ዓይኑሞ ማፃኣፖ 82

¹ ፆኦሲ ጫሪንጮ ቡኪንቶይዳ ሜሌ ፆኦዛ ቡካ ቡኪንቶይዳ ሙኪ ጴዺ ዎጌ ዎጋኔ፦

² «ዎጎ ዒንሢ ፒዜ ዎጉዋኣሢ ዎማ ሄላንዳኣናዳይ? ፑርቶ ዓሶ ማኣዲ ዒንሢ ጌስታሢ ዓይዲ ሄላንዳኣናዳይ?

³ ዎልቃባኣ ዓሶና ዜኤሮ ናኣቶናም ፒዜ ዎጉዋቴ፤ ሜታዼሢና ማንቃሢና ሄርቂንቱዋጉዲ ማዹዋቴ።

⁴ ዒጊኒ ባኣሢና ሜታዼሢና ሄሊ ዓውሱዋቴ፤ ሄርቂ ዎይሣ ዓሶይዳፓ ዔያቶ ዓይሱዋቴ።»

⁵ «ዔራቶና ማሊ ጶቂሥሢና ዒንሢኮ ባኣሴ፤ ዹሚዳ ሴካ ሃንጋ ዒንሢ ሃንታኔ፤ ሳዖኮዋ ዴማ ቢያ ካራና ዓጊፄኔ።

⁶ ታኣኒ፦ ‹ዒንሢ ፆኦዞኬ፤ ቢያሢ ዒንሢ ዼኤፖ ፆኦዛሢ ናኣቶኬ› ጌዔኔ።

⁷ ጋዓንቴ ዒንሢ ዓሲ ሃይቃ ጎይሢ ሃይቃንዳኔ፤ ዎይሣ ሱኡጎ ጎይፆ ጉሪ ዒንሢ ሎኦማንዳኔ።»

⁸ ፆኦሲዮ! ዔቄ፤ ሳዖ ዴሮ ዑፃ ቢያ ዎጌ፤ ዴራኣ ቢያ ኔኤሮኬ።