Matiu 7
SPP1 Ja nihoêo ea êahoêa panamahakame pu ja êuêo panamahuna. 2 Ijihunaêe Godira êunama kaêene jara ea êahoêa namahu kajaêinaêe Godi ja êuêo ijaêinaêe namahuna. êEje jara ichĂĄêina kaêene ea vajiêavajaho ijaêinaêe Godi ja vajihuna. 3 A rakijihunaêe vweu puni nia vaji taura kaêene namujaho kama êwaraêi kaivo oni nia vaji natohwaka namujaho marako pakama amairio? 4 A raka vene oni nia titi taura kaêene namu kahaêajaho papiêonaêi kaivo napuru puni nia vaji taura kaêene namujaho kama êwaramo? 5 êEnakĂșne iraêasinakere marakuêa oni nia vaji taura kaêene namu kahaêajaho piêonaêi kaivo ijiêa napuru puni nia titi taura kajaho ape piêonaêamana. 6 êEne ja uneunecha kaêene ariramaijija êua pavajiêavara. Ijihuni maijaho pu taêarohareje mwatumiêejakĂșne pavajiêavara. êEne joni uneunecha mamaijijahija maha pavajiêavara. Ijihuni maijaho pu maêeka tautiêejakĂșne pavajiêavara. 7 êEnakĂșne ja Godoni siporua êone jarima apena vaêakame Hu ja vajihuna. êEne ja sarama apena vaêavajaho ja kihuna. êEne ja vwicha êanaêanaa apena vaêavajaho Hu tirasahuna. 8 êEne ea irara siporua êone jarima apene vaêamajaho hu ijihuni mai êekahuna. êEje ea irara êunama kaji sarama apene vaêamajaho hu piunahuna. êEje ea irara vwicha kaji êanaêanaa apena vaêamajaho vwicha tatiranamahuna. 9 Ea irara harihuni puretiaêe êwaraêipisa hu muni mahaêe? 10 êEne hu kija jariraêipisa hu tapari mahaêe? 11 êEnakaivo ja ea siseakija joni harihija uneunecha mamairu vajihuraêe reêavajaho êĂș joni Oma kaêene akĂșpi êahi hinuji jariêavajaho Hu uneunecha mamairu pavajihuna raka? 12 êEne ja ura ea êahopo jona venaêavarono ura renaujaêinaêe ja ura renaêeje ea êahopuna venaêavara. Ikehuni maijaho varapa tamana êee poropetiepo najuhara. 13 êEnakĂșne vwicha kaêene ira mwahatitijino vaha. Ijihuni maijaho vwicha kaêene natohwijaho êunama niêimaêura kaêene veni vaêujina. êEjuêe ea mapokaêe ijihuna kajino vaêura. 14 êEnakaivo vwicha maêuêua kajaho êunama kaêene majama hihunijina êee kikisimaêuraêomo ea kwinu kwino piunavura. 15 êEnakĂșne poropetia iraêata najahiêinijija hami kiêavara. Pu joni roujaho sipia puni atehi same rohuna. êEnakaivo puni vajijaho nihoêo êua neêa saêina. 16 êEnaêomo puni êinijino samai kihuna. êĂ ea êwija ajina êahi êekure? êEne ea mitota vaji matakina nitehure? 17 êEnajihunaêe icha kaêene maijija êina maa rejura. êEjuêe icha kaêene siseijija êina sisea rejura. 18 êEjuêe icha kaêene maijija êina sisea parejuêe icha kaêene siseijija êina maa parejura. 19 êEne icha kaêene êina maa parejujija êuma veni jaura. 20 êEne puni êinijino samai kihuna. 21 êEnakaivo ea mapoka kaêene Na Natohwe Natohweru êwivujija Godoni ara pavahuna kaivo ea kaêene Nuni Oma kaêene akĂșpa êahi hinujara raka kaêene Hu ura renujiru veêavajipo vahuna. 22 êEnaêomo ijihuni vea kajara roêejaêe ijiêa ea mapoka Na ikaêina êwarihuna Natohwe Natohwe êĂș nĂș Oni ihi vuêa êwaravure? êEne Oni ihi êurahiêi êavena sisea ajimaêinijija siomahure? êEne uneunecha mapoka ea areri pavehuna nĂș vejure? êwihuna. 23 êEjakame Na ikaêina samamai pu êwarahuna Na nihoêo ja pakivurakĂșne usema vaêaha ea sisea vejiêinakije! 24 êEnaêomo ea irara ike Nuni vuêake hene veêamajaho hu areri ea kaêene vwiha mamai vwihajiêinijara araêe muna êahi vena hinujaêina. 25 êEnaêomo nehi pine sai hirame êee puri hiramujaho ara kajaho ninavume patiraêusahuna. Ijihuni maijaho ara kajaho muna êahi vejajihunaêe patiraêusunahana. 26 êEnakaivo ea irara Nuni vuêa henareje paveêamajaho hu areri ea kaêene hami pavwihajiêina kaêene huni ara ajara êahi venajaêina. 27 êEnajihunaêe neha pine sai hirame puuri êeêune ara kajaho êanaume êonajaho maijihi nihoêo aniêina tiraêusunaha êonana êiamana. 28 IjĂ vuêa kaji Jesura êwarame paêarejume ea mapoka mapoka ijĂ Hura najaha kaji hejajaho oja hwaêusunahara. 29 Ijihuni maijaho Hu nihoêo harurijiêi pu najahana areri Sikuraipiepo najahujaêina pana.