Apocalipsis 22

1 Jè àkja̱le̱ tsakó jngoòâna xa̱jngá nandá xi kijna tsjeè tsjeè, jè nandá xi bítsa̱jnakonâná ni̱ta̱ mé na̱chrjeinâne. K’oa̱s’ín tsjeè kji koni chi̱tsín. Ya̱á tíbitjo ñánda síjna íxi̱le̱âla̱ Nainá nga tíhotíxoma ko̱ ya̱á tíbitjo ñánda tíjna jè Orrè. 2 Ya̱ jngoò osen ndi̱yáâla̱ na̱xa̱ndá tífa nandá. Ko̱ ya̱ ngobà ngobà xa̱jngá nandá, ya̱á síjna jè yá xi tsjá kjoa̱binachon ni̱ta̱ mé na̱chrjeinâne. Tejò k’a ojàâla̱ toò nga jngoò nó. Jngoò jngoò k’a ojàâla̱ toò nga ìjngoò ìjngoò sá. Jñà xka̱âla̱, k’oa̱á s’ín mochjeén nga maxkiìâla̱ na̱xa̱ndá ts’e̱ i̱sò’nde. 3 Mì ti̱ mé kjoa̱ ch’o s’e̱âne xi mìkiì sasénâla̱ Nainá. Ya̱á sasíjna jè íxi̱le̱âla̱ Nainá ko̱ ts’e̱ Orrè nga ko̱tìxoma. Ko̱ ngats’iì xi̱ta̱ chi̱’ndaâla̱, ya̱á si̱ìxáâla̱. 4 Ngats’iì xi xi̱ta̱âla̱ ma, skoe̱xkonâné kó kji i̱sénâla̱ Nainá; ko̱ jè ‘ínâla̱ Nainá ya̱á si̱t’aà i̱tjòn tjenâla̱. 5 Ya̱ i̱’nde jè, mì ti ko̱jñòâne. Jñà xi̱ta̱ xi ya̱ títsa̱jna, mì ti̱ ni’ín ko̱chjeénâla̱ xi si̱ìhiseènâla̱, ti̱koa̱á mì ti̱ ts’oí ko̱chjeénâla̱; nga jè sobá Na̱’ènâná xi Nainá si̱ìhiseènâla̱. Jñà xi̱ta̱ ko̱tìxoma ni̱ta̱ mé na̱chrjeinâne. 6 Jè àkja̱le̱ kitsòâna: â’Ãn koi, nguì k’oa̱á s’ín tjín nga ki̱tasòn; nguì ‘én kixi̱âné. Jè Na̱’ènâná xi Nainá xi síkíchi̱yaâla̱ jñà xi̱ta̱ xi chja̱ ngajoâla̱, koií xá kisìkasénâne àkja̱le̱âla̱ nga ko̱kòâla̱ xi chi̱’ndaâla̱ ma jñà kjoa̱ xi ta ni̱to̱ón o̱ko̱ma. 7 âTi̱ná’yaâná. ‘A̱n, kjoíi ni̱to̱ón ìjngoò k’a. Mé tà ndaàâla̱ jñà xi síkitasòn jñà ‘én xi kitsjaà Nainá koni s’ín tíchja̱ xo̱jo̱n jè. 8 ‘A̱nâná xi ‘mìâna Juan, ‘a̱án ki’nchrè koa̱ kìjtseè kjoa̱ koi. K’e̱ nga jye ki’nchrè koa̱ jye kìjtseè, tsohósi̱jna-xkó’nchi-niñiat’aàâla̱ jè àkja̱le̱ xi tíhokóâna̱ kjoa̱ koi, nga mejènâna skoexkoán. 9 Ta̱nga jè àkja̱le̱ kitsòâna̱: âKì k’oa̱á ’nì. Jè Nainá jcha̱xkoín. ‘A̱n, ti̱koa̱á chi̱’ndaâla̱ Nainá ma, koni ngaji̱, ko̱ xi̱ta̱ xingui̱i xi chja̱ ngajoâla̱ Nainá, ko̱ ngats’iì xi̱ta̱ xi síkitasòn ‘én xi tjít’aà xo̱jo̱n jè. 10 K’oa̱á ti̱s’ín kitsòâna̱: âKì bìjna’ma jñà ‘én xi Nainá kitsjaà xi tjít’aà xo̱jo̱n jè, nga jyeé nchrobá machrañà na̱chrjein nga ki̱tasòn. 