San Marcos 6

1 Jesús itjojiìnâne ya̱ i̱’nde jè, kiìâne nanguiâla̱ Nazaret, tji̱ko̱ xi̱ta̱ xi kota’yàt’aàâla̱. 2 K’e̱ nga jye ijchò na̱chrjein nìkjáya, tsibíts’ia̱ nga tsakóya ‘én ndaàâla̱ Nainá ya̱ ni’ya i̱ngo̱ sinagoga. Kjìn jchán ma xi̱ta̱ xi kiì’nchréâla̱ koni s’ín tsakóya. Jñà xi̱ta̱, tà k’oa̱á komàâla̱, kjònanguiâla̱ xíkjín, kitsò: âXi̱ta̱ jè, ¿ñánda komàâla̱ ngats’iì ‘én xi okóya? ¿Ãánda ochrje kjoa̱chji̱ne̱ koi ko̱ kjo̱xkón xi s’ín? 3 ¿A mìtsà jè xi chji̱ne̱yá xi tiâla̱ María, xi ’ndse̱ ma Jacobo, José, Judas ko̱ Simón? ¿A mìtsà ti̱koa̱ i̱ títsa̱jnajiìnâná íchjín ndichja? Xi̱ta̱ koi mìkiì ko̱kjeiínâla̱ i̱t’aà ts’e̱ Jesús. 4 Ta̱nga jè Jesús kitsòâla̱: âJngoò xi̱ta̱ xi chja̱ ngajoâla̱ Nainá, ni̱ta̱ ñá na̱xa̱ndáâne yaxkónâné, ta̱nga ya̱ na̱xa̱ndáâla̱ ko̱ ni’yaâla̱ ko̱ i̱t’aà ts’e̱ xi̱ta̱ xíkjín mìkiì yaxkón. 5 Jesús ni̱mé kjo̱xkón xi ndaà tjín kis’iìn nanguiâla̱, tà chiba xi̱ta̱ xk’én xi tsohót’aàâla̱ tsja nga kisìndaàâne. 6 Tà kjòxkónâla̱ Jesús, nga jñà xi̱ta̱ koi, mìkiì mokjeiínâla̱ i̱t’aà ts’e̱. Kós’ín tsatíxomaâla̱ Jesús xi̱ta̱âla̱ xi tejò maâne xi kisìkasén nga kisìka’bí ‘énâla̱ Nainá (Mateo 10:5â15; Lucas 9:1â6) Jesús ya̱á tsajmeè na̱xa̱ndá jtobá xi chrañàt’aà kjiyijò nga tsakóya. 7 Nga komà i̱skan, Jesús kiìchja̱âla̱ xi̱ta̱âla̱ xi tejò maâne xi jè tsibíxáyaâla̱; jò jò kisìkasén, kitsjaàâla̱ o̱kixi̱ nga ko̱chrjekàjiìn ini̱ma̱ ch’oâla̱ nei̱í xi tíjiìn ini̱ma̱âla̱ xi̱ta̱. 8 K’oa̱á ti̱s’ín kitsjaàâla̱ o̱kixi̱ nga ni̱mé tsojmì k’oa̱ k’e̱ nga kjoi̱ ndi̱yá. Kitsòâla̱: âTà k’oa̱á s’ín tanguió. Tà jngoò yá garrote ch’aà. Kì na̱’yaá ch’aà, kì i̱nchra̱jín ch’aà, kì to̱n ch’aà. 9 Ko̱maá tsjayaà xo̱jtéânò. Tà jngoò na̱chro̱ ch’aà. Kì jò ch’aà. 10 Jesús kitsòâìsaâla̱: âK’e̱ nga ki̱jchò jngoò na̱xa̱ndá, jngoò ni’ya ti̱tsa̱jna skanda k’e̱ nga ko̱nguíânò. 11 Tsà tjín na̱xa̱ndá ñánda mìkiì skoétjòânò, tsà majìnâla̱ nga ’nchréânò, titjo̱jñoò, titsajneè chijoâla̱ ndso̱koò méâne nga skoe̱âne nga jñà tjínâla̱ jé nga mìkiì ’nchréñijon. Xi nguì o̱kixi̱ k’oa̱á xanânò k’e̱ nga ki̱jchò na̱chrjeinâla̱ jñà na̱xa̱ndá koi, ìsa̱á tse kjo̱’in s’e̱âla̱ koni s’ín komàt’in na̱xa̱ndá Sodoma ko̱ Gomorra. 12 Xi̱ta̱ koi, kiì nga tsibéno̱jmíyaâla̱ xi̱ta̱ nga kàtasíkájno jéâla̱ nga mì ti̱ jé ko̱hótsjiâne. 13 Kjìn ini̱ma̱ ch’oâla̱ nei̱í tsachrjekàjiìn ini̱ma̱âla̱ xi̱ta̱, ti̱koa̱ kjìn xi̱ta̱ kisìndaàâne xi xk’én nga kisìkaàjnoâla̱ asìti̱. 