Akisi 27

1 êEnareja nú vea kaêene Itari sisima ajima vaêiro vejajino Poruho êee tipura ea êahoêa Juriasi kaêene Aukasitani opuni sorutia niêinijihuni ija êahi irechamiana. 2 Aturamitiami opuni sisima kaêene Esia vaêiro venajino ea pina huni iha Arisitakasi kaêene Tesaronaika vaji Mesatonia orijaho nú puêúmo vaêana. 3 êEnaêomo ijihuni súêuhijino nú kwaa iha Sairani usevara. êEjume Juriasi hu Porunaêi hami venarena hu ranavume napuhwaha kiêi vaêana. Uneunecha kaêene hu areria paêajihi vajaêavarono vaêana. 4 Nú ijí rena vaêeme puuri hiravumakame Saiparasi hanaêijaêi vaêara. 5 êEnareja nú vaêe Sirisia êee Pamipiria puni soha rori vaêe Mara Risia vaji usevara. 6 Ijí ara kajino sorutia puni êajohiêina kajara Arekisanituria opuni sisima Itari vai vejume kame hu nú ijihuni toi irechamúana. 7 êEjume nú hine masuani vaiêi hiêeme naêia mapoka ijí paêarejara. êEnareja nú harura niêimaêura vejume vaêe Naitusi usevara. êEêeme puuri hirama rena tanuêu rúhumakame nú kaha pavaêara kaivo nú vaêe Kuriti Saramoni hanaêi vaêara. 8 Nú vea kisina soha êaha apejiêi asima roe Rasia ara niêinijaho Pea Heveni rorinaêomo ijí usevara. 9 Vea niêinijaho manisame paêareêeme núra sisima êahi vaêajaho nihoêo varapa piunahuni êunama renana. Ijihuni maijaho vea kaêene êaura arevujaho êuêo niroe paêarena jihunaêe Poruho pu nahame pavaêavarono êwaramana. 10 êEjumakaviêi Porura pu rurame ijá êiama Ea kije na kavujaho nú iviamaa vaêukaho sisea piunahune kukua êee sisima êuêo paêareêeje êee nú êuêo kwamasahiêi veêeja êiamana. 11 êEnakaivo sorutia ijaho sisima anesura êee kaputini ijihipuni vuêa nimaa roêikaêi Porura raka kaêene êwaramajaho pavejara. 12 Ruha kajaho sisei jihunaêe sisima naêia mapoka nahunijaho areri parenana. êEnajihunaêe ea mapokijipo êwame nimaa vejajaho ijí ruha kaji areme vahuna ura renaara. êEnakaivo pu ura renajaho mamako vaêe Pinikisi Kuriti vajinaêomo useme ijino hihuna ura renajihuni maijaho ijí sisimapo namijuri ruhijaho puura karoêahuni vea êonujaêi parene êeêununa. 13 êEnajihunaêe hwasisia kamaêi ikikahi masuani ninavume pu vwihajajaho sisima vahuni êunama maranu roêikaêi sisima anika tajahene apena vaêe Kuriti soha romai ijikari vaêara. 14 êEêeme êaha josu pareêeme niêaha kwinu puura niêimaêura kaêene Urakwiro êwavujara hiramana. 15 êEjume nú puura vaja kajino vaêajaho areri parejume nú ijá areêeme maiji soha rira kajino vaêana. 16 êEnareja sisima ninuma vaêe mutumutua iha Karota rori vaêana. êEnareja nú nihoêo harura niêimaêura vene eaha maêuêua kaêene sisima êahi namajaho vevahanavara. 17 Pu nihoêo jumareja sisima niêajaêamarono aja niêimaêura apene sisima êaha muêoa kaji vevahavara. Pura juvajihuni maijaho Seritisi ajataki ajimareje kirana nahuniji vwihanareja avajara. êEnareja pu sisima kajihuni aja kaêene ateha vevahivajaho rasaêi sisima kajaho mapirana êoêojume mají vaêana. 18 Ijihuni súêuhijino puura kajara majama hiramarena apena karohi kahi vejumakame pu êiruma kaêene ijino sisima vaji navajaho êeka atoêaruvara. 19 êEjaraêomo naêia noêopisu paareêeme ijihuni súêuhijino sisima kajihuni aja êee ateha pu puni iji êeke atoêaruvara. 20 Naêia mapoka nú vea pakame êee china pakivara. êEêejuêe puurijara natohwa majama hine hiravume nú vwihajajaho núni iha nipaêarehuna êwavara. 21 êEêeme ea mapoka êiruma paiêi kaivo hiêeme naêia mapoka paêarenana. êEjume Porura êurine puni rira kajino namiêi kaivo ijá êiama Eakije nuni irake heha. Nitama nú Kuriti hijaji ja nuni ira hene veêipisa uneunecha mapoka pasiserasahaêa. 22 êEnakaivo na iviamaa ja êwaravukaho ja nihoêo teamanaêavara. Ja ea pina pakwahuna vo sisima ijara huhusu parahuna. 