ዓይኑሞ ማፃኣፖ 53

¹ ዔኤያ ዓሲ ፔ ዒናና «ፆኦሲ ባኣሴ» ጋዓኔ፤ ዬያታ ፑርታ ዓሲኬ፤ ማዻ ዔያቶኮ ሻኣካያኬ፤ ዔያቶ ባኣካ ፔቴታዖ ኮሺ ማዻይ ባኣሴ።

² ማሊ ጶቂሣ ዓሲና ፆኦሲ ኮዓ ዓሲያ ዓኣቴ ዛጋኒ ዒዚ ጫሪንጫፓ ዓሶ ዛጌኔ።

³ ጋዓንቴ ቢያሢ ዣኣሌኔ፤ ዔያታ ፔቴ ማዒያ ፑርቴኔ፤ ዔያቶይዳ ፔቴታዖ ኮሺ ባኣዚ ማዻይ ባኣሴ።

⁴ ዓሲ ካሣ ሙዓሢጉዲ ዴሮ ታኣኮ ሙዓ ዓሳ ታና ዔኤሊ ዔሩዋ ዓሳ ዬያታ ፑርቶ ማዻ ዓሳ ፔቴታዖ ዔኤቢ ዛጊ ዔሩዋዓዳ?

⁵ ፆኦሲ ፔ ዴሮ ሞርኮ ሜንሤሢሮ ዎኖ ዎዳፓኣ ባሼ ዒጊቹሞ ዔያታ ዓርቄኔ፤ ዒዚ ዔያቶ ዒፄሢሮ ጋፒ ዔያታ ቦርሲንታንዳኔ።

⁶ ፂዮኔይዳፓ ዒስራዔኤሌም ዻቂንታ ዬዓያታቴ ዓይጎ! ፆኦሲ ፔ ዴሮኮ ዲዒንቴ ባኮ ማሃ ዎዶና ያይቆኦቤ ናኣታ ዎዛዻንዳኔ፤ ዒስራዔኤሌ ዴራኣ ኮሺ ዎዛዻንዳኔ።