1 Joni 5
SPP1 Ea irara Jesuho Keriso nimaa ronujaho hu Godoni vaji nahejara. êEne ea irara Amo oja mahujaho hu Huni hariha kaêene Huni rena roaji êuêo oja mahu. 2 NĂș Godoni harihija oja mihujihunaêe nĂș nihena kavu nĂș Godi oja mahe êee Huni tamana êararihae vejura. 3 Ikaho Godoni oja êekaravujina nĂș Huni tamanijaho hami êajohuna. Ijihuni maijaho Huni tamanijaho maiêo kisina pana. 4 Ijihuni maijaho ea kaêene Godoni vaji nahenaajipo mweêakaho asivara. NĂșni nimaa roijara vejume nĂș mweêa ikaho asivara. 5 Ea irara mweêakaho asimune? Ea irara Jesuho Godoni Harihiji nimaa ronujarana. 6 Ikaho Ea kaêene toa êee êaa vaji roajina. Hu Jesu Kerisona toaru pana kaivo toa êee êaijiêi roajina. 7 êAvenijara Huni vuêa nimaa venana. Ijihuni maijaho êAvenijaho nimaijina. 8 Ijihuni maijaho ike noêopisu ikipo Huni vuêakaho nimaa vejara. êAvenijine toijine êee êaijina. êEe ike noêopisu ikipo ahume avacharavara. 9 NĂș emaapuni vuêiji nimaa veêavajaho Godira kime êwaramujara mahoêo asitaha paranu. Godoni kima êwarumujaho ikena. Ijaho Hu Hariahoni vuêa nimaa vene êwaramana. 10 êEne ea irara Godoni Harihiji nimaa ronujaho hu oriêini hena kamuna. Ea irara Godi panimaa ronujaho hu Hua vejuêe iraêasinaêe renu. Ijihuni maijaho raka kaêene Godira Huni Harihiji rone êwaramajaho panimaa ronu. 11 Iraka kaêene êwarumajaho ikena. Godi majama hihuna mĂșhana êee ike majama hihunakaho Huni Harihi jihuni vajina. 12 Ea irara Huni Harihiji apenujaho hu majama hihuna kaivo ea irara Godoni Harihiji papenujaho hu majama hihunijaho papenu. 13 Ike raka kaêene na vejukaho ja ea irahipo Godoni Harihi jihuni ihiji nimaa rojujihi punaêe veju. êEjakame ja majama hihuna kaêene apejaji hena kaêavarono veju. 14 Ikaho nĂș Huni unaêi nimaa rojujihunaêe uneunecha rakaêe Huni ura ijaêinaêe jarime êwaravujaho Hu henuna. 15 Hu henuhunaêe nĂș hena kavu. Ijihunaêe nĂșra uneunecha iraka Hu jarivujija nĂș êekura. 16 Ea pini huni vwea kaêeje sisea kaêene pakwahuniji veje kaêamajaho hu niêajahe Godoni siporua êoje hia huna maêamana. êEne êuêo Hura ea kaêene sisea ike pakwamasahuke pavejujija hia puna mihuna kaivo sisea pina venareje kwamasahuna namu. Ijihunaêe na ijaêina paêiavo hunijihunaêe jarima êwaramama paêiavu. 17 êUnama kaêene ariramaa paêajija mahoêo sisea. Sisea pina venaêe pakwahuna namu. 18 NĂș niheju. Ea kaêene Godoni vaji nahejajaho sisea pavenuna. êEnakaivo Jesu kaêene Godoni Harihijara êajoahuêe êavena siseijaho hu ija paêunamuna. 19 NĂș niheju. NĂș Godona kaivo mweêakaho mahoêo êavena sisei jihuni harura hari namu. 20 NĂș niheju. Godoni Harihijaho niroana. Hu nimaiji hena kahuni henaka ijaho mĂșhana. êEjuêe nĂș Huni hariha Jesu Keriso kaêene nimai jihuni vaji hiju. Ijaho Godi nimaa kaêene majama hihunijina. 21 Sesahu nune godi iraêata kaêene iji vejujija oja pamiêavara.