23 Iviasi naêiakino Godi kaêene na Huni kaukara vene êee na Huni ea rejujihuni êona ojiêini roe nuni êunaêi naminana. 24 êEnarena ijá êwima Poru jumujaho arema. êEnakaivo vaêe Sisa oni unaêi namine êotua veêamana. êEne hena! Ea mapoka kaêene ike sisima vaji hiju kakihija Godira a vajaha jihunaêe pu pakwamasahuna êwimana. 25 êEnakúne ea kije ja teamanaêavara. Na Godi nimaa roju. Ijihuni maijaho Hura raka kaêene rehuna êwarimajaho ijaêina rehuna. 26 êEnaêomo nú vaêe mutumutua pina êahi ninama sisima siseraêena. 27 Naêia iropu ropu noêona noêo ijino nú aherume Eturiatiki soha êahi vaêara. êEêeme naêia riri sisima kaukara vejiêinijipo vwihajajaho pu niroe amari êahi rou rojara. 28 êEnareja pu mina vene kavajaho toa jopatuêumaêura (40 mita) kavara. êEnareja pu maêuako vanamareja ijiêa kúêo mina vene kavajaho toa maêuako arii roe (30 mita) rejume kavara. 29 êEnareja pu veju roêi kaivo vaêu vaêo muna êaha reha ninama veêena ronareja juvara. Pu niêaha kwinu anika noêona noêo ijá saêi kaivo pu hine vei nituêamarono ura rena parajara. 30 êEnareja ijí sisima kaukara vejiêinijija sisima kajaho ranaêikaêi vaêi êahiumakame pu hine êunama savara. êEnareja pu eaha kajaho maêuako ape karokaru ranavumakame ea êahoêa kaêene hija kajipo kivajaho pu anika apúsavu rojara kaivo pu nesi apena vaêi êahiumakame avajara. 31 êEjume Porura sorutia êee sorutia puni natohwijihi puêúmo ijá êiama Ea karipo sisima vajaki pahiêavajaho ea pina nihoêo pahihuna êiamana. 32 êEjume sorutia kajipo eaha kaêene sisima êaha kajino vevahavajija aja êuhusavume êona toa vaji vaêana. 33 Súêo vea ajiru êeêuêi veêeme Poru ea mahoêo êejahie ijá êiama Jara êiruma paiêi kaivo hiêeme vea iropu ropu noêona noêo ijá paêarenanakúne êurine êiruma êekaha! êiamana. 34 Ijihuni hahi na ja êwaravukúne ja areme êiruma êeka iha. êEjakame êiruma kajara reje joni harura namama. Ijihuni maijaho ja ea kwinu nihoêo joni húmata sapasa kwinu patausiuhuna êiamana. 35 Hu ijá êwaravume paêareêeme puretia apene puni unaêi Godi teimani êwaêikaêi tuachame aneja vene inana. 36 êEjumakame ea mapoka kajija nihoêo teamanaêeme pu êiruma êahoêa êeka ijara. 37 Nú ea kaêene sisima vaji hijajaho ea mapoka mapoka (276) hijara. 38 êEnareja pu ijume eaka mapoka kajija túêama parajara. êEjume êwitia kaêene ijí sisima vaji navajaho niêaha kwinu atoêaruvume sohi vaêara. Ijihuni maijaho sisima kajara nasina reêamarono avajara. 39 êEêeme vea ajiru êeêuêejume pu kwaa kaji kavajaho puruva renaana. êEnakaivo pu tohwira ora sama kamareja pu ura vaêe ijihunijino vaêi êahiara. 40 êEjumakame pu puni anika sirirame êee aja kaêene sisima vevahavajaho rasavara. êEjume sisima kajaho êurina vaêe asiasia roe sisima vaji ariha vejume sisima kajaho ijiêa vaêe kari ora rori vaêiro vaêana. 41 êEnuvaêo vaêe toa kahaêa roe tohwira rejume kamaêa sohi amena roe piunaravajaho muna navaraêomo ijihuni toi ajimarena kirana namana. êEêeme soha kaêene ajira amena roajara vipunaêijaêi ninamarena nihoêo mutuusaha paranana. 42 êEjume sorutia tipuraepo ariha isume juhaha vaêajiêeja ronareja êania kwamasahunaêe kosarame êwavara. 43 êEnakaivo sorutia puni ea natohwijara Poru niêajaêi êahaume ruravume pu areêeme ea kaêene areri isuaviêinijija ijá êiava Ja marako mwama atoêarume isuama vaêa êiavara. 44 êEêeme ea êahoêa kaêene ijí hijajija êurimarame sisima kaêene ijí mutuêusaha jihuni hasijaho êekume ea êahopo icha hasa êeke ijihuni toi isuama vaêara. êEnareja ea pina nihoêo unenuêu pina parenana kaivo nijaa ihena vaêe kari amari vaêara.