ዓይኑሞ ማፃኣፖ 130

¹ ናንጊና ናንጋ ጎዳሢዮ! ዼኤፒ ዖዪሢዳ ዓኣዖ ኔ ታና ማኣዳንዳጉዲ ኔ ባንሢ ታ ዒላታኔ።

² ጎዳሢዮ! ታ ሺኢቃ ሺኢጲፆ ዋይዜ፤ ኔ ዋያ ታኣኮ ዒላቶ ዋይዛያ ማዖም።

³ ኔኤኒ ኑኡኮ ጎሞ ኮጲሳያ ማዔቴ ዖኦኒ ፒዜ ማዒ ሜቶ ዔኩዋ ዓታንዳይ?

⁴ ጋዓንቴ ኔና ኑ ቦንቻንዳጉዲ ኑኡኮ ጎሞ ኔኤኒ ዓቶም ጋዓኔ።

⁵ ታኣኒ ናንጊና ናንጋ ጎዳ ጶቂሢ ካፓኔ፤ ታ ሼምፓሢያ ዒዛ ጊቢ ካፓኔ፤ ዒዛኮ ቃኣሎዋ ታ ጉሙርቃኔ።

⁶ ዛቤ ካፓ ዓሲ ሳዓ ካራንዳጉዲ ኮዓያይዳፓ ባሼ ታኣኒ ናንጊና ናንጋ ጎዳ ጶቂሢ ካፓኔ።

⁷ ዒስራዔኤሌ! ዒዛኮ ናሹማ ናንጊና ናንጋያ ማዔሢሮ ዓሲ ዓውሳኒያ ዎልቄ ዓኣያ ማዔሢሮ ናንጊና ናንጋ ጎዳይዳ ሃጋ ዎዛ ጌሢ ጉሙርቄ።

⁸ ናንጊና ናንጋ ጎዳ ፔኤኮ ዴሮ ዒስራዔኤሌ ዔያቶኮ ጎሞ ቢያይዳፓ ዓውሳያኬ።