14 Jè Herodes xi xi̱ta̱ xá ítjòn tíjna, kiì’nchré i̱t’aà ts’e̱ Jesús nga jye xki̱ xi ján na̱xa̱ndá kina’yàâla̱. Tjín xi̱ta̱ xi kitsò: âJè Juan xi kis’iìn bautizar xi̱ta̱, jyeé jaáyaâla̱. K’oa̱á maâne nga tjínâla̱ nga’ñó nga maâla̱ s’ín kjo̱xkón xi ndaà tjín. 15 Tjín xi̱ta̱ xi kitsò: âJè Elías. Ti̱koa̱ tjín xi kitsò: âJngoò xi̱ta̱ xi kiìchja̱ ngajoâla̱ Nainá kjòtseé. 16 Jè Herodes, k’e̱ nga kiì’nchré kitsòâné: âJè Juan xi jaáyaâla̱ xi ‘a̱n tsatesian sko̱. 17 Nga ìsa̱ kjòtseé, Herodes kisìkasén xi̱ta̱ nga kitsobà’ñó Juan nga kiskinìs’en nda̱yá, koi kjoa̱âla̱ ts’e̱ chjo̱ón Herodías xi chjo̱ónâla̱ Felipe nga jè Herodes chixànâko̱ xi chjo̱ónâla̱ ’ndse̱. 18 Nga jè Juan xi kis’iìn bautizar xi̱ta̱, kjìn k’a o̱kitsòâla̱ Herodes: âMìkiì tjiì’ndeâlè nga ji̱ tijnakoi̱i chjo̱ónâla̱ ’ndsì. 19 Jè chjo̱ón Herodías, kòjtikeè Juan, mejènâla̱ nga si̱ìk’en ta̱nga mìkiì ma xi síko̱. 20 Nga jè Herodes, beèxkón Juan ko̱ síkinda̱âne nga jye tíjiìnâla̱ nga xi̱ta̱ kixi̱âné ko̱ xi̱ta̱ tsjeèâné. Herodes k’e̱ nga chja̱ko̱ Juan, matsjaáâla̱ nga ’nchréâla̱, ta̱nga mìkiì beè mé xi s’i̱in, a si̱ìkitasònâné, a xi majìn. 21 Ijchò jngoò na̱chrjein xi ndaà ts’e̱ chjo̱ón Herodías k’e̱ nga tsachrje s’eíâla̱ jè Herodes jè na̱chrjein nga kits’iìn. Ijchò xi̱ta̱âla̱ xi̱ta̱xá ítjòn, ko̱ xi̱ta̱ sko̱âla̱ soldado, ko̱ xi̱ta̱ nchi̱ná xi tjín kóho̱kji Galilea nga tsakjènâko̱ Herodes. 22 Ti̱koa̱ ijchò tsòtiâla̱ Herodías, jahas’en ni’ya; kitè. Jè Herodes ko̱ xi̱ta̱ xi títsa̱jna, ndaà jchán kisaseènâla̱ koni s’ín kitè jè tsòti. Herodes, xi xi̱ta̱ xá ítjòn tíjna, kitsòâla̱: âTi̱jéâná mé xi mejènâlè, tsjaàâlè. 23 K’oa̱á s’ín kitsjaàâla̱ tso’ba nga tsjá yijeâla̱ ni̱ta̱ mé xi mejènâla̱ na̱s’ín osen nangui xi jè otíxomaâla̱. 24 Jè tsòti, itjo ni’ya, kiskònanguiâla̱ nea̱âla̱. Kitsòâla̱: â¿Mé xi siìjéâla̱? Jè nea̱âla̱. Kitsò: âTi̱jéâla̱ sko̱ Juan xi s’ín bautizar xi̱ta̱. 25 Jè tsòti, ni̱to̱ón jahas’en ìjngoò k’a ni’ya ñánda tíjna xi̱ta̱xá ítjòn. Kitsòâla̱: âI̱’ndei̱ mejènâna nga ni̱to̱n tjiìâná sko̱ Juan xi s’ín bautizar xi̱ta̱; tinayaâná chro̱ba̱te. 26 Jè Herodes, xi xi̱ta̱xá ítjòn tíjna, ‘ñó kjòbaâla̱ k’e̱ nga kiì’nchréâla̱ jè tsòti. Ta̱nga koií kjoa̱âla̱ nga jye kitsjaàâla̱ ‘énâla̱ nga nguixko̱n xi̱ta̱ xi títsa̱jna s’eí, kjo̱’ñó kisìkitasònâla̱. 