti elpa elinga mormin. 10 Painui wu kÊⱡ ndi, etpa ti uⱡ ei nga ik puⱡ ei, etÊp pilmin nÊk pilik, kongundÊk kurÊk puk, wote Got nga wamp gem ui uⱡ ei, enim ngumba ei nga, ik pai nok nÊtÊng. 11 Ni kÊn, etpa ti uⱡ ei, ui nant kÊn omba, wote etpa omba mel nant, ik puⱡ ei nga kombulk pÊtÊng ku. Ui ei kÊn, Kraist nga Muⱡnga ei, ik painui wu mbÊ kÊn, omba moⱡpa, Kraist wote omba, mindil nomba, mbi ou tÊpa etmba ei nga, kuimp tepa Muⱡnga ei ndi, oⱡa tÊpa unt nitim. 12 Got ndi, painui wu kÊⱡ, en enim nga uⱡ ti enmin nÊk, pili nÊpÊlÊi nimba, para ndupa ngurum. Ei mon, akup enim wamp mormin kÊⱡ nga ik nÊndÊtÊng. Ei nombuⱡa rung wu mbÊ ndi, RÊnang Ik Kai ei, muⱡ kona Muⱡnga Wingti tenda ei nga ronduⱡ ila ku, uⱡ mbÊ nga nÊk nguⱡungina pÊnmÊn. Wote anggelo mbÊ, ndi kunda uⱡ mbÊ pilip tamÊn, ka nÊk pÊtmÊn ku. 13 Ei nga, enim nga numan orunga tÊk kun mundÊk, tÊk mendÊk muⱡÊi! Enim nga numan tenda pendÊk, Jisas Kraist omba pena ila moⱡum ei, Got nga pol ti uⱡ nÊk nokundÊk muⱡÊi! 14 Unt enim pilik kun iti natÊk, uⱡ kit mbila ki nguk, uⱡ kit mbÊ nga numan nguk etÊng. Uⱡ mbÊ wak rok, akup Got nga kangambuⱡa ralk molk, elim nga ik ei teng ndÊi! 15 Wote Got ndi, enim wi ropa rukÊr tÊpa, wamp wingti kÊⱡ muⱡÊi nÊtÊm. Ei mel uⱡ, namba uⱡ eng mbila, wamp wingti ralk muⱡÊi! 16 Buk Wingti ei ndi, nimba mel, “Na wingti mor ei mel, enim wingti ku muⱡÊi!” nÊtÊm. 17 Enim Got kÊn atinga rok, mbi tek, Wuta nÊtmin ei ndi, wamp pora, en enim nga namba uⱡ etmin mbÊ, to tenda ila mint kÊmp tÊtÊm. Ei nga, ya mÊi kona ila ui onunga monmÊn kÊⱡ ila, Got nga mundmong endÊk, pek muⱡÊi! 18 Enim pÊtmin ni, unt enim nga anda kouwÊ kÊⱡ nga uⱡ kit mbo rondrÊng uⱡ mbila, kandÊk tÊk pep rok morung. Ei kÊn, namba mel ti ndi, enim etpa kan pilinga ndurum ei, pilik mormin. Ku gol, silpa mel mbÊ nga ronduⱡ pi purum. Wote ei ndi, iti nÊtÊtÊm mon! 19 Wote, Kraist nga mema ei, ronduⱡ minal petÊm ei ndi, enim etpa titim. Kraist ei, kng sipsip waⱡ na ti, kÊng nit pi nÊpi, ni mel ku. 20 Unt Got ndi, mel kanmÊn mbÊ pora, mim iti nÊti kÊn, Kraist mbi ropa oⱡa tÊpa, kongun ei tangga nitim. Akup ui pora ninim ila, enim nga nÊndpa kÊn, Kraist enim kÊn etpa mot ndunÊm. 21 Ei kÊn, Kraist ndi, enim tÊpa rapundÊⱡnga, Got kÊn mondÊk pÊnmÊn. Got elim ndi, Kraist on kona ila ⱡoporpa oⱡa tÊpa, mbi ou oⱡa orunga ngurum. Ei nga, enim Got mondÊk pilik, omba tÊmba ei nga numan kai pilik, kel rondÊk nokundÊk mormin. 22 Akup, enim ik kupa ei pilik tÊk, pep rok enmin ei ndi, enim nga uⱡ kit mbÊ, ⱡumÊi roⱡnga, min orunga etÊk kai mondunmin. Wote, enim nga mondpa pili wamp mormin mbÊ, numan ngunmin. Ei mel ku, ronduⱡ mundÊk angmÊn mbÊ pora, numan nguk muⱡÊi! 23 Ei kÊn, Got nga ik kont mba, uⱡ nga kÊnt nga tetÊm ik ila, enim rÊng mbo na, ni mel kont paka mila rong. Enim kangambuⱡa kel mel, kokila meng kÊⱡ, tipam ei, kuⱡi nakÊrÊm kont mba moⱡpa mint purum. 24 Buk Wingti ndi, ei nimba mel, “Wamp mbÊ pora, Êi ongum na mel penÊm mbÊ mel kapⱡa, Wote, wamp nga kÊng orunga mel tetÊm mbÊ, Êi ongum kuk ronum ei mel kapⱡa. Wote, Êi ongum ei, korum ei kÊn, elim nga kuk ropa, ekit ndurum ei, koⱡpa mana purum. 25 Wote, Nuim ei nga ik ei, uⱡ nga kÊnt nga kont tepa mint purum,” nÊtÊm. Ik ei, RÊnang Ik Kai int enim kÊn, urum ik waⱡÊm ei.