Joni 21
SPP1 Ijihuni túnaêi soha iha Taipiriasi êwavujino Jesuho Hu icháêinijaho kúêo Huni tisaiporua najahana. êUnama ikaêinaêe Hu icháêinijaho najahana. 2 Saimani Pitane êee Tomasi kaêene Titimasina êwavujaho êee Nataneru kaêene Kena Karari orijine êee Jepeti oni harihija êee Huni tisaiporu noêoheêi ijihi puêúmo ahuma hijara. 3 Saimani Pita ijá êiama Na vaêe úa vesaêi vaêu êiamana. êEjume pu ijá êwava nú êuêo vuêajivu êwavara. êEjume hu pu puêúmo vaêe sisima êahi ajivara kaivo ijà naêia kajaho pu kija pasiriravara. 4 Súêu súêo vea maiêo ahasioêejuêe Jesuho ora samai naminana kaivo tisaiporua Jesura naminu parojara. 5 êEjume Jesu pu ijá êumena Sesa karijee ja vi kija siriravooo? êiavume pu eha vene ijá êwava Pana êwavara. 6 êEjume Hu pu ijá êiama Joni namea sisima ropunaêi manaêinijaêi apúsamareje ja kija siriraha êiamana. êEjume pu namea êene ropunaêi apúsavara. êEêikaivo pu tairiajaho areri parenana. Ijihuni maijaho kija mapoka mapoka ijà puni namea vajijaho ani renajihunaêe areria parenaara. 7 Jesura tisaiporu kaêene oja mahajara Pita ijá êwama Ijaho Natohwi jarana êwamaji Saimani Pita henajaho hu maisu kaukara venonanaêomo ateha ape apúsame mwamapi soha vaja kaji vajamana. 8 êEêeme tisaiporu êahoêa sisima maêuêua êahi roe kija kaêene namea vaji ituêoêunana nama kajaho tairia karohi rori vaêara. (Ijihuni maijaho rori vahuna mina areri 100 mita.) 9 Pu roe rori arihiêi kavume vena reêeme kija êee puretia ijihuni toi rejiêi navara. 10 êEjume Jesura ijá êiama Kija kaêene iviamaa jara sirirava kajaho êahoêa êeka roha êiamana. 11 êEjume Saimani Pitara vaêe ajime namea kajaho tairi apene iki samai roiêi kavume kija mapoka mapoka mamaêina (153) ijihuni vaji navara kaivo namea paturamana. 12 Ijiêa Jesu ijá êiama Roe êiruma ija êiamana. êEjume pu nihena kavajaho Hu Natohwiji kamareja pu ea pina paapome A Ea irarane? êwavara. 13 êEnarena Jesura roe puretia êeke tuama vajihe êee kija êuêo ijá venana. 14 Ijaho Jesura kwama êurinani túnaêijaho Hu êaha noêopisu Huni tisaiporu najahajina. 15 Pu êiruma ijume paêarejumakaviêi Jesu Saimani Pita ijá êwama Saimani Joni oni harihe a Na oja mihujara ikija asitahane? Hu ijá êwama Iêa Natohwe na A oja mahujaho A nihena kimu êwamana. êEjume Hu ija êwama Nuni sipia êuêua piiraêamana êwamana. 16 Hu kúêo êaha noêu ijà ijá êwama Saimani Joni oni harihe A Na oja miho? êwamana. êEjume hu ijá êwama Iêa Natohwe Na A oja mahujaho A nihena kimu êwamana. êEjume Hu ijá êwama Nuni sipia êajohaêamana êwamana. 17 êEne Hu êaha kúêo noêupisu ijà ijá êwama Saimani Joni oni harihe a nimaa Na oja miho êwavume Pitaho temumana. Ijihuni maijaho Hu êaha noêopisu ijá êwama A Na oja miho êwamajihunaêe hu temuvume ijá êwama Natohwe uneunecha mahoêo A nihena kimuna Na A oja mahujaho A nihenu êwamana. êEjume Jesu ijá êwama Nuni sipi êiruma vajiêamana. 18 Na a nimaa nimaa êwaravu a vea kaêene kivasa hinajaho a orono vwiha irame a ura ichihichihi vaêi êahaujaho ijà vaêuna kaivo a emaa reêamajaho a ichihichihi ura vaêi êahaêamajaho pu iji êunaramone vwiha iramahe a kwaa kaêene pavaêi êahaêamaji pu aherame vahuna êwamana. 19 Hu ikaêinaêe êwarama jihuni maijaho hura icháêinaêe kwavakame Godoni pinana êurihuniji rone êwaramana. Hu ijá êwaramarena ijiêa ijá êwama Na êararihia êwamana. 20 êEjume Pita ura taêarohiêi kamajaho tisaiporu kaêene Jesura oja mahujaho êararihie roana. Ea kajaho vea kaêene Jesu puêúmo êiruma ijari veijino Huni túra êahi mena hinanaêomo apoma ijá êwama Natohwe ea irara A nahamaêena? êwamajina. 21 Pitara ea kaji kaviêi Jesu ijá êwama Natohwe eakaho ichá rehune? êwamana. 22 Jesu ijá êwama Na ura eakaho hina apena vaêeje Na kúêo rohuna reêipisa ijaho oni kaukara panakúne Na êararihia roa êwamana. 23 Pu vwehwaha ijà henareja êwama apene ojiêi ijá êwava Ike tisaiporuakaho pakwaêena êwavara. êEnakaivo Jesu hu pakwaêena paêiamana. êEnakaivo Na ura eakaho hina apene vaêeje Na kúêo rohuna reêipisa ijaho Nuni kaukara êwamana êiamana. 24 Ike tisaiporu kaêene vuêake venukaho hu hena kimujihunaêe najahe êee asurakaho venu. êEnakaivo nú niheju Hura raka kaêene êwarumujaho nimaa nimaa. 25 êEnakaivo uneunecha mapoka kaêene Jesura venaji mahoêo heha êahi veêipisa mweêa ikaho puka kajihi irechahuna nihoêo areri parejaêa. Nijina.