Apocalipsis 15

1 Ãjngoò kjo̱xkón kìjtseè ján ngajmiì xi ‘ñó xkón kji ko̱ ‘ñó jeya ki’yaâla̱. Itoò ma àkja̱le̱ xi itoò kjo̱’in j’iìko̱ jñà kjo̱’in xi fehet’aàâne nga ya̱á fehet’aàâne kjoa̱jtiâla̱ Nainá. 2 Ti̱koa̱ kìjtseè jngoaà ndáchikon xi chi̱tsín kji; tsjájiìn ko̱ ni’ín. Ya̱ ncha kixi̱ i̱sòn ndáchikon xi chi̱tsín kji, jñà xi̱ta̱ xi jye kisìkijne i̱t’aà ts’e̱ cho̱ je xi ch’o kji ko̱ i̱sén xkósònâla̱, jñà xi mìkiì kitsjá’nde nga kisit’aà chi̱ba̱âla̱, ko̱ número ts’e̱ ‘ínâla̱. Xi̱ta̱ koi kjiya tsja ní’ñó arpa xi Nainá kitsjaàâla̱. 3 Nchiseè sòâla̱ Moisés xi chi̱’ndaâla̱ Nainá ko̱ sòâla̱ Orrè, nchitsò: Na̱’èn xi Nainá ‘mìâlè, xi ta ji̱ ta̱ jngoòâné xi ‘ñó tse nga’ñó tjínâlè, ‘ñó jeya ko̱ ‘ñó xkón tjín ngats’iì kjoa̱ xi ’nì. Xi̱ta̱ kixi̱âné; kixi̱í tjín ndi̱yáâlè. Ji̱íâné xi Xi̱ta̱xá Ãtjòn tìjna̱âla̱ ngats’iì na̱xa̱ndá xi tjín i̱sò’nde. 4 ¿Yá xi mìkiì tsakjónâlè Na̱’èn? ¿Yá xi mìkiì skoe̱xkónâlè? Ta̱jngoò ngaji̱ xi xi̱ta̱ tsjiì, koií k’oa̱s’ín kjoi̱íâne ngats’iì na̱xa̱ndáâla̱ i̱sò’nde nga skoe̱xkónâlè nga jye tí’yaâla̱ kjoa̱ kixi̱âlè. 5 K’e̱ nga jye kìjtseè kjoa̱ koi, kiskoòtsejèn nga kitáx’a̱ ján ngajmiì jè i̱’nde tsjeèâla̱ Nainá xi tíjnaya i̱ya Ni’ya Nikje xi okó nga ya̱ tíjna Nainá. 6 Itjo ya̱ i̱’nde tsjeèâla̱ Nainá jñà àkja̱le̱ xi itoò maâne xi j’iìko̱ itoò kjo̱’in. Ãkjá nikje lino chroba xi ‘ñó ote kjoàn; tíkjá ndáyáâla̱ na’ñó payo̱ xi nguì oro. 7 Jñà xi ñijòn maâne xi títsa̱jnakon, jngoò itjojiìn xi kisìnga̱tsja nga íjngó íjngó àkja̱le̱ xi itoò maâne; kitsjaà íjngó íjngóâla̱ chi̱tsín xi nguì oro xi ya̱ tjíya kjo̱’in ts’e̱ kjoa̱jtiâla̱ Nainá xi tíjnakon ni̱ta̱ mé na̱chrjeinâne. 8 Ya̱ i̱ya i̱’nde tsjeèâla̱ Nainá, kitseè ni̱’ndi̱ xi ya̱ inchrobàâne i̱t’aà ts’e̱ kjoa̱jeyaâla̱ Nainá ko̱ nga’ñó xi tjínâla̱. Ni̱yá xi kitjò’ndeâla̱ nga jahas’en ya̱ i̱’nde tsjeèâla̱ Nainá skanda k’e̱ nga jye tsitasòn yije jñà kjo̱’in xi itoò maâne xi j’iìko̱ jñà àkja̱le̱ xi itoò maâne.