27 Jè Herodes, ti̱k’e̱éâne kisìkasén jngoò soldado, kitsjaà o̱kixi̱ nga kàtjanchrohóko̱ sko̱ Juan. 28 Jè soldado kiì ján nda̱yá nga tsatesin Juan; i̱kjoàn j’iìko̱ sko̱ Juan; tjíyaâla̱ chro̱ba̱ nga kitsjaàâla̱ jè tsòti; ko̱ jè tsòti kisìnga̱tsja nea̱âla̱. 29 K’e̱ nga kiì’nchré xi̱ta̱ xi kota’yàt’aàâla̱ Juan nga jye k’en, kiìkjaá yijoâla̱ nga kiskinìs’enângui jngoò nga̱jo̱ i̱tsjóâla̱ mik’en. 30 K’e̱ nga j’iì ìjngoò k’aâne jñà xi̱ta̱ xi tsibíxáyaâla̱ Jesús, tsibéno̱jmí ngats’iì kjoa̱ xi kis’iìn ko̱ xi tsakóya ñánda kiì. 31 Jesús kitsòâla̱: âNchrobá. Tíkjiaán nga si̱kjáya í’ñoá jngoò i̱’nde i̱t’aà xìn. Koií k’oa̱ kitsòâla̱ nga kjìn jchán ma xi̱ta̱, koa̱ tjín bijchó, koa̱ tjín nchrobáâne. Jesús ko̱ xi̱ta̱ xi tsibíxáyaâla̱ skanda mì ti̱ kiì ma’aâla̱ nga kjèn. 32 Tsibìtsa̱jnaya chitso nga ta jñà kiì jngoò i̱’nde i̱t’aà xìn ñánda tsjìn xi̱ta̱. 33 Ta̱nga kjìn xi̱ta̱ kijtseè k’e̱ nga kiì. Kijtseèxkon nga jè Jesús. I̱kjoàn kiìtji̱nguiâla̱ ngats’iì xi̱ta̱ na̱xa̱ndá xi ya̱ chrañàt’aàâla̱ nga kiìâne ndso̱ko̱; skanda ìsa̱ ítjòn ijchò jñà xi̱ta̱ koi. 34 Jesús, k’e̱ nga itjojen chitso, kijtseè nga ‘ñó kjìn ma xi̱ta̱ xi títsa̱jna; kjòhi̱ma̱keèâné. K’oa̱á ngayaâla̱ koni jñà orrè xi tsjìnâla̱ paxtò xi ko’ndà. I̱kjoàn tsibíts’ia̱ko̱ nga kjìn ‘én tsibéno̱jmíâla̱. 35 K’e̱ nga jye ‘ñó kjòhoxòn, jñà xi̱ta̱ xi kota’yàt’aàâla̱ Jesús ijchò kinchat’aàâla̱, kitsòâla̱: âJyeé kjòhoxòn, jè i̱’nde jè, i̱t’aà xìnâné, ni̱mé tjín. 36 Ko̱t’ìnâla̱ jñà xi̱ta̱ kàtjìâne nga kàtatse tsojmì xi ski̱ne̱ ya̱ na̱xa̱ndá ko̱ tsà jñà ni’ya ñánda nga chrañàt’aà. 37 Kiìchja̱ Jesús, kitsòâla̱: âTjiìâlà jñò xi ko̱kje̱n xi̱ta̱ koi. Kitsò jñà xi̱ta̱: â¿A mejènâlè nga konguí kindaàâje̱n i̱nchra̱jín koni tjín síkijne xi̱ta̱ nga jò sìndo̱ na̱chrjein síxá? 38 Kitsò Jesús: âChítsejènâlà kó tjín ma i̱nchra̱jínânò. K’e̱ nga kijtseè kó tjín maâne, kitsòâla̱: â’Ãn ma i̱nchra̱jín ko̱ jò ma ti̱n. 39 K’e̱é kitsjaà o̱kixi̱ Jesús nga kàtìtsa̱jnajtín jñà xi̱ta̱ ya̱ i̱jiìn ijñá ñánda sa̱se̱ choòn. 40 Ãjngó íjngó sìndo̱ tsibìtsa̱jnajtínâne jñà xi̱ta̱; ko̱ tjín ñánda icháte icháte tsibìtsa̱jnajtínâne. 41 Jesús kiskoé jñà i̱nchra̱jín xi ‘òn maâne ko̱ jñà ti̱n xi jò maâne; i̱kjoàn kiskoòtsejèn ngajmiì; kitsjaàâla̱ kjo̱ndaà Nainá; i̱kjoàn kisìxkoa̱ya i̱nchra̱jín; k’e̱é kitsjaàâla̱ jñà xi̱ta̱ xi kota’yàt’aàâla̱ nga kisìka’bíâla̱ ngats’iì xi̱ta̱ kjìn xi títsa̱jna. Ti̱koa̱ kisìjòya ti̱n xi jò maâne. Kitsjaàâla̱ ngats’iì xi̱ta̱. 