11 Jñà xi̱ta̱ xi mìtsà kixi̱ títsa̱jna nguixko̱n Nainá nga ch’o s’ín, ta k’oa̱á s’ín kàtìtsa̱jna. Ko̱ jñà xi tjínâla̱ kjoa̱kixi̱ ko̱ tsjeè títsa̱jna nga nguixko̱n Nainá, k’oa̱á ti̱s’ín kàtasíkitasòn xi kjoa̱kixi̱ ko̱ kjoa̱tsjeè. 12 âTi̱ná’ya, ‘a̱n, kjoíi ni̱to̱ón ìjngoò k’a. Ya̱á kjoi̱ikoa̱a chjíâla̱ xi tsjaàâla̱ xi̱ta̱ koni s’ín kis’iìn nga ìjngoò ìjngoò. 13 ‘A̱nâná xi tìjna̱ ítjoàn skanda tàts’enâla̱ kjoa̱ ko̱ skanda fehet’aàâne. ‘A̱nâná xi tsibìts’ia̱a ko̱ xi sikjehet’aàâna kjoa̱. ‘A̱nâná xi tìjna̱ ítjoàn ko̱ xi fehet’aàâne. 14 Mé ta ndaàâla̱ jñà xi̱ta̱ xi [jníâla̱ Orrè] sítsjeèâne nikjeâla̱ méâne nga tjò’ndeâla̱ nga ski̱ne̱ toòâla̱ yá xi tsjá kjoa̱binachon, ti̱koa̱ ko̱ma kjoa̱has’en xotjoa̱âla̱ jè na̱xa̱ndá. 15 Ta̱nga ndi̱tsiaán kítsa̱jna, ngats’iì jñà xi̱ta̱ xi ch’o s’ín, ko̱ jñà xi xi̱ta̱ tj’e, ko̱ jñà xi kjoa̱ chijngui s’ín, ko̱ jñà xi xi̱ta̱ sík’en, ko̱ jñà xi xkósòn beèxkón ko̱ ngats’iì xi tsjakeè kjoa̱ ndiso nga ‘én ndiso chja̱. 16 â‘A̱n xi ‘mìâna Jesús, ‘a̱án kisìkasénânò àkja̱le̱âna̱ nga tsjáânò ‘én i̱t’aà ts’e̱ kjoa̱ koi, jñò xi xi̱ta̱ na̱xa̱ndáâna̱ ma. ‘A̱nâná jè jts’én xi itjot’aàâne tje̱âla̱ xi̱ta̱xá ítjòn xi ki’mì David. ‘A̱nâná ni’ño tse xi ‘ñó ote kji xi bitjokàtji k’e̱ nga ta̱jñòya. 17 Jè Ini̱ma̱ Tsjeèâla̱ Nainá ko̱ chjo̱ónâla̱ Orrè, tsòâné: âNchroboí [Na̱’èn Jesús]. Jñà xi nchi’nchré, k’oa̱á ti̱ kàtatsò: âNchroboí [Na̱’èn Jesús]. Jñà xi xíndáâla̱ ko̱ xi mejènâla̱ nandá, kàtjanchrobá, kàt’iì kjo̱tjò nandá xi tsjá kjoa̱binachon. 18 ‘A̱n, k’oa̱á xanânò, ngats’ioò xi na’yàâlà jñà ‘én xi kitsjaà Nainá xi tjít’aà xo̱jo̱n jè: Tsà yá xi ki̱ìt’aàsòn kjoa̱ xi tjít’aà xo̱jo̱n jè, Nainá k’oa̱á ti̱s’ín tsjásònâla̱ kjo̱’in koni s’ín tjít’aà xo̱jo̱n jè. 19 Tsà yá xi kjoa̱áxìn jngoòâla̱ ‘én xi kitsjaà Nainá xi tjít’aà xo̱jo̱n jè, Nainá, ti̱koa̱á kjoa̱áxìn kjo̱ndaà xi tjí’ndeâla̱ nga ski̱ne̱ toòâla̱ yá xi tsjá kjoa̱binachon ko̱ mìkiì tsjá’ndeâla̱ nga ya̱ kítsa̱jna na̱xa̱ndá tsjeèâla̱ Nainá koni s’ín tjít’aà xo̱jo̱n jè. 20 Jè xi béno̱jmí kjoa̱ koi, k’oa̱á tsò: âJon, kjoi̱i ni̱to̱ón ìjngoò k’a. K’oa̱á s’ín kàtama. ¡Nchroboí Na̱’èn Jesús! 21 Kjo̱ndaàâla̱ Na̱’ènâná Jesucristo kàtìjnako̱ânó ngats’ioò. K’oa̱á s’ín kàtama.