Matiu 14
SPP1 êEêeme vea kajino ea kaêene Karari ara kwaa êajohiêina kaêene Herotina êwavujaho Jesuni pinana henana. 2 êEnarena hu huni pwehwaha Jesu rona ijá êiama Ijaho Joni Papitisita kwamanaêomo kúêo êurina jihunaêe Huni harura niêimaêura rene êee emaa areri pavehuna venu êiamana. 3 Herotira Joniho kamoma ranavume tipurai hinana. Hu ijaêina kaêene venajihuni maijaho Herotiasiho Piripu kaêene Heroti oni êuêuijihuni naparaêomo ijà êwaravumakame tipurai ranamana. 4 Ijihuni maijaho Jonira Heroti ijá êwama Ara hu êwahajaho nihoêo êunama maa pana êwamana. 5 êEjumakame Herotira Joni êanaa kwaêamarono ura renana kaivo hu eaka mapokijihijaêe juhamana. Ijihuni maijaho pu ea mapokijija Joniho poropeti rojujihunaêe paêanaara. 6 êEnakaivo vea kaêene Heroti nahejari veijara rejuma kamarena Herotiasi oni êapajijara eaka mapokijihi puni unaêi javavumakame Heroti nihoêo teamama paranana. 7 êEjumakame Herotira ijà napara kajaho nahama êwaramarena ijá êwama Na ura a iraki ura renaêamajaho nahama êwarivakame na maêuta êwamana. 8 êEjume oahi êapajaha nimarako êwarama jihunaêe hu ijá êwama Iviamajai Joni Papitisita oni húmatiji tevua êahi ranama miha êwamana. 9 êEnakaivo Herotiho ijà henarena temumana kaivo hura ea mapoka puni unaêi nahama êwarama jihunaêe apena roe maêavarono êwaramana. 10 êEjume hu ea irechamiume vaêe Joni oni húmataêe tipura ari vaji êuhuara. 11 êEnareja pu êuhue tevua êahi raname apena roe napara kaji mahume hura apena vaêe oaha mahana. 12 êEjume huni tisaiporuepo roe huni hahijaho apena vaêe kwananaêi kaivo vaêe Jesuho êwaravara. 13 êEjumakame Jesuho ijà vuêa kaji henarena Hu kwaa kajaho areêi kaivo sisima êahi huhusumano kwaa ea paêajino vaêana. êEjumakame ea mapoka ijà henareja pu Hu êarariha vaêara. 14 êEjumakame Hu sisima vaji rena arihiêi eaka mapoka kaji kimarena oja turaêi êahaana. êEjumakame Hu puni ea kaêene atami êuniraviêinijija vejume sonahiara. 15 êEêeme ijihuni nusireijino Huni tisaiporuepo roe Hu ijá êwava Vea nipaêarena paranukúne eakija irechamie pu ari vaêe puni êiruma opuipo êimeja êwavara. 16 êEjume Jesura ijá êiama Pu pavahunakúne jara êiruma vajihakame pu ija êiamana. 17 êEjume pu Hu ijá êwava Núra êiruma kaêene irechama hijujaho puretia iropune êee kija noêoheêineruna êwavara. 18 êEjume Jesura ijá êiama êEka Nuni roha êiamana. 19 êEjume Hura eaka mapoka kajija êwaravume mweêi hijasavara. êEêeme Hu puretia iropune êee kija noêo êeke kahi ichutoi niriêi Godi teimani êwaviêi tuchame Huni tisaiporua vajihume pu êeke ea mapoka kajija vajihara. 20 êEjumakame ea mapoka kajija ijume túêama parajumakame Huni tisaiporuepo ijà pwina kaêene irechavajaho êekareja katija iropu ropu noêoheêi vejume itusahara. 21 Vea kajino parua kaêene êiruma kaji ijajija nihoêo mapoka mapoka (5,000) kaivo napara êee kasima patahara. 22 êEêeme Jesuho eaka mapoka kajihi irechamia vaêavaro ijà hiêi kaivo Huni tisaiporu irechamiume pu sisima êahi ajime toa ropunaêi urana vaêara. 23 êEêeme Hu eaka mapoka kajija irechamiume vaêeme Hu Huhusu vaêe huriêi ajime hine siporua êoêi vaêana. êEnarena vea nutui venajaho Jesuho ijino Huhusu hinana. 24 êEêejume ijihuni vea kajakaro sisimaijaho vaêu vaêume toa rira karohi areri pavaêi kaivo ijà apene karohi kahi ruvaêeme puuri hiramarena nihoêo siseraêi venana. 25 Ijá renajihuni veijaho nitunituhaêomo Jesuho puni roêi êahaume toa êaha kajino mumori roana. 26 êEjumakame Huni tisaiporuepo kaêeme Hu toa êaha kajino mumori rouma pu kamareja oja hwaêusahume ijá êwava êAvena sisei rou kavu êwamareja pu nihoêo juma emaavaravara. 27 êEjume niêaha kwino Jesura pu ijá êiama Naranakúne juvujaho areha êiamana. 28 êEjumakame Pitara ijá êumena Natohwe ijaho nimaae Arana reêamajaho êwarive na toa êahakino vuêuma êumenana. 29 êEjume Jesura ijá êwama Ijinakúne roa êwamana. êEjume Pitaho niêaha kwino sisima vaja kaji rene arihe toa êaha kajino Jesuni vaêana. 30 êEnarena vaêe Huni rori vaiêi puura kaêene hiramaji kamarena jumajaho niêaha kwino ijà toa vaji tusama êonana. êEnarena hu ijá êumena Natohwe niêajiha êumenana. 31 êEjume Jesura niêaha kwino ija joranajaho êunaviêi ijá êwama A maêuako nimaa ronana kaivo irakijihunaêe ara nimaa ronajaho aremane? 32 êEne pu noêo sisima vaji ajiêeme puura kaêene hiramajaho aremana. 33 êEjumakame ea kaêene sisima vaji hijajipo Hu oja mahiêi ijá êwava A nimaaêe Godoni Hariha êwavara. 34 êEêikaivo pu sua vaêe karaêi Jenesarati usevara. 35 êEjume parua mapoka ara kajiupo Hua hena kamareja êona vejume ara rora kajino atakina mapoka kaêene hijujaho aherama Huni roara. 36 êEnareja Hu pu makiêeje Huni ateha urijino êunave atama sonahiêamarono pu jariravara. êEnareja ea irahipo Huni ateha kaji êunavajaho atama puna mahoêo sonahiara.