42 Tsakjèn yije kóho̱tjín xi̱ta̱ kó nga kjòskiì. 43 K’e̱é tsibíxkóâne i̱nchra̱jín ko̱ ti̱n xi kjòxkoa̱ya jñà xi tsininguiâne; nguì tejò ni̱si̱yá komà. 44 Jñà xi̱ta̱ xi tsakjèn, ‘òn jmiì maâne xi xi̱ta̱ x’i̱n. 45 Nga komà i̱skan, Jesús kisìkas’en xi̱ta̱ xi kota’yàt’aàâla̱ ya̱ i̱ya chitso méâne nga ìsa̱ ítjòn ki̱jchòâne ján na̱xa̱ndá Betsaida ya̱ xijngoaà ndáchikon; koa̱ jè Jesús k’e̱é tísíhixat’aà xi̱ta̱ xi kjìn maâne nga jye nchifìâne. 46 K’e̱ nga jye kisìhixat’aà xi̱ta̱, Jesús kiìmijìnâjno jngoò nindoò nga kiì kiìchja̱t’aàâla̱ Nainá. 47 K’e̱ nga jye kòjñò, jè chitso, jyeé ya̱ síjna jngoò osen ndáchikon. Jesús, nga ta̱jngoò tsibíjnat’aà nangui, 48 kijtseè chitso nga mìkiì ma fì. Nga jè tjo̱ bíchjoà ikonâla̱. K’e̱ nga ta̱jñòya ìsa̱, Jesús kiìtji̱nguiâla̱ xi̱ta̱ xi kota’yàt’aàâla̱ nga kiìâne ndso̱ko̱ ya̱ i̱sòn nandá. Ta̱nga k’oa̱á kis’iìn koni tsà mejènâla̱ nga kjoi̱ ítjònâla̱ chitso. 49 Jñà xi̱ta̱ xi kota’yàt’aàâla̱, k’e̱ nga kijtseè nga tífìsòn nandá, k’oa̱á s’ín kisìkítsjeèn, kitsò, tsà ini̱ma̱ ch’oâné; kiskindàya xkón 50 nga kitsakjònâla̱ k’e̱ nga kijtseè kóho̱tjín. Ta̱nga Jesús ni̱to̱ón kiìchja̱âla̱, kitsòâla̱: â’Ãó t’èâlà takòn, kì tsakjoònâjèn, ‘a̱nâná. 51 K’e̱ nga jahas’en chitso Jesús, ni̱to̱ón kisijyòâne tjo̱. Tà k’oa̱á komàâla̱ jñà xi̱ta̱ xi kota’yàt’aàâla̱, 52 nga kj’eè kì ndaà fahas’enâjiìnâla̱ jè kjo̱xkón xi kis’iìn Jesús ts’e̱ i̱nchra̱jín, koiâné nga tájaàjiìn tjín ini̱ma̱âla̱. 53 K’e̱ nga jye tsatojiìn ndáchikon, ijchò ján nangui Genesaret; ya̱á tsibít’aà’ñó chitsoâla̱ ya̱ i̱ndiì ndáchikon. 54 K’e̱ nga tsitajen yije chitso, jñà xi̱ta̱ xi ya̱ títsa̱jna, ni̱to̱ón kijtseèxkon nga jè Jesús. 55 Ti̱koa̱á ni̱to̱ón kiì kóho̱kji nga jngoò itjandiì i̱’nde jè. I̱kjoàn tsibíts’ia̱ xi̱ta̱ nga j’iìko̱âla̱ ngats’iì xi̱ta̱ xi xk’én; kjisònâla̱ na̱chanâyá ya̱ i̱’nde ñánda nga ’nchré xi̱ta̱ nga bijchó Jesús. 56 Ni̱ta̱ ñánda na̱xa̱ndá nga jahas’en Jesús, tsà na̱xa̱ndá jtobáâné, na̱xa̱ndá iìâné, i̱nchi̱yaâné, ko̱ tsà rancho̱âné, jñà xi̱ta̱ ya̱á sikáyijò jñà xi̱ta̱ xi xk’én ya̱ jngohosen ndi̱yá; i̱kjoàn bítsi’baâla̱ na̱s’ín tà jè i̱tjòn nikjeâla̱ tsobà’ñó nga kàtandaàâne. Ngats’iì xi̱ta̱ xi kitsobà’ñó nikjeâla̱ kjòndaà yijeéâne.