Tito 3

1 Ti̱kítsjeènâla̱ nga kàteèxkón xi xi̱ta̱xá títsa̱jna ko̱ ngats’iì xi kjo̱tíxoma tjíya tsja. Kàta’nchréñijonâla̱. Kàtasíkitasòn ngats’iì xá xi ndaà tjín. 2 Koa̱tìnâla̱ kì xi̱ta̱á chja̱jnoâla̱; kì xi̱ta̱á kjaánâko̱; tà sa̱á kjo̱ndaà kàtas’eâla̱; nguì indaàkjoa̱ kàtìtsa̱jnako̱ ngats’iì xi̱ta̱. 3 Nga sa̱ kjòtseé, jñá, ti̱koa̱á xi̱ta̱ tòndo̱ó komá. Mìkiì na’yàñijoaán. Xìn ndi̱yá tsitjaàyaá. K’oa̱á s’ín ki’né ngats’iì kjoa̱ xi ch’o tjín xi síjé yijoâná ko̱ kjoa̱ xi sasénâla̱. Ya̱á tsitsa̱jnajñaá xi kjoa̱ch’o ko̱ kjoa̱xìtakòn. Tsak’ìnâná nga kisìjtikeèâná xi̱ta̱. Ti̱koa̱ jñá kinìjticha ngajoâná xinguia̱á. 4 Ta̱nga Nainá xi ochrjekàjiìnâná kjo̱’in, k’e̱ nga tsakó kjo̱ndaàâla̱ ko̱ kjoa̱tjòchaâla̱ i̱t’aà ts’e̱ xi̱ta̱, 5 tsachrjekàjiìnâná kjo̱’in. Mìtsà koi kjoa̱âla̱ nga ndaà tjín kjoa̱kixi̱ xi ki’né. Tà koiâné nga kjòhi̱ma̱keèâná. K’e̱ nga kjòtsjeè ini̱ma̱âná, kits’iìn xi̱tse̱ ìjngoò k’aâná ko̱ jè Ini̱ma̱ Tsjeèâla̱ Nainá kisìxi̱tse̱ya ìjngoò k’aâná. 6 I̱t’aà ts’e̱ Na̱’ènâná Jesucristo xi ochrjekàjiìnâná kjo̱’in, Nainá, ‘ñó ndaà kisìkíjnajiìn ini̱ma̱âná Ini̱ma̱ Tsjeèâla̱. 7 K’e̱ nga jè kjo̱ndaàâla̱ Nainá jye kisìkixi̱yaâná, k’oa̱á s’ín ki̱tsa̱jnaá nga tíjngoò takoán nga titsa̱chiñáâlá kjoa̱binachon xi mìkiì fehet’aà ni̱ta̱ kjéâne, jè kjo̱tjò xi tsjáâná Nainá nga i̱xtiâla̱ tsòâná. 8 ‘Ãn koi, ‘én kixi̱âné. K’oa̱á s’ín mejènâna nga ‘ñó tìnèâla̱ xi̱ta̱ méâne jñà xi̱ta̱ xi mokjeiínâla̱ i̱t’aà ts’e̱ Nainá ndaà kàtasís’inâla̱ kjoa̱ xi ndaà tjín. Kjoa̱ koi, ndaà tjín; mochjeénâla̱ ngats’iì xi̱ta̱. 9 Ta̱nga kì kiì nìs’inâla̱ xi kjoa̱ tòndo̱ ko̱ kjoa̱ ts’e̱ xi̱ta̱ jchínga kjòtseé xi mìtsà kixi̱ kjoa̱. Kì kjoa̱siì nìs’inâla̱ ko̱ kjoa̱ xi chitiyaâná i̱t’aà ts’e̱ kjo̱tíxomaâla̱ Moisés. Kjoa̱ koi, mìkiì mochjeén, ni̱mé chjíâla̱. 10 Jè xi̱ta̱ xi na̱xa̱ndáâla̱ Cristo mejènâla̱ si̱ìjòya, jò, jàn k’a ti̱nókjoa̱ ’nchréâla̱à. Tsà mìkiì ’nchréñijonâlè, na̱chrjekàjiìn. 11 Ji̱, jyeé ‘yi nga xi̱ta̱ jè, jyeé its’oòn kjo̱hítsjeènâla̱. Ch’o tís’ín. Jé tíhónèâla̱ yijoâla̱. 12 K’e̱ nga sìkasénâlè Artemas, o xi jè Tíquico, ti̱xátíyi nchrobáchónâná Nicópolis. K’oa̱á s’ín kiskoòsònâla̱, ya̱á kóti̱jna na̱chrjein cho̱ ’nchán. 13 Ti̱chját’aàâla̱ Zenas, maestro ts’e̱ kjo̱tíxoma, ko̱ Apolos; tjiìâla̱ mé xi mochjeénâla̱ méâne nga ko̱ma kjoi̱âne ñánda nchifì nga ni̱mé si̱chijat’aàâla̱. 14 Jñà xi xi̱ta̱ tsa̱ján, k’oa̱á ti̱s’ín kàtamaâla̱ kjo̱ndaà xi ndaà tjín nga kàtasíchját’aàâla̱ xi̱ta̱ xi chijat’aàâla̱ tsojmì méâne nga ndaà si̱ìkjeénâne na̱chrjeinâla̱ nga títsa̱jnakon, ko̱maá si̱ìkíjna jngoò kjoa̱ xi ndaà mochjeén. 15 Ngats’iì xi̱ta̱ xi i̱ títsa̱jnako̱âna tísíhixat’aàâlè. Ti̱koa̱ ti̱ixat’eì yije jñà xi matsjakeèâná nga ngásòn mokjeiínâná i̱t’aà ts’e̱ Cristo. Kjo̱ndaàâla̱ Nainá kàtìjnako̱ânò ngats’ioò. K’oa̱s’ín kàtama.