1 Jon 5

1 Wamp nam ti ndi, Jisas ei, Got nga ngurum wu ti, Kraist nimba, mondpa pilim ndam, Got nga kangambuⱡa raⱡpa moⱡmba. Wote, wamp nam ti ndi, Tipam numan ngurum ndam, elim nga kangambuⱡa mbÊ, numan ngorum ei mel ku ngumba. 2 TÊn Got numan ngumbun, elim nga mi ik mbÊ pep rÊmÊn ndam, wote elim nga kangambuⱡa mbÊ, numan ngormÊn uⱡ ei, pilpÊn mbi nduimin. 3 Wote tÊn ndi, Got numan nguimin uⱡ ei ndi, elim nga mi ik ei pep rÊmÊn. Ei nga, mbun ti mon. 4 Ei nambuⱡ emel, Got nga kangambuⱡa ralk mormÊn mbÊ ndi, mÊi kona ila uⱡ kit mbÊ, rok mana nduing. Ei nga, tÊn nga mondpa pili uⱡ ei ndi, mÊi kona ila uⱡ kit mbÊ, rop mana nduimin. 5 Wamp nam ti ndi, mÊi kona ila uⱡ kit mbÊ rop mana ndumba. Wote, wamp ti ndi, Jisas ei, Got KangÊm nimba, mondpa pilim ei ndi, mÊi kona uⱡ kit mbÊ, ropa mana ndumba. 6 Jisas Kraist ei, elim nu titim uⱡ ei kÊn, mema oi nilinga, kurum uⱡ raⱡ nga pol ila moⱡpa urum. Ei nu ila mendpÊⱡ mon! Wote nu ei kÊn, mema ei kÊn, raⱡ nga rak ndupa ei nga pol ila moⱡpa urum. Uⱡ ei ndi, uⱡ ei kupa ingk nimba kÊn, para ndupa nÊndÊtÊm. Wote, Muⱡnga Wingti ei, ik kupa ei nga puⱡ wu, ei morum. 7 Ei nga, uⱡ raldika kat ndi etÊk, mot ndurmÊn. Ei nga, Muⱡnga ei kÊn, nu ei kÊn, mema ei kÊn, wote raldika kÊⱡ, ik tenda mint nÊtmin. 9 Wamp nga ik nÊtmin mbÊ, tÊn pilip tÊtmÊn. Wote, Got nga nÊtÊm ik ronduⱡ ei ndi, wamp mbÊ nga ik ei, tÊpa mana ndurum. Nambuⱡ emel, Got nga nÊtÊm ik ei, elim nga KangÊm nga ik ei ninditim. 10 Wamp nam ti ndi, Got KangÊm mondpa pÊtÊm ei ndi, Got nga nitim ik ei, pilpa tÊtÊm. Wote, wamp nam ti ndi, Got KangÊm mondpa pili napÊtÊm ei ndi, Got nga nÊtÊm ik ei, ik kol ti nimba pÊtÊm. Nambuⱡ emel, Got elim nga KangÊm nga para ndupa nÊtÊm ik ei, mondpa pili napÊtÊm. 11 Uⱡ ei nga, para ndupa nimba mel, uⱡ nga kÊnt nga kont mul uⱡ ei, Got ndi, tÊn ngurum. Kont mul uⱡ ei, elim nga KangÊm ei kÊn petÊm. 12 Wamp nam ti ndi, Got KangÊm kÊn, rÊmp ndupa moⱡum ndam, wamp ei uⱡ nga kÊnt nga kont mul uⱡ ei tepa morum. Wote, wamp nam ti, Got KangÊm kÊn, rÊmp ndupa, muⱡi nambÊⱡÊm ndam, uⱡ nga kÊnt nga kont mul uⱡ ei, tepa muⱡi nambrÊm. 13 Enim Got KangÊm nga mbi ila, mondÊk pÊtmÊn uⱡ ei ndi, uⱡ nga kÊnt nga kont mul uⱡ ei, tÊk tek mormin. Ei nga, enim pilik muⱡeing nÊmp mon ei, rop ngunt. 14 Ei nga, tÊn pilip mbi ndunmÊn ei, tÊn Got nga kuimp keta ila ronduⱡ mbun moⱡpÊn, elim kÊn mel ti, mawa imÊn ndam, elim nga numan pÊtÊm ei mel pep ropa nimÊn mel, ei ngumba. 15 Got ndi, tÊn nga mawa etmin mel ei, pÊtÊm nÊmp pilmin ndam, mel ei, kupa ngumba nÊmp pilÊmin. 16 Wamp nam ti ndi, ÊngÊn kÊnangga uⱡ kit mat etpa mba, wamp kul uⱡ ei nga uⱡ kit mat, iti natÊm ndam, Got kÊn atinga rundangga, wamp ei, etpa tÊmba. Wote uⱡ ei, wamp kuⱡi nakÊrmÊn ei nga nÊnt. Uⱡ kit etmin ei ndi, wamp mbÊ kormun mint. Ei nga, Got kÊn atinga rundeing nÊmp ni nanÊnt, mon! 17 â± awa iti uⱡ mbÊ pora uⱡ kit mint. Wote uⱡ kit mat nga nit ila wamp kul uⱡ ei, pi napÊtÊm mon. 18 TÊn pÊtmÊn ei, Got nga kangambuⱡa raⱡpa morum wamp ti ndi, uⱡ kit mbÊ iti natÊtÊm. Nambuⱡ emel, Got KangÊm ei ndi, wamp ei, rÊp etpa moⱡnga, Seitan ndi, kapⱡa etpa kit mundi namÊndrÊm. 19 TÊn pÊtmÊn mel, tÊn Got nga kangambuⱡa raⱡpa mormun. Wote, ya mÊi kona ila wamp nga uⱡ kit etmin mbÊ, wu kit ei ndi, rÊp etÊm. 20 TÊn pÊtmÊn ei, Got KangÊm ei, ya mÊi kona ila omba kÊn, tÊn nga moⱡpa kundi uⱡ ei, ngurum ei nga, Got kupa ei morum. TÊn nga mondpa pili ei kupa, Got kÊn tepÊn mormun. Wote elim nga KangÊm Jisas Kraist kÊn raⱡÊp mormun ku. TÊn Got elim kupa morum ei ndi, uⱡ nga kÊnt nga kont mul uⱡ ei ngumba. 21 Na nga kangambuⱡa mbÊ ye! Enim got kep nui mbÊ nga, rÊp akilma itÊi!