Joni 3

1 êEne Parasi pina huni iha Nikotimasiho hu Jua puni natohwa. 2 êEnaêomo Nikotimasi naêii roe Jesu ijá êwama Najuhiêine nú niheju A Godoni rene roajihunaêe Ara venujaêinaêe ei pini areri vehuna pana. êEnakaivo Godira Hu huêúmo hiêamajarana êwamana. 3 Jesu eha vene ijá êwama Na nimaa nimaa a êwaravu. Ea kúêo panaheêavajaho hu Godoni ara pakahuna êwamana. 4 Nikotimasira Hu ijá êwama Icháêinaêe ea kaêene niemakina renajaho kúêo nahehune? êà hu êuname oahoni tea vaji vaêe kúêo nahehune? êwamana. 5 Jesura eha vene ijá êwama. Na nimaa nimaa a êwaravu. Ea toa êee Godoni êAvenijara naheêamajiana vo hu Godoni ara pavahuna. 6 Hahi jihuniji nahenaujaho hahi jihuna kaivo Godoni êAvenijara nahenaujaho êAveni jihuna. 7 A nihoêo kúêo nahenahunaêe êwavujaho maiêo oja pahwaêusahaêamana. 8 êAsiasiapo pu ura renau jaêinaêe hwasihuêe nú nihijura. êEne nú nikivura kaivo ijaho ichihi rene roe êee vaêujaho nú pahena pakavura. êUnama nikwinuêina kajaêinaêe Godoni êAvena vaji kúêo nahenaujaho ijaêina êwamana. 9 Nikotimasira eha vene ijá êwama Ijaho icháêina reêeja êwamana. 10 Jesura eha vene ijá êwama A nihoêo Isureri opuni najahiêina kaivo êú a ijija nihoêo pahejiêine? 11 Na nihoêo nimaa nimaa a êwaravu nú raka kaêene hena kivujiru êwaravu kaivo a nihoêo núra êwaravujaho pahenuhu. 12 Na iki mweêi uneunechaka navuji rone êwaravuêe a panimai ronujaho vu Na kahi akúpa êahi navuji rone êwaraêipisa a icháêina nimaa rojaêa? 13 Ike heha! Ea pina akúpa êaha nihoêo pavaêana kaivo Emaa Puni Harihijara Huhusu ijí akúpa êahi rena roana. 14 Mosisira nechiêi tapara ichi êahi raname apena sanama jaêinaêe Emaa Puni Harihijaho ichi êahi raname apena sanahuna. 15 Ea irara Hu nimaa ronujaho hu majama hihuna apenu. 16 Godi mweêa kakaho oja nihoêo mahajihunaêe Huni Hariha nikwinuna kaivo Hu múhanaêomo ea irara Hu nimaa ronujaho hu papaêarehuna kaivo hu majama hihuna. 17 Godi Hariaha ranavume iki mweêi êotua paveêi roana kaivo mweêakara huni vaji maraêamarono roana. 18 Ea irara Hu nimaa ronujaho hu êotua pavehuna kaivo ea irara Hu panimaa ronujaho hu eha niapenana. Ijihuni maijaho hu Godoni Hariha nikwinu jihuni iha panimaa ronajihunaêe avanana. 19 Ikaho êotua vehuni jihuni êunamijina. Hanajiêina iki mweêi roana kaivo ea pu nutuviêina oja mahajihunaêe pu hanajiêinijaho pataarohara. Ijihuni maijaho puni êunama kaêene pura vejajija sisea. 20 Ea irahipo sisea vejujaho pu nihoêo hanajiêina senavura. Pu hanajiêini parohuni jihuni maijaho vejuroêi pura sisea kaêene vejujipo samaa hiraêavarono paroura. 21 êEnakaivo ea irara nimaa nimaiji venujaho hu hanajiêini hinu. Ijí hanajiêina kajara vejuêe hura iraka kaêene venajaho Godoni vaji venanaêe kivura êwamana. 22 Ijihuni túnaêi Jesuho Huni tisaiporu puêúmo kwaa iha Jutia vaêara. Naêia pina Hu ijí pu puêúmo hiêeme pu ea êunirame toi samaara. 23 Joni êuêo ea toi samaume êurijara. Kwaa iha Enani Serimi rori ijihuni maijaho ijí kwaa kajaho toa mapoki jihunaêe ea mapoka ijí vaêuma hu toi samaana. 24 Joniho maiêo tipura paranavume hinana. 25 Jua Joni oni tisaiporu epuêúmo tamana kaêene ija sovuji êwame nakaravara. 26 êEjume pu Joni oni vaêe ijá êwava Najuhiêine Hena! Ea kaêene karaêahuni Jotani naêijaêi a Hu rone nú êwarumajaho Hu ea toi samauêe ea mapokaêe Huni nianaa rou êwavara. 27 êEjume Joni eha vene ijá êiama Ea pina uneunecha pamajikari êekuna kaivo kahi akúpa êahi rene vajihujiruna. 28 Ja niheêeme na ja êwaravujaho na Kerisoho pana êivuta kaivo Hu maiêo paroêeme ranamiume urana roujina. 29 Ea irara napara rukinijaho hu napasina. êEnaêomo napasina napuhwa puêúmo ahuma hine napasi neju kaji Hura êwaramuji pu hene nihoêo teamanama paraju. Ijihuni hahi na Huni ira hejujaho nihoêo teamanima paranu. 30 Ijihunaêe Hu natohwa reêeje na maêuêua rehuna. 31 Ea irara kahi akúpa êahi rena roajaho Hu nihoêo niêimaêura. êEnakaivo ea irara iki mweêi rena roajaho hu mweêa kehuna. Ijihuni hahi hu mweêa kehuneru êwarahuna kaivo Ea irara kahi akúpa êahi rene roajaho Hu niêimaêura. 32 Ijihunaêe Hu raka kaêene kima henujaho êwaramuna kaivo pu pahene vejura. 33 Ea irara Huni ira hene apenujaho hu kamujaho Godiho nimaa nimai. 34 Ea kaêene Godira ranavume roajara Godoni irijaho êwaramuna. Ijihunaêe Hu Huni êAvena mina paveêikaêi mamahuna. 35 Omahi Hariaha oja maharena uneunecha mapoka mahoêo Huni ija tahi vajahana. 36 Ea irara Godoni Hariha nimaa ronujaho hu majama hihuna kaivo ea irara Godoni Harihijihuni ira henareêe pavenujaho hu majama pahihuna. êEjukame Godoni sena huni haha êahi namu.