Romanos 3

1 Tsà k’oa̱á s’ín tjín, ¿mé kjo̱ndaà xi ìsa̱ tse tjínâla̱ nga xi̱ta̱ judío ‘mì? Ko̱ ¿mé chjíâla̱ nga tjít’aà chi̱ba̱âla̱? 2 Kjìn sko̱ya chjíâla̱. Jè xi tíjna ítjòn, jèâné nga jñà xi̱ta̱ judío kjònga̱tsja ‘énâla̱ Nainá. 3 Jñà xi̱ta̱ judío, na̱s’ín tjín i’nga xi mìkiì síkitasòn ‘én xi kjònga̱tsja, ¿a ko̱ma sikjatjìyaâla̱ kjoa̱kixi̱âla̱ Nainá nga mìkiì ki̱tasòn koni s’ín kitsjaà tso’ba? 4 Majìn, mìkiì ko̱ma. Nainá, xi̱ta̱ kixi̱âné, na̱s’ín xi̱ta̱ ndiso ngats’iì xi̱ta̱ xi tjín i̱sò’nde; koni s’ín tíchja̱ xo̱jo̱n nga tsò: Méâne nga kàta’yaâla̱ nga kixi̱ kjoa̱ ‘én xi nokjoì si̱kijneâné k’e̱ nga yá xi ko̱hònguiâlè. 5 Tjín i’nga xi̱ta̱ xi tsò: K’e̱ nga ch’o ’nè, ìsa̱á ndaà ‘yaâla̱ kjoa̱kixi̱âla̱ Nainá. Tsà k’oa̱s’ín tjín, ¿kó kixoán? ¿A kixónâná nga mì kjoa̱ kixi̱ tís’ín Nainá nga kjo̱’in tsjáâná? (Tsà ko̱s’ín kixoán, jngoò kjo̱hítsjeènâla̱ xi ta̱xki̱ xi̱ta̱ titsa̱nìkjeén.) 6 Ta̱nga majìn, mì k’oa̱á s’ín tjín. Tsà mìtsà kixi̱ s’ín Nainá nga kjo̱’in tsjáâná, ¿kós’ín ko̱ma koi̱ìndaàjiìnâla̱ xi̱ta̱ i̱sò’nde? 7 Ti̱koa̱á tsà k’oa̱ ki̱tso̱ xi̱ta̱ koi: “Ta̱nga tsà kjoa̱ndisoâna̱ okó nga jè kjoa̱ kixi̱âla̱ Nainá ìsa̱ jeya kíjna, ¿méâne k’oa̱s’ín tísinèâna nga xi̱ta̱ jé tíyatakònâna?" 8 Ti̱koa̱áâne ch’o s’e̱én méâne nga kàtasakóâìsaâná kjo̱ndaàâla̱ Nainá. Tjín xi̱ta̱ xi ko̱tsò nga k’oa̱á tjín ‘én xi okoòya; jè xi mejènâla̱ nga ch’o síkíjnaâna. Jñà xi̱ta̱ xi ko̱tsò, ok’ínâla̱ nga tjoéâla̱ kjo̱’in xi Nainá tsjá. 9 ¿Kó s’ín nìkítsjeèn? Jñá xi xi̱ta̱ judío ‘mìâná, ¿a ìsa̱á ndaà xi̱ta̱á koni jñà xi̱ta̱ xi kj’ei̱í? Majìn, jyeé k’oa̱á kixanânò, tà ngásòn jé titsa̱jnajñaá ngats’iaá xi xi̱ta̱ judío ‘mìâná ko̱ xi ta̱xki̱ xi̱ta̱. 10 Koni s’ín tíchja̱ Xo̱jo̱nâla̱ Nainá nga tsò: Ni̱jngoò xi̱ta̱ tjín xi xi̱ta̱ kixi̱, ni̱ tsà tà jngoò. 11 Ni̱jngoò tjín xi machi̱yaâla̱, ni̱jngoò tjín xi ótsji Nainá. 12 Ngats’iì xi̱ta̱, sa̱á xìn ndi̱yá kiì; ngats’iì nìmée chjíâla̱ kjoa̱ xi s’ín; ni̱jngoò xi ndaà s’ín, ni̱ tsà tà jngoò. 13 Na̱xájta̱âla̱, k’oa̱á kjoàn koni ngajoâla̱ mik’en k’e̱ nga táx’a̱jto; ni̱je̱nâla̱ nguì ‘én ndisoó chja̱; ‘én xi chja̱, k’oa̱á ngayaâla̱ koni tsà xánâla̱ ye̱. 14 Chja̱jnoâla̱ xi̱ta̱ ko̱ nguì koi ‘én chja̱ xi ‘on maâla̱ ini̱ma̱âná. 15 Mìkiì koña kjoa̱, ni̱to̱ón sík’en xi̱ta̱. 16 Ni̱ta̱ ñánda nga fì, síhi̱ma̱ ko̱ síkjehesko xi̱ta̱ xi kj’ei̱í. 17 Mìkiì beèxkon ndi̱yá ñánda tjín kjoa̱’nchán. 18 Mìkiì tsakjónâkeè Nainá i̱t’aà ts’e̱ kjoa̱ xi s’ín. 19 Jyeé ‘yaá nga ngats’iì ‘én xi tjít’aà kjo̱tíxoma ts’e̱ Moisés, jñá chja̱âla̱ ngats’iì xi̱ta̱ xi ya̱ fìt’aàâla̱, méâne nga ngats’iì xi̱ta̱, mìkiì ko̱ma ki̱chja̱ nga ki̱nchako̱ yijoâla̱ nga nguixko̱n Nainá; ngats’iì xi̱ta̱ xi tjín i̱sò’nde koi̱ìndaàjiìnâla̱ Nainá nga jcha̱âla̱ nga jé tjínâla̱. 20 Ni̱jngoò xi̱ta̱ xi kixi̱ kíjna nga nguixko̱n Nainá tà koi kjoa̱âla̱ nga ndaà tísíkitasòn Kjo̱tíxoma ts’e̱ Moisés. Nga jè Kjo̱tíxoma, tà k’oa̱á s’ín mochjeén nga béno̱jmíyaâná nga jé tjínâná. 21 Ta̱nga i̱’ndei̱, Nainá okóâná kós’ín s’ín Nainá nga xi̱ta̱ kixi̱ beètakònâná. Ko̱ mìtsà kjoa̱ ts’e̱ Kjo̱tíxoma nga bitasòn. Jñà xo̱jo̱n jchínga ts’e̱ kjo̱tíxomaâla̱ Nainá ko̱ ts’e̱ xi̱ta̱ xi kiìchja̱ ngajoâla̱ Nainá k’oa̱á ti̱s’ín béno̱jmíyaâná, 22 nga jñà xi̱ta̱ k’e̱ nga mokjeiínâla̱ i̱t’aà ts’e̱ Cristo, kixi̱í bìtsa̱jna nguixko̱n Nainá. K’oa̱á s’ín síko̱ yije kóho̱tjín xi mokjeiínâla̱. Nga ngats’iì xi̱ta̱ ngásòn jé tjínâla̱, 23 nga ngásòn ótsji jéâné; kjiìn títsa̱jnat’aàxìnâla̱ Nainá ñánda nga jeya tíjna. 24 Ta̱nga Nainá, nga ndaà xi̱ta̱, kitsjaà kjo̱tjòâná kjo̱ndaàâla̱ méâne nga kixi̱ ki̱tsa̱jnaá nguixko̱n jè. Jè Jesucristo tsibíchjítjì ngajoâná jéâná méâne nga ki̱tsa̱jnandei̱íâná xi kjoa̱ ts’e̱ jé. 25 Nainá kitsjaà ki’ndíâla̱ koni jngoò kjo̱tjò xi faáxìn jéâná nga nguixko̱n Nainá k’e̱ nga mokjeiínâná i̱t’aà ts’e̱ Jesucristo, nga jè tsibíxteèn jníâla̱ k’e̱ nga k’en. Nainá k’oa̱á s’ín okóyaâná kós’ín tjín kjoa̱kixi̱âla̱. Koií kjoa̱âla̱ nga ngasa̱ kjòtseé, Nainá, tíkoña kjoa̱âné, mìkiì ni̱to̱n kitsjaàâla̱ kjo̱’in xi̱ta̱ koni s’ín ok’ìnâla̱ jé xi tsohótsji. 26 Ta̱nga i̱’ndei̱ tí’yaâla̱ nga i̱t’aà ts’e̱ Jesucristo tísindaàjiìnâla̱ xi̱ta̱ jñà kjoa̱âla̱ jé xi kisìchroba méâne nga kàta’yaâla̱ Nainá nga xi̱ta̱ kixi̱âné ko̱ ti̱koa̱á ti̱jèâne Nainá xi kixi̱ síkítsa̱jna xi̱ta̱ xi mokjeiínâla̱ i̱t’aà ts’e̱ Jesús. 27 ¿A ’ngaá ko̱ma takoán nga kixi̱ titsa̱jnaá nguixko̱n Nainá? Majìn, mìkiì ’nga ko̱ma takoán. Nga mìtsà koi kjoa̱âla̱ nga kjo̱tíxoma nìkitasoán. Jèâné nga mokjeiínâná i̱t’aà ts’e̱ Jesús nga kixi̱ síkítsa̱jnaâná Nainá. 28 K’oa̱á tsòyaâne ngats’iì kjoa̱ koi nga Nainá síkixi̱ xi̱ta̱ k’e̱ nga mokjeiínâla̱ i̱t’aà ts’e̱ Jesús; mìtsà koi nga kjo̱tíxoma ts’e̱ Moisés síkitasòn. 29 ¿A tà ts’e̱é xi xi̱ta̱ judío Nainá? ¿A mìtsà ti̱koa̱ ts’e̱ xi ta̱xki̱ xi̱ta̱? Kjoa̱ kixi̱âné, ti̱koa̱á ts’e̱âné xi ta̱xki̱ xi̱ta̱ xi mìtsà xi̱ta̱ judío. 30 Nainá, tà jngoò ma xi kixi̱ síkítsa̱jna ngats’iì xi̱ta̱ k’e̱ nga mokjeiínâla̱ i̱t’aà ts’e̱ Jesús. Ngásòn síko̱ jñà xi̱ta̱ judío xi tjít’aà chi̱ba̱âla̱ ko̱ xi ta̱xki̱ xi̱ta̱ xi mìkiì tjít’aà chi̱ba̱âla̱. 31 Jè kjoa̱ nga mokjeiínâná i̱t’aà ts’e̱ Jesucristo, ¿a tíchahinguiâné kjoa̱ ts’e̱ Kjo̱tíxoma? Majìn, mìtsà tíchahingui; ta̱ sa̱á tímajngoòâne koni jè xá xi tjínâla̱.